ತ್ರಿವಳಿ ಪ್ರೇಮದಲ್ಲಿದೆ ಮಹಾಕಾವ್ಯದ ಬೀಜ

Team Udayavani, Aug 13, 2019, 5:00 AM IST

ರಾಮಾಯಣದಲ್ಲೊಂದು ಸೂಕ್ಷ್ಮ ಗಮನಿಸಿದ್ದೀರಾ? ಅಲ್ಲಿ ನೂರಾರು ರೂಪಗಳಲ್ಲಿ ಪ್ರೇಮ ತೆರೆದುಕೊಳ್ಳುತ್ತದೆ. ಸೌಂದರ್ಯಕ್ಕೆ, ಶೌರ್ಯಕ್ಕೆ, ವ್ಯಾಮೋಹಕ್ಕೆ, ಆಸರೆಗೆ, ಅನುಕಂಪಕ್ಕೆ, ಅನಿವಾರ್ಯತೆಗೆ, ಭಕ್ತಿಗೆ, ಸ್ನೇಹಕ್ಕೆ…ಹೀಗೆ ಭಿನ್ನ ಆಯಾಮಗಳು ಪ್ರೇಮದ ರೂಪ ತಳೆಯುತ್ತವೆ. ಇಲ್ಲಿನ ಪ್ರೇಮದ ಪ್ರತಿಯೊಂದು ಆಯಾಮವೂ; ಪರಸ್ಪರ ಬೆಸುಗೆ ಹಾಕಿಕೊಂಡು, ಮಹಾಮಹಾ ಚರಿತ್ರೆಯನ್ನು ಸೃಷ್ಟಿಸುತ್ತವೆ. ಹೀಗೊಂದು ತ್ರಿವಳಿ ಪ್ರೇಮದಲ್ಲೇ ರಾಮಾಯಣದ ಬೀಜವಿದೆ. ದಶರಥನಿಗೆ ಕೈಕೇಯಿಯ ಮೇಲೆ, ಕೈಕೇಯಿಗೆ ತನ್ನನ್ನು ತಾಯಿಯಂತೆ ಬೆಳೆಸಿದ ಸೇವಕಿ ಮಂಥರೆಯ ಮೇಲೆ, ಮಂಥರೆಗೆ ಪುತ್ರಿಯಂತಿದ್ದ ಕೈಕೇಯಿಯ ಮೇಲೆ ಪ್ರೀತಿ.

ದಶರಥನ ನಿಜ ಹೆಸರು ನೇಮಿ. ಆತನಿಗೆ ರಥವನ್ನು ಹತ್ತೂ ದಿಕ್ಕಿನಲ್ಲಿ ನಡೆಸಬಲ್ಲ ಅಸಾಮಾನ್ಯ ಕೌಶಲ್ಯವಿರುತ್ತದೆ. ಅದಕ್ಕೆ ಆತ ದಶರಥ. ಕೌಸಲ್ಯೆಯಲ್ಲಿ ಮಕ್ಕಳಾಗಲಿಲ್ಲವೆಂದು ಈತ ಕೇಕೆಯ ರಾಜ ಅಶ್ವಪತಿಯ ಪುತ್ರಿ, ಸುಂದರಿ ಕೈಕೇಯಿಯನ್ನು ವಿವಾಹವಾಗುತ್ತಾನೆ. ಈ ವಿವಾಹವೇ ಮುಂದಿನ ಎಲ್ಲ ಘಟನೆಗಳಿಗೆ ಕಾರಣವೆಂದರೆ ಯಾರೂ ಅನ್ಯಥಾ ಭಾವಿಸಬಾರದು. ಕೈಕೇಯಿ ಚಿಕ್ಕ ವಯಸ್ಸಿನಲ್ಲಿ ತಾಯಿಯ ಆಶ್ರಯದಿಂದ ವಂಚಿತಳಾಗಿ, ಸೇವಕಿ ಮಂಥರೆಯ ಆರೈಕೆಯಲ್ಲಿ ಬೆಳೆಯುತ್ತಾಳೆ. ಆದ್ದರಿಂದ ಮಂಥರೆಯೆಂದರೆ ಅವಳಿಗೆ ಅಷ್ಟು ಮಮತೆ. ಹಾಗೆಯೇ ಮಂಥರೆಗೂ. ಕೈಕೇಯಿ ಎಲ್ಲೆಲ್ಲಿ ಹೋಗುತ್ತಾಳ್ಳೋ, ಅಲ್ಲೆಲ್ಲ ಈಕೆ ಹಿಂಬಾಲಿಸಿಕೊಂಡು ಬರುತ್ತಾಳೆ. ಇವರಿಬ್ಬರ ನಡುವಿನ ಪ್ರೀತಿಗೆ ನೀವು ಯಾವುದೇ ಹಣೆಪಟ್ಟಿ ಕಟ್ಟಲು ಸಾಧ್ಯವಿಲ್ಲ. ನಮಗೆ ನಿಮಗೆ ಅದು ಸ್ವಾರ್ಥವೆಂದು ಕಾಣಿಸಿದರೂ, ಪರಸ್ಪರರ ಯೋಗಕ್ಷೇಮದ ಬಗ್ಗೆ ಅಷ್ಟು ತೀವ್ರತರವಾದ ಕಾಳಜಿ ಹೊಂದಿದ್ದ ಅವರಿಗೆ ಅದು ಯಾವತ್ತೂ ಸ್ವಾರ್ಥವೆಂಬ ಭಾವ ಹುಟ್ಟಿರಲಿಕ್ಕಿಲ್ಲ.

ಕೈಕೇಯಿಯ ತಂದೆ ಅಶ್ವಪತಿಗೆ ಅಶ್ವಪತಿಗೆ ಪಕ್ಷಿಗಳ ಭಾಷೆ ಅರಿಯುವ ಶಕ್ತಿಯಿರುತ್ತದೆ. ಆದರೆ ಪಕ್ಷಿಗಳು ಏನು ಮಾತನಾಡಿಕೊಳ್ಳುತ್ತವೆನ್ನುವುದನ್ನು ಅವನು ಯಾರಿಗೂ ತಿಳಿಸುವ ಹಾಗಿರುವುದಿಲ್ಲ. ತಿಳಿಸಿದರೆ ಸಾವೇ ಗತಿ. ಹಾಗೊಮ್ಮೆ ಅವನ ಪತ್ನಿ ಇಂದುಮತಿಯೊಂದಿಗೆ ಉದ್ಯಾನವನದಲ್ಲಿ ಹೋಗುವಾಗ ಎರಡು ಹಂಸಪಕ್ಷಿಗಳು ಮಾತನಾಡಿಕೊಳ್ಳುವುದು ಕೇಳುತ್ತದೆ. ಅವುಗಳ ಸಂಭಾಷಣೆ ಕೇಳಿ ಅವನು ಗಹಗಹಿಸಿ ನಗುತ್ತಾನೆ. ಯಾಕೆ ಹಾಗೆ ನಕ್ಕಿದ್ದೆಂದು ಇಂದುಮತಿ ಒತ್ತಾಯಿಸಿ, ಒತ್ತಾಯಿಸಿ ಕೇಳುತ್ತಾಳೆ. ಅದನ್ನು ಹೇಳುವ ಹಾಗಿಲ್ಲ, ಹೇಳಿದರೆ ತನ್ನ ಸಾವಾಗುತ್ತದೆ ಎಂದರೂ ಆಕೆ ಒತ್ತಾಯಿಸುತ್ತಾಳೆ. ಸಿಟ್ಟಿಗೆದ್ದ ರಾಜ ಆಕೆಯನ್ನು ತವರಿಗೆ ಕಳಿಸಿಬಿಡುತ್ತಾನೆ. ಹೀಗೆ ಕೈಕೇಯಿ ತಬ್ಬಲಿಯಾಗುತ್ತಾಳೆ. ಮಂಥರೆಯೇ ಎಲ್ಲವೂ ಆಗಿಬಿಡುತ್ತಾಳೆ. ಇಬ್ಬರ ನಡುವಿನ ಬಂಧುರತೆಗೆ ಇದು ಕಾರಣ.

ಮಂಥರೆಯ ಮಾತನ್ನು ಕೈಕೇಯಿ ಎಷ್ಟು ನಂಬುತ್ತಾಳೆಂದರೆ, ಅದರಲ್ಲಿ ಸರಿ ಯಾವುದು, ತಪ್ಪು ಯಾವುದು ಎನ್ನುವುದನ್ನು ಆಕೆ ವಿಶ್ಲೇಷಿಸುವುದಿಲ್ಲ. ಸ್ವರ್ಗದ ಅಧಿಪತಿ ಇಂದ್ರನ ವೈರಿ ಶಂಬಾಸುರನೊಂದಿಗೆ ದಶರಥ ಯುದ್ಧ ಮಾಡುವಾಗ ತನ್ನನ್ನು ಜೊತೆಗೊಯ್ಯುವಂತೆ ಕೈಕೇಯಿ ಕೇಳಿಕೊಳ್ಳುತ್ತಾಳೆ. ಇದಕ್ಕೂ ಕಾರಣ ಮಂಥರೆ. ಯುದ್ಧದ ವೇಳೆ ದಶರಥನ ರಥ ಚಕ್ರವೊಂದು ಮುರಿಯುತ್ತದೆ. ಶಂಬಾಸುರನ ಬಾಣ, ಕವಚವನ್ನು ಭೇದಿಸಿ ದಶರಥನ ಎದೆಗೆ ಚುಚ್ಚಿಕೊಳ್ಳುತ್ತದೆ. ಇಂತಹ ಇಕ್ಕಟ್ಟಿನಲ್ಲಿ ಕೈಕೇಯಿ ತನ್ನ ಚಾಕಚಕ್ಯತೆ ತೋರುತ್ತಾಳೆ. ಕೂಡಲೇ ಅವಳು ರಥದ ಚಕ್ರವನ್ನು ಸರಿಪಡಿಸಿ, ತಾನೇ ಸಾರಥಿಯಾಗಿ ದಶರಥನಿದ್ದ ರಥವನ್ನು ರಣಾಂಗಣದಿಂದ ದೂರಕ್ಕೆ ಒಯ್ಯುತ್ತಾಳೆ. ದಶರಥನ ಪ್ರಾಣ ಉಳಿಯುತ್ತದೆ. ಈ ಕೃತಜ್ಞತೆಗೆ ನೀನು ಕೇಳಿದ್ದು ಕೊಡುತ್ತೇನೆ, ಕೇಳಿಕೊ ಎನ್ನುತ್ತಾನೆ. ಕೈಕೇಯಿ ತನಗೆ ಈಗ ಬೇಡ, ಬೇಕಾದಾಗ ಕೇಳಿಕೊಳ್ಳುತ್ತೇನೆ ಎಂದು ಸುಮ್ಮನಾಗುತ್ತಾಳೆ. ರಾಮನಿಗೆ ಯುವರಾಜನೆಂದು ಪಟ್ಟಾಭಿಷೇಕ ಮಾಡುವ ಮುನ್ನಾದಿನ ಈ ವರವನ್ನು ನೆನಪು ಮಾಡಿಕೊಡುವವಳು ಮಂಥರೆ. ರಾಮನಿಗಿಂತ ಭರತನೇ ದೊಡ್ಡವನೆಂದು ನೆನಪು ಮಾಡಿಕೊಡುವವಳೂ ಅವಳೇ. ಮುಂದೇನು ನಡೆಯುತ್ತದೆಯೆನ್ನುವುದು ನಿಮಗೇ ಗೊತ್ತು.

-ನಿರೂಪ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಸರ್ಕಾರಿ ಶಾಲೆ ಶಿಕ್ಷಕರು ಅಂದರೆ, ಬರೀ ಮೀಟಿಂಗ್‌, ರಜೆ ಇಷ್ಟರಲ್ಲೇ ಕಾಲ ಕಳೆಯುತ್ತಾರೆ ಅಂತ ಸುಲಭವಾಗಿ ಆರೋಪಿಸಬಹುದು. ಆದರೆ, ಮೂಡಿಗೆರೆ ತಾಲೂಕಿನ ಈ ಶಿಕ್ಷಕರ...

  • 19ನೇ ಶತಮಾನದ ಶ್ರೇಷ್ಠ ತಣ್ತೀಜ್ಞಾನಿಗಳಲ್ಲಿ ಒಬ್ಬನಾಗಿದ್ದ ಎ.ಎನ್‌. ವೈಟ್‌ಹೆಡ್‌ ಗಣಿತಜ್ಞನೂ ಕೇಂಬ್ರಿಡ್ಜ್ ವಿಶ್ವವಿದ್ಯಾಲಯದಲ್ಲಿ ಗಣಿತದ ಪೊ›ಫೆಸರನೂ ಆಗಿದ್ದ....

  • ಬೆಂಗಳೂರಿನ ಪ್ರತಿಷ್ಠಿತ ಖಾಸಗಿ ಶಾಲೆಗೆ ಶಿಕ್ಷಕನಾಗಿ ಸೇರಿದೆ. ಗ್ರಾಮೀಣ ಹಿನ್ನೆಲೆಯಿಂದ ಬಂದ ನನ್ನ ಬೋಧನಾ ಶೈಲಿ, ಇಂಗ್ಲೀಷ್‌ ಭಾಷೆ ಆರಂಭದಲ್ಲಿ ಅಲ್ಲಿಯ ಶ್ರೀಮಂತ...

  • ಗ್ರೂಪ್‌ಸ್ಟಡಿ ಮಾಡಬೇಕಾ ಬೇಡವಾ? ಈ ಮಕ್ಕಳು ಗ್ರೂಪ್‌ ಸ್ಟಡಿ ಅಂತ ಹೇಳ್ಕೊಂಡು ಏನೂ ಓದಲ್ಲ. ಬೇಡದ್ದೇ ಮಾಡ್ತವೆ ಅನ್ನೋ ಆರೋಪವೂ ಇದೆ. ಇಂಥ ಸಂದರ್ಭದಲ್ಲೇ ಗ್ರೂಪ್‌...

  • ಹಳ್ಳಿಗೆ ಹೋಗಿ ಕೆಲ್ಸ ಮಾಡೋದು ವೈದ್ಯ ವೃತ್ತಿಗೆ ಕಡ್ಡಾಯ. ದೇಶದ ಎಕಾನಿಮಿಯ ಹೃದಯ ಗ್ರಾಮೀಣ ಭಾಗ. ಎಲ್ಲರೂ ಹಳ್ಳಿಯ ಕಡೆ ನೋಡುತ್ತಿರುವುದು ಇದೇ ಕಾರಣಕ್ಕೆ. ಹೀಗಾಗಿ,...

ಹೊಸ ಸೇರ್ಪಡೆ

  • ಕೋಲಾರ: ನಗರದಲ್ಲಿ ಜಿಲ್ಲಾಡಳಿತ, ಜಿಪಂ, ತೋಟಗಾರಿಕೆ ಇಲಾಖೆ ಹಾಗೂ ಕೈಷಿ ಇಲಾಖೆ ಹಮ್ಮಿಕೊಂಡಿದ್ದ ಫಲ-ಪುಷ್ಪ ಪ್ರದರ್ಶನ ನೋಡಿಗರ ಕಣ್ಮನ ಸೆಳೆಯುತ್ತಿದೆ. ಗಣರಾಜ್ಯೋತ್ಸವ...

  • ಮಸ್ಕಿ: ಮನುಷ್ಯನಿಗೆ ಆರೋಗ್ಯವೇ ಸಂಪತ್ತು. ಆದ್ದರಿಂದ ಪ್ರತಿಯೊಬ್ಬರು ಆರೋಗ್ಯ ರಕ್ಷಣೆಗೆ ಕಾಳಜಿ ವಹಿಸಬೇಕು ಎಂದು ಮಾಜಿ ಶಾಸಕ ಪ್ರತಾಪಗೌಡ ಪಾಟೀಲ ಹೇಳಿದರು. ಪಟ್ಟಣದ...

  • ಕೊಲ್ಹಾರ: ಇಂದಿನ ದಿನಮಾನಗಳಲ್ಲಿ ಯುವಕರು ತಮ್ಮ ದಿನನಿತ್ಯದ ಕಾಯಕದ ಜೊತೆಗೆ ಭಕ್ತಿಮಾರ್ಗವನ್ನು ರೂಢಿಸಿಕೊಂಡು ಅಧ್ಯಾತ್ಮದ ಒಲವಿನಿಂದ ಧರ್ಮದ ದಾರಿಯಲ್ಲಿ...

  • ಹಳೇಬೀಡು: ಫೆ.1ರಿಂದ 9ರವರಗೆ ನಡೆಯಲಿರುವ ತರಳಬಾಳು ಹುಣ್ಣಿಮೆ ಮಹೋತ್ಸವಕ್ಕೆ ಹಳೇಬೀಡು ಭರದ ಸಿದ್ಧತೆ ನಡೆಯುತ್ತಿದೆ. ಹಳೇಬೀಡು ಸಮೀಪದ ಮಾಯಗೊಂಡನಹಳ್ಳಿ ವಿಶಾಲ...

  • ಬಸವಕಲ್ಯಾಣ: ಸೇಡಂನ ಶ್ರೀ ಕೊತ್ತಲ ಬಸವೇಶ್ವರ ಶಿಕ್ಷಣ ಸಮಿತಿಯ ವಿಕಾಸ ಅಕಾಡೆಮಿ ಮತ್ತು ಇಲ್ಲಿರುವ ಶಾಖೆಯ ಸಂಯುಕ್ತಾಶ್ರಯದಲ್ಲಿ ಫೆ.15ರಂದು ನಗರದ ರಥ ಮೈದಾನದಲ್ಲಿ...