ಸಾವು-ಬದುಕಿನ ಸುತ್ತ ಅಭ್ಯಂಜನ

ದಿನೇಶ್‌ ಬಾಬು ಹೊಸ ಚಿತ್ರವಿದು

Team Udayavani, Dec 13, 2019, 6:00 AM IST

ಇತ್ತೀಚೆಗಷ್ಟೇ ದಿನೇಶ್‌ ಬಾಬು ನಿರ್ದೇಶನದ “ಹಗಲು ಕನಸು’ ಬಿಡುಗಡೆಯಾಗಿದೆ. ಅದರ ಬೆನ್ನಲ್ಲೇ ತಮ್ಮ ನಿರ್ದೇಶನದ ಇನ್ನೊಂದು ಸಿನಿಮಾ ಮಾಡಿ ಪ್ರೇಕ್ಷಕರ ಮುಂದೆ ತರಲು ಅಣಿಯಾಗಿದ್ದಾರೆ ದಿನೇಶ್‌ ಬಾಬು. ಅಂದಹಾಗೆ, ಆ ಚಿತ್ರಕ್ಕೆ “ಅಭ್ಯಂಜನ’ ಎಂದು ನಾಮಕರಣ ಮಾಡಲಾಗಿದೆ. ಈಗಾಗಲೇ ಸದ್ದಿಲ್ಲದೆಯೇ ಚಿತ್ರೀಕರಣ ಮುಗಿಸಿರುವ ಅವರು, ಇತ್ತೀಚೆಗೆ ಪತ್ರಕರ್ತರಿಗೆ ವಿಶೇಷ ಪ್ರದರ್ಶನ ಏರ್ಪಡಿಸಿದ್ದರು.

ವಯಸ್ಸಾದ ವ್ಯಕ್ತಿ ಖಾಯಿಲೆಯಿಂದ ನರಳುತ್ತಿರುವುದನ್ನು ನೋಡಿಕೊಂಡಿರುವುದು ಸರಿನಾ ಅಥವಾ ಅಂತಹ ವ್ಯಕ್ತಿಯನ್ನು ಸಾಯಿಸುವುದು ಸರಿನಾ? ಇಂಥದ್ದೊಂದು ಎಳೆ ಇಟ್ಟುಕೊಂಡು ಮಾಡಿರುವ ಚಿತ್ರವಿದು. ಸಾಮಾನ್ಯವಾಗಿ ವಯಸ್ಸಾದವರು ಖಾಯಿಲೆಗೆ ತುತ್ತಾಗಿ, ನರಳುವಾಗ, ಅವರ ಮನಸ್ಸು ನೋಯಿಸದೆ ಗೌರವದಿಂದ ಪ್ರಾಣ ತೆಗೆಯುವುದಕ್ಕೆ “ದಯಾಮರಣ’ ಎಂಬ ಹೆಸರು. ಇದು ಕಾನೂನು ಬಾಹಿರ. ಆದರೆ, ತಮಿಳುನಾಡಿನ ತೇಣಿ ಜಿಲ್ಲೆಯಲ್ಲಿ ಇಂಥದ್ದೊಂದು ಪದ್ಧತಿ ಈಗಲೂ ಇದೆ ಎಂಬುದು “ಅಭ್ಯಂಜನ’ ಚಿತ್ರ ನೋಡಿದವರಿಗೆ ಗೊತ್ತಾಗುತ್ತೆ. ಅಲ್ಲೆಲ್ಲಾ ಹರಳೆಣ್ಣೆಯನ್ನು ತಲೆಗೆ ಸವರಿ, ತಣ್ಣೀರು ಸ್ನಾನ ಮಾಡಿಸಿದ ಬಳಿಕ ನಾಲ್ಕೈದು ಎಳೆನೀರು ಕುಡಿಸುತ್ತಾರೆ. ಅದರಿಂದ ಇಡೀ ದೇಹ ತಣ್ಣಗಾಗುತ್ತಾ, ಕೊನೆಗೆ ಉಸಿರಾಟ ನಿಂತು ಹೋಗುತ್ತದೆ. ಇದೇ ಕಥೆಯ ಎಳೆ ಚಿತ್ರದಲ್ಲಿದೆ.

ಕಥೆ ಬಗ್ಗೆ ಹೇಳುವುದಾದರೆ, ಹೀರೋ ದಿನಸಿ ಅಂಗಡಿ ಮಾಲೀಕ. ಪತ್ನಿ ಹಾಗೂ ಮಗು ಮತ್ತು ಖಾಯಿಲೆಯಲ್ಲಿ ನರಳುತ್ತಿರುವ ತಂದೆ ಜೊತೆ ವಾಸ. ತಾತನಿಗೆ ಮೊಮ್ಮಗನೆಂದರೆ ಪ್ರೀತಿ. ಆದರೆ, ಅಪ್ಪನ ಆರೋಗ್ಯ ಖರ್ಚು ನೋಡಿಕೊಳ್ಳಲು ಸಾಲ ಮಾಡಿದರೂ ಅದು ಸಾಕಾಗಲ್ಲ. ಅತ್ತ ಹೆಂಡತಿ ಖುಷಿಪಡಿಸಬೇಕು, ಇತ್ತ ತಂದೆ ನೋಡಿಕೊಳ್ಳಬೇಕು. ಕೊನೆಗೆ, ಮಾವನನ್ನು ನೋಡಿಕೊಳ್ಳಲಾಗದೆ, ಪತ್ನಿ ಎಣ್ಣೆ ನೀರು ಸ್ನಾನದ ಬಗ್ಗೆ ವಿವರಿಸಿದಾಗ, ವಿರೋಧ ವ್ಯಕ್ತವಾಗುತ್ತೆ. ಕೊನೆಗೊಂದು ಘಟನೆ ಸಂಭವಿಸುತ್ತೆ. ಅದೇನು ಎಂಬುದೇ ಸಸ್ಪೆನ್ಸ್‌.

ಚಿತ್ರದಲ್ಲಿ ಕರಿಸುಬ್ಬು ತಂದೆಯಾಗಿ ನಟಿಸಿದರೆ, ಮಗನಾಗಿ ನಾರಾಯಣಸ್ವಾಮಿ ಕಾಣಿಸಿಕೊಂಡಿದ್ದಾರೆ. ಅಪೂರ್ವ ಭಾರದ್ವಾಜ್‌, ಮಾಸ್ಟರ್‌ ಮಂಜುನಾಥ್‌, ಭಾಗ್ಯಶ್ರೀ, ನಾಗರಾಜ್‌ ಶಾಂಡಿಲ್ಯ ಇತರರು ನಟಿಸಿದ್ದಾರೆ. ಮಹರಾಜ ಸಂಗೀತ ನೀಡಿದ್ದಾರೆ. ನಿರ್ದೇಶಕ ದಿನೇಶ್‌ ಬಾಬು, ಕಥೆ, ಚಿತ್ರಕಥೆ ಜೊತೆಗೆ ಛಾಯಾಗ್ರಹಣವನ್ನೂ ಮಾಡಿದ್ದಾರೆ. ಬಹುತೇಕ ಚಾಮರಾಜನಗರದಲ್ಲಿ ಚಿತ್ರೀಕರಣ ನಡೆಸಲಾಗಿದೆ. ವಿಗ್‌ ತಯಾರಿಕೆಯಲ್ಲಿ ಜನಪ್ರಿಯರಾಗಿರುವ ನಾಗೇಶ್ವರರಾವ್‌ ನಿರ್ಮಾಪಕರು. ಇದು ಅವರ 20 ನೇ ಚಿತ್ರ ಎನ್ನುವುದು ವಿಶೇಷ.

ಇಲ್ಲಿಯವರೆಗೂ ಏಷ್ಟೋ ದೈವ ದೇವರು ಜ್ಯೋತಿಷ್ಯರಲ್ಲಿ ಕೇಳಿ ಸರಿಯಾದ ಪರಿಹಾರ ಸಿಗದೆ ನೊಂದಿದ್ದರೆ.ಅಂತಃಹ ಯಾವುದೇ ಕಠಿಣ ಸಮಸ್ಯೆ ಗಳಿದ್ದರು ಉತ್ತಮ ಸಲಹೆ ಹಾಗೂ ಶಾಶ್ವತ ಪರಿಹಾರ ತಿಳಿಸುತ್ತಾರೆ.

ಇಂದೇ ಸಂಪರ್ಕಿಸಿ ಶ್ರೀ ಶ್ರೀ ಬಿ.ಎಚ್ ಆಚಾರ್ಯರು 8884889444

ಈ ವಿಭಾಗದಿಂದ ಇನ್ನಷ್ಟು

  • "ಗಾಳಿಪಟ ಅಂದ ಕೂಡಲೇ ಮೊದಲು ನೆನಪಿಗೆ ಬರೋದು ಆ ಹಸಿರು, ಮಂಜು, ಪ್ರೀತಿ, ಒಂದಷ್ಟು ಹುಡುಕಾಟ, ಒಂದಷ್ಟು ತಮಾಷೆ, ಹೀಗೆ... ಇಲ್ಲೂ ಅದೆಲ್ಲವನ್ನೂ ನೋಡ­ಬಹುದು. ಈ ಬಾರಿ "ಗಾಳಿಪಟ-2'ನ್ನು...

  • "ಇಷ್ಟು ದಿನ ನನಗೆ ಸನ್ನಿವೇಶ, ಸಂದರ್ಭಗಳೇ ನನಗೆ ವಿಲನ್‌ ಆಗಿದ್ದವು. ಆದರೆ, ಮೊದಲ ಬಾರಿಗೆ ಚಿತ್ರದಲ್ಲಿ ಒಬ್ಬ ಖಡಕ್‌ ವಿಲನ್‌ ಇದ್ದಾನೆ ಮತ್ತು ಆತನ ಜೊತೆ ಹೊಡೆದಾಡುತ್ತೇನೆ...

  • ಚಿತ್ರರಂಗಕ್ಕೂ, ಗೋವಿಂದನಿಗೂ ಮೊದಲಿನಿಂದಲೂ ಒಂಥರಾ ಬಿಡಿಸಲಾಗದ ನಂಟು. ಅದೆಷ್ಟೋ ನಿರ್ಮಾಪಕರು, ನಿರ್ದೇಶಕರು, ಸ್ಟಾರ್ಗೆ ಗೋವಿಂದನೇ ಫೇವರೆಟ್‌ ಗಾಡ್‌. ಇನ್ನು...

  • ಕೆಲವರಿಗೆ ಪ್ರತಿಭೆ ಇರುತ್ತೆ. ಅವಕಾಶ ಇರಲ್ಲ. ಇನ್ನೂ ಕೆಲವರಿಗೆ ಅವಕಾಶ ಸಿಕ್ಕರೂ ಪ್ರತಿಭೆ ಮೂಲಕ ಗುರುತಿಸಿಕೊಳ್ಳಲು ಸಾಧ್ಯವಾಗುತ್ತಿಲ್ಲ. ಇಲ್ಲೊಂದು ಚಿತ್ರತಂಡ...

  • "ಆ ರಾಜುನೇ ಬೇರೆ ಇಲ್ಲಿ ಕಾಣುವ ರಾಜುನೇ ಬೇರೆ..' - ಹೀಗೆ ಹೇಳುತ್ತಾ ಹೋದರು ನಿರ್ಮಾಪಕ ಮಂಜುನಾಥ್‌ ವಿಶ್ವಕರ್ಮ. ಅವರು ಹೇಳಿದ್ದು "ರಾಜು ಜೇಮ್ಸ್‌ ಬಾಂಡ್‌' ಬಗ್ಗೆ....

ಹೊಸ ಸೇರ್ಪಡೆ