ಇಸ್ಪೀಟ್‌ ಕಾರ್ಡ್‌ ಪ್ರಿಂಟಿಂಗ್‌

Team Udayavani, Sep 12, 2019, 5:24 AM IST

ನೀವು ಗಮನಿಸಿರಬಹುದು. ಈ ಜಾದೂಗಾರ ಅಂದಾಕ್ಷಣ ಕಣ್ಣ ಮುಂದೆ ಬರುವ ಚಿತ್ರ ಕೈಯಲ್ಲೊಂದಷ್ಟು ಇಸ್ಪೀಟ್‌ ಕಾರ್ಡ್‌ಗಳು. ಹೌದು, ಇದು ಜಾದುವಿನ ಚುಂಬಕ ಚಿಹ್ನೆ.

ಕಾಲಿ ಕಾರ್ಡ್‌ಗಳನ್ನು ಇಸ್ಪೀಟ್‌ ಕಾರ್ಡ್‌ಗಳಾಗಿ ಮಾಡುವುದು ಹೇಗೆ? ಇವರ ಕೈಯಲ್ಲೊಂದು ಮಂತ್ರ ದಂಡವೇ ಇರಬೇಕು ಅನ್ನೋ ಅನುಮಾನ ಮತ್ತು ಕೌತುಕ ನೋಡುಗರಿಗೆ ಬರಿಸುವುದೇ ಈ ಇಸ್ಪೀಟ್‌ ಪ್ರಯೋಗ.

ಜಾದೂಗಾರ ಪ್ಯಾಕಿನಿಂದ ಇಸ್ಪೀಟ್‌ ಕಾರ್ಡ್‌ಗಳನ್ನು ತೆಗೆದು ಅವುಗಳನ್ನು ಬೀಸಣಿಗೆಯಂತೆ ಬಿಡಿಸಿ ತೋರಿಸುತ್ತಾನೆ. ಆಗ ಎಲ್ಲರೂ ತದೇಕ ಚಿತ್ತದಿಂದ ಅವನ ಕಡೆಯೇ ನೋಡುತ್ತಿರುತ್ತಾರೆ. ಆ ಇಸ್ಪೀಟ್‌ ಕಾರ್ಡ್‌ಗಳ ಹಿಂಭಾಗದಲ್ಲಿ ಡಿಸೈನ್‌ ಇರುತ್ತದೆ. ಮುಂಭಾಗ ಖಾಲಿಯಾಗಿರುತ್ತದೆ. ಪುನಃ ಕಾರ್ಡ್‌ಗಳನ್ನು ಒಟ್ಟು ಮಾಡಿ ಪುನಃ ಬೀಸಣಿಗೆಯಂತೆ ಬಿಡಿಸಿದಾಗ ಖಾಲಿ ಕಾರ್ಡುಗಳು ಮಾಮೂಲು ಇಸ್ಪೀಟ್‌ ಕಾರ್ಡ್‌ಗಳಂತೆ ಪ್ರಿಂಟ್‌ ಆಗಿರುತ್ತವೆ.

ಇದರ ರಹಸ್ಯ ಇಷ್ಟೆ: ಜೋಕರಿನ ಮುಂಭಾಗಕ್ಕೆ ಬಿಳಿ ಕಾಗದವನ್ನು ಅಂಟಿಸಿ. ಈ ಕಾರ್ಡ್‌ಅನ್ನು ಮುಂಭಾಗದಲ್ಲಿಟ್ಟು ಬಲದಿಂದ ಎಡಕ್ಕೆ ಸ್ವಲ್ಪವೇ ಬಿಡಿಸಿ. ಆಗ ಕಾರ್ಡ್‌ಗಳು ನೋಡುಗರಿಗೆ ಖಾಲಿ, ಖಾಲಿಯಾಗಿ ಕಾಣುತ್ತವೆ. ಇದಕ್ಕೆ ಕಾರಣ ಪ್ಯಾಕಿನ ಯಾವುದೇ ಎಲೆಯ ಮೇಲಿನ ಬಲಭಾಗ ಮತ್ತು ಕೆಳಗಿನ ಎಡಭಾಗ ಖಾಲಿಯಾಗಿರುವುದು. ಜೋಕರಿಗೆ ಕಾಗದ ಅಂಟಿಸಿರುವುದರಿಂದ ಅದೂ ಖಾಲಿಯಾಗಿರುತ್ತದೆ. ಈಗ ರಹಸ್ಯವಾಗಿ ಜೋಕರನ್ನು ತೆಗೆದು ಅಡಗಿಸಿಟ್ಟುಕೊಳ್ಳಿ. ಪ್ಯಾಕನ್ನು ಎಡದಿಂದ ಬಲಕ್ಕೆ ಬಿಡಿಸಿದರೆ ಎಲ್ಲಾ ಕಾರ್ಡುಗಳು ಪ್ರಿಂಟ್‌ ಆಗಿರುತ್ತವೆ. ಆಗ ಜೋರಾದ ಚಪ್ಪಾಳೆ ನಿಮ್ಮ ಪಾಲಿಗೆ.

 ಉದಯ್‌ ಜಾದೂಗಾರ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.



ಈ ವಿಭಾಗದಿಂದ ಇನ್ನಷ್ಟು

  • ಬಾಹ್ಯಾಕಾಶದ ಕತ್ತಲಿನಲ್ಲಿ ಕ್ಯಾಮೆರಾ ಫ್ಲ್ಯಾಶ್‌ ಒಂದು ತೂರಿ ಬಂದಿತ್ತು. ಅಂತರಿಕ್ಷದ ಯಾವುದೇ ವಿದ್ಯಮಾನವನ್ನೂ ಕಡೆಗಣಿಸದ ವಿಜ್ಞಾನಿಗಳು ಅದರ ಹಿಂದೆ ಬಿದ್ದರು....

  • ಮ್ಯಾಜಿಕ್‌ನಲ್ಲಿ ವಸ್ತುಗಳನ್ನು ತೋರಿಸಿ ಪ್ರೇಕ್ಷಕರಲ್ಲಿ ಕುತೂಹಲ ಮೂಡಿಸಿ, ಆ ಮೂಲಕ ಅವರನ್ನು ಹಿಡಿದಿಟ್ಟುಕೊಳ್ಳುವುದು ಒಂದು ಬಗೆ. ಆದರೆ, ಇದನ್ನೇ ಪದೇ ಪದೇ...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಮಾಯಾಪೆಟ್ಟಿಗೆ ಟಿ.ವಿ. (ದೂರದರ್ಶನ)ಯನ್ನು ಕಂಡು...

  • ಒಂದಾನೊಂದು ಕಾಡಿನಲ್ಲಿ ಒಂದು ತೋಳ ವಾಸವಾಗಿತ್ತು. ಅದು ರಾತ್ರೋರಾತ್ರಿ ಕಾಡಿನ ಸಮೀಪವಿದ್ದ ಹಳ್ಳಿಗೆ ನುಗ್ಗಿ ಮೇಕೆ ಕುರಿಗಳನ್ನು ಹೊತ್ತುಕೊಂಡು ಬಂದು ತಿನ್ನುತ್ತಿತ್ತು....

  • ಅಮೆರಿಕ, ಚಂದ್ರನ ಮೇಲೆ ತನ್ನ ಗಗನಯಾನಿಗಳನ್ನು 1969ರಲ್ಲಿ ಇಳಿಸಿ ಐತಿಹಾಸಿಕ ಸಾಧನೆ ಮಾಡಿತು. ಅದಕ್ಕಾಗಿ ಅಮೆರಿಕ ದಶಕಗಳಿಂದ ಪೂರ್ವ ತಯಾರಿ ನಡೆಸಿತ್ತು. ಚಂದ್ರಯಾನವನ್ನು...

ಹೊಸ ಸೇರ್ಪಡೆ