ಕುಂಗ್‌ಫ‌ು ಎಂದರೆ ಹೊಡೆದಾಟದಿಂದ ತಪ್ಪಿಸಿಕೊಳ್ಳುವುದು

Team Udayavani, Aug 22, 2019, 5:55 AM IST

“ಜೀವನದಲ್ಲಿ ಯಶಸ್ಸು ಗಳಿಸಲು ಮುಂದೆ ಗುರಿ ಇರಬೇಕು, ಹಿಂದೆ ಗುರು ಇರಬೇಕು’ ಎಂಬ ಮಾತೊಂದಿದೆ. ಸಾಧನೆಗೈದಿರುವವರ ಬದುಕನ್ನು ವಿಶ್ಲೇಷಿಸಿದಾಗ ಆ ಮಾತು ನಿಜವೆಂದು ತಿಳಿದುಬರುತ್ತದೆ. ನಿಜವಾದ ಗುರು ತನ್ನೆಲ್ಲಾ ಶಿಷ್ಯಂದಿರನ್ನು ಸಮಾನರಾಗಿ ಕಾಣುತ್ತಾನೆ, ಅವರ ಕಷ್ಟಸುಖಗಳಲ್ಲಿ ಭಾಗಿಯಾಗುತ್ತಾನೆ. ಆ ಸಾಲಿಗೆ ಸೇರುವಂಥ ಗುರು ಇಪ್‌ ಮ್ಯಾನ್‌. 1940- 50ರ ದಶಕದಲ್ಲಿ ಅವರು ಚೀನಾದಲ್ಲಿ “ಲೀ ವಿಂಗ್‌ ಚುನ್‌ ಕುಂಗ್‌ ಫ‌ು’ ಎಂಬ ಆತ್ಮರಕ್ಷಣಾ ಕಲೆಯನ್ನು ಬೋಧಿಸುತ್ತಿದ್ದರು. ಅವರೆಂದೂ ಹಣಕ್ಕಾಗಿ ವಿದ್ಯೆ ಬೋಧಿಸಿದವರಲ್ಲ. ಅವರ ಬಗ್ಗೆ ಅನೇಕ ದಂತಕಥೆಗಳು ಚಾಲ್ತಿಯಲ್ಲಿದ್ದವು. ಅವರು ಶಿಷ್ಯಂದಿರನ್ನು ಪರೀಕ್ಷೆಗೊಳಪಡಿಸಿಯೇ ಆರಿಸುತ್ತಿದ್ದರು. ಆ ಸಮಯದಲ್ಲಿ ಅವರ ಬಳಿಗೆ 16ರ ಹರೆಯದ ಯುವಕ ಶಿಷ್ಯನಾಗಿ ಸೇರಿಕೊಂಡಿದ್ದ. ಬೀದಿ ಬದಿಯ ಹೋರಾಟಗಳಲ್ಲಿ ಭಾಗಿಯಾಗಿ ಪುಂಡನೆಂಬ ಕುಖ್ಯಾತಿಗೆ ಪಾತ್ರನಾಗಿದ್ದ ಅವನು ಪ್ರತಿ ಬಾರಿಯೂ ಎದುರಾಳಿಗಳಿಂದ ಏಟು ತಿನ್ನುತ್ತಿದ್ದ. ಹೀಗಾಗಿ ಇಪ್‌ ಮ್ಯಾನ್‌ ಬಳಿ ತರಬೇತಿ ಪಡೆದು ಎದುರಾಳಿಗಳನ್ನು ಸದೆಬಡಿಯುವುದು ಅವನ ಉದ್ದೇಶವಾಗಿತ್ತು. ಇಪ್‌ ಮ್ಯಾನ್‌ ಹೇಳಿಕೊಡುತ್ತಿದ್ದ ಚುನ್‌ ಕುಂಗ್‌ ಫ‌ುವಿನ ಮೂಲ ಉದ್ದೇಶ ಯಾವನೇ ವ್ಯಕ್ತಿ ತನ್ನನ್ನು ತಾನು ರಕ್ಷಿಸಿಕೊಳ್ಳುವುದು, ಹೊಡೆದಾಟದಿಂದ ದೂರ ಉಳಿಯುವುದು. ಆದರೆ ಆ ಹುಡುಗ ಈ ಆತ್ಮರಕ್ಷಣಾ ಕಲೆಯನ್ನು ಹಿಂಸಾತ್ಮಕವಾಗಿ ಬಳಸಿಕೊಳ್ಳಬೇಕೆಂದಿದ್ದ. ಇದು ಗುರುವಿಗೆ ಸರಿ ತೋರಲಿಲ್ಲ. ಆದರೆ ಆ ಹುಡುಗನಲ್ಲಿದ್ದ ಏಕಾಗ್ರತೆ, ಆಸಕ್ತಿ ಕಂಡು ಗುರು ಇಪ್‌ ಮ್ಯಾನ್‌ ದಂಗಾಗಿದ್ದರು. ಏನಾದರಾಗಲಿ ಅವನಿಗೆ ತಾವು ಕಲಿತ ವಿದ್ಯೆಯನ್ನು ಕಲಿಸಲು ನಿರ್ಧರಿಸಿದರು. ಆ ಹುಡುಗನೇ ಜಗತ್ತಿನ ಅಸಂಖ್ಯ ಮಂದಿಗೆ ಮಾರ್ಷಲ್‌ ಆರ್ಟ್ಸ್ ಕಲಿಯಲು ಪ್ರೇರಣೆಯಾಗಿರುವ ಹಾಲಿವುಡ್‌ ನಟ “ಬ್ರೂಸ್‌ ಲೀ’. ಒಬ್ಬರು ಸಿನಿಮಾಗಳ ಮೂಲಕ ಸ್ಫೂರ್ತಿ ತುಂಬಿದರೆ ಮತ್ತೂಬ್ಬರ ಬದುಕೇ ನಮಗೆ ಸ್ಫೂರ್ತಿ.

ಹವನ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಡೈನೋಸಾರ್‌ ಅಂದಾಕ್ಷ ಣ ಕಣ್ಣ ಮುಂದೆ ಬರುವುದು ದೈತ್ಯಾಕಾರದ ಪ್ರಾಣಿ. ಇದು ಬದುಕಿತ್ತ? ಬದುಕಿದ್ದರೆ ಯಾವಾಗ? ಹೇಗೆ ಅಂತೆಲ್ಲ ಕುತೂಹಲ ಹುಟ್ಟುತ್ತದೆ. ಇದನ್ನು ತಣಿಸಲೆಂದೇ...

  • ಪ್ರಪಂಚದಲ್ಲಿ ಎಷ್ಟು ಭೂಖಂಡಗಳಿವೆ ಎಂದು ಕೇಳಿದರೆ ಯಾರು ಬೇಕಾದರೂ "ಏಳು' ಎಂಬ ಉತ್ತರವನ್ನು ನೀಡುತ್ತಾರೆ. ಭೂಗೋಳ, ನಕಾಶೆ ಪುಸ್ತಕವನ್ನು ನೋಡಿದರೆ ಈ 7 ಖಂಡಗಳು ಭೂಮಿಯ...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ಇಸ್ರೋ)ಯ ಈಗಿನ ಅಧ್ಯಕ್ಷ,...

  • ನೀವು ಗಮನಿಸಿರಬಹುದು. ಈ ಜಾದೂಗಾರ ಅಂದಾಕ್ಷಣ ಕಣ್ಣ ಮುಂದೆ ಬರುವ ಚಿತ್ರ ಕೈಯಲ್ಲೊಂದಷ್ಟು ಇಸ್ಪೀಟ್‌ ಕಾರ್ಡ್‌ಗಳು. ಹೌದು, ಇದು ಜಾದುವಿನ ಚುಂಬಕ ಚಿಹ್ನೆ. ಕಾಲಿ...

  • ಕಾಡಿನ ನಡುವೆ ವನರಾಜ ಸಿಂಹದ ನೇತೃತ್ವದಲ್ಲಿ ಪ್ರಾಣಿಗಳ ಸಭೆ ನಡೆಯುತ್ತಿತ್ತು. ಜಿಂಕೆ "ಇತ್ತೀಚೆಗೆ ಬೇಟೆಗಾರನ ಉಪಟಳ ವಿಪರೀತವಾಗುತ್ತಿದೆ. ಇದು ಹೀಗೆ ಮುಂದುವರಿದರೆ...

ಹೊಸ ಸೇರ್ಪಡೆ