ಬ್ಲಾಕ್‌ ಮ್ಯಾಜಿಕ್‌

Team Udayavani, Jul 11, 2019, 5:00 AM IST

ಈ ಮ್ಯಾಜಿಕ್‌ ಮಾಡಲು ಒಬ್ಬ ಸಹಾಯಕನ ಅವಶ್ಯಕತೆ ಇದೆ. ಯಾರು ಬೇಕಾದರೂ ನಿಮಗೆ ಸಹಾಯಕರಾಗಬಹುದು. ಮೊದಲು ನಿಮ್ಮ  ಸಹಾಯಕನನ್ನು ಮ್ಯಾಜಿಕ್‌ ಪ್ರದರ್ಶಿಸುವ ಕೋಣೆಯಿಂದ ಹೊರಕ್ಕೆ ಕಳುಹಿಸಿ. ಅನಂತರ ನಿಮ್ಮ ಸ್ನೇಹಿತರಿಗೆ ಆ ಕೋಣೆಯಲ್ಲಿರುವ ಯಾವುದಾದರೂ ಒಂದು ವಸ್ತುವಿನ ಹೆಸರು ಹೇಳಲು ತಿಳಿಸಿ. ಅವರು
ಯಾವ ವಸ್ತುವಿನ ಹೆಸರನ್ನು ಹೇಳುತ್ತಾರೋ ಅದನ್ನು ಪ್ರೇಕ್ಷಕರಿಗೆ ಮಾತ್ರ ಸ್ಪಷ್ಟಪಡಿಸಿ ತಿಳಿಸಿ. ನಂತರ ಕೋಣೆಯ ಹೊರಗಡೆ ಇರುವ ಸಹಾಯಕನಿಗೆ ಕೇಳುವಂತೆ ಅನೇಕ ವಸ್ತುಗಳ ಹೆಸರನ್ನು ಹೇಳುತ್ತಾ ಹೋಗಿ. ಆ ಹೆಸರುಗಳ ಮಧ್ಯದಲ್ಲಿ ಪ್ರೇಕ್ಷಕ ಮಹಾಶಯ
ಪಟ್ಟಿ ಮಾಡಿದ ವಸ್ತುವನ್ನು ಸೇರಿಸಿ ಹೇಳಿ. ಮಿಕ್ಕ ವಸ್ತುಗಳ ಹೆಸರನ್ನು ಹೇಳುವಾಗ ಅದಲ್ಲಾ, ಅದಲ್ಲಾ ಎನ್ನುತ್ತಿದ್ದ ಸಹಾಯಕ ಪ್ರೇಕ್ಷಕ ಪಟ್ಟಿ ಮಾಡಿದ ಹೆಸರನ್ನು ಹೇಳುತ್ತಿದ್ದಂತೆಯೇ ಅದೇ ಪ್ರೇಕ್ಷಕ ಹೇಳಿದ ವಸ್ತು ಎನುತ್ತಾನೆ. ಹೊರಗಡೆ ಇದ್ದರೂ ಆತನಿಗೆ ಪ್ರೇಕ್ಷಕ ಹೇಳಿದ  ವಸ್ತು ಹೇಗೆ ತಿಳಿಯಿತು ಎಂಬುದೇ ಮ್ಯಾಜಿಕ್‌.

ತಂತ್ರ
ಪ್ರದರ್ಶನಕ್ಕೆ ಮುಂಚೆಯೇ ಮ್ಯಾಜೀಶಿಯನ್‌ ಮತ್ತು ಸಹಾಯಕ ತಯಾರಿ ನಡೆಸಿರುತ್ತಾರೆ. ಯಕ್ಷಿಣಿಗಾರ ತಾನು ಒಂದಾದ ಮೇಲೊಂದರಂತೆ ವಸ್ತುಗಳ ಹೆಸರನ್ನು
ಹೇಳುತ್ತಾ ಹೋಗುತ್ತಾನಾದರೂ ಪ್ರೇಕ್ಷಕ ಹೇಳಿದ ವಸ್ತುವನ್ನು ಹೇಳುವ ಮುಂಚೆ ಕಪ್ಪು ಬಣ್ಣದ ವಸ್ತುವಿನ ಹೆಸರನ್ನು  ಹೇಳುತ್ತಾನೆ. ಅದುವೇ ಸೀಕ್ರೆಟ್‌ ಕೋಡ್‌. ಕಪ್ಪು ಬಣ್ಣದ ವಸ್ತುವಿನ ನಂತರ ಆತ ಹೇಳುವ ವಸ್ತುವೇ ಪ್ರೇಕ್ಷಕ ಆರಿಸಿದ್ದು ಎಂಬುದನ್ನು ಯಕ್ಷಿಣಿಗಾರ ಮತ್ತು ಸಹಾಯಕ ಮುಂಚೆಯೇ ಗೊತ್ತು ಮಾಡಿಕೊಂಡಿರುತ್ತಾರೆ. ಆ ಮೂಲಕ ಕಣ್ಣಾರೆ ನೋಡದೇ ಇದ್ದರೂ ಪ್ರೇಕ್ಷಕ ಪಟ್ಟಿ ಮಾಡಿದ ವಸ್ತುವಿನ ಹೆಸರನ್ನು ಸಹಾಯಕ ಹೇಳಬಲ್ಲ.

ಉದಯ್‌ ಜಾದೂಗಾರ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಬಾಹ್ಯಾಕಾಶದ ಕತ್ತಲಿನಲ್ಲಿ ಕ್ಯಾಮೆರಾ ಫ್ಲ್ಯಾಶ್‌ ಒಂದು ತೂರಿ ಬಂದಿತ್ತು. ಅಂತರಿಕ್ಷದ ಯಾವುದೇ ವಿದ್ಯಮಾನವನ್ನೂ ಕಡೆಗಣಿಸದ ವಿಜ್ಞಾನಿಗಳು ಅದರ ಹಿಂದೆ ಬಿದ್ದರು....

  • ಮ್ಯಾಜಿಕ್‌ನಲ್ಲಿ ವಸ್ತುಗಳನ್ನು ತೋರಿಸಿ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿ, ಆ ಮೂಲಕ ಅವರನ್ನು ಹಿಡಿದಿಟ್ಟುಕೊಳ್ಳುವುದು ಒಂದು ಬಗೆ. ಆದರೆ, ಇದನ್ನೇ ಪದೇ ಪದೇ...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಮಾಯಾಪೆಟ್ಟಿಗೆ ಟಿ.ವಿ. (ದೂರದರ್ಶನ)ಯನ್ನು ಕಂಡು...

  • ಒಂದಾನೊಂದು ಕಾಡಿನಲ್ಲಿ ಒಂದು ತೋಳ ವಾಸವಾಗಿತ್ತು. ಅದು ರಾತ್ರೋರಾತ್ರಿ ಕಾಡಿನ ಸಮೀಪವಿದ್ದ ಹಳ್ಳಿಗೆ ನುಗ್ಗಿ ಮೇಕೆ ಕುರಿಗಳನ್ನು ಹೊತ್ತುಕೊಂಡು ಬಂದು ತಿನ್ನುತ್ತಿತ್ತು....

  • ಅಮೆರಿಕ, ಚಂದ್ರನ ಮೇಲೆ ತನ್ನ ಗಗನಯಾನಿಗಳನ್ನು 1969ರಲ್ಲಿ ಇಳಿಸಿ ಐತಿಹಾಸಿಕ ಸಾಧನೆ ಮಾಡಿತು. ಅದಕ್ಕಾಗಿ ಅಮೆರಿಕ ದಶಕಗಳಿಂದ ಪೂರ್ವ ತಯಾರಿ ನಡೆಸಿತ್ತು. ಚಂದ್ರಯಾನವನ್ನು...

ಹೊಸ ಸೇರ್ಪಡೆ