ಮುಗಿಲೆತ್ತರದ ಕಟ್ಟಡ!

Team Udayavani, Oct 31, 2019, 4:31 AM IST

ಪ್ರಪಂಚದ ಅತಿ ಎತ್ತರದ ಕಟ್ಟಡ ಯಾವುದು ಗೊತ್ತಾ? ದುಬೈನಲ್ಲಿರುವ ಬುರ್ಜ್‌ ಖಲೀಫಾ! ದುಬೈ ತಲುಪಲು ಇನ್ನೂ 95 ಕಿ.ಮೀ ಇದೇ ಎನ್ನುವಾಗಲೇ ಈ ಕಟ್ಟಡ ಕಾಣುತ್ತದೆ! ಅಷ್ಟು ಎತ್ತರವಿದೆ ಈ ಕಟ್ಟಡ…

ದುಬೈ ಪಟ್ಟಣ ಇನ್ನೂ 95 ಕಿಲೋಮೀಟರ್‌ ದೂರ ಇರುವಾಗಲೇ ಹೊಳೆಯುವ ಶಿಖರವೊಂದು ಪ್ರವಾಸಿಗರ ಗಮನ ಸೆಳೆಯುತ್ತದೆ. ಅದರ ಹೆಸರು ಬುರ್ಜ್‌ ಖಲೀಫಾ. ವಿಶ್ವದಲ್ಲೇ ಇದು ಅತಿ ಎತ್ತರದ ಕಟ್ಟಡ ಎಂಬ ದಾಖಲೆ ಅದರದ್ದು. ಅದು, 2,717 ಅಡಿ ಎತ್ತರವಿದೆ. 2004ರಲ್ಲಿ ಇದರ ನಿರ್ಮಾಣ ಕಾರ್ಯ ಆರಂಭವಾಗಿ 2010ರಲ್ಲಿ ಪೂರ್ಣಗೊಂಡಿತ್ತು. ಅರಬ್‌ ಸಂಯುಕ್ತ ರಾಷ್ಟ್ರಗಳ ಅಧ್ಯಕ್ಷರಾದ ಖಲೀಫ‌ ಬಿನ್‌ ಜಾಯಿದ್‌ ನಕ್ಸಾನ್‌, ಇದರ ನಿರ್ಮಾತೃ.

ಒಳಗೆ ಏನೇನಿದೆ?
ಬೆರಗುಗೊಳಿಸುವ ತಂತ್ರಜ್ಞಾನಕ್ಕೆ ಸಾಕ್ಷ್ಯವಾಗಿರುವ ಬುರ್ಜ್‌ ಕಟ್ಟಡದ ತಳಪಾಯ 50 ಮೀಟರ್‌ ಆಳವಿದೆ. ಕಟ್ಟಡದಲ್ಲಿ 162 ಅಂತಸ್ತುಗಳಿವೆ. ನೆಲದ ತಳದಲ್ಲಿ ಎರಡು ಅಂತಸ್ತುಗಳಿವೆ. ಕಾಲ್ನಡಿಗೆಯಲ್ಲಿ ಏರುವುದಾದರೆ 2,909 ಮೆಟ್ಟಿಲುಗಳನ್ನೇರಬೇಕು. 57 ಲಿಫ್ಟ್ಗಳಿವೆ. 124ನೆಯ ಮಹಡಿಯಲ್ಲಿರುವ ವೀಕ್ಷಣಾ ಗೋಪುರ ತಲುಪಲು ಇದಕ್ಕೆ ಒಂದು ನಿಮಿಷ ಸಾಕಾಗುತ್ತದೆ. ನೆನಪಿಡಿ, ಇದು 1,483 ಅಡಿ ಎತ್ತರದಲ್ಲಿರುವ ಈ ಕಟ್ಟಡದಲ್ಲಿ ಎಂಟು ಎಸ್ಕಲೇಟರ್‌ಗಳೂ ಇವೆ. 304 ಹೋಟೆಲುಗಳು, 900 ಅಪಾರ್ಟ್‌ಮೆಂಟ್‌ಗಳಿವೆ.

ನಿರ್ಮಾಣ ಹಿಂದಿನ ಶ್ರಮ
ಎಂಭತ್ತು ದೇಶಗಳಿಂದ ಬಂದಿದ್ದ ಕಾರ್ಮಿಕರು. 22 ದಶಲಕ್ಷ ಮಾನವ ಗಂಟೆಗಳ ಕೆಲಸ. ಕೊನೆಯ ದಿನಗಳಲ್ಲಿ ದೈನಿಕ 12 ಸಾವಿರ ಕೆಲಸಗಾರರ ಶ್ರಮ ವ್ಯಯವಾಗಿದೆ. 110,000 ಟನ್‌ ಕಾಂಕ್ರೀಟ್‌, 55 ಸಾವಿರ ಟನ್‌ ಉಕ್ಕು ಬಳಕೆಯಾಗಿದೆ. ಈ ಕಾಂಕ್ರೀಟ್‌ ಒಂದು ಲಕ್ಷ ಆನೆಗಳ ತೂಕಕ್ಕೆ ಸಮನಾಗಿದೆ. ಐದು ಎ380 ವಿಮಾನಗಳ ರಚನೆಗೆ ಬೇಕಾಗುವಷ್ಟು ಅಲ್ಯುಮಿನಿಯಂ ಇದರ ಸೃಷ್ಟಿಗೆ ಉಪಯೋಗವಾಗಿದೆ. 380 ತಂತ್ರಜ್ಞರು ಶ್ರಮಿಸಿದ್ದಾರೆ. 25 ಸಹಸ್ರ ಜನರಿಗೆ ಇದರೊಳಗೆ ಸ್ಥಳಾವಕಾಶವಿದೆ.

ಪುಟ್ಟ ನಗರಿ ಇದರಲ್ಲಿದೆ
ಬುರ್ಜ್‌ ಖಲೀಫಾ ದಿನನಿತ್ಯ ಉರಿಸುವ ನೂರು ವ್ಯಾಟ್‌ ಶಕ್ತಿಯ ಬಲುºಗಳ ಸಂಖ್ಯೆ 36 ಸಾವಿರದಷ್ಟಿದೆ. ದಿನಕ್ಕೆ 250,000 ಗ್ಯಾಲನ್‌ ನೀರು ಬಳಕೆಗೆ ಬೇಕು. 15 ದಶಲಕ್ಷ ಗ್ಯಾಲನ್‌ ಮಳೆ ನೀರು ಸಂಗ್ರಹಿಸಿಡಲು ಒಳತೊಟ್ಟಿಯಿದೆ. ಒಳ ಚರಂಡಿಗಳು, ಕೊಳಾಯಿ ವ್ಯವಸ್ಥೆಗಳಿವೆ. ಕಟ್ಟಡದ ಹವಾ ನಿಯಂತ್ರಣಕ್ಕಾಗಿ ನೀರನ್ನು ಘನೀಕೃತಗೊಳಿಸಲು 46 ಮೆಗಾವ್ಯಾಟಿನ ಯಂತ್ರ ಕೆಲಸ ಮಾಡುತ್ತದೆ. ಬುರ್ಜ್‌ ಖಲೀಫಾದಲ್ಲಿ 1200 ಮಳಿಗೆಗಳಿವೆ. ಇದು ವಿಶ್ವದ ಅತಿ ದೊಡ್ಡ ಶಾಪಿಂಗ್‌ ಮಾಲ್‌ ಕೂಡ ಹೌದು. ವಿಶ್ವದ ಎರಡನೆಯ ಅತಿ ದೊಡ್ಡ ಅಕ್ವೇರಿಯಂ ಇದರಲ್ಲಿದೆ. ವಿಶ್ವದ ಏಳು ಹೆಸರಾಂತ ಸ್ಟಾರ್‌ ಹೋಟೆಲುಗಳ ಪೈಕಿ ಒಂದು ಇದರಲ್ಲಿದೆ.

– ರಾಮಕೃಷ್ಣ ಶಾಸ್ತ್ರಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಆಡುವಾಗ ಬಿದ್ದು ಪೆಟ್ಟು ಮಾಡಿಕೊಂಡ ಸಂದರ್ಭದಲ್ಲಿ ಆ ಕ್ಷಣಕ್ಕೆ ನಮಗೆಲ್ಲರಿಗೂ ಬೇಕಾಗುವ ವಸ್ತು "ಬ್ಯಾಂಡ್‌ ಏಡ್‌'. ಅದು ರೂಪ ತಳೆದ ಕಥೆ ಇಲ್ಲಿದೆ. ಬ್ಯಾಂಡ್‌...

  • ಅದು ಪರಿಶುದ್ಧವಾದ ಕೊಳ. ಬಣ್ಣ ಬಣ್ಣದ ನೂರಾರು ಮೀನುಗಳು ಅಲ್ಲಿ ಸ್ವಚ್ಛಂದವಾಗಿ ವಿಹರಿಸುತ್ತಾ ಆನಂದದಿಂದಿದ್ದವು. ಇದೇ ಕೊಳದಲ್ಲಿ ಒಂದು ಚಿಕ್ಕ ಮೀನು ತನ್ನ...

  • ನಮಗೆ ನಿದ್ರೆ ಕಾರಣ ಎಡೆನೋಸಿಸ್‌. ಇದು ಹೆಚ್ಚಾದಷ್ಟು ನಿದ್ರೆ ಹೆಚ್ಚು, ಕಡಿಮೆ ಆದಷ್ಟು ನಿದ್ರೆ ಇಳಿಯುತ್ತದೆ. ರಾತ್ರಿ ಹೊತ್ತು ಇದು ದೇಹದಲ್ಲಿ ತುಂಬಿ ತುಳಕುವುದರಿಂದ...

  • ಚೀಟಿ ತೆರೆಯದೆಯೇ ಅದರೊಳಗೇನಿದೆ ಎನ್ನುವುದನ್ನು ಹೇಳುವ ಮ್ಯಾಜಿಕ್‌ ಇದು. ಪ್ರದರ್ಶನ: ಸಭೆಯಲ್ಲಿ ಹತ್ತು ಮಂದಿ ಪ್ರೇಕ್ಷಕರಿಗೆ ಒಂದೊಂದು ಚೀಟಿ ಮತ್ತು ಒಂದೊಂದು...

  • ಆನಂದನಿಗೆ ಮೂಗಿನ ತುದಿಯಲ್ಲೇ ಕೋಪ. ಅಮ್ಮ ಅಡುಗೆ ಮಾಡುವುದು ತಡವಾಯಿತೆಂದು ಅಮ್ಮನ ಜೊತೆ ಠೂ ಬಿಟ್ಟ. ಮುಂದೇನಾಯ್ತು? ಒಂದೂರಿನಲ್ಲಿ ಚಿಕ್ಕ ಮನೆಯಿತ್ತು. ಅಲ್ಲಿ...

ಹೊಸ ಸೇರ್ಪಡೆ