ಬೆರಳುಗಳಲ್ಲಿ ಕಣ್ಣಿದೆಯೇ?

Team Udayavani, Jul 18, 2019, 5:00 AM IST

ಬೆರಳಿಗೂ ಕಣ್ಣಿವೆ ಎಂದರೆ ನಿಮಗೆ ಅಚ್ಚರಿಯಾಗುವುದು ಸಹಜ. ಆದರೆ ಅದನ್ನು ಉಪಯೋಗಿಸಲು ತಿಳಿದಿರಬೇಕು. ಈ ವಿಚಾರ ಜಾದೂಗಾರರಿಗೆ ಮಾತ್ರವೇ ಗೊತ್ತಿರುವುದು. ಈ ಮಾತನ್ನು ನಿಮ್ಮ ಸ್ನೇಹಿತರ ಬಳಿ ಹೇಳಿ ನೋಡಿ. ಅವರು ನಗಬಹುದು. ನಂತರ ಅದನ್ನು ಜಾದೂ ಮೂಲಕ ಸಾಬೀತುಪಡಿಸಿ. ಮೊದಲಿಗೆ ಸ್ನೇಹಿತರಿಂದ ಹಲವು ನಾಣ್ಯಗಳನ್ನು ತೆಗೆದುಕೊಳ್ಳಿ. ಅನಂತರ ಯಾವುದಾದರೂ ಒಂದು ನಾಣ್ಯವನ್ನು ಮಾರ್ಕರ್‌ನಿಂದ ಗುರುತು ಮಾಡಲು ಹೇಳಿ. ಅವರು ಗುರುತು ಮಾಡಿದ ನಂತರ ಅದನ್ನು ಒಂದು ಟೋಪಿಯಲ್ಲಿ ಹಾಕಿ. ಉಳಿದ ನಾಣ್ಯಗಳನ್ನೂ ಆ ಟೋಪಿಯಲ್ಲಿ ಹಾಕಿ. ನಂತರ ನಿಮ್ಮ ಕಣ್ಣುಗಳನ್ನು ಮುಚ್ಚಿ ನಿಮ್ಮ ಕೈಯನ್ನು ಟೋಪಿಯೊಳಗೆ ಹಾಕಿ ಮಾರ್ಕರ್‌ನಿಂದ ಗುರುತು ಮಾಡಲ್ಪಟ್ಟಿರುವ ನಾಣ್ಯವನ್ನು ಹೊರ ತೆಗೆದು ತೋರಿಸಿ. ದಂಗಾಗುವ ಸರದಿ ಸ್ನೇಹಿತರದಾಗುತ್ತದೆ. “ಹೇಗೆ ಮಾಡಿದೆ?’ ಎಂದು ಕೇಳಿದರೆ, “ಮುಂಚೆಯೇ ಹೇಳಿದ್ದೆನಲ್ಲ…? ನನ್ನ ಬೆರಳಿನಲ್ಲೂ ಕಣ್ಣಿದೆ ಎಂದು. ಈಗಲಾದರೂ ನಂಬಿಕೆ ಬಂತಾ?’ ಎನ್ನಿರಿ.

ರಹಸ್ಯ:
ನಿಮ್ಮ ಹೆಬ್ಬೆರಳಿನ ಉಗುರಿಗೆ ಸ್ವಲ್ಪ ಜೇನುಮೇಣವನ್ನು ಮೆತ್ತಿರಿ. ನಿಮ್ಮ ಸ್ನೇಹಿತರು ಗುರುತು ಮಾಡಿಕೊಟ್ಟ ನಾಣ್ಯವನ್ನು ಟೋಪಿಯಲ್ಲಿ ಹಾಕುವ ಮೊದಲು ಆ ನಾಣ್ಯದ ಒಂದು ಬದಿಗೆ ಜೇನುಮೇಣವನ್ನು ಮೆತ್ತಿರಿ. ನಂತರ ಉಳಿದ ನಾಣ್ಯಗಳನ್ನು ಟೋಪಿಯಲ್ಲಿ ಹಾಕಿರಿ. ಮುಂದೆ ನೀವು ಸ್ನೇಹಿತ ಮಾರ್ಕ್‌ ಮಾಡಿದ ನಾಣ್ಯ ತೆಗೆಯುತ್ತೇನೆ ಎಂದು ಹೇಳಿ ಮಂತ್ರ ಹೇಳಿ ಟೋಪಿ ಒಳಗೆ ಕೈ ಹಾಕಿ ಮೇಣ ಇರುವ ನಾಣ್ಯವನ್ನು ಹೊರ ತೆಗೆಯಿರಿ. ನಂತರ ನಾಣ್ಯವನ್ನು ಸ್ನೇಹಿತರಿಗೆ ಪರೀಕ್ಷೆ ಮಾಡಲು ಕೊಡುವಾಗ ಮೇಣವನ್ನು ಅವರಿಗೆ ತಿಳಿಯದ ಹಾಗೆ ಒರೆಸಿ ಕೊಡಿ.

ಉದಯ್‌ ಜಾದೂಗಾರ್‌

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಶಾಲೆಯಿಂದ ಮರಳಿ ಮನೆಗೆ ಬಂದ ರೋಹನ್‌ ತನ್ನ ತಾಯಿ ಬಳಿ ಹೋಗಿ, "ಅಮ್ಮಾ, ನಾಳೆ ನಮ್ಮ ದೇಶಕ್ಕೆ ಸ್ವಾತಂತ್ರ್ಯ ಬಂದ ದಿನ. ಅದಕ್ಕೆ ಶಾಲೆಯಲ್ಲಿ ಒಂದು ಪುಟ್ಟ ಕಥೆ ಹೇಳಬೇಕಂತೆ....

  • ಜಾದೂಗಾರ ಒಂದು ಖಾಲಿ ಬೆಂಕಿಪೊಟ್ಟಣದೊಳಗೆ ಕೇಸರಿ, ಬಿಳಿ, ಹಸಿರು, ನೀಲಿ ರಿಬ್ಬನ್‌ಗಳನ್ನು ಹಾಕಿ ಮುಚ್ಚುತ್ತಾನೆ. ಎಲ್ಲರೂ ವಂದೇ ಮಾತರಂ ಎಂಬ ಉದ್ಘೋಷವನ್ನು ಮಾಡುತ್ತಿದ್ದಂತೆಯೇ...

  • ಅತಿಥಿಯಾಗಿ ಬಂದಿದ್ದ ಶಾಸಕರು ಧ್ವಜಾರೋಹಣವನ್ನು ನಡೆಸಿಕೊಟ್ಟರು. ನಂತರ ಶಾಲೆಯ ಜನಪ್ರಿಯ ಕಥೆಗಾರ ಸಲೀಂ ಕಥೆ ಹೇಳುವ ಕಾರ್ಯಕ್ರಮ. ಅದಕ್ಕಾಗಿ ಎಲ್ಲರೂ ಕಾದಿದ್ದರು....

  • ಭಾರತೀಯ ಸ್ವಾತಂತ್ರ್ಯ ಸಂಗ್ರಾಮದಲ್ಲಿ ದೊಡ್ಡ ಪಾತ್ರ ವಹಿಸಿದ ಮಹಾತ್ಮ ಗಾಂಧೀಜಿಯ ಎಂಬ ಆಲದ ಮರದ ನೆರಳಿನಲ್ಲಿ ಬಹಳಷ್ಟು ಮಂದಿ ತಮ್ಮ ಜೀವನವನ್ನು ಮುಡಿಪಾಗಿಟ್ಟಿದ್ದರು....

  • ಕತ್ತಲಾದ ಕೂಡಲೆ ಮಿಡತೆ ತನ್ನ ಮುಂಗಾಲಿನಿಂದ ಬಾಯಿಯನ್ನು ಒರೆಸಿಕೊಳ್ಳುತ್ತಾ "ಚಿರ್ಪ್‌ ಚಿರ್ಪ್‌' ಎಂದು ಸದ್ದು ಮಾಡುತ್ತಿತ್ತು. ಆ ಸದ್ದು ಎಷ್ಟು ಜೋರಾಗಿರುತ್ತಿತ್ತೆಂದರೆ...

ಹೊಸ ಸೇರ್ಪಡೆ