Udayavni Special

ದೇಶ, ಕುಟುಂಬ ಮತ್ತು ಶಿವಣ್ಣ

ಸೆಂಚುರಿ ಸ್ಟಾರ್‌ ಹೇಳಿದ ಆಯುಷ್ಮಾನ್‌ ಭವ ಸ್ಟೋರಿ

Team Udayavani, Nov 15, 2019, 6:26 AM IST

ff-36

ಶಿವರಾಜಕುಮಾರ್‌ ನೆಗೆಟಿವ್‌ ಪಾತ್ರ ಮಾಡಲು ಮುಂದಾಗಿದ್ದಾರೆ. ಯೋಗಿ ಜಿ ರಾಜ್‌ ನಿರ್ದೇಶನದ ಮುಂದಿನ ಸಿನಿಮಾದಲ್ಲಿ ಶಿವರಾಜಕುಮಾರ್‌ ನೆಗೆಟಿವ್‌ ಪಾತ್ರ ಮಾಡಲಿದ್ದಾರೆ. ಈ ಬಗ್ಗೆ ಮಾತನಾಡುವ ಶಿವಣ್ಣ, “ಎಷ್ಟು ದಿನಾಂತ ಒಳ್ಳೆಯವನಾಗಿ ಇರೋದು, ಒಮ್ಮೆ ಕೆಟ್ಟವನಾಗಿ ನೋಡೋಣ, ಅಭಿಮಾನಿಗಳು ಹೇಗೆ ಸ್ವೀಕರಿಸುತ್ತಾರೋ ನೋಡಬೇಕು’ ಎನ್ನುತ್ತಾರೆ. ಡಾ.ರಾಜ್‌ಕುಮಾರ್‌ ಕೂಡಾ ನೆಗೆಟಿವ್‌ ಪಾತ್ರ ಮಾಡಿದ್ದರೂ ಎಂದರೆ, “ಅಪ್ಪಾಜಿಗೆ ನನ್ನ ಹೋಲಿಸಬೇಡಿ. ಅವರು ಅವರೇ. ಅವರ ಸಿನಿಮಾ ಇವತ್ತಿನ ಜನರೇಶನ್‌ಗೂ ಇಷ್ಟವಾಗುತ್ತದೆ ಎಂದರೆ ಆ ಸಮಯದಲ್ಲೇ ಆ ತರಹದ ಸಿನಿಮಾಗಳನ್ನು ಮಾಡಿಬಿಟ್ಟಿದ್ದಾರೆಂದರ್ಥ’ ಎನ್ನುವುದು ಶಿವಣ್ಣ ಮಾತು.

“ರಿಯಲ್‌ ಸಿನಿಮಾ ಮೇಕಿಂಗ್‌ ಅಂದರೆ, ಹಿಂದಿನ ಸಿನಿಮಾಗಳದ್ದು, ಆ ಮಜಾನೇ ಬೇರೆ …’
– ಹೀಗೆ ಹೇಳಿಕೊಂಡರು ಶಿವರಾಜಕುಮಾರ್‌. ಶಿವಣ್ಣ ಹೀಗೆ ಹೇಳಿಕೊಂಡಿದ್ದು ಸಿನಿಮಾ ಮೇಕಿಂಗ್‌ ಬಗ್ಗೆ. ಸಿನಿಮಾ ಮೇಕಿಂಗ್‌ ಕಾಲ ಕಾಲಕ್ಕೆ ಬದಲಾಗುತ್ತಾ ಬಂದಿದೆ. ತಾಂತ್ರಿಕತೆ ಬೆಳೆಯುತ್ತಾ ಹೋದಂತೆ ಸಿನಿಮಾ ಮಂದಿ ಆ ತಾಂತ್ರಿಕತೆಯನ್ನು ಅಳವಡಿಸಿಕೊಳ್ಳುತ್ತಾ ಸಿನಿಮಾ ಮೇಕಿಂಗ್‌ ಅನ್ನು ಸುಲಭ ಮಾಡುತ್ತಾ ಬಂದಿದ್ದಾರೆ. ಆದರೆ, ಶಿವರಾಜಕುಮಾರ್‌ ಅವರಿಗೆ ಇವತ್ತಿಗೂ ಖುಷಿ ಕೊಡೋದು, ನಿಜವಾದ ಸಿನಿಮಾ ಮೇಕಿಂಗ್‌ ಅನಿಸೋದು ಹಳೆಯ ಶೈಲಿಯಂತೆ. “ಇವತ್ತು ಸಿಜಿ ಬಂದು ಎಲ್ಲವೂ ಸುಲಭವಾಗಿದೆ. ಗ್ರೀನ್‌ಮ್ಯಾಟ್‌ ಹಾಕಿ ಎಂತಹ ದೃಶ್ಯವನ್ನಾದರೂ ತೆಗೆಯಬಹುದು. ಆದರೆ, ಹಿಂದೆಲ್ಲಾ ಛಾಯಾಗ್ರಾಹಕರು ಎಷ್ಟೊಂದು ಕಷ್ಟಪಟ್ಟು, ಮೂರ್‍ನಾಲ್ಕು ಶಾಟ್‌ಗಳನ್ನು, ವ್ಯಕ್ತಿಗಳನ್ನು ಬಳಸಿಕೊಂಡು ಇವತ್ತಿನ ಸಿಜಿ ಶಾಟ್‌ಗಳನ್ನು ತೆಗೆಯುತ್ತಿದ್ದರು. ರಿಯಲ್‌ ಮೇಕಿಂಗ್‌ ಅಂದರೆ ಅದು. ಆದರೆ, ಈಗ ತಾಂತ್ರಿಕತೆ ಬಂದು ಎಲ್ಲವೂ ಬದಲಾಗಿದೆ. ಹಾಗಂತ ತಪ್ಪು ಎಂದು ಹೇಳುತ್ತಿಲ್ಲ. ಆಯಾಯ ಕಾಲಕ್ಕೆ ಏನು ಬೇಕೋ ಅದನ್ನು ಮಾಡಬೇಕು ಮತ್ತು ಒಪ್ಪಿಕೊಳ್ಳಬೇಕು. ನನಗೊಂದು ಖುಷಿ ಇದೆ, ಅದೇನೆಂದರೆ ಗ್ರೀನ್‌ಮ್ಯಾಟ್‌ ಬಾರದ ಕಾಲದ ಮೇಕಿಂಗ್‌ ಅನ್ನು ನೋಡಿದ್ದೇನೆ’ ಎನ್ನುತ್ತಾ ಇವತ್ತಿನ ಸಿನಿಮಾ ಮೇಕಿಂಗ್‌ ಬಗ್ಗೆ ಮಾತನಾಡಿದರು ಶಿವಣ್ಣ.

ಶಿವಣ್ಣ ಹೀಗೆ ಹೇಳಲು ಕಾರಣ “ಆಯುಷ್ಮಾನ್‌ ಭವ’ ಸಿನಿಮಾ. ಈ ಚಿತ್ರ ಇಂದು ತೆರೆಕಾಣುತ್ತಿದೆ. ದ್ವಾರಕೀಶ್‌ ಬ್ಯಾನರ್‌ನಲ್ಲಿ ತಯಾರಾಗಿರುವ ಈ ಚಿತ್ರವನ್ನು ಪಿ.ವಾಸು ನಿರ್ದೇಶಿಸಿದ್ದಾರೆ. “ಶಿವಲಿಂಗ’ ಚಿತ್ರದ ಯಶಸ್ಸಿನ ಬಳಿಕ ಶಿವಣ್ಣ ಹಾಗೂ ಪಿ.ವಾಸು ಕಾಂಬಿನೇಶನ್‌ನಲ್ಲಿ ಬರುತ್ತಿರುವ “ಆಯುಷ್ಮಾನ್‌ ಭವ’ ಸಿನಿಮಾದಲ್ಲಿ ಸಿಜಿ ಕೆಲಸ ಹೆಚ್ಚಿದೆಯಂತೆ. ಅದಕ್ಕೆ ಕಾರಣ, ಕಥೆ. “ಈ ಚಿತ್ರದಲ್ಲೂ ತುಂಬಾ ಸಿಜಿ ಕೆಲಸವಿದೆ. ಅದು ಪ್ರೇಕ್ಷಕರಿಗೆ ಖುಷಿ ಕೊಡುತ್ತದೆ’ ಎನ್ನುವುದು ಶಿವಣ್ಣ ಮಾತು. ಆರಂಭದಲ್ಲಿ ಈ ಚಿತ್ರಕ್ಕೆ “ಆನಂದ್‌’ ಎಂದು ಟೈಟಲ್‌ ಇಡುವುದಾಗಿ ಹೇಳಲಾಗಿತ್ತು. ಆದರೆ, ಕೊನೆಗೆ “ಆಯುಷ್ಮಾನ್‌ ಭವ’ ಎಂದಾಯಿತು. ಈ ಬಗ್ಗೆ ಮಾತನಾಡುವ ಶಿವಣ್ಣ, “ಆರಂಭದಲ್ಲಿ ನಾವು “ಆನಂದ್‌’ ಎಂದಿಡಲು ಯೋಚಿಸಿದೆವು. ಆ ನಂತರ ಬೇಡವೆನಿಸಿತು. ಒಂದನೇಯದಾಗಿ ನನ್ನ ಮೊದಲ ಸಿನಿಮಾವದು. ಜೊತೆಗೆ ಈ ಕಥೆಗೆ ಅಷ್ಟೊಂದು ಹೊಂದಿಕೆಯಾಗು­ತ್ತಿರಲಿಲ್ಲ. ಅದಕ್ಕಿಂತ ಹೆಚ್ಚಾಗಿ ಕೆಲವು ಸಿನಿಮಾಗಳ ಶೀರ್ಷಿಕೆಯನ್ನು ನಾವು ಮುಟ್ಟಬಾರದು. ಅದು ಹಾಗೆಯೇ ಇರಬೇಕು. ಪಿ.ವಾಸು ಅವರು ತುಂಬಾ ಸೂಕ್ಷ್ಮಅಂಶಗಳನ್ನೂ ಗಮನಿಸುತ್ತಾರೆ. ಈ ಸಿನಿಮಾದಲ್ಲೂ ಅದು ಮುಂದುವರೆದಿದೆ. ಎಲ್ಲವೂ ಇಲ್ಲಿ ಕನೆಕ್ಟ್ ಆಗುತ್ತದೆ ಮತ್ತು ಪ್ರತಿಯೊಂದಕ್ಕೂ ಕಾರಣವಿದೆ. ಚಿತ್ರದಲ್ಲಿ ದೇಶವನ್ನೇ ಕುಟುಂಬ ರೂಪದಲ್ಲಿ ತೋರಿಸಿದ್ದಾರೆ. ಹಾಗಾಗಿ, ಚಿತ್ರಕ್ಕೆ “ಆಯುಷ್ಮಾನ್‌ ಭವ’ ಟೈಟಲ್‌ ತುಂಬಾ ಚೆನ್ನಾಗಿ ಹೊಂದುತ್ತದೆ’ ಎನ್ನುತ್ತಾರೆ ಶಿವಣ್ಣ. ಚಿತ್ರದಲ್ಲಿ ಕಾಡು, ಪ್ರಾಣಿ, ಹಾರರ್‌ ಫೀಲ್‌ ಕೂಡಾ ಇದೆ. ಹಾಗಾಗಿಯೇ ಶಿವಣ್ಣ, ಇದು ಕಂಪ್ಲೀಟ್‌ ಎಂಟರ್‌ಟೈನ್‌ಮೆಂಟ್‌ ಪ್ಯಾಕೇಜ್‌ ಎನ್ನುತ್ತಾರೆ. ಜೊತೆಗೆ ಒಂದಷ್ಟು ಅಡ್ವೆಂಚರ್‌ ಅಂಶಗಳು ಕೂಡಾ ಇವೆ ಎನ್ನಲು ಮರೆಯು­ವುದಿಲ್ಲ.

“ಚಿತ್ರದಲ್ಲಿ ನನಗೆ ಎರಡು ಶೇಡ್‌ನ‌ ಪಾತ್ರವಿದೆ. ಅದೇನೆಂಬುದನ್ನು ನೀವು ಸಿನಿಮಾದಲ್ಲಿ ನೋಡಬೇಕು. ತಲೆಯೊಳಗೆ ದೊಡ್ಡ ಭಾರ, ನೋವು ಇದ್ದರೂ ಅದನ್ನು ತೋರಿಸಿಕೊಳ್ಳದೇ ನಗು ನಗುತ್ತಾ ಇರುವ ಪಾತ್ರವೂ ಇದೆ. ನಿರ್ದೇಶಕ ವಾಸು ಅವರ ಜೊತೆ ಕೆಲಸ ಮಾಡೋದೇ ಖುಷಿ. ಇಷ್ಟು ವರ್ಷವಾದರೂ ಒಬ್ಬ ನಿರ್ದೇಶಕ ತನ್ನ ಜನಪ್ರಿಯತೆ ಕಳೆದುಕೊಂಡಿಲ್ಲ ಎಂದರೆ ಅದಕ್ಕೆ ಕಾರಣ ಅವರ ಶ್ರಮ, ಸಮಯಕ್ಕೆ ಸರಿಯಾಗಿ ಅಪ್‌ಡೇಟ್‌ ಆಗುವ ಗುಣ’ ಎನ್ನುವ ಶಿವರಾಜಕುಮಾರ್‌ ಅವರಿಗೆ ಹಿರಿಯ ನಟ ಅನಂತ್‌ನಾಗ್‌ ಜೊತೆ ಮತ್ತೂಮ್ಮೆ ನಟಿಸಿದ್ದು ಖುಷಿಕೊಟ್ಟಿದೆಯಂತೆ. “ಅನಂತ್‌ನಾಗ್‌ ಅವರ ಜೊತೆ ಕೆಲಸ ಮಾಡೋದೇ ಒಂದು ಖುಷಿ. ಅವರು ನಮ್ಮ ಇಂಡಿಯಾದ ಬ್ರಿಲಿಯಂಟ್‌ ನಟ. ಅವರ ಭಾಷೆ, ಕಣ್ಣೋಟ ಎಲ್ಲವೂ ಚೆಂದ. ಅವರ ನೋಟಕ್ಕೆ ತಕ್ಕಂತೆ ನಾವು ರಿಯಾಕ್ಟ್ ಮಾಡಬೇಕು’ ಎಂದು ಅನಂತ್‌ನಾಗ್‌ ಬಗ್ಗೆ ಹೇಳುತ್ತಾರೆ.

ಅಂದಹಾಗೆ, ಶಿವರಾಜಕುಮಾರ್‌ ನೆಗೆಟಿವ್‌ ಪಾತ್ರ ಮಾಡಲು ಮುಂದಾಗಿದ್ದಾರೆ. ಯೋಗಿ ಜಿ ರಾಜ್‌ ನಿರ್ದೇಶನದ ಮುಂದಿನ ಸಿನಿಮಾದಲ್ಲಿ ಶಿವರಾಜಕುಮಾರ್‌ ನೆಗೆಟಿವ್‌ ಪಾತ್ರ ಮಾಡಲಿದ್ದಾರೆ. ಈ ಬಗ್ಗೆ ಮಾತನಾಡುವ ಶಿವಣ್ಣ, “ಎಷ್ಟು ದಿನಾಂತ ಒಳ್ಳೆಯವನಾಗಿ ಇರೋದು, ಒಮ್ಮೆ ಕೆಟ್ಟವನಾಗಿ ನೋಡೋಣ, ಅಭಿಮಾನಿಗಳು ಹೇಗೆ ಸ್ವೀಕರಿಸುತ್ತಾರೋ ನೋಡಬೇಕು’ ಎನ್ನುತ್ತಾರೆ. ಡಾ.ರಾಜ್‌ಕುಮಾರ್‌ ಕೂಡಾ ನೆಗೆಟಿವ್‌ ಪಾತ್ರ ಮಾಡಿದ್ದರೂ ಎಂದರೆ, “ಅಪ್ಪಾಜಿಗೆ ನನ್ನ ಹೋಲಿಸಬೇಡಿ. ಅವರು ಅವರೇ. ಅವರ ಸಿನಿಮಾ ಇವತ್ತಿನ ಜನರೇಶನ್‌ಗೂ ಇಷ್ಟವಾಗುತ್ತದೆ ಎಂದರೆ ಆ ಸಮಯದಲ್ಲೇ ಆ ತರಹದ ಸಿನಿಮಾಗಳನ್ನು ಮಾಡಿಬಿಟ್ಟಿದ್ದಾರೆಂದರ್ಥ’ ಎನ್ನುವುದು ಶಿವಣ್ಣ ಮಾತು.

ಶಿವರಾಜಕುಮಾರ್‌ ಅವರ 125 ನೇ ಸಿನಿಮಾವನ್ನು ತಮ್ಮ ಹೋಂಬ್ಯಾನರ್‌ನಲ್ಲೇ ನಿರ್ಮಿಸಲು ಮುಂದಾಗಿದ್ದಾರೆ. “ಭೈರತಿ ರಣಗಲ್‌’ ಚಿತ್ರ ಅವರದ್ದೇ ಹೋಂ ಬ್ಯಾನರ್‌ನಲ್ಲಿ ನಿರ್ಮಾಣವಾಗಲಿದೆ.

– ರವಿಪ್ರಕಾಶ್‌ ರೈ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

covid-1

ಸಿಂಧನೂರು ತಾಲೂಕು ಆರೋಗ್ಯಾಧಿಕಾರಿಗೂ ಕೋವಿಡ್-19 ಪಾಸಿಟಿವ್

ಮಂಗಳೂರಿನಲ್ಲಿ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಮಂಗಳೂರಿನಲ್ಲಿ ಕ್ಷುಲ್ಲಕ ಕಾರಣಕ್ಕೆ ಬಿಜೆಪಿ ಬೆಂಬಲಿತ ಪಂಚಾಯತ್ ಸದಸ್ಯ ಯಾಕೂಬ್ ಕೊಲೆ

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಇಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!

ಅಧಿಕಾರಿಗಳೇ ‘ಏನಿದು ಸಂಸ್ಕಾರ’ ಚಿತಾಗಾರದಲ್ಲಿ ಬಿಟ್ಟು ಹೋದ ಶವವನ್ನು ಎಳೆದಾಡಿದ ನಾಯಿಗಳು!

ವಿಂಡೀಸ್ ಬಿಗಿ ಹಿಡಿತದಲ್ಲಿ ಸೌಥಂಪ್ಟನ್ ಟೆಸ್ಟ್: 114 ರನ್ ಮುನ್ನಡೆ ಪಡೆದ ಹೋಲ್ಡರ್ ಪಡೆ

ವಿಂಡೀಸ್ ಬಿಗಿ ಹಿಡಿತದಲ್ಲಿ ಸೌಥಂಪ್ಟನ್ ಟೆಸ್ಟ್: 114 ರನ್ ಮುನ್ನಡೆ ಪಡೆದ ಹೋಲ್ಡರ್ ಪಡೆ

tiktok

ಟಿಕ್ ಟಾಕ್ ಬಳಸದಂತೆ ಉದ್ಯೋಗಿಗಳಿಗೆ ಅಮೇಜಾನ್ ಸೂಚನೆ,ಕೆಲವೇ ಗಂಟೆಗಳಲ್ಲಿ ನಿರ್ಧಾರ ಹಿಂತೆಗೆತ!

america

ಭಾರತ: 4 ದಿನದಲ್ಲಿ 1ಲಕ್ಷ ಜನರಿಗೆ ಕೋವಿಡ್ ಸೊಂಕು,ಅಮೆರಿಕಾದಲ್ಲಿ ಒಂದೇ ದಿನ 69ಸಾವಿರ ಪ್ರಕರಣ




ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

hiivanna-janma

ಶಿವಣ್ಣ ಹುಟ್ಟುಹಬ್ಬಕ್ಕೆ ಅಭಿಮಾನಿಗಳ ಕಾತರ

old-monk

ಓಲ್ಡ್‌ ಮಾಂಕ್‌ಗೆ ಮಲಯಾಳಂ ನಟ ಸುದೇವ್‌ ನಾಯರ್‌ ಎಂಟ್ರಿ

trivikram-songs

ತ್ರಿವಿಕ್ರಮನಿಗೆ ಹಾಡಷ್ಟೇ ಬಾಕಿ

anu-nagu

ನಾನು ನಗಲು ಚಿರು ಕಾರಣ

charan-salaga

ಚರಣ್‌ ರಾಜ್‌ಗೆ ಸಲಗ ಕನಸು

MUST WATCH

udayavani youtube

Covid Bus Basin : A new invention by students of SMVIT College Bantakal

udayavani youtube

ಗಾಲ್ವಾನ್ ಕಣಿವೆ: ಚೀನಾದ ಉದ್ಧಟತನಕ್ಕೆ ಏನು ಕಾರಣ? | Udayavani Straight Talk

udayavani youtube

ಮಡಹಾಗಲ ಕಾಯಿ – Spiny gourd ಬೆಳೆದು ಯಶಸ್ವಿಯಾದ ರೈತ | Successful Farmer Vegetable

udayavani youtube

ಮಧ್ಯಕರ್ನಾಟಕದ ಆಶಾಕಿರಣ | SS Hospital Davangere

udayavani youtube

ಮಡಹಾಗಲ ಕಾಯಿ ಬೆಳೆಯುವ ಸೂಕ್ತ ವಿಧಾನ | How to grow Spiny gourd in your Home


ಹೊಸ ಸೇರ್ಪಡೆ

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

ನೇತ್ರಾವತಿ ನದಿಯಲ್ಲಿ ಮಹಿಳೆ ಆತ್ಮಹತ್ಯೆ ಶಂಕೆ: ಮುಳುಗುತಜ್ಞರಿಂದ ಹುಡುಕಾಟ

ಚಂಡೀಗಢ: ಅತ್ಯಾಚಾರಿಗಳು ವಯಸ್ಕರೆಂದು ಸಾಬೀತುಪಡಿಸಿದ ತಂದೆ

ಚಂಡೀಗಢ: ಅತ್ಯಾಚಾರಿಗಳು ವಯಸ್ಕರೆಂದು ಸಾಬೀತುಪಡಿಸಿದ ತಂದೆ

ಗೌರವಧನ ಹೆಚ್ಚಳಕ್ಕೆ ಆಗ್ರಹಿಸಿ ಪ್ರತಿಭಟನೆ

ಗೌರವಧನ ಹೆಚ್ಚಳಕ್ಕೆ ಆಗ್ರಹಿಸಿ ಪ್ರತಿಭಟನೆ

ಭಾರಿ ಮಳೆಗೆ ಕೆರೆಯಂತಾದ ಬಸವೇಶ್ವರ ವೃತ್ತ

ಭಾರಿ ಮಳೆಗೆ ಕೆರೆಯಂತಾದ ಬಸವೇಶ್ವರ ವೃತ್ತ

ಆರೋಗ್ಯ ಸೇವೆ ಸ್ಥಗಿತಗೊಳಿಸಿ ಆಶಾ ಕಾರ್ಯಕರ್ತೆಯರ ಹೋರಾಟ

ಆರೋಗ್ಯ ಸೇವೆ ಸ್ಥಗಿತಗೊಳಿಸಿ ಆಶಾ ಕಾರ್ಯಕರ್ತೆಯರ ಹೋರಾಟ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.