ಚಿಟ್ಟೆ ಮರಿ ಕಲಿತ ಪಾಠ

Team Udayavani, Aug 8, 2019, 5:55 AM IST

ಒಂದು ಕಾಡಿನಲ್ಲಿ ಚಿಟ್ಟೆ ದಂಪತಿ ಇತ್ತು. ಹೆಣ್ಣು ಚಿಟ್ಟೆ ಗರ್ಭಿಣಿಯಾಗಿತ್ತು. ಕೆಲ ದಿನಗಳ ನಂತರ ಮೊಟ್ಟೆ ಇಟ್ಟಿತು. ಚಿಟ್ಟೆಗಳೆರಡೂ ಮೊಟ್ಟೆಯನ್ನು ಜತನದಿಂದ ಕಾಪಾಡಿದವು. ಮೊಟ್ಟೆಯಿಂದ ಹುಳು ಹೊರಬಂದು ಅದಕ್ಕೆ ರೆಕ್ಕೆ ಬಲಿಯುವವರೆಗೂ ಕಣ್ಣಲ್ಲಿ ಕಣ್ಣಿಟ್ಟು ನೋಡಿಕೊಂಡವು. ಹಾರಲು ಕಲಿಯುವ ಸಮಯದಲ್ಲಿ ತಂದೆ ಚಿಟ್ಟೆ ಮರಿಗೆ ಹಾರುವುದು ಹೇಗೆ, ಮಧು ಹೀರುವುದು ಹೇಗೆ ಎಂಬಿತ್ಯಾದಿ ವಿಚಾರಗಳ ಕುರಿತಾಗಿ ಪಾಠ ಮಾಡಿದವು.

ಒಂದು ದಿನ ಮರಿ ಚಿಟ್ಟೆ ತಂದೆ ತಾಯಿಗೆ ವಂದಿಸಿ ಸ್ವತಂತ್ರವಾಗಿ ಹಾರಿಕೊಂಡು ಆಹಾರ ಹುಡುಕುತ್ತಾ ಹೊರಟಿತು. ದಂಪತಿ ಚಿಟ್ಟೆಗಳಿಗೆ ಖುಷಿಯಾಯಿತು. ಸಂಜೆಯಾಯಿತು ಚಿಟ್ಟೆ ಮರಿ ಗೂಡಿಗೆ ಬರಲೇ ಇಲ್ಲ. ಅಪ್ಪ ಅಮ್ಮನಿಗೆ ಆತಂಕ ಶುರುವಾಯಿತು. ಕತ್ತಲು ಕವಿಯುತ್ತಿದ್ದಂತೆಯೇ ಚಿಟ್ಟೆ ಮರಿ ಗೂಡಿಗೆ ವಾಪಸ್ಸಾಯಿತು. ಅದರ ರೆಕ್ಕೆಗಳು ಅಲ್ಲಲ್ಲಿ ತೂತಾಗಿದ್ದವು. ಮುಖದ ಮೇಲೆ ಗಾಯದ ಗುರುತುಗಳಿದ್ದವು. ಪಾಲಕರು “ಏನಾಯ್ತು ಮರೀ?’ ಎಂದು ಕೇಳಿದವು.

ಮರಿ “ನಾನು ಮಧು ಹುಡುಕಿಕೊಂಡು ಹಾರುತ್ತಾ ಹೋದೆ. ಒಂದೆಡೆ ಬೇಲಿಯೊಳಗೆ ಹೂವುಗಳು ಆಗ ತಾನೇ ಅರಳಿದ್ದವು. ಅಲ್ಲಿ ಮುಳ್ಳುಗಳು ತುಂಬಾ ಇದ್ದವು. ಅವುಗಳಿಂದ ತಪ್ಪಿಸಿಕೊಂಡು ಹೂಗಳಿಂದ ಮಧು ಹೀರಿದೆ. ಹೊಟ್ಟೆ ತುಂಬಿತು. ಸುತ್ತಮುತ್ತ ಇರುವ ಮುಳ್ಳುಗಳನ್ನು ನೋಡಿದೆ. ನೀವು ಅವುಗಳ ತಂಟೆಗೆ ಹೋಗಬೇಡ ಅಂತ ಹೇಳಿದ್ರಿ. ಆದರೆ ನಾನು ಏನಾಗುತ್ತೆ ನೋಡಿಯೇಬಿಡೋಣ ಎಂದು ಅದರ ಬಳಿಗೆ ಹೋಗಿ ಕುಣಿದಾಡಿದೆ. ಮುಳ್ಳು ಬಾಲಕ್ಕೆ ಚುಚ್ಚಿಕೊಂಡಿತು.

ಅದರಿಂದ ಪಾರಾಗುವಷ್ಟರಲ್ಲಿ ಇನ್ನೊಂದು ಮುಳ್ಳು ನನ್ನ ರೆಕ್ಕೆಯನ್ನು ಚುಚ್ಚಿತು. ಸಹಾಯಕ್ಕೆ ಯಾರೂ ಬರಲಿಲ್ಲ. ಪುಣ್ಯಕ್ಕೆ ಗಾಳಿಯು ಜೋರಾಗಿ ಬೀಸಿ ನನ್ನನ್ನು ಪಾರು ಮಾಡಿತು. ಓಡಿ ಬಂದೆ.’ ಅಂದಿತು. “ನಮ್ಮ ಮಧ್ಯೆ ಒಳ್ಳೆಯವರು ಇರುತ್ತಾರೆ, ಕೆಟ್ಟವರೂ ಇರುತ್ತಾರೆ. ಒಳ್ಳೆಯವರ ಸಹವಾಸ ಮಾಡಿದರೆ ನಮಗೆ ಶ್ರೇಯಸ್ಸು. ಮುಳ್ಳಿನಂಥ ಮನಸ್ಸುಳ್ಳವರ ಸಹವಾಸ ಮಾಡಿದರೆ ಅಪಾಯ. ನಮ್ಮ ಎಚ್ಚರಿಕೆಯಲ್ಲಿ ನಾವಿರಬೇಕು’ ಎಂದು ಅಮ್ಮ ಚಿಟ್ಟೆ ಬುದ್ಧಿವಾದ ಹೇಳಿತು. ಮರಿ ಹೂಂ ಎಂದು ತಲೆಯಲ್ಲಾಡಿಸಿತು.

ಸದಾಶಿವ್‌ ಸೊರಟೂರು

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ರಾತ್ರಿ ಝಗಮಗಿಸುವ ದೀಪಗಳಿಂದ ಮಿಂಚುವ ಸೇತುವೆಯ ವೈಭವ ಒಂದೆಡೆಯಾದರೆ, ಮುಸ್ಸಂಜೆಯಲ್ಲಿ ಮುಳುಗುವ ಸೂರ್ಯನ ಕಿರಣಗಳಿಗೆ ಬರುವ ಹೊಸ ವರ್ಣದ ಕಳೆಯನ್ನು ನೋಡಿ ಖುಷಿಪಡಲೆಂದೇ...

  • 70 ಲಕ್ಷ ವರ್ಷಗಳ ಹಿಂದೆ ಬದುಕಿದ್ದ ಆಮೆಯ ಪಳೆಯುಳಿಕೆಯನ್ನು ವಿಜ್ಞಾನಿಗಳು ಸಂಶೋಧಿಸಿದ್ದಾರೆ. ಅದು ಕಾರಿನಷ್ಟು ಗಾತ್ರವನ್ನು ಹೊಂದಿದೆ! ಇಂದು ನಾವು ನೋಡುತ್ತಿರುವ...

  • ಮೇಜಿನ ಮೇಲೆ ಒಂದು ಖಾಲಿ ಬಾಟಲ್ ಮತ್ತು ಒಂದು ಹಗ್ಗದ ತುಂಡನ್ನು ಇಟ್ಟಿದೆ. ಜಾದೂಗಾರನ ಸವಾಲೇನೆಂದರೆ ಆ ಹಗ್ಗದಿಂದ ಬಾಟಲನ್ನು ಎತ್ತಬೇಕು. ಇದೇನು ಮಹಾ? ಹಗ್ಗವನ್ನು...

  • ಪ್ರಮುಖ ವ್ಯಕ್ತಿಗಳ ಪರಿಚಯವನ್ನು ಕೇವಲ ಹತ್ತೇ ಹತ್ತು ಪಾಯಿಂಟ್‌ಗಳಲ್ಲಿ ಕಟ್ಟಿ ಕೊಡುವ ಪ್ರಯತ್ನವಿದು... 1. ವನ್ಯಜೀವಿ ತಜ್ಞ ಸ್ಟೀವ್‌ ಇರ್ವಿನ್‌ 1962ರ ಫೆಬ್ರವರಿ...

  • ಗೊಗ್ಗಯ್ಯನ ಮೂಗು ಬೆಳೆಯುತ್ತಾ ಹೋಯಿತು. ಅದನ್ನು ಹೊತ್ತುಕೊಂಡು ತಿರುಗಾಡುವುದೇ ಕಷ್ಟವಾಗತೊಡಗಿತು. ಕಡೆಗೊಂದು ದಿನ ಅದಕ್ಕೆ ಪರಿಹಾರವೂ ಸಿಕ್ಕಿತು. ಆ ಹುಡುಗ...

ಹೊಸ ಸೇರ್ಪಡೆ