Udayavni Special

ಮನಮೋಹಕ ಚಿಟ್ಟೆ ಮತ್ತು ಮರಿಯಾನೆ


Team Udayavani, Oct 31, 2019, 4:36 AM IST

e-6

ಚಿಟ್ಟೆಯನ್ನು ನೋಡುತ್ತಾ ಮೈಮರೆತ ಆನೆ ಮರಿ ತನ್ನ ಗುಂಪಿನಿಂದ ಬೇರೆಯಾಗಿತ್ತು. ಅದು ತಿಳಿಯುವಷ್ಟರಲ್ಲಿ ಬಹಳ ದೂರ ಸಾಗಿ ಬಂದಿತ್ತು. ಪೊದೆಯಲ್ಲಡಗಿದ್ದ ಹುಲಿ ಆನೆ ಮರಿಯನ್ನು ತಿನ್ನಲು ಹೊಂಚು ಹಾಕಿ ಕುಳಿತಿತ್ತು. ಅದು ಆನೆ ಮರಿಗೆ ಗೊತ್ತೇ ಆಗಿರಲಿಲ್ಲ.

ಹಸಿರಿನಿಂದ ಕಂಗೊಳಿಸುತ್ತಿದ್ದ ದಟ್ಟವಾದ ಕಾಡಿತ್ತು. ಆನೆಗಳ ಗುಂಪೊಂದು ಆ ಕಾಡಿನಲ್ಲಿ ಮೇಯಲು ಬಂದಿತ್ತು. ಆ ಗುಂಪಿನಲ್ಲಿ ಕೆಲವು ಮರಿಗಳೂ ಇದ್ದವು. ಕಾಡಿನಲ್ಲಿನ ಹುಲ್ಲು ಮತ್ತು ಬಿದಿರನ್ನು ಮೇಯುತ್ತಾ ಗುಂಪು ಮುಂದೆ ಮುಂದೆ ಸಾಗುತ್ತಿತ್ತು. ಆನೆಯ ಗುಂಪಿನಲ್ಲಿದ್ದ ಒಂದು ಮರಿಗೆ ಅಕಸ್ಮಾತ್‌ ಎಂಬಂತೆ ಒಂದು ಚಿಟ್ಟೆ ಕಣ್ಣಿಗೆ ಬಿತ್ತು. ಚಿಟ್ಟೆ ಆನೆಯ ಗುಂಪಿನ ಜೊತೆಯಲ್ಲೇ ಮುನ್ನಡೆಯುತ್ತಿತ್ತು. ಚಿಟ್ಟೆ ಹಾರುತ್ತಿದ್ದ ರೀತಿ, ರೆಕ್ಕೆಗಳನ್ನು ಬಡಿಯುತ್ತಿದ್ದ ಪರಿಯನ್ನು ನೋಡುತ್ತ ಆನೆಮರಿ ನಿಧಾನವಾಗಿ ನಡೆಯತೊಡಗಿತು. ಮರಿಯ ನಡಿಗೆ ನಿಧಾನವಾಗಿದ್ದರಿಂದ, ಅದು ಗುಂಪಿನಿಂದ ದೂರ ಉಳಿಯಿತು.

ಗುಂಪಿನ ಜೊತೆ- ಜೊತೆಯಲ್ಲೇ ಇದ್ದ ಚಿಟ್ಟೆ ಥಟ್‌ ಅಂತ ತನ್ನ ದಿಕ್ಕನ್ನು ಬದಲಿಸಿಬಿಟ್ಟಿತು. ಚಿಟ್ಟೆ ಹಾರುವುದನ್ನೇ ನೋಡುತ್ತ ನಡೆಯುತ್ತಿದ್ದ ಮರಿ, ಚಿಟ್ಟೆಯನ್ನೇ ಹಿಂಬಾಲಿಸಿತು. ಚಿಟ್ಟೆ ಕ್ಷಣ-ಕ್ಷಣಕ್ಕೂ, ಒಂದು ಹೂವಿನಿಂದ ಇನ್ನೊಂದು ಹೂವಿನ ಮೇಲೆ ಕೂಡುತ್ತಿತ್ತು. ಆ ಭಂಗಿಯನ್ನು ಆನೆ ಮರಿ ಆನಂದಿಸುತ್ತಿತ್ತು. ಚಿಟ್ಟೆಯನ್ನೇ ಹಿಂಬಾಲಿಸಿ ಬರುತ್ತಿದ್ದ ಮರಿಗೆ, ತಾನು ಗುಂಪಿನಿಂದ ದೂರ ಬಂದಿದ್ದು ಗಮನಕ್ಕೆ ಬರಲೇ ಇಲ್ಲ. ಸ್ವಲ್ಪ ಸಮಯದ ನಂತರ ಚಿಟ್ಟೆ ಮೇಲೆ ಹಾರುತ್ತ ಹಾರುತ್ತ ಒಮ್ಮೆಲೆ ಮಾಯವಾಗಿಬಿಟ್ಟಿತು. ಗಾಬರಿಯಾದ ಆನೆ ಮರಿಗೆ, ಮುಂದೆ ಎಲ್ಲಿ ಹೋಗುವುದೆಂದು ತಿಳಿಯದಾಯಿತು. ಅದು ಹಿಂದೆ ತಿರುಗಿ ನೋಡಿತು. ಅದರ ಅಮ್ಮ ಮತ್ತು ಉಳಿದ ಆನೆಗಳು ಯಾವುವೂ ಕಾಣಲಿಲ್ಲ. ಅದಕ್ಕೆ ಏನು ಮಾಡುವುದೆಂದು ತೋಚದೆ ಅಲ್ಲಿಯೇ ನಿಂತುಬಿಟ್ಟಿತು.

ಆನೆ ಮರಿಗೆ ಏನೋ ಶಬ್ದ ಕೇಳಿಸಿದ‌ಂತಾಗಿ, ಅದು ನಿಂತಲ್ಲೇ ಒಂದು ಕ್ಷಣ ನಡುಗಿಹೋಯಿತು. ಹುಲಿ- ಸಿಂಹವೇನಾದರೂ ಬಂದರೆ ನನ್ನ ಗತಿ ಏನಪ್ಪಾ ಅಂತ ಹೆದರಿಕೆ ಶುರುವಾಯಿತು. ಅಷ್ಟರಲ್ಲಿ ಅದಕ್ಕೆ ಏನೋ ಸದ್ದು ಕೇಳಿತು. ಕಿವಿಗೊಟ್ಟು ಕೇಳಿಸಿಕೊಂಡಾಗ “ಝುಳು ಝುಳು’ ಶಬ್ದ ಕೇಳಿಸಿತು. ಅದು ನೀರು ಹರಿಯುವ ಶಬ್ದ ಎಂದು ಮನವರಿಕೆಯಾದ ಮೇಲೆ, ಆನೆ ಮರಿ ಶಬ್ದ ಕೇಳಿಬಂದ ದಿಕ್ಕಿನ ಕಡೆಗೆ ನಡೆಯತೊಡಗಿತು. ಸ್ವಲ್ಪ ದೂರ ನಡೆಯುವಷ್ಟರಲ್ಲಿ ಒಂದು ಪುಟ್ಟ ಹಳ್ಳ ಹರಿಯುತ್ತಿರುವುದು ಕಾಣಿಸಿತು. ಆನೆ ಮರಿಗೆ ಬಾಯಾರಿಕೆಯಾಗಿತ್ತು. ಹಳ್ಳವನ್ನು ಕಂಡ ತಕ್ಷಣ ನೀರು ಕುಡಿಯಲು ಮುಂದಾಯಿತು.

ಹಳ್ಳದ ಇನ್ನೊಂದು ದಂಡೆಯಲ್ಲಿ, ಪೊದೆಯೊಳಗೆ ಒಂದು ಹುಲಿ ಅಡಗಿ ಕುಳಿತಿತ್ತು. ಅದು ಬಹಳ ಹೊತ್ತಿನಿಂದ ಬೇಟೆಗಾಗಿ ಹೊಂಚು ಹಾಕುತ್ತಿತ್ತು. ಎಷ್ಟು ಹೊತ್ತಾದರೂ ಯಾವ ಪ್ರಾಣಿಯೂ ಹಳ್ಳದತ್ತ ಬರದಿದ್ದುದ ಕಂಡು ಕೋಪದಿಂದ ಕುದಿಯುತ್ತಿತ್ತು. ಆನೆ ಮರಿ ಹಳ್ಳದ ಸಮೀಪ ಬರುವುದು ಕಂಡಾಗ ಹುಲಿಗೆ ತುಂಬಾ ಸಂತೋಷವಾಯಿತು. ಅದು ಸರಿಯಾದ ಸಮಯ ನೋಡಿ ಆನೆ ಮರಿ ಮೇಲೆ ಮುಗಿಬೀಳಲು ಸಿದ್ಧವಾಯಿತು.

ಆನೆ ಮರಿ ಬಗ್ಗಿ ನೀರು ಕುಡಿಯಲು ಶುರು ಮಾಡುತ್ತಿದ್ದಂತೆಯೇ ಹುಲಿ ಆನೆ ಮರಿ ಮೇಲೆ ಜಿಗಿಯಲೆಂದು ಪೊದೆಯಿಂದ ಎದ್ದು ಬಂದಿತು. ನೋಡ ನೋಡುತ್ತಿದ್ದಂತೆಯೇ ಹುಲಿ ಜಿಗಿದೇಬಿಟ್ಟಿತ್ತು. ಅಷ್ಟರಲ್ಲಿ ಅದೆಲ್ಲಿಂದಲೋ ಬಂದ ಸೊಂಡಿಲೊಂದು ಹುಲಿಯನ್ನು ಎತ್ತಿ ಬಿಸಾಕಿತು. ಹುಲಿ ಅಯ್ಯಮ್ಮಾ ಎಂದು ನೆಲದ ಮೇಲೆ ಬಿದ್ದು ಸೊಂಟ ಮುರಿದುಕೊಂಡಿತು. ನೀರು ಕುಡಿಯುತ್ತಿದ್ದ ಆನೆ ಮರಿ ಏನಾಗುತ್ತಿದೆ ಎಂದು ತಲೆ ಎತ್ತಿ ನೋಡಿದಾಗ ಅದಕ್ಕೆ ಆಶ್ಚರ್ಯ ಕಾದಿತ್ತು. ಅಮ್ಮ ಆನೆ ಸರಿಯಾದ ಸಮಯಕ್ಕೆ ಬಂದು ತನ್ನ ಕಂದನನ್ನು ರಕ್ಷಿಸಿತ್ತು. ಗುಂಪಿನಲ್ಲಿ ತನ್ನ ಮರಿಯನ್ನು ಕಾಣದೆ ಮರಿಯ ಅಮ್ಮ ಕಂಗಾಲಾಗಿ ಹುಡುಕುತ್ತಾ ಬಂದಾಗ ಮರಿಯ ಹೆಜ್ಜೆಗುರುತುಗಳು ಕಂಡುಬಂದಿದ್ದವು. ಅದನ್ನೇ ಹಿಂಬಾಲಿಸುತ್ತಾ ಓಡೋಡಿ ಬಂದಾಗ ಕಡೆಗೂ ಮರಿಯ ಬಳಿಗೆ ಬಂದಿತ್ತು.

ನೆಲದ ಮೇಲೆ ಬಿದ್ದಿದ್ದ ಹುಲಿ ಸಾವರಿಸಿಕೊಂಡು ಎದ್ದು ನಿಂತು ತಿರುಗಿ ನೋಡಿತು. ಆನೆ ತನ್ನ ಮರಿಯ ತಂಟೆಗೆ ಬಂದರೆ ಹುಷಾರ್‌ ಎಂದು ಎಚ್ಚರಿಕೆ ನೀಡಿತು. ಸೊಂಟ ಮುರಿದು ಏನೂ ಮಾಡಲಿಕ್ಕಾಗದೆ ಹುಲಿ “ಆನೆಗಳ ಸಹವಾಸವೇ ಬೇಡ. ಬೇರೆ ಯಾವುದಾದರೂ ಸಣ್ಣ ಪ್ರಾಣಿಯನ್ನು ಬೇಟೆ ಆಡಿದರಾಯಿತು’ ಎಂದುಕೊಂಡು ಅಲ್ಲಿಂದ ಕಾಲು ಕಿತ್ತಿತು. ಆನೆಯೂ, ಆನೆ ಮರಿಯೂ ಸಂತಸದಿಂದ ತಮ್ಮ ಗುಂಪಿನೆಡೆಗೆ ಪ್ರಯಾಣ ಬೆಳೆಸಿದವು. ಮರಿಯಾನೆಯನ್ನು ಸೆಳೆದಿದ್ದ ಚಿಟ್ಟೆ ಮತ್ತೆ ಕಾಣಿಸಿಕೊಂಡಿತು. ಮರಿಯಾನೆ “ಅಮ್ಮಾ ಇದೇ ನೋಡು ಚಿಟ್ಟೆ’ ಎಂದು ತೋರಿಸಿ ನಕ್ಕಿತು. ಅಮ್ಮನೂ ನಕ್ಕಳು.

– ಪ್ರೇಮಾ ಬಿರಾದಾರ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

Dead-730

ಚಾಮರಾಜನಗರ ಜಿಲ್ಲೆ: ಕೋವಿಡ್‌ನಿಂದ ಮೊದಲ ಸಾವು

ಸಚಿವ ಸಿಟಿ ರವಿಗೂ ತಾಗಿದ ಕೋವಿಡ್ ಸೋಂಕು: ಯಾವುದೇ ಸೋಂಕು ಲಕ್ಷಣಗಳಿಲ್ಲ ಎಂದ ಸಚಿವ

ಸಚಿವ ಸಿಟಿ ರವಿಗೂ ತಾಗಿದ ಕೋವಿಡ್ ಸೋಂಕು: ಯಾವುದೇ ಸೋಂಕು ಲಕ್ಷಣಗಳಿಲ್ಲ ಎಂದ ಸಚಿವ

ಭಾರತದೊಳಕ್ಕೆ ನುಸುಳಲು ಗಡಿಯಲ್ಲಿ ಪಾಕ್ ಬೆಂಬಲಿತ 300 ಉಗ್ರರ ಠಿಕಾಣಿ: ಸೇನೆ

ಭಾರತದೊಳಕ್ಕೆ ನುಸುಳಲು ಗಡಿಯಲ್ಲಿ ಪಾಕ್ ಬೆಂಬಲಿತ 300 ಉಗ್ರರ ಠಿಕಾಣಿ: ಸೇನೆ

ಶಿರ್ವ, ಕುತ್ಯಾರು, ಕಳತ್ತೂರು 20 ಜನರಲ್ಲಿ ಕೋವಿಡ್ ಸೋಂಕು

ಶಿರ್ವ, ಕುತ್ಯಾರು, ಕಳತ್ತೂರು ಪರಿಸರದಲ್ಲಿ 20 ಜನರಲ್ಲಿ ಕೋವಿಡ್ ಸೋಂಕು

ಬೆಂಗಳೂರು ಹಾಗೂ ಬೆಂ. ಗ್ರಾಮಾಂತರ ಜಿಲ್ಲೆಯಲ್ಲಿ ಒಂದು ವಾರ ಸಂಪೂರ್ಣ ಲಾಕ್ ಡೌನ್

ಬೆಂಗಳೂರು ಹಾಗೂ ಬೆಂ. ಗ್ರಾಮಾಂತರ ಜಿಲ್ಲೆಯಲ್ಲಿ ಒಂದು ವಾರ ಸಂಪೂರ್ಣ ಲಾಕ್ ಡೌನ್

ಮಗಳ ಪ್ರೇಮ ವಿವಾಹಕ್ಕೆ ವಿರೋಧ: ಅಳಿಯ ಮನೆಯ ಐವರನ್ನು ಹಾಡುಹಗಲೇ ಬರ್ಬರ ಕೊಲೆ

ಮಗಳ ಪ್ರೇಮ ವಿವಾಹಕ್ಕೆ ವಿರೋಧ: ಅಳಿಯ ಮನೆಯ ನಾಲ್ವರನ್ನು ಹಾಡುಹಗಲೇ ಬರ್ಬರ ಕೊಲೆ

ಥಾಣೆಯಲ್ಲಿ ವಿಕಾಸ್ ದುಬೆಯ ಇಬ್ಬರು ಆಪ್ತ ಸಹಚರರು ದಯಾ ನಾಯಕ್ ತಂಡದ ಬಲೆಗೆ

ಥಾಣೆಯಲ್ಲಿ ವಿಕಾಸ್ ದುಬೆಯ ಇಬ್ಬರು ಆಪ್ತ ಸಹಚರರು ದಯಾ ನಾಯಕ್ ತಂಡದ ಬಲೆಗೆ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

Vishmaya

ಪ್ರಪಂಚ ಪರ್ಯಟನೆ; ಅಚ್ಚರಿಯ ಜಗತ್ತು ಇದು…

ten-ten

ಏರ್‌ ಡೆಕ್ಕನ್‌ ವಿಮಾನಯಾನ ಸಂಸ್ಥಾಪಕ ಜಿ. ಆರ್‌. ಗೋಪಿನಾಥ್‌

farmer

ದೇವರು ಬಿತ್ತಿದ ಕಾಳು

ಟೋಪಿಯಿಂದ ಸೃಷ್ಟಿ

ಟೋಪಿಯಿಂದ ಸೃಷ್ಟಿ

ಚಿಕ್ಕ ಮೀನಿನ ದೊಡ್ಡ ಆಸೆ

ಚಿಕ್ಕ ಮೀನಿನ ದೊಡ್ಡ ಆಸೆ

MUST WATCH

udayavani youtube

Dragon Fruit ಬೆಳೆದು ಯಶಸ್ವಿಯಾದ ರೈತ | Successful Farmer Vegetable | Udayavani

udayavani youtube

ವಿಶ್ವಾದ್ಯಂತ COVID-19 ಸ್ಥಿತಿಗತಿ & Vaccine ಪ್ರಗತಿ | Udayavani Straight Talk

udayavani youtube

Covid Bus Basin : A new invention by students of SMVIT College Bantakal

udayavani youtube

ಗಾಲ್ವಾನ್ ಕಣಿವೆ: ಚೀನಾದ ಉದ್ಧಟತನಕ್ಕೆ ಏನು ಕಾರಣ? | Udayavani Straight Talk

udayavani youtube

ಮಡಹಾಗಲ ಕಾಯಿ – Spiny gourd ಬೆಳೆದು ಯಶಸ್ವಿಯಾದ ರೈತ | Successful Farmer Vegetable


ಹೊಸ ಸೇರ್ಪಡೆ

Covid-19-Positive-1

ದಾವಣಗೆರೆ: ಕೋವಿಡ್ 19 ಸೋಂಕಿಗೆ ನಾಲ್ವರು ಬಲಿ

ಮೈಸೂರು ಜಿಲ್ಲೆಯಲ್ಲಿ ಒಂದೇ ದಿನ 83 ಪಾಸಿಟಿವ್ ಪ್ರಕರಣ ಪತ್ತೆ

ಮೈಸೂರು ಜಿಲ್ಲೆಯಲ್ಲಿ ಒಂದೇ ದಿನ 83 ಪಾಸಿಟಿವ್ ಪ್ರಕರಣ ಪತ್ತೆ

Dead-730

ಚಾಮರಾಜನಗರ ಜಿಲ್ಲೆ: ಕೋವಿಡ್‌ನಿಂದ ಮೊದಲ ಸಾವು

ಸಚಿವ ಸಿಟಿ ರವಿಗೂ ತಾಗಿದ ಕೋವಿಡ್ ಸೋಂಕು: ಯಾವುದೇ ಸೋಂಕು ಲಕ್ಷಣಗಳಿಲ್ಲ ಎಂದ ಸಚಿವ

ಸಚಿವ ಸಿಟಿ ರವಿಗೂ ತಾಗಿದ ಕೋವಿಡ್ ಸೋಂಕು: ಯಾವುದೇ ಸೋಂಕು ಲಕ್ಷಣಗಳಿಲ್ಲ ಎಂದ ಸಚಿವ

ಭಾರತದೊಳಕ್ಕೆ ನುಸುಳಲು ಗಡಿಯಲ್ಲಿ ಪಾಕ್ ಬೆಂಬಲಿತ 300 ಉಗ್ರರ ಠಿಕಾಣಿ: ಸೇನೆ

ಭಾರತದೊಳಕ್ಕೆ ನುಸುಳಲು ಗಡಿಯಲ್ಲಿ ಪಾಕ್ ಬೆಂಬಲಿತ 300 ಉಗ್ರರ ಠಿಕಾಣಿ: ಸೇನೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.