2,200 ವರ್ಷಗಳ ಹಿಂದೆ ಭೂಮಿಯ ಸುತ್ತಳತೆ ಪತ್ತೆ!

Team Udayavani, Oct 31, 2019, 4:27 AM IST

ಉಪಗ್ರಹ, ವೈಜ್ಞಾನಿಕ ಉಪಕರಣಗಳು ಇಲ್ಲದಿದ್ದ ಕಾಲದಲ್ಲಿ ಭೂಮಿಯ ಸುತ್ತಳತೆಯನ್ನು ಮನುಷ್ಯ ಪತ್ತೆ ಹಚ್ಚಿದ್ದು ಅಚ್ಚರಿಯೇ ಸರಿ. ಅದಕ್ಕೆ ಕಾರಣ ಗಣಿತಜ್ಞರು. ಅಂಕೆ- ಸಂಖ್ಯೆಗಳ ಸಹಾಯದಿಂದ ಕುಳಿತಲ್ಲೇ ಅವರು ಭೂಮಿಯ ಸುತ್ತಳತೆ ಪತ್ತೆ ಹಚ್ಚಲು ಅವರ ಜ್ಞಾನವಷ್ಟೇ ಅಲ್ಲ, ಸೂಕ್ಷ್ಮಪ್ರಜ್ಞೆಯೂ ಕಾರಣವಾಗಿದೆ. 2,200 ವರ್ಷಗಳ ಹಿಂದೆ ಜೀವಿಸಿದ್ದ ಗಣಿತಜ್ಞ ಎರಾಟೋಸ್ತೀನಿಸ್‌. ಒಮ್ಮೆ ಅವನ ಕಿವಿಗೆ ಸುದ್ದಿಯೊಂದು ಬೀಳುತ್ತದೆ. ಸಾಮಾನ್ಯವಾಗಿ ಮಧ್ಯಾಹ್ನ ಸೂರ್ಯ ನೆತ್ತಿಯ ಮೇಲಿರುತ್ತಾನೆ ಹೀಗಾಗಿ ನೆರಳು ನೆಲದ ಮೇಲೆ ಚಾಚುವುದಿಲ್ಲ, ಕಾಲ ಬಳಿಯಲ್ಲೇ ಉಡುಗಿಹೋಗುತ್ತದೆ. ಆದೇ ಸಂಜೆ ನಮ್ಮ ನೆರಳು ಉದ್ದಕ್ಕೆ ಚಾಚುತ್ತದೆ. ಆದರೆ, ಗ್ರೀಸ್‌ ದೇಶದ ಸೈಯೀನ್‌ ನಗರದಲ್ಲಿ ಸಂಜೆಯ ಹೊತ್ತು ನೆರಳು ನೆಲದಲ್ಲಿ ಉದ್ದಕ್ಕೆ ಚಾಚುವುದಿಲ್ಲ ಎನ್ನುವ ಸುದ್ದಿ ಅವನಲ್ಲಿ ಅಚ್ಚರಿ ಮೂಡಿಸುತ್ತದೆ. ಅವನು ಅಲ್ಲಿಗೆ ತೆರಳಿ ನೆಲದಲ್ಲಿ ಕಡ್ಡಿಯನ್ನು ನೆಟ್ಟು ಅದು ನಿಜವೆಂದು ತಿಳಿದುಕೊಳ್ಳುತ್ತಾನೆ. ನಂತರ ಆ ಜಾಗದಿಂದ ಸುಮಾರು 800 ಕಿ.ಮೀ ದೂರವಿದ್ದ ಅಲೆಕ್ಸಾಂಡ್ರಿಯಾ ನಗರದಲ್ಲಿ ಕಡ್ಡಿ ನೆಟ್ಟು ಪರೀಕ್ಷಿಸಿದಾಗ ಅಲ್ಲಿ ಅದರ ನೆರಳು ಸ್ವಲ್ಪವೇ ಸ್ವಲ್ಪ ಚಾಚಿದ್ದು ಕಂಡುಬಂದಿತ್ತು. ಅದನ್ನು ಅಧ್ಯಯನಕ್ಕೊಳಪಡಿಸಿದಾಗ 7.2 ಡಿಗ್ರಿಯಷ್ಟು ವ್ಯತ್ಯಾಸ ದೊರಕಿತ್ತು. ಅದಕ್ಕೆ ಹಿಂದೆಯೇ ಭೂಮಿ ಗುಂಡಗಿದೆ ಎಂದು ಅರಿಸ್ಟಾಟಲ್‌ ಮತ್ತು ಪೈಥಾಗೋರಸ್‌ ಮತ್ತಿತರ ವಿಜ್ಞಾನಿಗಳು ಪ್ರತಿಪಾದಿಸಿದ್ದರು. ಹೀಗಾಗಿ ಎರಾಟೋಸ್ತೀನಿಸ್‌ಗೆ ಭೂಮಿ ಗುಂಡಗಿದೆ ಎನ್ನುವುದರಲ್ಲಿ ಅನುಮಾನವಿರಲಿಲ್ಲ. ಈಗ ಲೆಕ್ಕಕ್ಕೆ ಬರೋಣ. ಒಂದು ವೃತ್ತವೆಂದರೆ 360 ಡಿಗ್ರೀ. 7.2 ಡಿಗ್ರಿ ಎಂದರೆ ವೃತ್ತದ 50 ಪಟ್ಟು ಚಿಕ್ಕ ಭಾಗ. ಅದು ಎರಡು ಪಟ್ಟಣಗಳ ನಡುವಿನ ವ್ಯತ್ಯಾಸ (800 ಕಿ.ಮೀ). ಅದರ ಸಹಾಯದಿಂದ ಭೂಮಿಯ ಸುತ್ತಳತೆ 40,000 ಕಿ.ಮೀ ಎನ್ನುವುದನ್ನು ಎರಾಟೋಸ್ತೀನಿಸ್‌ ಕಂಡುಹಿಡಿದ.

ಇದಾಗಿ ಸುಮಾರು 2,200 ವರ್ಷಗಳ ನಂತರ ಉಪಗ್ರಹದ ಸಹಾಯದಿಂದ ಭೂಮಿಯ ಸುತ್ತಳತೆ 40,075 ಕಿ.ಮೀ ಎಂದು ನಿಖರವಾಗಿ ಪತ್ತೆ ಹಚ್ಚಲಾಯಿತು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಆಡುವಾಗ ಬಿದ್ದು ಪೆಟ್ಟು ಮಾಡಿಕೊಂಡ ಸಂದರ್ಭದಲ್ಲಿ ಆ ಕ್ಷಣಕ್ಕೆ ನಮಗೆಲ್ಲರಿಗೂ ಬೇಕಾಗುವ ವಸ್ತು "ಬ್ಯಾಂಡ್‌ ಏಡ್‌'. ಅದು ರೂಪ ತಳೆದ ಕಥೆ ಇಲ್ಲಿದೆ. ಬ್ಯಾಂಡ್‌...

  • ಅದು ಪರಿಶುದ್ಧವಾದ ಕೊಳ. ಬಣ್ಣ ಬಣ್ಣದ ನೂರಾರು ಮೀನುಗಳು ಅಲ್ಲಿ ಸ್ವಚ್ಛಂದವಾಗಿ ವಿಹರಿಸುತ್ತಾ ಆನಂದದಿಂದಿದ್ದವು. ಇದೇ ಕೊಳದಲ್ಲಿ ಒಂದು ಚಿಕ್ಕ ಮೀನು ತನ್ನ...

  • ನಮಗೆ ನಿದ್ರೆ ಕಾರಣ ಎಡೆನೋಸಿಸ್‌. ಇದು ಹೆಚ್ಚಾದಷ್ಟು ನಿದ್ರೆ ಹೆಚ್ಚು, ಕಡಿಮೆ ಆದಷ್ಟು ನಿದ್ರೆ ಇಳಿಯುತ್ತದೆ. ರಾತ್ರಿ ಹೊತ್ತು ಇದು ದೇಹದಲ್ಲಿ ತುಂಬಿ ತುಳಕುವುದರಿಂದ...

  • ಚೀಟಿ ತೆರೆಯದೆಯೇ ಅದರೊಳಗೇನಿದೆ ಎನ್ನುವುದನ್ನು ಹೇಳುವ ಮ್ಯಾಜಿಕ್‌ ಇದು. ಪ್ರದರ್ಶನ: ಸಭೆಯಲ್ಲಿ ಹತ್ತು ಮಂದಿ ಪ್ರೇಕ್ಷಕರಿಗೆ ಒಂದೊಂದು ಚೀಟಿ ಮತ್ತು ಒಂದೊಂದು...

  • ಆನಂದನಿಗೆ ಮೂಗಿನ ತುದಿಯಲ್ಲೇ ಕೋಪ. ಅಮ್ಮ ಅಡುಗೆ ಮಾಡುವುದು ತಡವಾಯಿತೆಂದು ಅಮ್ಮನ ಜೊತೆ ಠೂ ಬಿಟ್ಟ. ಮುಂದೇನಾಯ್ತು? ಒಂದೂರಿನಲ್ಲಿ ಚಿಕ್ಕ ಮನೆಯಿತ್ತು. ಅಲ್ಲಿ...

ಹೊಸ ಸೇರ್ಪಡೆ