ಆಪತ್ತಿಗೆ ಆದ ಈ ನೆಂಟ

Team Udayavani, Nov 5, 2019, 3:34 AM IST

ಅಂದು ಭಾನುವಾರ. ವೈಯಕ್ತಿಕ ಕೆಲಸದ ನಿಮಿತ್ತ ಸೂಳೇಭಾವಿಯಿಂದ ಅಮೀನಗಡಕ್ಕೆ ಹೋಗಿದ್ದೆ.

ಆ ದಿನಗಳಲ್ಲಿ ನಾನು ವಿದ್ಯಾರ್ಥಿ. ಹೀಗಾಗಿ, ಹೆಚ್ಚೆಂದರೆ ನನ್ನ ಬಳಿ ಹತ್ತು ರೂಪಾಯಿ ಇರುತ್ತಿತ್ತು. ಅದೂ ವಾರಕ್ಕೊಮ್ಮೆ ತಂದೆಯವರು ಪಾಕೆಟ್‌ ಮನಿ ರೂಪದಲ್ಲಿ ಹಣ ಕೊಟ್ಟರೆ ಮಾತ್ರ. ಇಲ್ಲವಾದರೆ ಇಲ್ಲ. ಇಂಥ ಪರಿಸ್ಥಿತಿಯಲ್ಲಿ ಅಮೀನಗಡದ ಊರ ಒಳಗೆ ನಡೆದು ಹೋಗುತ್ತಿದ್ದೆ. ವಿಪರೀತ ಬಿರು ಬಿಸಿಲು ಬೇರೆ. ನಾನೊಬ್ಬನೇ ಹೋಗಿದ್ದೆ.

ಎರಡು ಮೂರು ದಿನದ ಹಿಂದೆ ಸಣ್ಣಗೆ ಜ್ವರ ಬೇರೆ ಕಾಡಿತ್ತು. ಮಾತ್ರೆ ತೆಗೆದುಕೊಂಡಿದ್ದರಿಂದ, ಸ್ವಲ್ಪ ವಾಸಿಯಾದಂತೆ ಆಗಿತ್ತಾದರೂ ಸುಸ್ತು ಇದ್ದೇ ಇತ್ತು. ಆ ಊರಲ್ಲಿ ಕಿರಿದಾದ ರಸ್ತೆ ನಡುವೆ ಹೋಗುವಾಗ ದಿಢೀರನೆ ತಲೆ ಸುತ್ತು ಬಂದಂತೆ ಆಯಿತು. ಕಣ್ಣು ಮಂಜು, ಮಂಜು. ಸ್ವಲ್ಪ ಮಂಪರು ಆದಂತಾಗಿ, ನೋಡುನೋಡುತ್ತಿದ್ದಂತೆಯೇ ಪ್ರಜ್ಞಾಹೀನನಾಗಿ ನೆಲಕ್ಕೆ ಉರುಳಿದೆ. ಕಣ್ಣು ಬಿಟ್ಟು ನೋಡ್ತೀನಿ: ಅಲ್ಲಿಯೇ ಹತ್ತಿರವಿದ್ದ ಹುನಗುಂದ ಆಸ್ಪತ್ರೆ ಯ ಬೆಡ್‌ ಮೇಲೆ ಮಲಗಿದ್ದೆ. ಸಲೈನ್‌ ಹಚ್ಚಿ ದ್ದರು. ಎಚ್ಚೆತ್ತುಕೊಂಡು, ನರ್ಸ್‌ಗೆ , “ನನಗೆ ಏನಾಯಿತು’ ಎಂದು ಕೇಳಿದಾಗ, “ನಿಶಕ್ತಿಯಾಗಿ, ದೇಹದಲ್ಲಿ ರಕ್ತ ಕಡಿಮೆಯಾಗಿ ಪ್ರಜ್ಞೆ ಕಳೆದುಕೊಂಡಿದ್ದಿರಿ. ಯಾರೋ ಪರಿಚಿತ ವ್ಯಕ್ತಿ ಇಲ್ಲಿ ತಂದು ಸೇರಿಸಿದರು. ಚಿಕಿತ್ಸೆಯ ದುಡ್ಡು ಅವರೇ ಭರಿಸಿದ್ದಾರೆ ಅಂದರು. ಮತ್ತೆ ಎಲ್ಲಿ ಆ ಪುಣ್ಯಾತ್ಮ ಅಂದಾಗ- “ತುರ್ತು ಕಾರ್ಯವಿದೆ ಎಂದು ಹೋದರು’ ಅಂದರು ನರ್ಸ್‌. ಆಗ ನನ್ನಲ್ಲಿ ಕಣ್ಣೀರ ಧಾರೆ. ಆ ಪುಣ್ಯಾತ್ಮ ಹಾಗೂ ವೈದ್ಯರಿಗೆ ಇಬ್ಬರಿಗೂ ಮನದಲ್ಲೇ ನಮಿಸಿ ಮನೆ ಸೇರಿದೆ. ಈ ಘಟನೆಯನ್ನು ಮನೆಯವರಿಗೆ ತಿಳಿಸಲಿಲ್ಲ. ಅಮೀನಗಡ ಹೋದಾಗ ಅಥವಾ ಆ ಊರು ನೆನಪಾದಾಗಲೋ ಈ ಘಟನೆ ಈಗಲೂ ಫ‌ಕ್ಕನೆ ಕಣ್ಣ ಮುಂದೆ ಬಂದು, ಕಣ್ಣಂಚು ತೇವವಾಗುತ್ತದೆ. ಆವತ್ತು ಸಹಾಯ ಮಾಡಿದ ವ್ಯಕ್ತಿ ಯಾರೆಂದು ತಿಳಿದಿಲ್ಲ. ಆಪತ್ತಿಗೆ ಆದವನೇ ನಿಜವಾದ ನೆಂಟ ಅಂತಾರೆ. ಆತ ಎಲ್ಲೇ ಇರಲಿ, ಹೇಗೇ ಇರಲಿ, ಸದಾ ಸುಖೀಯಾಗಿರಲಿ ಅನ್ನೋದೇ ನನ್ನ ಪ್ರಾರ್ಥನೆ.

ರಂಗನಾಥ ಎನ್‌ ವಾಲ್ಮೀಕಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಶ್ರೀಮಂತಿಕೆ ಪ್ರದರ್ಶನದ ಸೋಗಿನಲ್ಲಿ ಅಗತ್ಯವಿಲ್ಲದಿದ್ದರೂ ಸಭೆ, ಸಮಾರಂಭಗಳಲ್ಲಿ ಯಥೇಚ್ಛವಾಗಿ ಅಡುಗೆ ಮಾಡಿಸಿ ಉಳಿದ ಆಹಾರವನ್ನು ಬೀದಿಗೆ ಚೆಲ್ಲುವ ಸಂದರ್ಭದಲ್ಲೇ...

  • ಇತ್ತೀಚೆಗೆ, ಯುವಕರಲ್ಲಿ ಮಿಲಿಟರಿಗೆ ಸೇರುವ ಹುಮ್ಮಸ್ಸು ಹೆಚ್ಚಾಗುತ್ತಿದೆ. ಮಿಲಿಟರಿಯ ವಿಸ್ತರಣಾ ರೂಪವಾಗಿ ಕಾಣುವ ಪೊಲೀಸ್‌ ಇಲಾಖೆಯಲ್ಲೂ ಅನೇಕ ಹುದ್ದೆಗಳಿವೆ....

  • ಮಕ್ಕಳು ಪಿಯುಸಿ ದಾಟಿದ ನಂತರವೂ, ಅವರನ್ನು ಸಣ್ಣವರೆಂದೇ ಭಾವಿಸಿ ಅವರ ಎಲ್ಲ ಕೆಲಸವನ್ನೂ ತಾವೇ ಮಾಡಲು ಕೆಲವು ಪೋಷಕರು ಮುಂದಾಗುತ್ತಾರೆ. ಇದರಿಂದ ಮಕ್ಕಳು ಇನ್ನೊಬ್ಬರ...

  • ಹಳ್ಳಿ ಹುಡುಗರೂ ಬುದ್ಧಿ ವಂತಿಕೆ ಪೇಟೆ ಮಕ್ಕಳಿಗೇ ಸವಾಲು ಹಾಕುವಂತಿದೆ. ಇವರು ಹೈಳಿ ಹೈಕ್ಳು ಅನ್ನೋ ಹಾಗಿಲ್ಲ. ಏಕೆಂದರೆ, ಈಸಲದ ಪಿಯುಸಿಯಲ್ಲಿ ಇವರೇ ಮುಂದು. ದಿನೇ...

  • ನನ್ನೆಲ್ಲಾ ಶಕ್ತಿಗಳನ್ನು ಒಂದುಗೂಡಿಸಿಕೊಂಡೆ. ನನ್ನ ಪ್ರೀತಿಯ ಪಾಲಿಗೆ ಇಂದು ಈ ಕ್ಷಣವೇ ಅಚ್ಚೆ ದಿನ್‌ ಆಗಬಹುದೆಂದು ಎಣಿಸಿದೆ. ಜೊತೆಯಲ್ಲಿ ಏಳು ಹೆಜ್ಜೆ, ಒಂದು...

ಹೊಸ ಸೇರ್ಪಡೆ