ಅಜ್ಜಿ ಮಾಡಿದ ರಾಗಿ ಲಡ್ಡು

Team Udayavani, Dec 12, 2019, 4:59 AM IST

“ಅಜ್ಜೀ, ನನ್ನ ಹೊಸ ಗೆಳೆಯರು ಬಂದಿದ್ದಾರೆ. ಏನಾದ್ರೂ ಕೊಡು ‘ ಎಂದು ಸಿರಿ ಹೇಳಿದಳು. “ಐದೇ ನಿಮಿಷ ಮಕ್ಕಳಾ… ಇದೋ ಬಂದೆ ‘ ಎಂದ ಅಜ್ಜಿ ಲಗುಬಗೆಯಿಂದ ಅಡುಗೆಮನೆಗೆ ಹೀಗೆ ಹೋಗಿ ಹಾಗೆ ಬಂದೇ ಬಿಟ್ಟರು. ಕೈಯಲ್ಲಿ ಹುರಿಹಿಟ್ಟಿನ ಪುಟಾಣಿ ಉಂಡೆಗಳಿದ್ದ ಮೂರು ಬಟ್ಟಲುಗಳಿದ್ದವು. ಅವರು “ಬನ್ನಿ ತೊಗೊಳ್ಳಿ’ ಅಂತ ಪ್ರೀತಿಯಿಂದ ಮಕ್ಕಳನ್ನು ಕರೆದರು.

‘ಅಜ್ಜೀ, ಎಷ್ಟು ಬೇಗ ಮಾಡಿದಿರಿ! ಏನು ಈ ತಿಂಡಿಯ ಹೆಸರು?’ ಗುಂಗುರು ಕೂದಲ ಹುಡುಗ ಕೇಳಿದ
“ಹೂಂ, ಹೇಳ್ತೀನಿ… ಏನು ನಿನ್ನ ಹೆಸರು?’
“ಗಿರೀಶ. ಗಿರಿ ಅಂತ ಕರೀತಾರೆ, ಇವನು ನನ್ನ ತಮ್ಮ ಹರೀಶ. ಹರಿ ಅಂತ ಕರೆಯೋದು ‘
“ಅರೆ, ನಾನು ಕೇಳ್ಳೋಕ್ಕೆ ಮೊದಲೇ ಹೇಳಿದೆ, ಜಾಣ’ ಎಂದು ಅಜ್ಜಿ ನಕ್ಕರು.

“ಅಜ್ಜಿ ನಾವು ಮೂರೂ ಜನ ಬೆಸ್ಟ್ ಫ್ರೆಂಡ್ಸ್’ ಎಂದು ಸಿರಿ ಕಣ್ಣರಳಿಸಿದಳು.
“ಸಿರಿ, ಗಿರಿ, ಹರಿ… ಚೆನ್ನಾಗಿದೆ! ಹಾಂ, ಗಿರಿ ಏನೋ ಕೇಳಿದ್ನಲ್ಲ? ಈ ತಿಂಡಿ ಹೆಸರು ರಾಗಿ ಲಡ್ಡು ಪುಟ್ಟಾ. ಹುರಿಹಿಟ್ಟು ರಾಗಿಯಿಂದ ಮಾಡಿದ್ದು. ಆರೋಗ್ಯಕ್ಕೆ ತುಂಬಾ ಒಳ್ಳೇದು ‘
“ಅಜ್ಜಿ, ಇದನ್ನು ತಯಾರಿಸೋದು ಸುಲಭವಾ? ಎಷ್ಟು ಬೇಗ ಮಾಡಿದಿರಿ?’ ಹರಿ ಅಚ್ಚರಿಯಿಂದ ಕೇಳಿದ.
“ಹೌದು ಹರಿ. ರಾಗಿಯನ್ನು ತೊಳೆದು ನೆರಳಲ್ಲಿ ಒಣಗಿಸಿ ಹುರಿದು ಪುಡಿ ಮಾಡಿಟ್ಟು ಡಬ್ಬದಲ್ಲಿ ಸಂಗ್ರಹಿಸಿ ಇಡ್ತೀವಿ. ಬೇಕು ಅಂದಾಗ ಸ್ವಲ್ಪ ಹುರಿಹಿಟ್ಟು, ಬೆಲ್ಲ ನೀರು ಹಾಕಿ ಕಲೆಸಿದರೆ ರಾಗಿ ಲಡ್ಡು ರೆಡಿ. ರುಚಿಯಾಗೂ ಇರುತ್ತೆ, ಆರೋಗ್ಯಕರವಾಗೂ ಇರುತ್ತೆ’
“ಆಹಾ, ಎಷ್ಟು ರುಚಿಯಾಗಿದೆ. ಇವತ್ತು ನಮ್ಮ ಸ್ಕೂಲಲ್ಲಿ ಬೀದಿ ಬದಿ ಸಿಗೋ ಜಂಕ್‌ ಫ‌ುಡ್‌ ತಿಂದರೆ ದುಡ್ಡು ಪೋಲಾಗುತ್ತೆ ಮತ್ತು ಆರೋಗ್ಯವೂ ಹಾಳಾಗುತ್ತೆ. ಮನೆಯಲ್ಲಿ ತಯಾರಿಸಿದ ಆಹಾರಪದಾರ್ಥದಲ್ಲಿ ರುಚಿ ಶುಚಿ ಎರಡೂ ಇರುತ್ತೆ, ಅಂತ ನಮ್ಮ ಮಿಸ್‌ ಹೇಳಿದ್ರು’ ಎಂದು ಲಡ್ಡು ಮೆಲ್ಲುತ್ತಾ ಗಿರಿ ಹೇಳಿದ.

“ಹೌದು ಗಿರಿ, ನಿಮ್ಮ ಮಿಸ್‌ ಸರಿಯಾಗೇ ಹೇಳಿದ್ದಾರೆ. ಬೀದಿ ಬದಿಯ ಗಾಡಿಗಳಲ್ಲಿ ಮೊದಲೇ ಸಿದ್ಧಪಡಿಸಿಟ್ಟುಕೊಂಡ ಪದಾರ್ಥಗಳಿಂದ ಮಾಡೋ ತೆರೆದ ತಿನಿಸುಗಳನ್ನು ತಿನ್ನಬಾರದು. ಅವುಗಳ ತಯಾರಿಕೆಯಲ್ಲಿ ರಾಸಾಯನಿಕಗಳನ್ನು ಬಳಸಿರುತ್ತಾರೆ. ಅಲ್ಲಿ ತಿಂದರೆ, ದುಡ್ಡು ಕೊಟ್ಟು ಅನಾರೋಗ್ಯ ಪಡೆದುಕೊಂಡ ಹಾಗೆ?’ ಎಂದು ಅಜ್ಜಿ ಹರಿಯ ಬೆನ್ನುತಟ್ಟಿದರು.

“ಹಾಗಾದರೆ, ಗುಡ್‌ ಬೈ ಜಂಕ್‌ ಫ‌ುಡ್‌, ವೆಲ್ಕಮ್‌ ಹೋಮ್‌ ಫ‌ುಡ್‌’ ಸಿರಿ ಘೋಷಣೆ ಕೂಗಿದಳು.
“ಅಜ್ಜಿ ಈ ಹುರಿಹಿಟ್ಟಲ್ಲಿ ಬೇರೆ ಏನೇನು ಮಾಡಬಹುದು?’ ಎಂದು ಹರಿ ಪ್ರಶ್ನೆ ಕೇಳಿದ.
“ನಾಳೆ, ಹುರಿಹಿಟ್ಟಿನ ಖಾರದ ಉಂಡೆ ಮಾಡಿಕೊಡ್ತೀನಿ’ ಎಂದು ಅಜ್ಜಿ ಮುದ್ದುಗರೆದರು.
ಮೂವರೂ ಹೊಟ್ಟೆ ತುಂಬಾ ರಾಗಿ ಲಡ್ಡು ತಿಂದು ಅಜ್ಜಿಗೆ ಟಾಟಾ ಮಾಡಿ ಆಟವಾಡಲು ಹೊರಟರು.

ಕೆ.ವಿ.ರಾಜಲಕ್ಷ್ಮೀ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಮೀನು ಯಾರಿಗೂ ಏನೂ ಮಾಡೋಲ್ಲ ಅನ್ನೋದೇನೋ ನಿಜ. ಆದರೆ, ಅದರಲ್ಲೂ ವಿಷಕಾರಿ ಮೀನುಗಳು ಉಂಟು ಅನ್ನೋದಕ್ಕೆ ಈ ಜೆಲ್ಲಿ ಮೀನೇ ಉದಾಹರಣೆ. ಈ ಮೀನು ಎಲ್ಲವನ್ನೂ ಕಾಲಿನ ಮೂಲಕವೇ...

  • ಹಿಮಕ್ಕೂ, ಹಿಮಕರಡಿಗಳಿಗೂ ಅವಿನಾಭಾವ ನಂಟು. ಹಿಮ ಇಲ್ಲದೇ ಹೋದರೆ ಹಿಮಕರಡಿ ಭೂಮಿಯಿಂದಲೇ ಇಲ್ಲವಾಗುವವು. ಹಿಮಕರಡಿಗಳು ಉತ್ತರಧೃವದಲ್ಲಿ ವಾಸಿಸುವ ಜೀವಿಗಳು....

  • "ಕುಮಾರ ಬಂದಾಗ, ಸೈನಿಕರು ಮತ್ತು ಸೇವಕರು ಎಲ್ಲರೂ ಸೇರಿಕೊಂಡು ರಾಜನಿಗೆ ಜಯವಾಗಲಿ ಅಂತ ಹೇಳಬೇಕು' ಎಂದು ಶಂಕರ ಹೇಳಿದ. ಎಲ್ಲರೂ ತಲೆಯಲ್ಲಾಡಿಸಿದರು. ಆದರೆ ಒಬ್ಬಳು...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಮಂಗನಿಂದ ಮಾನವ "ವಿಕಾಸವಾದ ಸಿದ್ಧಾಂತ'ವನ್ನು ಪ್ರತಿಪಾದಿಸಿದ...

  • ಬೇಕಾದ ಪರಿಕರ: ಒಂದು ಕಾರ್ಡಿನ ಮೇಲೆ ಸಂಖ್ಯೆ ಬರೆಯಲಾದ ಮುಳ್ಳಿಲ್ಲದ ಗಡಿಯಾರ. ಪರಿಣಾಮ: ನಿಮ್ಮ ಸಭಿಕರಲ್ಲಿ ಒಬ್ಬರಿಗೆ ಹನ್ನೆರಡಕ್ಕಿಂತ ಕಡಿಮೆ ಸಂಖ್ಯೆಯನ್ನು...

ಹೊಸ ಸೇರ್ಪಡೆ