ಡೆಲ್ಲಿ ವಿರುದ್ಧ ಎಡವಿದ ಬೆಂಗಾಲ್
Team Udayavani, Dec 24, 2018, 6:00 AM IST
ಕೋಲ್ಕತಾ: ಈಗಾಗಲೇ ಬಿ ವಲಯದಿಂದ ಪ್ಲೇ-ಆಫ್ ಸುತ್ತಿಗೆ ಪ್ರವೇಶಿರುವ ಬೆಂಗಾಲ್ ವಾರಿಯರ್ ತಂಡ ರವಿವಾರದ ಪ್ರೊ ಕಬಡ್ಡಿ ಪಂದ್ಯದಲ್ಲಿ ದಬಾಂಗ್ ಡೆಲ್ಲಿ ವಿರುದ್ಧ 31-37 ಅಂತರದಿಂದ ಸೋಲನುಭವಿಸಿದೆ. ತವರಲ್ಲಿ ಸತತ 2 ಪಂದ್ಯ ಜಯಿಸಿದ್ದ ಬೆಂಗಾಲ್ಗೆ ಎದುರಾದ ಮೊದಲ ಸೋಲು ಇದಾಗಿದೆ.
ಇದು ಅಂತರ್ ವಲಯ ಸುತ್ತಿನಲ್ಲಿ ನಡೆದ ಪಂದ್ಯ. ಈ ಸೋಲಿನಿಂದ ಬೆಂಗಾಲ್ ತಂಡದ ಪ್ಲೇ-ಆಫ್ ಸ್ಥಾನಕ್ಕೇನೂ ಧಕ್ಕೆಯಾಗುವುದಿಲ್ಲ. ಆದರೆ ಅಗ್ರ ಎರಡು ತಂಡಗಳಲ್ಲಿ ಒಂದಾಗಿ ಮುಂದಿನ ಸುತ್ತಿಗೇರುವ ಅದರ ಕನಸನ್ನು ಜೀವಂತವಾಗಿಟ್ಟುಕೊಳ್ಳಲು ಗೆಲುವು ಮುಖ್ಯವಾಗಿತ್ತು.
ಬೆಂಗಾಲ್ ತಂಡವನ್ನು ಸೋಲಿಸಿರುವ ದಬಾಂಗ್ ಡೆಲ್ಲಿ “ಎ’ ವಲಯದಿಂದ ಈಗಾಗಲೇ ಪ್ಲೇ-ಆಫ್ ಸುತ್ತಿಗೇರಿದೆ. ಇದುವರೆಗೆ ಒಮ್ಮೆಯೂ ಪ್ರೊ ಕಬಡ್ಡಿ ಪ್ರಶಸ್ತಿ ಗೆಲ್ಲದ ಡೆಲ್ಲಿಯ ಅದೃಷ್ಟ ಈ ಸಲವಾದರೂ ಖುಲಾಯಿಸುತ್ತತ್ತದೆಯೇ ಎನ್ನುವುದನ್ನು ಕಾದು ನೋಡಬೇಕು.
ದಾಳಿಯಲ್ಲಿ ಮಿಂಚಿದ ಡೆಲ್ಲಿ
ದಾಳಿಯಲ್ಲಿ ಡೆಲ್ಲಿ ಮಿಂಚಿದರೂ ರಕ್ಷಣೆಯಲ್ಲಿ ಹೇಳಿಕೊಳ್ಳುವಂತಹ ಪ್ರದರ್ಶನ ತೋರಲಿಲ್ಲ. ಪ್ರೊ ಕಬಡ್ಡಿಯ ಅದ್ಭುತ ಆಟಗಾರರಲ್ಲಿ ಒಬ್ಬರಾಗಿರುವ ಮೆರಾಜ್ ಶೇಖ್ ತಮ್ಮ ಪೂರ್ಣ ಸಾಮರ್ಥ್ಯವನ್ನು ತೋರಿದರು. ಒಟ್ಟು 19 ಬಾರಿ ಎದುರಾಳಿ ಕೋಟೆಯೊಳಗೆ ದಾಳಿಯಿಟ್ಟ ಮೆರಾಜ್, 8 ಬಾರಿ ಯಶಸ್ವಿಯಾದರು. ಒಟ್ಟು 13 ಅಂಕ ಗಳಿಸಿದರು. ಬೆಂಗಾಲ್ ಪರ ಮಣಿಂದರ್ ಸಿಂಗ್ ಪರಾÌಗಿಲ್ಲ ಎನ್ನುವ ಪ್ರದರ್ಶನ ನೀಡಿದರು. 19 ಬಾರಿ ಅವರು ಡೆಲ್ಲಿ ಕೋಟೆಗೆ ನುಗ್ಗಿದರು. ಯಶಸ್ವಿಯಾಗಿದ್ದು 6 ಬಾರಿ ಮಾತ್ರ. ಅವರಿಗೆ 9 ಅಂಕಗಳು ಲಭಿಸಿದವು. ಡೆಲ್ಲಿಯಂತೆ ಬೆಂಗಾಲ್ ಕೂಡ ರಕ್ಷಣೆಯಲ್ಲಿ ಹೇಳಿಕೊಳ್ಳುವ ಪ್ರದರ್ಶನ ನೀಡಲಿಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
T20 World Cup; ರೋಹಿತ್, ವಿರಾಟ್ ಆರಂಭಿಕರು? ಅಚ್ಚರಿಯ ಮುಖಗಳಿಲ್ಲ?
The Very Best Payment Techniques for Online Casinos
Jammu and Kashmir: ಉಗ್ರರ ಗುಂಡಿನ ದಾಳಿಗೆ ಬಲಿಯಾದ ವಲಸೆ ಕಾರ್ಮಿಕ
Election 2024: ಕೋಟಾ ಅವರನ್ನು 2 ಲಕ್ಷ ಮತಗಳ ಅಂತರದಿಂದ ಗೆಲ್ಲಿಸಿ: ದೇವೇಗೌಡ
Russia War: ಉಕ್ರೇನ್ ಮೇಲೆ ರಷ್ಯಾ ಭೀಕರ ದಾಳಿ-17 ಮಂದಿ ಮೃತ್ಯು; ನೆರವಿಗಾಗಿ ಮನವಿ