ಕ್ಷಮಿಸು, ನಾನಿನ್ನೂ ನಿನ್ನನ್ನೇ ಪ್ರೀತಿಸುತ್ತಿರುವೆ…


Team Udayavani, May 9, 2017, 3:45 AM IST

08-JOSH-7.jpg

ಪ್ರೀತಿಯನ್ನು ಮರುಳು ಮಾಡಿ ಪಡೆಯಲಾಗದು. ಅದು ತಾನಾಗಿಯೇ ಹುಟ್ಟಬೇಕಷ್ಟೆ. ಒಂದಂತೂ ನಿಶ್ಚಿತವಾಗಿ ತಿಳಿಯಿತು- ನೀನು ನನ್ನನ್ನು ಎಂದಿಗೂ ಪ್ರೀತಿಸುವುದಿಲ್ಲ. ಆ ಬಗ್ಗೆ ಅತೀವ ದುಃಖವಿದೆ. ಆದರೂ ನಿನಗೆ ಧನ್ಯವಾದ ಹೇಳುವೆ. 

ಸುಮಾರು ದಿನಗಳು ಕಳೆದವು… ಇಂದಿಗೂ ನೀನು ಹೇಳಿದ್ದು, ಅಲ್ಲ ಅಲ್ಲ ಹೇಳಿಸಿದ ಮಾತು ನೆನೆದು ನನ್ನ ಮನಸ್ಸು ಅಳುತ್ತಲೇ ಇದೆ. ಆರೇಳು ತಿಂಗಳಿಂದ ಕೋಟೆಯಂತೆ ಸುಭದ್ರವಾಗಿ, ಸುವ್ಯವಸ್ಥಿತವಾಗಿ ಕಟ್ಟಿಕೊಂಡಿದ್ದ ಪ್ರೀತಿಯ ಕೋಟೆಯನ್ನು “ಇಷ್ಟವಿಲ್ಲ’ ಎಂಬ ಮಾತಿನ ಅಣುಬಾಂಬ್‌ ಹಾಕಿ ನಾಮಾವಶೇಷ ಮಾಡಿಬಿಟ್ಟೆ. ಅಷ್ಟು ತಿಂಗಳಿಂದ ನಿನ್ನ ಆಗಮನಕ್ಕಾಗಿ ಅನುಕ್ಷಣವೂ ಆಸೆಗಣ್ಣಿನಿಂದ ಕಾಯುತ್ತಿದ್ದ ಅಲ್ಲಿನ ಪ್ರತೀ ಕಲ್ಲುಗಳು ಅದೆಷ್ಟು ನೊಂದು ಸಿಡಿದವೋ? ಅದೆಷ್ಟು ಬಾರಿ “ಹೀಗೆ’ ಮಾಡಬೇಡ ಎಂದು ಕೂಗಿದವೋ? ಪುಡಿಯಾಗುವ ಕೊನೆ ಕ್ಷಣದವರೆಗೂ ಅದೆಂತಹ ಸಂಕಟ ಅನುಭವಿಸಿದವೋ? ಆದರೆ ನಿನಗೆ ಕಲ್ಲಿನ ರಾಶಿಯೊಂದನ್ನಷ್ಟೇ ಪುಡಿಮಾಡಿದ ಸಂತೃಪ್ತಿ.

ಅದೇಕಷ್ಟು ಇಷ್ಟವಾದೆಯೋ ನನಗೆ ಗೊತ್ತಿಲ್ಲ. ಹುಡುಗಿಯರನ್ನು ಅಷ್ಟು ಸುಲಭವಾಗಿ ಇಷ್ಟಪಡುವ ವ್ಯಕ್ತಿಯೂ ನಾನಲ್ಲ. ಆದರೆ ನಿನ್ನನ್ನು ಆ ಘಳಿಗೆಯಲ್ಲಿ ನೋಡಿದಾಕ್ಷಣ ಮನಸ್ಸು ಮೆಚ್ಚಿತು. ನೀನೂ ತ್ರಿಪುರ ಸುಂದರಿಯೋ ಅಥವಾ, ಕುಬೇರನ ಮೊಮ್ಮಗಳ್ಳೋ ಆಗಿದ್ದರೆ ನಾನು ಕಣ್ಣೆತ್ತಿಯೂ ಸಹ ನೋಡುತ್ತಿರಲಿಲ್ಲ. ನೀನು ನನ್ನಂತೆ ಹಣ, ಅಂದದಲ್ಲಿ ಸಾಧಾರಣಳೇ. ಜೊತೆಗೆ ಒಂದಷ್ಟು ತಿಳಿದ, ಮಾತನಾಡುವ ಹುಡುಗಿ ಬೇರೆ. ನಡೆ, ನುಡಿ, ಉಡುಪಿನಲ್ಲಿ ಎಂಥವರೂ ಮೆಚ್ಚುವಂತಿರುವ ನೀನು ನನ್ನ ಜೀವನದ ಜೊತೆಯಾದರೆ ಚೆನ್ನಾಗಿರುತ್ತದೆ ಎನ್ನಿಸಿತ್ತು. ಈ ಕಾರಣಗಳೇ ಪ್ರೀತಿ ಕೋಟೆಯ ನಿರ್ಮಾಣಕ್ಕೆ ಶಂಕುಸ್ಥಾಪನೆ ಮಾಡಿದವು. ದಿನೇದಿನೆ ನಿನ್ನನ್ನು ನೋಡುತ್ತಾ, ಅಪರೂಪವೆನಿಸುವಷ್ಟು ಮಾತನಾಡುತ್ತಾ, ನಗುತ್ತಾ ಇರುವಾಗ ಪ್ರೀತಿಯ ಕೋಟೆ ಹಂತಹಂತವಾಗಿ ನಿರ್ಮಾಣಗೊಳ್ಳುತ್ತಾ ಹೋಯಿತು. ಕೊನೆಗೆ ಯಾರೂ ಭೇದಿಸಲಾರದಷ್ಟು ಬಲಿಷ್ಠವೂ ಅಯಿತು.

ಆದರೆ ಅದೇಕೋ ಆರಂಭದಿಂದಲೂ ನಿನ್ನ ಜೊತೆ ಸಲುಗೆಯಿಂದ ಇರಲು ಆಗಲೇ ಇಲ್ಲ. ಹತ್ತಿರ ಬಂದಾಗ, ನೀನಾಗಿಯೇ ಮಾತನಾಡಿಸಿದಾಗಲೂ ನಾನು ಒಳಗೊಳಗೇ ಆತಂಕಗೊಳ್ಳುತ್ತಿದ್ದೆ. ಮಾತನಾಡಿಸಬೇಕೆಂಬ ಬಯಕೆಯಿದ್ದರೂ ಪ್ರೀತಿ, ಮೌನವನ್ನು ಮುಂದೆ ತಂದು, ಮಾತನ್ನು ಹಿಂದೆಳೆಯುತ್ತಿತ್ತು. ಒಬ್ಬನೇ ಇರುವಾಗ, ರಾತ್ರಿ ಮಲಗುವಾಗ ನಿನ್ನದೇ ನೆನಪು. ನಿನಗೆ ನನ್ನ ಪ್ರೀತಿಯನ್ನು ಬೇಗನೆ ತಿಳಿಸಿಬಿಡಬೇಕೆಂಬ ಮಹದಾಸೆ. ಈ ಮನೋವೇದನೆಯನ್ನು ಆರೇಳು ತಿಂಗಳುಗಳ ಕಾಲ ಅನುಭವಿಸಿದರೂ ಒಂದು ರೀತಿಯಲ್ಲಿ ಸಮಾಧಾನವಿತ್ತು. ಕಾರಣ ಒಂದು ವೇಳೆ ನೀನು ಇಷ್ಟವಿಲ್ಲವೆಂದರೆ ನನಗೆ ಜೀವವೇ ಹೋದಷ್ಟು ಆಘಾತವಾಗುತ್ತಿತ್ತು. ಅದಕ್ಕಿಂತ ಮನದ ಕೋಟೆಯಲ್ಲಿಯೇ ನನ್ನ ಪ್ರೀತಿಯನ್ನು ಭದ್ರವಾಗಿಡುವ ಹಾಗೂ ನಿನ್ನ ನೆನಪುಗಳನ್ನು ಮೆಲುಕು ಹಾಕುವ ಕಾರ್ಯ ಸುಲಭವೂ, ಬಾಧಕವಲ್ಲದ್ದೂ ಆಗಿತ್ತು.

ಅಂದು, ಕಳೆದ ತಿಂಗಳ ಒಂದು ಭಾನುವಾರ. ಮನಸೇಕೋ ಸೂತ್ರವಿಲ್ಲದ ಗಾಳಿಪಟವಾಗಿತ್ತು. ನೀನೂ ನನ್ನನ್ನು ಇಷ್ಟಪಡುತ್ತಿರುವೆ ಎಂಬ ನಂಬಿಕೆಯ ಅಮಲು, ಸೂಕ್ತ ಕಾರಣಗಳಿಲ್ಲದೆಯೂ ಅತಿಯಾಗಿ ನೆತ್ತಿಗೇರಿತ್ತು. ಮನದ ಹುಚ್ಚಾಟವನ್ನು ತಡೆಯಲಾಗದೆ ಪ್ರೇಮಸಂದೇಶವನ್ನು ಮೊಬೈಲ್‌ ಮೂಲಕ ನಿನಗೆ ತಲುಪಿಸಿದ್ದಾಯಿತು. ಮುಂದಿನದೆಲ್ಲಾ ನಿನಗೇ ಗೊತ್ತು. ಇದಾದ ಎರಡು ದಿನಗಳಲ್ಲಿಯೇ ನಿನಗೆ ಇಷ್ಟವಿಲ್ಲ ಎಂದು ಸ್ನೇಹಿತೆಯು ತಿಳಿಸಿದಳು. ಆದರೆ ನಾನು ಮೊದಲು ಅಂದುಕೊಂಡಂತೆ ಜೀವ ಹೋದಂಥ ಆಘಾತವೇನೂ ಆಗಲಿಲ್ಲ. ಅಂದ ಮಾತ್ರಕ್ಕೆ ನಿನ್ನ ಮೇಲಿದ್ದದ್ದು ಪ್ರೀತಿಯಲ್ಲ ಎಂದೂ ಅರ್ಥವಲ್ಲ. ಅದರ ಹಿಂದಿನ ದಿನ ನಿನಗೆ ಸಂದೇಶ ಕಳುಹಿಸಿ “ಇಷ್ಟವಿಲ್ಲ’ ಎಂದಾದರೂ ಹೇಳು ಎಂದಾಗ ನೀನು ಒಂದು ಸಂದೇಶವನ್ನೂ ಕಳುಹಿಸಲಿಲ್ಲ. ಆಗಲೇ ಮನಸ್ಸು ನಿನ್ನ ನಿರಾಕರಣೆಯನ್ನು ಊಹಿಸಿತ್ತು. ಪ್ರೀತಿಯ ಕೋಟೆ ನಾಶವಾಗಿ ರುದ್ರಭೂಮಿದಂತಾದ ಮನಸಿನಲ್ಲಿ ನಿನ್ನ ಅಭಿಪ್ರಾಯವನ್ನೂ ಒಪ್ಪಬೇಕೆನ್ನುವ ತಂಗಾಳಿಯಷ್ಟೇ ನನ್ನನ್ನು ತಣ್ಣಗಿರಿಸಿದೆ.

ಇವಿಷ್ಟನ್ನೂ ಹೇಳಿ ನಿನ್ನ ಮನಸ್ಸನ್ನು ಹೇಗಾದರೂ ಸೆಳೆಯಬೇಕೆಂಬ ಅಲ್ಪ ಬುದ್ಧಿ ನನಗಿಲ್ಲ. ನನಗೆ ಗೊತ್ತು; ಪ್ರೀತಿಯನ್ನು ಮರುಳು ಮಾಡಿ ಪಡೆಯಲಾಗದು. ಅದು ತಾನಾಗಿಯೇ ಹುಟ್ಟಬೇಕಷ್ಟೆ. ಒಂದಂತೂ ನಿಶ್ಚಿತವಾಗಿ ತಿಳಿಯಿತು- ನೀನು ನನ್ನನ್ನು ಎಂದಿಗೂ ಪ್ರೀತಿಸುವುದಿಲ್ಲ. ಆ ಬಗ್ಗೆ ಅತೀವ ದುಃಖವಿದೆ. ಆದರೂ ನಿನಗೆ ಧನ್ಯವಾದ ಹೇಳುವೆ. ಒಂದಷ್ಟು ದಿನಗಳ ಕಾಲ ಕಲ್ಪನೆಯಲ್ಲಾದರೂ ನನಗೆ ಪ್ರೇಮಸುಖ ನೀಡಿದೆ. ಜೊತೆಗೆ ನನ್ನನ್ನು ಕ್ಷಮಿಸು… ನಾನಿನ್ನೂ ನಿನ್ನನ್ನೇ ಪ್ರೀತಿಸುತ್ತಿರುವೆ.

ಇಂತಿ,
ನಿನಗೆ ಇಷ್ಟವಿಲ್ಲದವ
 ಗೋವರ್ಧನ್‌

ಟಾಪ್ ನ್ಯೂಸ್

India Maharajas lost match against World Giants in legends league

ಬ್ರೆಟ್ ಲಿ ಯಾರ್ಕರ್ ಗೆ ಮಣಿದ ಮಹಾರಾಜರು ಕೂಟದಿಂದ ಔಟ್; ನಮನ್-ಪಠಾಣ್ ಹೋರಾಟ ವ್ಯರ್ಥ; ವಿಡಿಯೋ

6 ತಿಂಗಳು ಬಂದ್‌: ಪರ್ಯಾಯ, ಪರಿಹಾರ ಸಾಧ್ಯತೆಗಳು

6 ತಿಂಗಳು ಬಂದ್‌: ಪರ್ಯಾಯ, ಪರಿಹಾರ ಸಾಧ್ಯತೆಗಳು

ಬೆಂಗಳೂರು, ಮಂಗಳೂರಿಗೆ ಮಾಲಿನ್ಯದ ಮಸಿ

ಬೆಂಗಳೂರು, ಮಂಗಳೂರಿಗೆ ಮಾಲಿನ್ಯದ ಮಸಿ

ಕ್ಷೀರಪಥದಲ್ಲಿ ಕಂಡಿತು ವಿಚಿತ್ರ ಶಕ್ತಿ ಪುಂಜ!

ಕ್ಷೀರಪಥದಲ್ಲಿ ಕಂಡಿತು ವಿಚಿತ್ರ ಶಕ್ತಿ ಪುಂಜ!

astrology today

ಶುಕ್ರವಾರದ ರಾಶಿ ಫಲ, ಇಲ್ಲಿವೆ ನಿಮ್ಮ ರಾಶಿ ಫಲ

ಭಾರತ-ಮಧ್ಯ ಏಷ್ಯಾ ಬಾಂಧ‌ವ್ಯ ಅತಿ ಮುಖ್ಯ: ಏಷ್ಯಾ ಶೃಂಗಸಭೆಯಲ್ಲಿ ಮೋದಿ

ಭಾರತ-ಮಧ್ಯ ಏಷ್ಯಾ ಬಾಂಧ‌ವ್ಯ ಅತಿ ಮುಖ್ಯ: ಏಷ್ಯಾ ಶೃಂಗಸಭೆಯಲ್ಲಿ ಮೋದಿ

ಪ್ರಯಾಣಿಕರು ಇನ್ನು ಅತಿಥಿಗಳು: ಏರ್‌ ಇಂಡಿಯಾ ಟಾಟಾ ಸನ್ಸ್‌ಗೆ ಹಸ್ತಾಂತರ ಪೂರ್ಣ

ಪ್ರಯಾಣಿಕರು ಇನ್ನು ಅತಿಥಿಗಳು: ಏರ್‌ ಇಂಡಿಯಾ ಟಾಟಾ ಸನ್ಸ್‌ಗೆ ಹಸ್ತಾಂತರ ಪೂರ್ಣ



ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ತತ್ವಜ್ಞಾನಿ ಶಾಲಾ ಮಾಸ್ತರ

ತತ್ವಜ್ಞಾನಿ ಶಾಲಾ ಮಾಸ್ತರ

ಬದುಕು ಬದಲಿಸಿದ ತಂದೂರಿ ಚಹಾ!

ಬದುಕು ಬದಲಿಸಿದ ತಂದೂರಿ ಚಹಾ!

ಮೂರ್ಖರ ದಿನ ಹುಟ್ಟಿದ್ದು ಹೀಗೆ…

ಮೂರ್ಖರ ದಿನ ಹುಟ್ಟಿದ್ದು ಹೀಗೆ…

Untitled-1

ಬಾಂಬರ್‌ ಬಾವಲಿ!

ಅಜ್ಜನನ್ನು ನೋಡಿಯೇ ಮಾತಾಡಲು ಕಲಿತೆವು!

ಅಜ್ಜನನ್ನು ನೋಡಿಯೇ ಮಾತಾಡಲು ಕಲಿತೆವು!

MUST WATCH

udayavani youtube

ತುಳುನಾಡಿನ ರಾಜಧಾನಿ ಬಾರ್ಕೂರನ್ನು ಆಳಿದ ರಾಜರ ಹೆಸರೇನು ಗೊತ್ತೇ ?

udayavani youtube

ಉತ್ತರಪ್ರದೇಶ ಚುನಾವಣೆ ಭಾರತದ ಭವಿಷ್ಯವನ್ನು ನಿರ್ಧರಿಸಲಿದೆ

udayavani youtube

ಮನೆಯಿಂದ ಹೊರ ಬಂದ್ರೆ ತಲೆಗೇ ಕುಕ್ಕುತ್ತೆ ಈ ಕಾಗೆ.!

udayavani youtube

ದೇಶದ ಧ್ವಜದ ಜೊತೆ ಘೋಷಣೆ ಕೂಗಿದ್ದಕ್ಕೆ ಬಂಧನ!

udayavani youtube

ಮೈಕೊರೆಯುವ ಚಳಿಯನ್ನೂ ಲೆಕ್ಕಿಸದೇ ವಾರದಿಂದ ಭಕ್ತರು ಯಲ್ಲಮ್ಮನ ಕ್ಷೇತ್ರಕ್ಕೆ ಬರುತ್ತಿದ್ದಾರೆ

ಹೊಸ ಸೇರ್ಪಡೆ

India Maharajas lost match against World Giants in legends league

ಬ್ರೆಟ್ ಲಿ ಯಾರ್ಕರ್ ಗೆ ಮಣಿದ ಮಹಾರಾಜರು ಕೂಟದಿಂದ ಔಟ್; ನಮನ್-ಪಠಾಣ್ ಹೋರಾಟ ವ್ಯರ್ಥ; ವಿಡಿಯೋ

6 ತಿಂಗಳು ಬಂದ್‌: ಪರ್ಯಾಯ, ಪರಿಹಾರ ಸಾಧ್ಯತೆಗಳು

6 ತಿಂಗಳು ಬಂದ್‌: ಪರ್ಯಾಯ, ಪರಿಹಾರ ಸಾಧ್ಯತೆಗಳು

ಬೆಂಗಳೂರು, ಮಂಗಳೂರಿಗೆ ಮಾಲಿನ್ಯದ ಮಸಿ

ಬೆಂಗಳೂರು, ಮಂಗಳೂರಿಗೆ ಮಾಲಿನ್ಯದ ಮಸಿ

ಕ್ಷೀರಪಥದಲ್ಲಿ ಕಂಡಿತು ವಿಚಿತ್ರ ಶಕ್ತಿ ಪುಂಜ!

ಕ್ಷೀರಪಥದಲ್ಲಿ ಕಂಡಿತು ವಿಚಿತ್ರ ಶಕ್ತಿ ಪುಂಜ!

astrology today

ಶುಕ್ರವಾರದ ರಾಶಿ ಫಲ, ಇಲ್ಲಿವೆ ನಿಮ್ಮ ರಾಶಿ ಫಲ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.