ಬಾಬು ಕನಸು ಇಂದು ನನಸು

ನೆಕ್ಲೆಸ್‌ ತಂದ ಆನಂದಭಾಷ್ಪ

Team Udayavani, Sep 6, 2019, 5:48 AM IST

ಕೆಲವು ನಿರ್ದೇಶಕರು ಸಿನಿಮಾ ಮಾಡುವ ಮೊದಲೇ ಸುದ್ದಿಯಾಗುತ್ತಾರೆ. ಸ್ಕ್ರಿಪ್ಟ್ಗೆ ಓಂಕಾರ ಹಾಕುವಾಗಿನಿಂದಲೇ ತಾವು, ತಮ್ಮ ಸಿನಿಮಾ ಸುದ್ದಿಯಲ್ಲಿರಬೇಕೆಂಬುದು ಬಯಸುತ್ತಾರೆ. ಇನ್ನು ಕೆಲವು ನಿರ್ದೇಶಕರು ಸಿನಿಮಾ ಬಿಡುಗಡೆಯಾದ ನಂತರ ಸುದ್ದಿಯಾಗಲು ಬಯಸುತ್ತಾರೆ. ಈ ಸಾಲಿಗೆ ಹಿರಿಯ ನಿರ್ದೇಶಕ ದಿನೇಶ್‌ ಬಾಬು ಕೂಡಾ ಸೇರುತ್ತಾರೆ. ಈಗ ಯಾಕೆ ಅವರ ವಿಷಯ ಅಂತೀರಾ, ನಿರ್ದೇಶಕ ದಿನೇಶ್‌ ಬಾಬು ಸದ್ದಿಲ್ಲದೇ ಸಿನಿಮಾವೊಂದನ್ನು ಮಾಡಿ ಮುಗಿಸಿದ್ದಾರೆ. ಅದು ‘ಹಗಲು ಕನಸು’. ಈ ಸಿನಿಮಾ ಯಾವ ಹಂತದಲ್ಲಿದೆ ಎಂದು ನೀವು ಕೇಳಿದರೆ ಅದಕ್ಕೆ ಉತ್ತರ ಈ ವಾರ ತೆರೆಕಾಣುತ್ತಿದೆ ಎಂಬುದು. ಹೌದು, ‘ಹಗಲು ಕನಸು’ ಎಂಬ ಸಿನಿಮಾ ಈ ವಾರ ತೆರೆಕಾಣುತ್ತಿದೆ.

ದಿನೇಶ್‌ ಬಾಬು ಈ ಚಿತ್ರದ ನಿರ್ದೇಶಕರು. ಆನಂದ್‌ ಈ ಚಿತ್ರದ ನಾಯಕ. ಎಲ್ಲಾ ಓಕೆ, ಈ ಸಿನಿಮಾದಲ್ಲಿ ದಿನೇಶ್‌ ಬಾಬು ಏನು ಹೇಳಲು ಹೊರಟಿದ್ದಾರೆಂದು ನೀವು ಕೇಳಬಹುದು. ಆದರೆ, ದಿನೇಶ್‌ ಬಾಬು ಮಾತ್ರ ತಮ್ಮ ಸಿನಿಮಾ ವಿವರ ಕೊಡಲಿಲ್ಲ. ಬದಲಾಗಿ ನಾಯಕ ಆನಂದ್‌ ಮಾತನಾಡಿದರು. ‘ಇದು ಮೂರು ದಿನಗಳಲ್ಲಿ ನಡೆಯುವ ಕಥೆ. ಶುಕ್ರವಾರ, ಶನಿವಾರ ಹಾಗೂ ಭಾನುವಾರ ಈ ಕಥೆ ನಡೆಯುತ್ತದೆ.

ದಿನೇಶ್‌ ಬಾಬು ಅವರ ಸಿನಿಮಾ ಎಂದ ಮೇಲೆ ಅಲ್ಲಿ ಕಂಟೆಂಟ್‌ಗೆ ಹೆಚ್ಚಿನ ಒತ್ತು ಕೊಡುತ್ತಾರೆ. ಈ ಸಿನಿಮಾದಲ್ಲೂ ಗಟ್ಟಿಕಥಾಹಂದರವಿದೆ. ಇಡೀ ಸಿನಿಮಾವನ್ನು ಒಂದು ಮನೆಯಲ್ಲಿ ಚಿತ್ರೀಕರಿಸಲಾಗಿದೆ. ಹಾಡೊಂದರ ಚಿತ್ರೀಕರಣ ಹೊರಾಂಗಣದಲ್ಲಿ ನಡೆದಿದೆ. ನಾನಿಲ್ಲಿ ವಿಕ್ರಮಾದಿತ್ಯ ಎಂಬ ಪಾತ್ರ ಮಾಡಿದ್ದೇನೆ. ದೊಡ್ಡ ನೆಕ್ಲೆಸ್‌ ಹಾಕಿಕೊಂಡಿರುವ ಹುಡುಗಿಯ ಕನಸನ್ನೇ ಕಾಣುತ್ತಿರುವ ನನಗೆ ಅಂತಹ ಹುಡುಗಿ ಸಿಕ್ಕಾಗ ಜೀವನದಲ್ಲಿ ಮುಂದೆ ಏನೇನು ಆಗುತ್ತದೆ ಎಂಬ ಅಂಶದೊಂದಿಗೆ ಚಿತ್ರ ಸಾಗುತ್ತದೆ’ ಎಂದು ಚಿತ್ರದ ಬಗ್ಗೆ ವಿವರ ನೀಡಿದರು ಆನಂದ್‌. ಸನಿಹ ಯಾದವ್‌ ಚಿತ್ರದ ನಾಯಕಿ.

ಚಿತ್ರಕ್ಕೆ ಕಾರ್ತಿಕ್‌ ವೆಂಕಟೇಶ್‌ ಎರಡು ಹಾಡುಗಳನ್ನು ನೀಡಿದ್ದಾರೆ. ಚಿತ್ರದಲ್ಲಿ ಮನ್‌ದೀಪ್‌ ರಾಯ್‌, ಚಿತ್ಕಲಾ ಬಿರಾದರ್‌, ನಾರಾಯಣಸ್ವಾಮಿ ಸೇರಿದಂತೆ ಅನೇಕರು ನಟಿಸಿದ್ದು, ಅವರೆಲ್ಲರೂ ತಮ್ಮ ಪಾತ್ರದ ಬಗ್ಗೆ ಮಾತನಾಡಿದರು.

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಈಗಾಗಲೇ ಸಾಫ್ಟ್ವೇರ್‌ ಕ್ಷೇತ್ರದಿಂದ ಸಾಕಷ್ಟು ಮಂದಿ ಚಿತ್ರರಂಗಕ್ಕೆ ಎಂಟ್ರಿಯಾಗಿದ್ದಾರೆ. ಆ ಸಾಲಿಗೆ "ಧೀರನ್‌' ಚಿತ್ರದ ನಿರ್ದೇಶಕ ಕಮ್‌ ನಾಯಕ ಕೂಡ ಹೊಸದಾಗಿ...

  • ಸಾಮಾನ್ಯವಾಗಿ ಸ್ಟಾರ್‌ ನಟರ ಚಿತ್ರಗಳು ಅಂದಾಕ್ಷಣ, ಅಲ್ಲಿ ಸ್ಟಾರ್‌ ನಟಿಯರು ಕಾಣಿಸಿ­ಕೊಳ್ಳುವುದು ಸಹಜ. ಕನ್ನಡ ಮಾತ್ರವಲ್ಲ, ಪರಭಾಷೆ ಚಿತ್ರರಂಗದಲ್ಲೂ ಇದು...

  • ಟ್ರೇಲರ್‌, ಹಾಡು, ಸ್ಟಿಲ್‌ಗ‌ಳಿಂದ ದೊಡ್ಡ ಮಟ್ಟದಲ್ಲಿ ನಿರೀಕ್ಷೆ ಹುಟ್ಟಿಸಿದ "ಪೈಲ್ವಾನ್‌' ಚಿತ್ರ ಸೆ.12ರಂದು ತೆರೆಕಂಡಿದೆ. "ಹೆಬ್ಬುಲಿ' ಚಿತ್ರದ ನಂತರ ಕೃಷ್ಣ...

  • "ಗಿರಿಗಿಟ್‌' ಎಂಬ ತುಳು ಸಿನಿಮಾವೊಂದು ಬಿಡುಗಡೆಯಾಗಿರುವ ಬಗ್ಗೆ ನಿಮಗೆ ಗೊತ್ತಿರಬಹುದು. ಆಗಸ್ಟ್‌ 23 ರಂದು ತೆರೆಕಂಡಿದ್ದ ಈ ಚಿತ್ರ ಈಗ ಚಿತ್ರತಂಡ ಮೊಗದಲ್ಲಿ...

  • "ಇದು ನನ್ನ ಆಕಸ್ಮಿಕ ಎಂಟ್ರಿ. ಈ ಅವಕಾಶ, ಎನರ್ಜಿ ಎಲ್ಲವೂ ನನ್ನ ಅಣ್ಣನಿಂದಲೇ ಬಂದಿದೆ. ಈ ಎಲ್ಲಾ ಕ್ರೆಡಿಟ್‌ ನನ್ನ ಅಣ್ಣನಿಗೇ ಸಲ್ಲಬೇಕು ...' - ಹೀಗೆ ಹೇಳಿದ್ದು ಯುವ...

ಹೊಸ ಸೇರ್ಪಡೆ