Udayavni Special

ಯೋಗ ಬಂತು ಯೋಗ

ಕೋರ್ಸ್‌ ಮಾಡಿದವರಿಗೆ ರಾಜ"ಯೋಗ'

Team Udayavani, Jul 9, 2019, 5:30 AM IST

YOGA

ಯೋಗದ ಕುರಿತು ದೇಶ-ವಿದೇಶಗಳಲ್ಲಿ ಭರವಸೆ-ವಿಶ್ವಾಸಗಳು ಹೆಚ್ಚಾದ್ದರಿಂದ ಎಲ್ಲ ಕಡೆ ಯೋಗದ ಕಲಿಕೆ ಶಾಸ್ತ್ರೋಕ್ತವಾಗಿ ಆರಂಭಗೊಂಡಿದೆ. ಸರ್ಟಿಫಿಕೇಟ್‌ ಕೋರ್ಸ್‌ಗಳಿಂದ ಹಿಡಿದು ಪಿಎಚ್‌ಡಿ ಪದವಿವರೆಗೂ ಯೋಗವನ್ನು ಹೇಳಿಕೊಡುವ ಕಾಲೇಜುಗಳು ನಮ್ಮಲ್ಲಿ ಇವೆ. ಯೋಗದಲ್ಲಿ ಕೋರ್ಸ್‌ ಮಾಡಿರುವವರಿಗೆ ಈಗ ದಿಢೀರನೆ ಬೇಡಿಕೆ ಶುರುವಾಗಿದೆ.

“ಯೋಗವಿದ್ದಲ್ಲಿ ರೋಗವಿಲ್ಲ’ ಎಂಬುದು ಈ ಕಾಲದ ಗಾದೆ. ಮನಸ್ಸು – ದೇಹವನ್ನು ನಿಯಂತ್ರಣದಲ್ಲಿರಿಸಿಕೊಂಡು ಆರೋಗ್ಯಯುತ ಬದುಕು ಕಲ್ಪಿಸಿಕೊಡುವಲ್ಲಿ ಯೋಗ ನೆರವಿಗೆ ಬರುತ್ತದೆ. ಆಧುನಿಕ ಜೀವನ ಶೈಲಿಯ ಬೈ ಪ್ರಾಡ್‌ಕ್ಟ್ಗಳೆನಿಸಿರುವ ಖನ್ನತೆ, ಏರುಪೇರಿನ ರಕ್ತದೊತ್ತಡ, ಬೆನ್ನು ನೋವು, ಏಕಾಗ್ರತೆಯ ಕೊರತೆ, ತೂಕ ಹೆಚ್ಚಳ, ಸಕ್ಕರೆ ಖಾಯಿಲೆ, ಥೈರಾಯ್ಡ, ಪಿಸಿಓಡಿ, ಮಂಡಿ ನೋವು, ನಿದ್ರಾಹೀನತೆಗಳಿಂದ ನಲುಗಿ ಹೋಗುತ್ತಿರುವವರಿಗೆ ಯೋಗ ಸಂಜೀವಿನಿಯಂತೆ.
ವಿವೇಕಾನಂದರ ವರ್ಗಿಕರಣ ಮಾಡಿರುವ- ರಾಜಯೋಗ, ಭಕ್ತಿ ಯೋಗ, ಕರ್ಮಯೋಗ, ಜ್ಞಾನ ಯೋಗಗಳ ಜೊತೆ ಇಂದಿನ ಕಾಲದ ಮುಖ ಯೋಗ, ನಗೆ ಯೋಗ, ಮ್ಯೂಸಿಕ್‌ ಯೋಗ, ನೃತ್ಯ ಯೋಗ, ಪವರ್‌ ಯೋಗಗಳೂ ಸೇರಿಕೊಂಡು “ಯೋಗ’ ಎಂಬ ಕಾನ್ಸೆಪ್ಟ್ಗೆ ರಾಜಯೋಗ ಲಭಿಸವಂತೆ ಮಾಡಿದೆ.

ಯೋಗದ ಕುರಿತು ದೇಶ-ವಿದೇಶಗಳಲ್ಲಿಯೂ ಈಗ ಭರವಸೆ-ವಿಶ್ವಾಸಗಳು ಹೆಚ್ಚಾದ್ದರಿಂದ ಎಲ್ಲ ಕಡೆ ಯೋಗದ ಕಲಿಕೆ ಶಾಸ್ತ್ರೋಕ್ತವಾಗಿ ಆರಂಭಗೊಂಡಿದೆ. ವ್ಯಾಯಾಮ ಶಾಲೆಯಲ್ಲಿ ಕಸರತ್ತು ನಡೆಸುವುದರ ಜೊತೆ ಯೋಗವು ಬೇಕಿದೆ. ಡಬ್ಬಿಗಟ್ಟಲೆ ಗುಳಿಗೆ ಕೊಟ್ಟು ಫೀಸು ಪೀಕಿಸಿದ ಮೇಲೆ “ಯೋಗಾ ಮಾಡ್ರೀ ಎಲ್ಲಾ ಸರಿ ಹೋಗುತ್ತೆ’ ಎನ್ನುತ್ತಾರೆ ಈಗಿನ ವೈದ್ಯರು.

ಭಾರತ ಸರ್ಕಾರ ಯೋಗದ ಕುರಿತು ಜಾಗೃತಿ ಮೂಡಿಸಲು ಕಳೆದ ಐದು ವರ್ಷಗಳಿಂದ ಅಂತಾರಾಷ್ಟ್ರೀಯ ಯೋಗ ದಿನವನ್ನು ಆಚರಿಸಲು 140 ಕೋಟಿ ರೂ. ಖರ್ಚು ಮಾಡಿದೆ. ಹೊಸ ಶಿಕ್ಷಣ ನೀತಿಯಲ್ಲಿ, ನಳಂದಾ ತಕ್ಷಶಿಲಾ ಮಾದರಿಯಲ್ಲಿ ಶಿಕ್ಷಣ ನೀಡುತ್ತೇವೆಂದು ಹೇಳಿ ಯೋಗವನ್ನು ಶಿಕ್ಷಣದ ಪ್ರತೀ ಹಂತದಲ್ಲೂ ಕಡ್ಡಾಯಗೊಳಿಸುವ ಇರಾದೆ ಹೊಂದಿದೆ. ಯೋಗದ ಮಹತ್ವವನ್ನರಿತ ಅನೇಕ ಶಿಕ್ಷಣ ಸಂಸ್ಥೆಗಳು ತಮ್ಮ ಕಾಲೇಜುಗಳಲ್ಲಿ ಸರ್ಕಾರ ಗಳಿಂದ ಅಂಗೀಕೃತವಾದ ಯೋಗದ ಹಲವು ಹಂತ-ಬಗೆಯ ಕೋರ್ಸ್‌ಗಳನ್ನು ಪ್ರಾರಂಭಿಸಿವೆ.

ಸರ್ಟಿಫಿಕೇಟ್‌ ಕೋರ್ಸ್‌ಗಳಿಂದ ಹಿಡಿದು ಪಿಎಚ್‌ಡಿ ಪದವಿವರೆಗೂ ಯೋಗವನ್ನು ಹೇಳಿಕೊಡುವ ಕಾಲೇಜುಗಳು ನಮ್ಮಲ್ಲಿ ಇವೆ. ಬೆಂಗಳೂರು ವಿಶ್ವವಿದ್ಯಾಲಯ, ಪ್ರಸಕ್ತ ಶೈಕ್ಷಣಿಕ ವರ್ಷದಿಂದ ತನ್ನ ಡಿಗ್ರಿ ಕೋರ್ಸ್‌ನಲ್ಲಿ ಯೋಗ ಕಲಿಕೆಯನ್ನು ಕಡ್ಡಾಯಗಳಿಸಿ ಆದೇಶ ಹೊರಡಿಸಿದೆ.

ಯಾವ್ಯಾವ ಕೋರ್ಸ್‌ಗಳು ಲಭ್ಯ?
ಎಸ್ಸೆಸ್ಸೆಲ್ಸಿ ಪಿಯುಸಿ ನಂತರ – ಫೌಂಡೇಶನ್‌ ಕೋರ್ಸ್‌ ಇನ್‌ ಯೋಗ, ಪಿಜಿ ಡಿಪ್ಲೊಮಾ ಇನ್‌ ಯೋಗ ಅಂಡ್‌ ಹೋಲಿಸ್ಟಿಕ್‌ ಹೆಲ್ತ್‌, ಪಿಜಿ ಡಿಪ್ಲೊ›ಮಾ ಇನ್‌ ಯೋಗ ಥೆರಪಿ, ಪಿಜಿ ಡಿಪ್ಲೊಮಾ ಇನ್‌ ಯೋಗ ನ್ಯಾಚುರೋಪತಿ, ಯೋಗಿಕ್‌ ಸೈನ್ಸ್‌, ಯೋಗ ಅಂಡ್‌ ಆಲ್ಟರ್‌ ನೇಟ್‌ ಥೆರಪಿ ಇದೆ. ಇನ್ನು ಸರ್ಟಿಫಿಕೆಟ್‌ ಕೋರ್ಸುಗಳಲ್ಲಿ ಅಡ್ವಾನ್ಸ್‌ಡ್‌ ಕೋರ್ಸ್‌ ಇನ್‌ ಯೋಗ ಡಿಪ್ಲೊಮಾ ಕೋರ್ಸ್‌ ಇನ್‌ ಯೋಗ ಎಜುಕೇಶನ್‌, ಯೋಗ ಟೀಚರ್‌ ಟ್ರೆçನಿಂಗ್‌, ಯೋಗ ಅಂಡ್‌ ಹೆಲ್ತ್‌ ಎಜುಕೇಶನ್‌ ಮುಂತಾದವು.

ಪದವಿ ಕೋರ್ಸ್‌ಗಳು ಹೀಗಿವೆ; ಬ್ಯಾಚುಲರ್‌ ಆಫ್ ಆರ್ಟ್ಸ್ ಇನ್‌ ಯೋಗ ಅಂಡ್‌ ನ್ಯಾಚುರೋಪತಿ, ಬ್ಯಾಚುಲರ್‌ ಆಫ್ ಆರ್ಟ್ಸ್ ಇನ್‌ ಯೋಗ ಶಾಸ್ತ್ರ , ಬಿ.ಎಸ್ಸಿ ಒಂದರಲ್ಲೇ, ಬಿ.ಎಸ್ಸಿ ಇನ್‌ ಯೋಗ ಅಂಡ್‌ ಎಜುಕೇಶನ್‌, ಯೋಗ ಅಂಡ್‌ ಮ್ಯಾನೇಜ್‌ಮೆಂಟ್‌, ಯೋಗ ಅಂಡ್‌ ಕಾನ್ಶಿಯಸ್‌ನೆಸ್‌ ಅಂತ ಮೂರು ರೀತಿಯ ಅಧ್ಯಯನ ಇದೆ.

ಯೋಗದಲ್ಲೂ ಸ್ನಾತಕೋತ್ತರವಿದೆ. ಎಂ.ಎಸ್ಸಿ ಇನ್‌ ಯೋಗ ಅಂಡ್‌ ಹೆಲ್ತ್‌ ಎಂ.ಎಸ್ಸಿ ಇನ್‌ ಯೋಗ ಅಂಡ್‌ ನ್ಯಾಚುರೋಪತಿ, ಎಂ.ಎಸ್ಸಿ ಇನ್‌ ಯೋಗಿಕ್‌ ಸೈನ್ಸ್‌ಸ್‌ ಅಂಡ್‌ ಹೋಲಿಸ್ಟಿಕ್‌ ಹೆಲ್ತ್‌, ಎಂ.ಎಸ್ಸಿ ಇನ್‌ ಯೋಗ ಅಂಡ್‌ ಮ್ಯಾನೇಜ್‌ಮೆಂಟ್‌ ಎಂ.ಎಸ್ಸಿ ಇನ್‌ ಯೋಗ ಅಂಡ್‌ ಜರ್ನಲಿಸಂ, ಎಂ.ಎಸ್ಸಿ ಇನ್‌ ಯೋಗ ಅಂಡ್‌ ಕೌನ್ಸೆಲಿಂಗ್‌ ಸರ್ಟಿಫಿಕೇಟ್‌ ಕೋರ್ಸ್‌ಗಳು.

ಕೋರ್ಸ್‌ ಎಲ್ಲೆಲ್ಲಿ ಲಭ್ಯ?
ಬೆಳಗಾವಿಯ ಕೆಎಲ್‌ಇ ಕಾಲೇಜ್‌ ಆಫ್ ನ್ಯಾಚುರೋಪತಿ ಅಂಡ್‌ ಯೋಗಿಕ್‌ ಸೈನ್ಸ್‌, ಬೆಂಗಳೂರು ವಿಶ್ವವಿದ್ಯಾಲಯ, ಕರ್ನಾಟಕ ಮಹಿಳಾ ವಿಶ್ವ ವಿದ್ಯಾಲಯ, ಧಾರವಾಡದ ಕರ್ನಾಟಕ , ಮೈಸೂರಿನ ‘ಸಂಮ್ಯಕ್‌’ ಯೋಗ, ಕಸ್ತೂರ್ಬಾ ಮೆಡಿಕಲ್‌ ಕಾಲೇಜು, ಮೂಡಬಿದಿರೆಯ ಆಳ್ವಾಸ್‌ ಕಾಲೇಜ್‌ ಆಫ್ ನ್ಯಾಚುರೋಪತಿ ಅಂಡ್‌ ಯೋಗ, ಉಜಿರೆಯ ಎಸ್‌ಡಿಎಂ ಕಾಲೇಜ್‌ ಆಫ್ ನ್ಯಾಚುರೋಪತಿ ಅಂಡ್‌ ಯೋಗಿಕ್‌ ಸೈನ್ಸ್‌ಸ್‌, ಪುಣೆಯ ಕೈವಲ್ಯಧಾಮ, ಹೆಬ್ಟಾಳದ ವಿವೇಕಾನಂದ ಸ್ಕೂಲ್‌ ಆಫ್ ಯೋಗ, ದೆಹಲಿಯ ಮೊರಾರ್ಜಿ ದೇಸಾಯಿ ನ್ಯಾಷನಲ್‌ ಇನಿrಟ್ಯೂಟ್‌ ಆಫ್ ಯೋಗ, ಮುಂಬಯಿನ ಸಾಂತಾಕೃಜ್‌ ಬಳಿಯ ಯೋಗ ಇನ್ಸ್ಟಿಟ್ಯೂಟ್‌, ಹರಿದ್ವಾರದ ದೇವ ಸಂಸ್ಕೃತಿ ವಿಶ್ವದ್ಯಾಲಯ, ಭುವನೇಶ್ವರದ ಇನ್ಸ್ಟಿಟ್ಯೂಟ್‌ ಆಫ್ ಯೋಗಿಕ್‌ ಸೈನ್ಸ್‌ಸ್‌ ಅಂಡ್‌ ರಿಸರ್ಚ್‌ ಮತ್ತು ಗುಜರಾತ್‌ ಗಳಲ್ಲಿ ಯೋಗದ ಹಲವು ಕೋರ್ಸ್‌ಗಳನ್ನು ಕಲಿಸಲಾಗುತ್ತದೆ.

ಎಲ್ಲೆಲ್ಲಿ ಕೆಲಸ?
ಯೋಗದಲ್ಲಿ ಹಲವು ಬಗೆಯ ಕೋರ್ಸ್‌ ಮಾಡಿದವರಿಗೆ ಈಗ ಡಿಮ್ಯಾಂಡ್‌ ಇದೆ. ಅವರು ಯೋಗ ತರಬೇತುದಾರ, ಯೋಗ ಶಿಕ್ಷಕರಾಗಿ ಹೋಗಬಹುದು. ಪ್ರಸ್ತುತ ಯೋಗ ಥೆರಪಿಸ್ಟ್‌ , ಯೋಗ ಅಂಡ್‌ ನ್ಯಾಚುರೋಪತಿ ರಿಸರ್ಚ್‌ ಆಫೀಸರ್‌, ಯೋಗ ಏರೊಬಿಕ್‌ ಇನ್ಸ$óಕ್ಟರ್‌, ಪರ್ಸನಲ್‌ ಯೋಗ ಟ್ರೆçನರ್‌ ಅಂತೆಲ್ಲ ಶುರುವಾಗಿದೆ. ಬಹುತೇಕ ಖಾಸಗೀ – ಸರ್ಕಾರಿ ಶಾಲೆಗಳು, ಜಿಮ್‌ಗಳು, ಚಿಕಿತ್ಸಾ ಕೇಂದ್ರಗಳು, ಆಸ್ಪತ್ರೆಗಳಿಗೆ ಯೋಗ ಪದವೀಧರರು ಬೇಕಾಗಿದ್ದಾರೆ. ರೆಸಾರ್ಟ್‌ಗಳು, ಹೌಸಿಂಗ್‌ ಸೊಸೈಟಿಗಳು, ಸರ್ಕಾರೀ ಸ್ವಾಮ್ಯದ ಕ್ರೀಡಾ ಶಾಖೆಗಳು, ಕ್ರೀಡಾ ತರಬೇತಿ ಸಂಸ್ಥೆಗಳು, ಐಟಿ ಕಂಪನಿಗಳು, ಆರ್ಮಿ ಪಬ್ಲಿಕ್‌ ಸ್ಕೂಲ್‌ಗ‌ಳಿಗೂ ಇವರ ಅವಶ್ಯಕತೆ ಇದೆ. ಇನ್ನೊಂದು ವಿಶೇಷ ಎಂದರೆ, ಯೋಗ ತರಬೇತಿ ನಡೆಸುವ ಕೇಂದ್ರಗಳಿಗೆ ಆದಾಯ ತೆರಿಗೆ ಕಿರಿಕಿರಿ ಇಲ್ಲ.

ಕೇಂದ್ರ ಬೆಂಬಲ
ಕೇಂದ್ರ ಸರ್ಕಾರ ಸ್ಥಾಪಿಸಿರುವ “ಕ್ವಾಲಿಟಿ ಕೌನ್ಸಿಲ್‌ ಆಫ್ ಇಂಡಿಯಾ’ – ಸಂಸ್ಥೆಯು ಯೋಗ ತರಬೇತುದಾರರಿಗೆ ನಾಲ್ಕು ಹಂತದ ಶ್ರೇಣಿಗಳಾದ ತರಬೇತುದಾರ, ಶಿಕ್ಷಕ, ಗುರು ಹಾಗೂ ಆಚಾರ್ಯ ಎಂಬ ಪ್ರಮಾಣ ಪತ್ರಗಳನ್ನು ನೀಡುತ್ತದೆ. ಇವರು ವಿಶ್ವದ ಮೂಲೆ ಮೂಲೆಯಲ್ಲಿರುವ ಭಾರತದ ವಿದೇಶಾಂಗ ಇಲಾಖೆಯ ದೂತಾವಾಸದಲ್ಲಿ ಕೆಲಸ ನಿರ್ವಹಿಸಲು ಆರ್ಹರಾಗಿರುತ್ತಾರೆ. ವಿಶ್ವದ ಇತರ ಭಾಗಗಳ ಬೇಡಿಕೆಯನ್ನು ಗಮನಿಸಿರುವ ಭಾರತ ಸರ್ಕಾರ ಯೋಗ ಕಲಿಸುವ ಯಾರೇ ಬಂದರೂ ಅವರ ಕೌಶಲ್ಯ ಪರೀಕ್ಷಿಸಿ ಪ್ರಮಾಣ ಪತ್ರ ನೀಡುವ ವ್ಯವಸ್ಥೆ ಮಾಡಿದೆ.

ಪೂರ್ಣ ವಿವಿ
ಆನೇಕಲ್‌ನ ವಿಸ್ವಾಮಿ ವೇಕಾನಂದ ಯೋಗ ಅನುಸಂಧಾನ ಸಂಸ್ಥಾನ ಡೀಮ್ಡ್ ವಿಶ್ವವಿದ್ಯಾಲಯ. ಇದು ಪ್ರಮಾಣದ ಯೋಗ ವಿವಿಯಾಗಿದ್ದು, ಪ್ರಪಂಚದ 30 ಶಾಖೆಗಳನ್ನು ಹೊಂದಿದೆ. ಯೋಗ ಇನ್‌óಕ್ಟರ್‌ ಕೋರ್ಸ್‌ನಿಂದ ಹಿಡಿದು ಪಿ.ಎಚ್‌.ಡಿ ವರೆಗೆ ಶಿಕ್ಷಣ ನೀಡುವುದಲ್ಲದೆ ಕೋರ್ಸ್‌ ಮುಗಿದ ನಂತರ ಉದ್ಯೋಗವನ್ನೂ ಕೊಡಿಸುತ್ತದೆ.

ಯೋಗ ಜ್ಞಾನ ಮತ್ತು ಪ್ರಕೃತಿ ಚಿಕಿತ್ಸೆಯ ಪದವಿಯಲ್ಲದೆ ವೈದ್ಯರಿಗಾಗಿಯೇ “ಯೋಗ ಥೆರಪಿ ಓರಿಯಂಟೇಶನ್‌ ಟ್ರೇನಿಂಗ್‌’ ಎಂಬ ಕೋರ್ಸ್‌ಅನ್ನೂ ಕಲಿಸುತ್ತದೆ.

-ಗುರುರಾಜ್‌ ಎಸ್‌. ದಾವಣಗೆರೆ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ರಾಜ್ಯದಲ್ಲಿ ಮುಂದಿನ ಒಂದು ವಾರ ವಾಡಿಕೆಗಿಂತ ಹೆಚ್ಚು ಮಳೆ

ರಾಜ್ಯದಲ್ಲಿ ಮುಂದಿನ ಒಂದು ವಾರ ವಾಡಿಕೆಗಿಂತ ಹೆಚ್ಚು ಮಳೆ

ಚೆಕ್‌ಪೋಸ್ಟ್‌ ಪೋಲೀಸರಿಗೆ ಮೊಬೈಲ್‌ ವಿಶ್ರಾಂತಿ ಕೊಠಡಿ: ಬೊಮ್ಮಾಯಿ

ಚೆಕ್‌ಪೋಸ್ಟ್‌ ಪೋಲೀಸರಿಗೆ ಮೊಬೈಲ್‌ ವಿಶ್ರಾಂತಿ ಕೊಠಡಿ: ಬೊಮ್ಮಾಯಿ

ಪಾರಿವಾಳ ಬಳಸಿ ಪಾಕಿಸ್ತಾನದಿಂದ ಬೇಹುಗಾರಿಕೆ?

ಪಾರಿವಾಳ ಬಳಸಿ ಪಾಕಿಸ್ತಾನದಿಂದ ಬೇಹುಗಾರಿಕೆ?

ಕೋವಿಡ್-19 ನಿಯಂತ್ರಣದಲ್ಲಿ ಬೆಂಗಳೂರು ಯಶಸ್ಸು ಕಂಡಿದೆ: ಡಿವಿಎಸ್‌

ಕೋವಿಡ್-19 ನಿಯಂತ್ರಣದಲ್ಲಿ ಬೆಂಗಳೂರು ಯಶಸ್ಸು ಕಂಡಿದೆ: ಡಿವಿಎಸ್‌

ಬೀದರ್ – ಬೆಂಗಳೂರು ವಿಮಾನಯಾನ ಆರಂಭ

ಬೀದರ್ – ಬೆಂಗಳೂರು ವಿಮಾನಯಾನ ಆರಂಭ

ಹೆಜಮಾಡಿ ಯುವಕ ಅಬುಧಾಬಿಯಲ್ಲಿ ಕೋವಿಡ್ ಗೆ ಬಲಿ

ಹೆಜಮಾಡಿ ಯುವಕ ಅಬುಧಾಬಿಯಲ್ಲಿ ಕೋವಿಡ್ ಗೆ ಬಲಿ

ರಾಜ್ಯದಲ್ಲಿ ಕೋವಿಡ್ ಮುಕ್ತ ಏಕೈಕ ಜಿಲ್ಲೆ ಚಾಮರಾಜನಗರ!ಇನ್ನೆಷ್ಟು ದಿನ ಇರಲಿದೆ ಈ ಪಟ್ಟ?

ರಾಜ್ಯದಲ್ಲಿ ಕೋವಿಡ್ ಮುಕ್ತ ಏಕೈಕ ಜಿಲ್ಲೆ ಚಾಮರಾಜನಗರ!ಇನ್ನೆಷ್ಟು ದಿನ ಇರಲಿದೆ ಈ ಪಟ್ಟ?

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

abhysave

ಅಭ್ಯಾಸವೇ ಜೀವನ…

imgp1

ಕಜ್ಜಾಯ ಕೊಟ್ಟರು ರಾಜಪ್ಪ ಮಾಸ್ಟರ್‌!

angadiyalli

ಅಂಗಡಿಯಲ್ಲಿ ಕೂತು ಓದಿಯೇ ಪೊಲೀಸ್‌ ಆದೆ…

kaledu

ಬೆಳದಿಂಗಳಲ್ಲಿ ಕಳೆದುಹೋಯ್ತು ಒಲವಿನ ನೌಕೆ

gantu carles

ನಾಲ್ಕರ ನಂಟು ಬಾಳಿನ ಗಂಟು

MUST WATCH

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

udayavani youtube

ಈ ಮನೆಯಲ್ಲಿದೆ ಬೀದಿನಾಯಿಗಳಿಗೆ ಪ್ರೀತಿಯ ಆಸರೆ | Udayvani

udayavani youtube

Karnataka : A Farmer who quits Private Job & became Successful in Agriculture

udayavani youtube

MOTHERSDAY ಪ್ರಯುಕ್ತ ನಾಡಿನ ಎಲ್ಲಾ ಅಮ್ಮಂದಿರಿಗೆ ಶುಭಾಶಯವನ್ನು ಕೋರಿದ SHINE SHETTY

ಹೊಸ ಸೇರ್ಪಡೆ

ರಾಜ್ಯದಲ್ಲಿ ಮುಂದಿನ ಒಂದು ವಾರ ವಾಡಿಕೆಗಿಂತ ಹೆಚ್ಚು ಮಳೆ

ರಾಜ್ಯದಲ್ಲಿ ಮುಂದಿನ ಒಂದು ವಾರ ವಾಡಿಕೆಗಿಂತ ಹೆಚ್ಚು ಮಳೆ

ಚೆಕ್‌ಪೋಸ್ಟ್‌ ಪೋಲೀಸರಿಗೆ ಮೊಬೈಲ್‌ ವಿಶ್ರಾಂತಿ ಕೊಠಡಿ: ಬೊಮ್ಮಾಯಿ

ಚೆಕ್‌ಪೋಸ್ಟ್‌ ಪೋಲೀಸರಿಗೆ ಮೊಬೈಲ್‌ ವಿಶ್ರಾಂತಿ ಕೊಠಡಿ: ಬೊಮ್ಮಾಯಿ

ಪಾರಿವಾಳ ಬಳಸಿ ಪಾಕಿಸ್ತಾನದಿಂದ ಬೇಹುಗಾರಿಕೆ?

ಪಾರಿವಾಳ ಬಳಸಿ ಪಾಕಿಸ್ತಾನದಿಂದ ಬೇಹುಗಾರಿಕೆ?

ಕೋವಿಡ್-19 ನಿಯಂತ್ರಣದಲ್ಲಿ ಬೆಂಗಳೂರು ಯಶಸ್ಸು ಕಂಡಿದೆ: ಡಿವಿಎಸ್‌

ಕೋವಿಡ್-19 ನಿಯಂತ್ರಣದಲ್ಲಿ ಬೆಂಗಳೂರು ಯಶಸ್ಸು ಕಂಡಿದೆ: ಡಿವಿಎಸ್‌

ಬೀದರ್ – ಬೆಂಗಳೂರು ವಿಮಾನಯಾನ ಆರಂಭ

ಬೀದರ್ – ಬೆಂಗಳೂರು ವಿಮಾನಯಾನ ಆರಂಭ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.