Udayavni Special

ಗೌಳಿ ಎಮ್ಮೆಗಳ ದೀಪಾವಳಿ

ಅರೆ ಹೊಯ್‌, ಅರೆ ಹೊಯ್‌, ಟುರ್ರಾ

Team Udayavani, Oct 26, 2019, 4:11 AM IST

gowli-emme

ಬಲಿಪಾಡ್ಯಮಿ ಸಮೀಪಿಸಿತು ಎಂದಾಗ, ಬೆಳಗಾವಿಯ ಗಲ್ಲಿಗಳಲ್ಲಿ ಗೌಳಿ ಎಮ್ಮೆಗಳ ಗತ್ತು- ಗೈರತ್ತು ಗರಿಗೆದರಿಕೊಳ್ಳುತ್ತೆ. ಕಾಲಿಗೆ ಗೆಜ್ಜೆ, ಕೊಂಬಿಗೆ ಬಣ್ಣ, ಶಿಳ್ಳೆ- ಚಪ್ಪಾಳೆಗಳ ನಡುವೆ ಅದು ಓಡುವುದೇ ಒಂದು ರೋಮಾಂಚಕ ಸಂದರ್ಭ…

ಬೆಳಗಾವಿಯ ಮಿಲ್ಟ್ರಿಕ್ಯಾಂಪ್‌ನ ರೇಸ್‌ಕೋರ್ಸ್‌ ಗ್ರೌಂಡ್‌ನ‌ಲ್ಲಿ ಅಂದು ಕುದುರೆಯ ಖುರಪುಟಗಳ ಸದ್ದಿರಲಿಲ್ಲ. ಯಾರೋ ಹಿಂದಿನಿಂದ ಓಡಿಬಂದಂತೆ ಭಾಸವಾಯಿತು. ಬಲಿಷ್ಠವಾದ, ಬಲು ಉದ್ದದ ಕೊಂಬಿನ ಎಮ್ಮೆ, ಒಬ್ಬ ವ್ಯಕ್ತಿಯನ್ನು ಬೆನ್ನಟ್ಟಿಕೊಂಡು ಬಂತು. ಮೈ ಜುಮ್ಮೆನ್ನುವಂಥ ದೃಶ್ಯ. ಇನ್ನೇನು ಎಮ್ಮೆ ಅವನಿಗೆ ತಿವಿದು, ಬೀಳಿಸಿತು ಎನ್ನುವಷ್ಟರಲ್ಲಿ ಆ ವ್ಯಕ್ತಿ ಥಟಕ್ಕನೆ ನಿಂತುಬಿಟ್ಟ. ತತ್‌ಕ್ಷಣ ಎಮ್ಮೆಯೂ ಓಟ ನಿಲ್ಲಿಸಿಬಿಟ್ಟಿತು.

ಆ ವ್ಯಕ್ತಿಯ ಮೊಗದಲ್ಲಿ ಭಯದ ಬದಲಿಗೆ ಕಿರುನಗೆ! ಅದೇ ಎಮ್ಮೆಯ ಮೈದಡವುತ್ತಾ ಆತ, “ನನ್ನ ದೌಲತ್‌… ಭೇಷ್‌ ಭೇಷ್‌…’ ಎನ್ನುತ್ತಾ ಮುತ್ತಿಕ್ಕುತ್ತಿದ್ದ. ಪ್ರತಿಯಾಗಿ, ಅದೂ ಅವನನ್ನು ಆಸೆ ಮಾಡುತ್ತಿತ್ತು. ಬಾಲ ಅಲುಗಾಡಿಸುತ್ತಾ, ಏನೋ ಹೇಳುತ್ತಿತ್ತು. ಇದೆಲ್ಲವನ್ನೂ ದೂರದಿಂದಲೇ ನೋಡುತ್ತಿದ್ದ ಒಂದಿಷ್ಟು ಮಂದಿ, ಶಿಳ್ಳೆ, ಚಪ್ಪಾಳೆ, ಕೇಕೆ ಹಾಕುತ್ತಾ, ಆ ಎಮ್ಮೆಗೆ ಬಹುಪರಾಕ್‌ ಹೇಳುತ್ತಿದ್ದರು.

ಬಲಿಪಾಡ್ಯಮಿ ಸಮೀಪಿಸಿತು ಎಂದಾಗ, ಬೆಳಗಾವಿಯ ಗಲ್ಲಿಗಳಲ್ಲಿ ಗೌಳಿ ಎಮ್ಮೆಗಳ ಗತ್ತು- ಗೈರತ್ತು ಗರಿಗೆದರಿಕೊಳ್ಳುವುದು ಹೀಗೆ. ಉತ್ತರ ಕರ್ನಾಟಕದಲ್ಲಿ ಅಧಿಕವಿರುವ, “ಗೌಳಿ’ ಸಮುದಾಯದವರು, ಸಾಕುವ ಈ ಎಮ್ಮೆಗಳು, ಮಾಮೂಲಿ ಎಮ್ಮೆಗಳಿಗಿಂತ ಭಿನ್ನ. ಮೂಲತಃ ಮಹಾರಾಷ್ಟ್ರದ ಈ ಮಂದಿಗೆ, ಪಶುಸಂಗೋಪನೆಯು ಪಾರಂಪರಿಕ ಕಸುಬು. ಬಲಿ ಪಾಡ್ಯಮಿಯಂದು, ಎಮ್ಮೆಗಳ ಓಟದ ಸ್ಪರ್ಧೆ, ಒಂದು ರೋಮಾಂಚಕಾರಿ ದೃಶ್ಯ.

ಕಾಲಿಗೆ ಗೆಜ್ಜೆ, ಕೊಂಬಿಗೆ ಬಣ್ಣ: ಬಲಿ ಪಾಡ್ಯಮಿಯ ದಿನ, ಎಮ್ಮೆ- ಕೋಣಗಳಿಗೆ ಸ್ನಾನ ಮಾಡಿಸಿ, ಕೊಂಬುಗಳಿಗೆ ಕೆಂಪು ಬಣ್ಣ ಹಚ್ಚಿ, ನವಿಲು ಗರಿಯನ್ನು ಅಲಂಕರಿಸುತ್ತಾರೆ. ಕಾಲಿಗೆ ಗೆಜ್ಜೆ, ಕೊರಳಿಗೆ ಘಂಟೆ, ಕವಡೆ ಸರ, ಬಣ್ಣದ ಹಾರ, ಕರಕುಶಲ ವಸ್ತುಗಳನ್ನು ಸಿಕ್ಕಿಸಿದಾಗ, ಎಮ್ಮೆಯ ರೂಪಸಿರಿಯ ವೈಭವವೇ ಬೇರೆ. ಸಾಕ್ಷಾತ್‌ ಮಹಾಲಕ್ಷ್ಮಿಯ ಸ್ವರೂಪವೆಂದು ಭಾವಿಸಿ, ಅದಕ್ಕೆ ಆರತಿ ಎತ್ತುತ್ತಾರೆ. ವಾದ್ಯ ಮೇಳದೊಂದಿಗೆ, ಎಮ್ಮೆಗಳ ಮೆರವಣಿಗೆ. ಬಂಧುಗಳ ಮನೆಗೆ ಕರೆದೊಯ್ದು, ಆಶೀರ್ವಾದ ಮಾಡಿಸುತ್ತಾರೆ. ಕುಲದೇವರಾದ ಸಿರಾಜಿ ಅಪ್ಪ, ಮಹಾಲಕ್ಷ್ಮಿಯ ಗುಡಿಗೆ ತೆರಳಿ ದರ್ಶನ ಮಾಡಿಸುವುದು; ಹಣ, ಬೆಳ್ಳಿ, ಬಟ್ಟೆಗಳನ್ನು ಉಡುಗೊರೆಯಾಗಿ ನೀಡುವ ಸಂಪ್ರದಾಯ ಇಲ್ಲಿದೆ.

ಎಮ್ಮೆ ಭಾಷೆ ಬಲ್ಲಿರಾ?: ಇಷ್ಟೆಲ್ಲ ಆದ ನಂತರ, ಎಮ್ಮೆ- ಕೋಣಗಳ ಸ್ಪರ್ಧೆಯ ರಂಗು. ಅಪಾರ ಜನಸ್ತೋಮದ ಮಧ್ಯೆ ಅಲಂಕೃತಗೊಂಡ ಸಾವಿರಕ್ಕೂ ಹೆಚ್ಚು ಎಮ್ಮೆಗಳು. ಅಲ್ಲಿ ಎಮ್ಮೆ ಭಾಷೆಯೂ ಒಂದು ವಿಶಿಷ್ಟ ಆಕರ್ಷಣೆ. ಮಾಲೀಕ “ನಮಸ್ಕರಿಸು’ ಎಂದಾಗ, ಅದು ಮಂಡಿಯೂರುತ್ತೆ. “ಕರೆದರೆ ಓಡಿಬರುವ, ನಿಲ್ಲು ಎಂದರೆ ನಿಲ್ಲುವ ಅದರ ತಾಲೀಮನ್ನು ನೋಡುವುದೇ ಒಂದು ಚೆಂದ. ಮಾಲೀಕ ಬೈಕ್‌ ಓಡಿಸಿದರೆ, ಅದರ ವೇಗಕ್ಕೆ ತಕ್ಕಂತೆ ಓಡುತ್ತೆ. ಬ್ಯಾಂಡ್‌ ಬಾರಿಸಿದಾಗ, ನರ್ತಿಸಲು ಶುರುಮಾಡುತ್ತೆ’ ಎನ್ನುತ್ತಾರೆ, ಲಕ್ಷ್ಮಣ ಗೌಳಿ. ಎಮ್ಮೆಗೂ ಬಹುಮಾನ, ಅದರ ಮಾಲೀಕನಿಗೂ ಬಹುಪರಾಕ್‌… ಒಟ್ಟಿನಲ್ಲಿ ಗೌಳಿ ಎಮ್ಮೆಗಳ ದೀಪಾವಳಿಯೇ ವಿಶಿಷ್ಟ.

ಗೌಳಿ ಎಮ್ಮೆಯ ಗತ್ತು ಗೊತ್ತೇನು?: ಎಮ್ಮೆ ಎಂದರೆ, ದಪ್ಪ ಚರ್ಮ, ಮಂದ, ಇದರ ಬುದ್ಧಿ ಸ್ವಲ್ಪ ನಿಧಾನ… ಇತ್ಯಾದಿ ಸಹಜ ನಂಬಿಕೆಗಳು ನಮಗೆ. ಗೌಳಿ ಎಮ್ಮೆಗಳು ಇದಕ್ಕೆ ಅಪವಾದ. ಮೇಲ್ನೋಟಕ್ಕೆ ದಷ್ಟಪುಷ್ಟ ಮತ್ತು ಒರಟಾಗಿ ಕಂಡರೂ ಅಸಲಿ ಮೃದು, ಸೂಕ್ಷ್ಮ ಸ್ವಭಾವದ್ದು. ತುಂಬಾ ಶಾಣ್ಯಾ ಮತ್ತು ಭಾವನಾತ್ಮಕ ಜೀವಿ. ಬೇಗನೆ ಮನುಷ್ಯಸ್ನೇಹಿಯಾಗುವ ಗುಣ. ಮಾಲೀಕನ ಆಜ್ಞೆಯನ್ನು ಶಿರಸಾವಹಿಸಿ ಪಾಲಿಸುತ್ತೆ. ಮಾಲೀಕನ ದನಿಯನ್ನು ಬೇಗನೆ ಪತ್ತೆ ಹಚ್ಚುತ್ತೆ. ವಾಸನೆ ಹಿಡಿದು, ಮಾಲೀಕನತ್ತ ಬರುತ್ತೆ. ಈ ಕಾರಣಕ್ಕೆ, ಗೌಳಿ ಸಮುದಾಯದವರು, ಇವುಗಳನ್ನು ಕೇವಲ ಪ್ರಾಣಿಯೆಂದು ಭಾವಿಸುವುದೇ ಇಲ್ಲ.

ಗಡಿಭಾಗದ ಜಿಲ್ಲೆಯಲ್ಲಿ ಗೌಳಿ ಎಮ್ಮೆಗಳ ಓಟ ಸ್ಪರ್ಧೆ ಒಂದು ವಿಶಿಷ್ಟ ಸಂಭ್ರಮ. ನೆರೆಯ ರಾಜ್ಯದ ಗಡಿ ಗ್ರಾಮಗಳಿಂದಲೂ ಜನರು ಇಲ್ಲಿಗೆ ಬಂದು, ಈ ಓಟವನ್ನು ಆಸ್ವಾದಿಸುತ್ತಾರೆ.
-ಶರದ್‌ ಮುಜಂದಾರ್‌, ಬೆಳಗಾವಿ ನಿವಾಸಿ

* ಸ್ವರೂಪಾನಂದ ಎಂ. ಕೊಟ್ಟೂರು

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಕೇರಳ ಗರ್ಭಿಣಿ ಆನೆ ಹತ್ಯೆ ಪ್ರಕರಣ: ಓರ್ವನ ಬಂಧನ

ಕೇರಳ ಗರ್ಭಿಣಿ ಆನೆ ಹತ್ಯೆ ಪ್ರಕರಣ: ಓರ್ವನ ಬಂಧನ

ಹಂಪಿಯಲ್ಲಿ 4.0 ತೀವ್ರತೆಯ ಭೂಕಂಪ..? ಜಿಲ್ಲಾಧಿಕಾರಿಗಳ ಸ್ಪಷ್ಟನೆ

ಹಂಪಿಯಲ್ಲಿ 4.0 ತೀವ್ರತೆಯ ಭೂಕಂಪ..? ಜಿಲ್ಲಾಧಿಕಾರಿಗಳ ಸ್ಪಷ್ಟನೆ

ಉಡುಪಿ ದೊಡ್ಡಣಗುಡ್ಡೆ ಅಪೂರ್ವ ಕಾಂಪ್ಲೆಕ್ಸ್ ಸೀಲ್ ಡೌನ್

ಉಡುಪಿ ದೊಡ್ಡಣಗುಡ್ಡೆ ಅಪೂರ್ವ ಕಾಂಪ್ಲೆಕ್ಸ್ ಸೀಲ್ ಡೌನ್

ಸಿದ್ದು ಸ್ವಾರ್ಥ ರಾಜಕಾರಣದಿಂದ 17 ಜನ ಶಾಸಕರು ಹೊರ ಬಂದಿದ್ದು: ಬಿ ಸಿ ಪಾಟೀಲ್

ಸಿದ್ದು ಸ್ವಾರ್ಥ ರಾಜಕಾರಣದಿಂದ 17 ಜನ ಶಾಸಕರು ಹೊರ ಬಂದಿದ್ದು: ಬಿ ಸಿ ಪಾಟೀಲ್

ಅತ್ಯುತ್ತಮ ನಾಯಕರೆಂದರೆ ಹೀಗೆ.. ಗಂಭೀರ್ ನಾಯಕತ್ವವನ್ನು ನೆನೆದ ಉತ್ತಪ್ಪ

ಅತ್ಯುತ್ತಮ ನಾಯಕರೆಂದರೆ ಹೀಗೆ.. ಗಂಭೀರ್ ನಾಯಕತ್ವವನ್ನು ನೆನೆದ ಉತ್ತಪ್ಪ

jio

ಜಿಯೋದ ಶೇ 1.85 ಪಾಲನ್ನು 9,000 ಕೋಟಿಗೆ ಖರೀದಿಸಿದ ಅಬುಧಾಬಿ ಮೂಲದ ಮುಬದಲಾ ಸಂಸ್ಥೆ

ಎಂಪಿಎಲ್‌ನಿಂದ ಭಾರತದ ಪ್ರಥಮ ದೇಶೀಯ ಶೂಟರ್ ಗೇಮ್ ರೋಗ್ ಹೀಸ್ಟ್ ಬಿಡುಗಡೆ

ಎಂಪಿಎಲ್‌ನಿಂದ ಭಾರತದ ಪ್ರಥಮ ದೇಶೀಯ ಶೂಟರ್ ಗೇಮ್ ರೋಗ್ ಹೀಸ್ಟ್ ಬಿಡುಗಡೆ

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

cc-42

ಪೇಜಾವರ ಶ್ರೀಗಳು ಕಲಿತ, ಅವರ ಹುಟ್ಟೂರು ರಾಮಕುಂಜದ ಹೆಮ್ಮೆಯ ಶಾಲೆ

saha-vasi

ಸಹ-ವಾಸಿ ಆಚರಣೆಯಲ್ಲಿ ಬೆಳಗಿದ ದೀಪಾವಳಿ

22292810UDPS7

ಬೆಳಕಿನ ಹಬ್ಬದ ಸಂಭ್ರಮವನ್ನು ಇಮ್ಮಡಿಗೊಳಿಸಿದ ಸಹ ವಾಸ

Deepavali-Mangalore

ದೀಪಾವಳಿ ಅಂದ್ರೆ ಏನೋ ಸಡಗರ-ಸಂಭ್ರಮ; ಅಮ್ಮ, ಊರಿನ ನೆನಪಿನ ಬುತ್ತಿ…

deepavalli-tdy-3

ಬೆಂಗಳೂರಿನಲ್ಲಿದ್ದರೂ ಊರಿನಲ್ಲಿಯೇ ನನ್ನ ದೀಪಾವಳಿ ಸಂಭ್ರಮದ ಆಚರಣೆ

MUST WATCH

udayavani youtube

Growth of a Miyawaki Forest in a city | World Environment day Special

udayavani youtube

ಮರದ ಬೇರಿಗೆ ಸುಂದರ ರೂಪ ನೀಡುವ ಶಿಲ್ಪಿ | Wood sculptor Jagadesh Acharya

udayavani youtube

70 CENTS ಜಾಗದಲ್ಲಿ 16 TON ಕಲ್ಲಂಗಡಿ ಬೆಳೆದ ಯಶಸ್ವಿ ಕೃಷಿಕ | Udayavani

udayavani youtube

ಭಾರತದಲ್ಲೇ ಅತೀ ಎತ್ತರದ Karaga ಕಟ್ಟಿ ಕುಣಿಯುವ Venkatesh Bangera | Udayavani

udayavani youtube

18 ಎಕರೆಯ ಮಾದರಿ ಕೃಷಿ ತೋಟ | Farmer who inspires youngsters to do Agriculture

ಹೊಸ ಸೇರ್ಪಡೆ

ಮೂಲ ಸೌಲಭ್ಯಗಳಿಗಾಗಿ ಮನವಿ ಸಲ್ಲಿಕೆ

ಮೂಲ ಸೌಲಭ್ಯಗಳಿಗಾಗಿ ಮನವಿ ಸಲ್ಲಿಕೆ

5-June-07

ರಾಯಚೂರಿನಲ್ಲಿ ಮತ್ತೆ ಎಂಬತ್ತೆಂಟು: ಸಂಪರ್ಕದ್ದೇ ನಂಟು

ರೈತರ ಹಬ್ಬ ಕಾರಹುಣ್ಣಿಮೆಯ ಸಂಭ್ರಮಕ್ಕೆ ಕೋವಿಡ್ ಮಂಕು

ರೈತರ ಹಬ್ಬ ಕಾರಹುಣ್ಣಿಮೆಯ ಸಂಭ್ರಮಕ್ಕೆ ಕೋವಿಡ್ ಮಂಕು

ಗರಿಷ್ಠ ವಿದ್ಯಾರ್ಥಿಗಳನ್ನು ತಲುಪಿದ ಆನ್‌ಲೈನ್‌ ಪಾಠ

ಗರಿಷ್ಠ ವಿದ್ಯಾರ್ಥಿಗಳನ್ನು ತಲುಪಿದ ಆನ್‌ಲೈನ್‌ ಪಾಠ

ಕೇರಳ ಗರ್ಭಿಣಿ ಆನೆ ಹತ್ಯೆ ಪ್ರಕರಣ: ಓರ್ವನ ಬಂಧನ

ಕೇರಳ ಗರ್ಭಿಣಿ ಆನೆ ಹತ್ಯೆ ಪ್ರಕರಣ: ಓರ್ವನ ಬಂಧನ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.