Udayavni Special

ನಾನೇಕೆ ಜಿಮ್‌ಗೆ ಹೋಗೋದಿಲ್ಲ?


Team Udayavani, Sep 18, 2018, 8:16 AM IST

27.jpg

ಜಿಮ್‌ ಯಂತ್ರಗಳ ಮೈದಡವಿ, ಏದುಸಿರು ಬಿಡುತ್ತಾ ಅವುಗಳನ್ನೆತ್ತಿ, ಎಳೆದಾಡಿ, ಮೈತುಂಬಾ ಬೆವರು ಬರಿಸಿಕೊಂಡರೇನೇ ದೇಹ ಫಿಟ್‌ ಆಗೋದು ಎನ್ನುವ ಕಲ್ಪನೆ ಯುವಸಮೂಹದ್ದು. ಅನೇಕರಿಗೆ ಜಿಮ್‌ ಎನ್ನುವುದು ಒಂದು ಕ್ರಶ್‌. ಆದರೆ, ಆ ಯಂತ್ರಗಳ ಬಳಿ ಹೋಗದೇ ನಾವು ಆರೋಗ್ಯವಾಗಿರಬಹುದು. ದೇಹವನ್ನೂ ಬಾಲಿವುಡ್‌ ಹೀರೋ ರೀತಿ ಫಿಟ್‌ ಆಗಿಟ್ಟುಕೊಳ್ಳಬಹುದು ಎಂಬುದಕ್ಕೆ ಸೋಮಾರಿಯೊಬ್ಬ ಒಂದಿಷ್ಟು ಪುರಾವೆ ಒದಗಿಸಿದ್ದಾನೆ…

ನನ್ನ ಇಡೀ ದಿನದ ಒಂದು ಹವ್ಯಾಸ ಟಿವಿ ನೋಡೋದು. ಹಾಗೆ ಆ ಪರದೆ ನೋಡಿದಾಗಲೆಲ್ಲ ಸಿನಿಮಾ ಹೀರೋ ಕಣ್ಣೆದುರು ಕುಣಿಯುತ್ತಿರುತ್ತಾನೆ. ಅಂಗಿ ಬಿಚ್ಚಿ ನಿಂತ ಹೀರೋನನ್ನು ತೆರೆಯ ಮೇಲೆ ನೋಡುವಾಗ “ಅಯ್ಯೊ ಪಾಪ’ ಅನಿಸುತ್ತದೆ. ಇವನಿಗೆ ಬಟ್ಟೆಯೇ ಇಲ್ವೆ ಅನ್ನುವ ವಿಚಾರಕ್ಕಲ್ಲ, ಈವಯ್ಯ ಹೊಟ್ಟೆ ಮೇಲೆ ಆರೇಳು ಪ್ಯಾಕ್‌ ತೋರಿಸೋಕೆ ಅದೆಷ್ಟು ದಿನಗಳನ್ನು, ಸುಖಗಳನ್ನು ಬಲಿಕೊಟ್ಟನೊ ಅಂತ ಮನಸ್ಸು ಲೆಕ್ಕ ಹಾಕುತ್ತೆ. ಇಷ್ಟವಿಲ್ಲದಿದ್ದರೂ ಅದೆಷ್ಟು ಊಟ ಮುಕ್ಕಿದನೊ, ಇಷ್ಟ ಇರೋದನ್ನು ತಿನ್ನದೇ ಎಷ್ಟು ಕೊರಗಿದನೋ, ಜಿಮ್‌ ಮೇಷ್ಟ್ರು ಹತ್ರ ಇನ್ನೂ ಇನ್ನೂ ಬೇಕು ಇನ್ನೂ… ಅನ್ನುವ ಮಾತುಗಳನ್ನು ಅದೆಷ್ಟು ಬಾರಿ ಕೇಳಿಸಿಕೊಂಡು ರೋಸಿ ಹೋಗಿದ್ದನೊ, ಕಂತೆ ಕಂತೆ ಹಣವನ್ನು ನೀರಿನಂತೆ ಚೆಲ್ಲಿದ್ದನೊ, ಜಿಮ್‌ ರೂಮಿನಲ್ಲಿ ಅದೇ ಬೆವರಿನೊಂದಿಗೆ ಸೆಣಸಿ ಸೆಣಸಿ ಮೈಯೂದಿಸಿಕೊಂಡಿ¨ªಾನೊ! ನೋಡಿದರೆ, ಪಾಪ ಅನಿಸುತ್ತದೆ. ಹೀರೊ ಬಾಡಿ ತೋರಿಸಿದ ಮಾತ್ರಕ್ಕೆ ಸಿನಿಮಾಗಳು ಹಿಟ್‌ ಆಗುವುದಿಲ್ಲ. ಅವಾರ್ಡ್‌ ಕೂಡ ಬಂದಿಲ್ಲ.

  ಹೀರೋ ಫಿಟ್‌ ಆಗಬೇಕಂತೇನೂ ಇಲ್ಲ. ಹೀರೋ ಅಲ್ಲದೆಯೂ ಫಿಟ್‌ ಆಗಿರಬಹುದು. ಈಗ ನಾನಿಲ್ಲವೇ? 
 “ಸಿಕ್ಸ್‌ಪ್ಯಾಕ್‌ ಇದ್ದರೇನೇ ಹುಡುಗಿಯರು ಮತ್ತೆ ಮತ್ತೆ ಮುಂಗುರುಳು ಸರಿಸಿ ನಮ್ಮತ್ತ ನೋಡೋದೋ’ ಅಂದಿದ್ದ ಗೆಳೆಯ. ನಾನು ಅವತ್ತೂಂದಿನ ಜಿಮ್‌ಗೆ ಹೋಗಿ, “ಇವುಗಳಲ್ಲಿ ಯಾವ ಮಶೀನ್‌ ಹುಡುಗಿಯರನ್ನು ಇಂಪ್ರಸ್‌ ಮಾಡುವಂತೆ ಮಾಡುತ್ತೆ?’ ಅಂತ ಕೇಳಿದ್ದೆ. ಜಿಮ್‌ನವನು ನಗುತ್ತಾ ಹೇಳಿದ, “ಈ ಯಂತ್ರಗಳಿಗೆ ಇಂಪ್ರಸ್‌ ಮಾಡುವಂಥ ಶಕ್ತಿಯಿಲ್ಲ. ಹೊರಗೊಂದು ಮಶೀನ್‌ ಇದೆ. ಅದರಿಂದ ಸಾಧ್ಯ’. ನಾನು ಹೌದೆಂದು ನಂಬಿ ಹೊರಗೆ ಬಂದೆ. ಅಲ್ಲಿ ಕಂಡಿದ್ದು, ಎಟಿಎಂ ಮಶೀನ್‌! ದೇಹದಲ್ಲಿ ಊದಿದ ಮಾಂಸಖಂಡಗಳಿಗೆ, ಕೈಯಲ್ಲಿನ ಹಣಕ್ಕೆ ಎಲ್ಲರನ್ನೂ ಸೆಳೆಯುವ ತಾಕತ್ತು ಇದ್ರೆ ಜಗತ್ತು ಹೀಗೆ ಇರುತ್ತಿತ್ತಾ?!? ನಮ್ಮ ದೇಹಕ್ಕೆ ನಾವೇ ಸಾಕಷ್ಟು ಹಿಂಸೆ ಕೊಟ್ಟೂ ಕೊಟ್ಟು, ಕಾಡಿಸಿ, ಎಳೆದಾಡಿ, ಜಜ್ಜಿ, ಫಿಟ್‌ ಮಾಡಿಕೊಳ್ಳುವಾಗ ಬದುಕಿನ ಎಷ್ಟೊಂದು ಸುಖಗಳಿಂದ ವಂಚಿತರಾಗುತ್ತೇವೆ?

  ನಿಮಗೊಂದು ಕುತೂಹಲಕಾರಿ ಸತ್ಯ ಗೊತ್ತಾ? ಇದು ನಾನು ಹೇಳ್ತಿರೋದು ಅಲ್ಲ; ವಿಶ್ವ ಆರೋಗ್ಯ ಸಂಸ್ಥೆ ಹೇಳಿದ್ದು. ಈಗಿನ ಯುವಕರಿಗಿಂತ ಹಿಂದಿನ ಹಿರಿಕರು ಆರೋಗ್ಯವಾಗಿ ಹೆಚ್ಚು ಕಾಲ ಬದುಕುತ್ತಿದ್ದರಂತೆ. ಇದನ್ನು ವಿಶ್ವಸಂಸ್ಥೆ ಹೇಳದೇ ಇದ್ದರೂ ನಮ್ಮ ಕಣ್ಣ ಮುಂದೆ ಕಣ್ಣ ಮುಂದೆ ಇರುವ ಸತ್ಯವೇ ತಾನೆ!? ಯಾವ ಜಿಮ್‌ನ ಉಸಾಬರಿ ಇಲ್ಲದೇ ಬದುಕಿದ ಅವರದು ಹೆಲ್ದಿ ಲಾಂಗ್‌ ಲೈಫ್, ಜಿಮ್‌ಗಳ ಸಹವಾಸ ಮಾಡಿಯೂ ಎಲ್ಲವನ್ನೂ ತೆತ್ತು ಕೂಡ ನಮ್ಮದು ಕಸಿವಿಸಿಯ ಶಾರ್ಟ್‌ ಲೈಫ್. ಇದೆಂಥ ಕರ್ಮ ಮಾರ್ರೆ!

  ಇದು ತಿನ್ನುವಿಕೆಯಲ್ಲಿ ಒಂದು ಅಸಮತೋಲನ ಒಡ್ಡುತ್ತದೆ. ಎಷ್ಟು ಬಾರಿ ಜಿಮ್‌ನಲ್ಲಿ ನಮಗೆ ರೀತಿ ರಿವಾಜು ಗೊತ್ತಿಲ್ಲದೆ ವರ್ಕ್‌ಗೆ ಇಳಿಯುವ ಕ್ರಿಯೆಗಳು ಅಪಾಯ ಸೃಷ್ಟಿಸುತ್ತವೆ. ಅದೊಂದು ಪಂಜರದೊಳಗೆ ಯಾರೋ ಕೂಡಿ ಹಾಕಿ ಆಡಿಸುವ ಆಟದಂತೆ ತೋರುತ್ತದೆ ನನಗೆ. ನಿಮಗೆ ಗೊತ್ತಾ ಜಿಮ್‌ ಒಂದು ಅಡಿಕ್ಷನ್‌. ಏಕಾಏಕಿಯಾಗಿ ಬಿಟ್ಟು ಕೂರಲು ಸಾಧ್ಯವೇ ಇಲ್ಲ. ಅದೊಂದು ಏಕತಾನತೆ ಮತ್ತು ಕಾಡುವ ಕಿರಿಕಿರಿ.

ಇದೆಂಥ ಲೋಕವಯ್ಯ!?
ನನಗೆ ರೇಜಿಗೆ ಹುಟ್ಟಿಸುವುದು ಜಿಮ್‌ ರೂಮಿನ ಒಳನೋಟ. ಅಲ್ಲಿನ ಭಾವಹೀನ ಮಶೀನ್‌ಗಳು ನನ್ನ ದೇಹವನ್ನು ಜಜ್ಜಿ ಹಾಕಲೊ ಬಾಯಿ ತೆರೆದು ಕೂತಂತೆ ಕಾಣಿಸುತ್ತವೆ. ಎಳೆಯ ಸೂರ್ಯನ, ತಣ್ಣನೆ ಗಾಳಿ, ಇಬ್ಬನಿ ನೆಲದ ಬದಲಿಗೆ ಕಣ್ಣಿಗೆ ಚುಚ್ಚುವಂಥ ಲೈಟುಗಳು, ಬುಸ ಬುಸ ಉಸಿರಿನಿಂದ ಆಚೆ ಬಂದು ಅಲ್ಲೇ ಸುತ್ತಿ ಸುತ್ತಿ ಬಡಿಯುವ ಅದೇ ಗಾಳಿ, ಮನಸ್ಸಿಗೆ ಮುಟ್ಟದೆ ಎದೆಗೆ ಬಡಿಯುವ ಅಬ್ಬರದ ಮ್ಯೂಸಿಕ್‌, ಸ್ಕೂಲ್‌ ಮೇಷ್ಟ್ರಿಗಿಂತ ಕಠೊರವಾಗಿ ಕಾಡುವ ಜಿಮ್‌ ಮೇಷ್ಟ್ರು, ನಮ್ಮ ನೋವನ್ನು, ಬೆವರನ್ನು ಎಂಜಾಯ್‌ ಮಾಡುವ ಅವನ ಮನಃಸ್ಥಿತಿ ತಿರಸ್ಕಾರವನ್ನುಂಟು ಮಾಡುತ್ತವೆ. ಬೆಳಗ್ಗೆಯ ಚೆಲುವು ಸಂಜೆಯ ಕಾಡುವ ಒಲವು, ಇಲ್ಲಿ ಅತೃಪ್ತ ದೇಹಗಳ ಬೆವರಿನ ವಾಸನೆಯ ಮಧ್ಯೆ ಕಳೆದು ಹೋಗುತ್ತದೆ. ಧಡೂತಿಯ ಎಂಟು ಅಡಿಯವನಿಗೂ ಐದಡಿಯ ನಲವತ್ತು ಕೆಜಿಯವನಾದ ನನಗೂ ಒಂದೇ ತರಹದ ಮಶೀನ್‌ಗಳು ಇರುವುದು ನನಗೆ ಆಶ್ಚರ್ಯ ಮತ್ತು ಭಯ. ಗೋಡೆಗೆ ಮೆತ್ತಿರುವ ದೇಹಪಟುಗಳ ಚಿತ್ರಗಳು ಕಲ್ಲಿನ ಮೂಟೆಗಳು ಅನಿಸಿ ಆ ಕಡೆಗೊಂದು ಭಾವನಾತ್ಮಕ ನೋಟ ಬೀರಲು ಸಾಧ್ಯವಾಗುವುದೇ ಇಲ್ಲ.

ಜಿಮ್‌ಗೆ ಹೋಗದೇ ಫಿಟ್‌ ಆಗಬಹುದು ಗೊತ್ತಾ!?
ನಮ್ಮಪ್ಪ ಈಗಲೂ ಈಗಿನವರ ಆ ಪ್ಯಾಕ್‌ ಬಾಡಿಗಿಂತ ಮುಂದೆ. ಅದೇ ಯವ್ವನದ ಲವಲವಿಕೆ, ಅದೇ ಗಟ್ಟಿತನ. ಎಪ್ಪತ್ತರ ಹೊಸ್ತಿಲ ಮೇಲೆ ಕೂತು ಬಾಯಿಯನೊಮ್ಮೆ ನೋಡಿಕೊಂಡರೂ ಅಷ್ಟೂ ಹಲ್ಲುಗಳು ಹಾಗೆಯೇ ಉಳಿದುಕೊಂಡಿವೆ. ಕ್ವಿಂಟಾಲ್‌ ತೂಕ ಎತ್ತುವುದು ಅವರಿಗೆ ಈಗಲೂ ಅನಾಯಸ. ಜಿಮ್‌ ಹೋಗುತ್ತಿದ್ದ ಆ ಹುಡುಗನ ಎರಡು ಹಲ್ಲುದಾರಿಯಲ್ಲಳಿಯವು. ಫಿಟ್‌ ಮಾಂಸಖಂಡಗಳ ಬೆಳವಣಿಗೆಯಷ್ಟೇ ಅಲ್ಲ. ಫ‌ಟಾಫ‌ಟ್‌ ಅನ್ನುವ ಫಿಟೆ°ಸ್‌ ಸಿಗುವುದು ಕೇವಲ ಜಿಮ್‌ನಲ್ಲಿ ಅಲ್ಲ. ಇಲ್ಲಿವೆ ನೋಡಿ ಒಂದಿಷ್ಟು ವಿಚಾರಗಳು.

1. ನಿಮ್ಮ ಫಿಟ್ನೆಸ್‌ಗೆ ಜಿಮ್‌ ಒಂದೇ ದಾರಿಯಲ್ಲ…
ಫಿಟ್ನೆಸ್‌ ಸತತ ಹಿಂಸೆಯಿಂದ, ಕಾಟಾಚಾರದಿಂದ, ಒತ್ತಾಯದಿಂದ ದಕ್ಕುವುದಲ್ಲ! ಜಿಮ್‌ನಿಂದ ಫಿಟೆ°ಸ್‌ ದಕ್ಕಬಹುದು. ಆದರೆ, ಜಿಮ್‌ ಒಂದರಿಂದಲೇ ದಕ್ಕಲಾರದು ಅಂದಾದ ಮೇಲೆ ಬಲವಂತದ ಜಿಮ್‌ ಜೀವನ ಏಕೆ? ದೈಹಿಕ ವ್ಯಾಯಾಮಕ್ಕೆ ಸಾವಿರ ದಾರಿಗಳಿವೆ. ನೀವು ದೇಹಕ್ಕೆ ನೀಡಬಹುದಾದ ಹಿತವಾದ ಮತ್ತು ವ್ಯವಸ್ಥಿತವಾದ ಕೆಲಸಗಳೂ ಫಿಟೆ°ಸ್‌ ನೀಡಬಲ್ಲವು.

2. ನಿಮ್ಮ ಇಷ್ಟದಲ್ಲೇ ನಿಮ್‌ ಫಿಟ್ನೆಸ್‌ ಇದೆ…
ಕೆಲವರಿಗೆ ಆಟಗಳೆಂದರೆ ಪ್ರಾಣ. ಸೈಕ್ಲಿಂಗ್‌ ಆಸೆ ಮತ್ತೆ ಕೆಲವರಿಗೆ. ಒಂದಿಷ್ಟು ಮಂದಿ ಈಜಿನಲ್ಲಿ ಖುಷಿ ಕಾಣುತ್ತಾರೆ. ಕಾಡುವ ಹಾಡುಗಳನ್ನು ಕೇಳುತ್ತಾ ಸೂರ್ಯನ ಎದುರಿಗೆ ಜೋರಾಗಿ ನಡೆಯುವುದರಲ್ಲಿ ಕೆಲವರು ತಮ್ಮನ್ನು ತಾವು ಮರೆತುಬಿಡುತ್ತಾರೆ. ಇಲ್ಲಿ ನಿಮ್ಮ ಇಷ್ಟಗಳು ದಕ್ಕುತ್ತವೆ ಬೋನಸ್‌ ಎಂಬಂತೆ ಫಿಟೆ°ಸ್‌ ಕೂಡ ಸಿಗುತ್ತೆ. ನೋಡಿ ಮಾಘ ಸ್ನಾನ ಬೇಕೆ?

3. ನಿಮ್ಮ ಜೀವನ ಶೈಲಿಯಿಂದಲೇ ಫಿಟ್ನೆಸ್‌ ಸಿಗುತ್ತೆ!
ನಿಮ್ಮ ಲೈಫ್ ಹೇಗಿದೆ ಹೇಳಿ? ಕಂಡಿದ್ದೆಲ್ಲವನ್ನೂ ಹೊಟ್ಟೆ ಬಿರಿಯುವ ಹಾಗೆ ಉಂಡು, ಸದಾ ಗೊರಕೆ ಹೊಡೆಯುವಂತಿದೆಯಾ? ಹೀಗಿದ್ದರೆ, ಯಾವ ಜಿಮ್‌ ಕೂಡ ನಿಮ್ಮನ್ನು ಕಾಪಾಡಲಾರದು! ಎಲ್ಲಾ ಸಂಶೋಧನೆಗಳು ಹೇಳುತ್ತಿರುವುದೂ ಇದನ್ನೇ. ನಿಮ್ಮ ನಿಮ್ಮ ಜೀವನ ಶೈಲಿಯೇ ನಿಮ್ಮ ಅಭದ್ರ ದೇಹಸ್ಥಿತಿಗೆ ಕಾರಣ ಅಂತ. ಒಂದು ಆರೋಗ್ಯಯುತ ಜೀವನಶೈಲಿ ರೂಢಿಸಿಕೊಂಡರೆ ನೀವು ಫಿಟ್‌.

4. ಕಿವಿಯೂದುವವನಿಗೆ ಕೋಕ್‌ ಕೊಡಿ…
“ಇಲ್ನೋಡು ಮಗಾ, ನಾನು ಹೇಗಿದ್ದೆ ಹೇಗಾದೆ!?’. ನೀನು ಒಂದ್ಸರಿ ಜಿಮ್‌ಗೆ ಬಂದು ನೋಡು. ಬರೀ ಒಂದೇ ಒಂದು ತಿಂಗಳಲ್ಲಿ ಬದಲಾಗ್ತಿಯ ಗೊತ್ತಾ!? ಒಳ್ಳೇ ನಿv ಬರುತ್ತೆ, ಕಣ್ಣಲ್ಲಿ ಏನೋ ಶೈನಿಂಗ್‌ ಇರುತ್ತೆ. ಚರ್ಮ ಹೊಳೆಯುತ್ತೆ. ಸದಾ ಫ್ರೆಶ್‌ ಫ್ರೆಶ್‌ ಅಂತಾರೆ. ನೀವು ಜಿಮ್‌ಗೆ ಹೋದರೆ ಅಮೇಲೆ ಬಿಡುವುದು ಕಷ್ಟವೇ! ಬಿಟ್ಟರೂ ಕಷ್ಟವೇ! 

ಅತಿಯಾದ ವ್ಯಾಯಾಮದ ಅಪಾಯ
ಜಿಮ್ಮಿನಿಂದ ಶರೀರ ದಪ್ಪವಾಗುವುದು ನಿಜ. ತಕ್ಷಣಕ್ಕೆ ನಿಲ್ಲಿಸಿದರೆ ಸ್ನಾಯುವಿನ ಬಲ ಕುಸಿಯುವುದು. ದೌರ್ಬಲ್ಯವೂ ಕಾಡಬಹುದು. ಹೃದಯದ ರಕ್ತನಾಳದ ಶಕ್ತಿಯೂ ಕುಸಿಯಬಹುದು. ಮಿತಿ ಇಲ್ಲದೇ ಮಾಡುವ ವ್ಯಾಯಾಮ ಅಪಾಯ ತರಬಹುದು. ಅನೇಕರು ಮಂಡಿ, ಸೊಂಟ ಬೆನ್ನಿನ ಅತೀವ್ರ ನೋವುಗಳಿಂದ ಬಳಲುತ್ತಿರುವುದು ಇದೆ. ಇವೆಲ್ಲಾ ವೈದ್ಯಲೋಕ ಹೇಳಿದ ಮಾತು.

ಜಿಮ್‌ ಇಲ್ಲದೆ ಟ್ರಿಮ್‌ ಆಗಿ…
ಸಮತೋಲಿತ ಹಿತ ಮಿತ ಆಹಾರ, ಕೈ ತುಂಬಾ ಕೆಲಸ, ಒಳ್ಳೆಯ ಆಲೋಚನೆ, ಸಾಕಷ್ಟು ನಿದ್ದೆ, ಬೇಗ ಮಲಗಿ ಬೇಗ ಏಳುವುದು, ಮುಂಜಾನೆಯ ವಾಕ್‌, ದೇಹ ಬಯಸುವಷ್ಟು ವ್ಯಾಯಾಮ, ಒಂದಷ್ಟು ಬೆವರು, ಯೋಗ, ಧ್ಯಾನ, ಸಾಕಷ್ಟು ನೀರು ಕುಡಿಯುವ ಅಭ್ಯಾಸ, ಓದು, ದುಶ್ಚಟಗಳಿಂದ ದೂರವಿರುವುದು, ಮಕ್ಕಳೊಂದಿಗೆ ಆಟ ಇವೆಲ್ಲವೂ ನಿಮ್ಮನ್ನು ಜಿಮ್‌ ಇಲ್ಲದೆಯೂ ಟ್ರಿಮ್ಮಾಗಿ ಇಡಬಲ್ಲವು.

ಸದಾಶಿವ್‌ ಸೊರಟೂರು

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಮೂಲ್ಕಿ ಪೊಲೀಸ್ ಠಾಣಾ ಸಿಬ್ಬಂದಿಗೆ ಸೋಂಕು ದೃಢ: ಠಾಣೆ ಸೀಲ್ ಡೌನ್

ಮೂಲ್ಕಿ ಪೊಲೀಸ್ ಠಾಣಾ ಸಿಬ್ಬಂದಿಗೆ ಸೋಂಕು ದೃಢ: ಠಾಣೆ ಸೀಲ್ ಡೌನ್

ಅರ್ಧಂಬರ್ಧ ಅಂತ್ಯಸಂಸ್ಕಾರ, ರಸ್ತೆಗೆಸೆದ ಪಿಪಿಇ ಕಿಟ್: ಇದು ಸಿಎಂ ಜಿಲ್ಲೆಯ ಕೋವಿಡ್ ನಿರ್ವಹಣೆ

ಅರ್ಧಂಬರ್ಧ ಅಂತ್ಯಸಂಸ್ಕಾರ, ರಸ್ತೆಗೆಸೆದ ಪಿಪಿಇ ಕಿಟ್: ಇದು ಸಿಎಂ ಜಿಲ್ಲೆಯ ಕೋವಿಡ್ ನಿರ್ವಹಣೆ

ನೌಗಾಮ್ ಸೆಕ್ಟರ್: ಭದ್ರತಾ ಪಡೆ ಎನ್ ಕೌಂಟರ್ ಗೆ ಇಬ್ಬರು ಉಗ್ರರು ಬಲಿ, ಎಕೆ47 ವಶಕ್ಕೆ

ನೌಗಾಮ್ ಸೆಕ್ಟರ್: ಭದ್ರತಾ ಪಡೆ ಎನ್ ಕೌಂಟರ್ ಗೆ ಇಬ್ಬರು ಉಗ್ರರು ಬಲಿ, ಎಕೆ47 ವಶಕ್ಕೆ

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

covid-1

ಸಿಂಧನೂರು ತಾಲೂಕು ಆರೋಗ್ಯಾಧಿಕಾರಿಗೂ ಕೋವಿಡ್-19 ಪಾಸಿಟಿವ್

ಮಂಗಳೂರಿನಲ್ಲಿ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಮಂಗಳೂರಿನಲ್ಲಿ ಕ್ಷುಲ್ಲಕ ಕಾರಣಕ್ಕೆ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಇಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಬಿಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

nanyake

ನಾನ್ಯಾಕೆ ಫೇಲಾದೆ?

farmer

ಐಎಎಸ್‌ ಮಾಡಬೇಕಿದ್ದವನು ಕೃಷಿಕನಾದೆ…

lokamanya

ಕರ್ತವ್ಯ ಪ್ರಜ್ಞೆಯ ಪಾಠ

anna-muchchale

ಕಣ್ಣಾ ಮುಚ್ಚೇ ಕಾಡೇ ಗೂಡೆ…

kopa-maatu

ಕೋಪವೇ ಹೇಳಿದ ಮಾತಿದು…

MUST WATCH

udayavani youtube

Covid Bus Basin : A new invention by students of SMVIT College Bantakal

udayavani youtube

ಗಾಲ್ವಾನ್ ಕಣಿವೆ: ಚೀನಾದ ಉದ್ಧಟತನಕ್ಕೆ ಏನು ಕಾರಣ? | Udayavani Straight Talk

udayavani youtube

ಮಡಹಾಗಲ ಕಾಯಿ – Spiny gourd ಬೆಳೆದು ಯಶಸ್ವಿಯಾದ ರೈತ | Successful Farmer Vegetable

udayavani youtube

ಮಧ್ಯಕರ್ನಾಟಕದ ಆಶಾಕಿರಣ | SS Hospital Davangere

udayavani youtube

ಮಡಹಾಗಲ ಕಾಯಿ ಬೆಳೆಯುವ ಸೂಕ್ತ ವಿಧಾನ | How to grow Spiny gourd in your Home


ಹೊಸ ಸೇರ್ಪಡೆ

ಅನುದಾನ ಹಂಚಿಕೆ: ಶ್ವೇತಪತ್ರ ಬಿಡುಗಡೆಗೆ ಒತ್ತಾಯ

ಅನುದಾನ ಹಂಚಿಕೆ: ಶ್ವೇತಪತ್ರ ಬಿಡುಗಡೆಗೆ ಒತ್ತಾಯ

ಚಂದ್ರವಳ್ಳಿ  ಜಾಗ ಖಾಸಗಿ ಪಾಲಾಗಲು ಬಿಡಲ್ಲ

ಚಂದ್ರವಳ್ಳಿ ಜಾಗ ಖಾಸಗಿ ಪಾಲಾಗಲು ಬಿಡಲ್ಲ

ಶೇ. 97ರಷ್ಟು ವಂಶ ವೃದ್ಧಿಸಿಕೊಂಡ ವನರಾಜ

ಶೇ. 97ರಷ್ಟು ವಂಶ ವೃದ್ಧಿಸಿಕೊಂಡ ವನರಾಜ

ಅಧಿಕಾರಿಗಳ ಬೇಜವಾಬ್ದಾರಿಗೆ ಆಕ್ರೋಶ

ಅಧಿಕಾರಿಗಳ ಬೇಜವಾಬ್ದಾರಿಗೆ ಆಕ್ರೋಶ

ಮೂಲ್ಕಿ ಪೊಲೀಸ್ ಠಾಣಾ ಸಿಬ್ಬಂದಿಗೆ ಸೋಂಕು ದೃಢ: ಠಾಣೆ ಸೀಲ್ ಡೌನ್

ಮೂಲ್ಕಿ ಪೊಲೀಸ್ ಠಾಣಾ ಸಿಬ್ಬಂದಿಗೆ ಸೋಂಕು ದೃಢ: ಠಾಣೆ ಸೀಲ್ ಡೌನ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.