Udayavni Special

ಮುಹೂರ್ತಕ್ಕೇ ಮುಹೂರ್ತ


Team Udayavani, May 4, 2018, 6:00 AM IST

s-43.jpg

ಸಿನಿಮಾ ಮಂದಿ ತಮ್ಮ ಇಷ್ಟಾರ್ಥ ಸಿದ್ಧಿಸಿದ ದೇವಸ್ಥಾನಗಳಲ್ಲಿ ತಮ್ಮ ಸಿನಿಮಾಗಳ ಮುಹೂರ್ತ ಮಾಡುತ್ತಾರೆ. ಇದೇ ಕಾರಣದಿಂದ ಬೆಂಗಳೂರಿನ ಅನೇಕ ದೇವಸ್ಥಾನಗಳಲ್ಲಿ ಸಿನಿಮಾ ಮುಹೂರ್ತಗಳು ನಡೆಯುತ್ತಲೇ ಇರುತ್ತವೆ. ಅದರಲ್ಲೂ ಕೆಲವು ದೇವಸ್ಥಾನಗಳಲ್ಲಿ ತಿಂಗಳಿಗೆ ಮೂರ್‍ನಾಲ್ಕು ಸಿನಿಮಾಗಳ ಮುಹೂರ್ತ ನಡೆಯುವ ಮೂಲಕ, ಮತ್ತಷ್ಟು ಮಂದಿ ಆ ದೇವಸ್ಥಾನದಲ್ಲಿ ಮುಹೂರ್ತ ಮಾಡುವುದಕ್ಕೆ ಪ್ರೇರಣೆಯಾಗಿದೆ.

ಫ‌ಸ್ಟ್‌ ಸೀನ್‌: ಕಥಾನಾಯಕ ದೇವರ ಮುಂದೆ ಕೈ ಮುಗಿದು ನಿಂತಿರುತ್ತಾನೆ. ಹಿಂದಿನಿಂದ “ಆ್ಯಕ್ಷನ್‌’ ಎಂಬ ಧ್ವನಿ. “ದೇವರೇ ಎಲ್ಲರನ್ನೂ ಚೆನ್ನಾಗಿಡು, ನನ್ನನ್ನು ಮಾತ್ರ ಸ್ವಲ್ಪ ಹೆಚ್ಚೇ ಚೆನ್ನಾಗಿಡು’ ಎಂದು ನಾಯಕ ಮನಸ್ಸಲ್ಲೇ ಬೇಡಿಕೊಳ್ಳುತ್ತಾನೆ. ಶಾಟ್‌ ಕಟ್‌ ಆಗುತ್ತದೆ. ಅರ್ಚಕರು ಸ್ಕ್ರಿಪ್ಟ್ ಅನ್ನು ದೇವರ ಬಳಿ ಇಟ್ಟು ಪೂಜೆ ಮಾಡಿ, ಚಿತ್ರತಂಡದ ಕೈಗಿಡುತ್ತಾರೆ.

– ಸಿನಿಮಾ ಮುಹೂರ್ತ ಎಂದರೆ ಅದು ದೇವರ ಮುಂದೆಯೇ ಆಗಬೇಕು, ತಮ್ಮ ಇಷ್ಟದ ದೇವಸ್ಥಾನಗಳಲ್ಲೇ ಆಗಬೇಕೆಂಬುದು ಸಿನಿಮಾ ಮಂದಿಯ ಆಸೆ, ನಂಬಿಕೆ. ಸಿಕ್ಕಾಪಟ್ಟೆ ಭಿನ್ನ ಆಲೋಚನೆಗಳ, ಸಾಮಾನ್ಯ ಜನರ ನಂಬಿಕೆಗಳಿಗಿಂತ ಭಿನ್ನವಾಗಿ ಯೋಚಿಸುವ ಕಥೆಗಳನ್ನಿಟ್ಟುಕೊಂಡು ಸಿನಿಮಾ ಮಾಡುವ ಚಿತ್ರತಂಡಗಳು ಕೂಡಾ ಚಿತ್ರದ ಮುಹೂರ್ತಕ್ಕೆ ತಮ್ಮ ನಂಬಿಕೆಯ ದೇವಸ್ಥಾನವನ್ನೇ ಹುಡುಕುತ್ತವೆ. ದೇವರಿಗೆ ಬೈಯ್ಯುವ, ದೇವರಿಲ್ಲ ಎಂದು ಹೇಳುವ ಸ್ಕ್ರಿಪ್ಟ್ ಅನ್ನು ಅದೇ ದೇವರ ಮುಂದೆ ಇಟ್ಟು ಫ‌ಸ್ಟ್‌ಶಾಟ್‌ ತೆಗೆಯಲಾಗುತ್ತದೆ. ಅನೇಕರು ತಮ್ಮ ಇಷ್ಟದೇವರ ಮೇಲೆಯೇ ಫ‌ಸ್ಟ್‌ಶಾಟ್‌ ತೆಗೆಯುತ್ತಾರೆ. ಅದಕ್ಕೆ ಕಾರಣ ಅವರವರ ನಂಬಿಕೆ. ಮುಂದೆ ಅದನ್ನು ಸಿನಿಮಾದಲ್ಲಿ ಇಡುತ್ತಾರೋ, ಬಿಡುತ್ತಾರೋ ಅದು ಆ ತಂಡಕ್ಕೆ ಬಿಟ್ಟಿದ್ದು. ಆದರೆ, ಸಿನಿಮಾ ಮುಹೂರ್ತ ಮಾತ್ರ ದೇವರ ಮುಂದೆಯೂ ಆಗುತ್ತದೆ. 

ಸಿನಿಮಾ ಮಂದಿ ಜ್ಯೋತಿಷ್ಯ, ಭವಿಷ್ಯ, ದೇವರನ್ನು ಸ್ವಲ್ಪ ಹೆಚ್ಚೇ ನಂಬುತ್ತಾರೆಂಬ ಮಾತಿದೆ. ಚಿತ್ರತಂಡದವರು ಜ್ಯೋತಿಷಿಗಳನ್ನು ಕೇಳಿ ಸಿನಿಮಾ ಬಿಡುಗಡೆ ಮಾಡುವುದರಿಂದ ಕೆಲವೊಮ್ಮೆ ಯಾವುದೇ ಪ್ರಮೋಶನ್‌ ಇಲ್ಲದೇ ತರಾತುರಿಯಲ್ಲಿ ಸಿನಿಮಾ ಬಿಡುಗಡೆ ಆಗುತ್ತದೆ ಎಂಬ ಮಾತು ಈ ಹಿಂದೆ ಕೇಳಿಬಂದಿತ್ತು. ಅದು ಅವರವರ ನಂಬಿಕೆ. ಸಿನಿಮಾ ಮಂದಿ ತಮ್ಮ ಇಷ್ಟಾರ್ಥ ಸಿದ್ಧಿಸಿದ ದೇವಸ್ಥಾನಗಳಲ್ಲಿ ತಮ್ಮ ಸಿನಿಮಾಗಳ ಮುಹೂರ್ತ ಮಾಡುತ್ತಾರೆ. ಇದೇ ಕಾರಣದಿಂದ ಬೆಂಗಳೂರಿನ ಅನೇಕ ದೇವಸ್ಥಾನಗಳಲ್ಲಿ ಸಿನಿಮಾ ಮುಹೂರ್ತಗಳು ನಡೆಯುತ್ತಲೇ ಇರುತ್ತವೆ. ಅದರಲ್ಲೂ ಕೆಲವು ದೇವಸ್ಥಾನಗಳಲ್ಲಿ ತಿಂಗಳಿಗೆ ಮೂರ್‍ನಾಲ್ಕು ಸಿನಿಮಾಗಳ ಮುಹೂರ್ತ ನಡೆಯುವ ಮೂಲಕ, ಮತ್ತಷ್ಟು ಮಂದಿ ಆ ದೇವಸ್ಥಾನದಲ್ಲಿ ಮುಹೂರ್ತ ಮಾಡುವುದಕ್ಕೆ ಪ್ರೇರಣೆಯಾಗುತ್ತಿರುವುದು ಸುಳ್ಳಲ್ಲ.  ವೆಸ್ಟ್‌ ಆಫ್ ಕಾರ್ಡ್‌ ರಸ್ತೆಯಲ್ಲಿರುವ ಶ್ರೀ ವರಸಿದ್ಧಿ ವಿನಾಯಕ ಶ್ರೀನಿವಾಸ ಮಂದಿರ, ಬನಶಂಕರಿಯ ಧರ್ಮಗಿರಿ ಮಂಜುನಾಥಸ್ವಾಮಿ ದೇವಸ್ಥಾನ, ಬಸವನಗುಡಿಯ ದೊಡ್ಡ ಗಣಪತಿ, ಮಲ್ಲೇಶ್ವರಂನಲ್ಲಿರುವ ಕಾಡು ಮಲ್ಲೇಶ್ವರ ದೇವಸ್ಥಾನ, ಆರ್‌.ಟಿ.ನಗರದ ಸಾಯಿಬಾಬಾ ಮಂದಿರ, ಮಹಾಲಕ್ಷ್ಮೀ ಲೇಔಟ್‌ನ ಆಂಜನೇಯ ಸ್ವಾಮಿ ದೇವಸ್ಥಾನ, ಗವಿಗಂಗಾಧರೇಶ್ವರ ಸ್ವಾಮಿ ದೇವಸ್ಥಾನ … ಹೀಗೆ ಬೆಂಗಳೂರಿನ ಅನೇಕ ದೇವಸ್ಥಾನಗಳಲ್ಲಿ ಸಿನಿಮಾ ಮುಹೂರ್ತಗಳು ನಡೆಯುತ್ತಲೇ ಇರುತ್ತವೆ.  ಅದರಲ್ಲೂ ಕಾರ್ಡ್‌ ರಸ್ತೆಯಲ್ಲಿರುವ ಶ್ರೀ ವರಸಿದ್ಧಿ ವಿನಾಯಕ ಶ್ರೀನಿವಾಸ ಮಂದಿರ ಚಿತ್ರತಂಡದವರ ಇಷ್ಟದ ಜಾಗ ಎಂದರೆ ತಪ್ಪಲ್ಲ. ಅದೇ ಕಾರಣದಿಂದ ಆ ಮಂದಿರದಲ್ಲಿ ಸೆಟ್ಟೇರುವ ಸಿನಿಮಾಗಳ ಸಂಖ್ಯೆಯೂ ಹೆಚ್ಚಿದೆ. ಈ ಮಂದಿರ ಆರಂಭವಾಗಿ 32 ವರ್ಷಗಳಾಗಿವೆ. ಈ 32 ವರ್ಷದಲ್ಲಿ 200ಕ್ಕೂ ಹೆಚ್ಚು ಚಿತ್ರಗಳು ಇಲ್ಲಿ ಮುಹೂರ್ತ ಕಂಡಿವೆ.

ಸ್ಟಾರ್‌ಗಳಿಂದ ಹಿಡಿದು ಹೊಸಬರ ಸಿನಿಮಾಗಳ ಮುಹೂರ್ತಗಳಿಗೂ ಇಲ್ಲಿನ ದೇವರು ಸಾಕ್ಷಿಯಾಗಿದ್ದಾರೆ. ದೇವರ ಆಶೀರ್ವಾದವೋ, ಸಿನಿಮಾದ ಶಕ್ತಿಯೋ ಗೊತ್ತಿಲ್ಲ, ಆದರೆ ಇಲ್ಲಿ ಮುಹೂರ್ತ ಮಾಡಿದ ಕೆಲವು ಸಿನಿಮಾಗಳು ಕೂಡಾ ಹಿಟ್‌ ಆಗಿವೆ. ಅಷ್ಟಕ್ಕೂ ಈ ಮಂದಿರದಲ್ಲಿ ಇಷ್ಟೊಂದು ಮುಹೂರ್ತ ನಡೆಯಲು ಕಾರಣವೇನು, ಯಾವತ್ತಿನಿಂದ ಸಿನಿಮಾ ಮುಹೂರ್ತಗಳು ಇಲ್ಲಿ ನಡೆಯುತ್ತಾ ಬಂದುವು ಎಂಬ ಪ್ರಶ್ನೆ ಬರುತ್ತದೆ. ನಿರ್ಮಾಪಕ ರಾಕ್‌ಲೈನ್‌ ವೆಂಕಟೇಶ್‌ ಅವರ ಬಹುತೇಕ ಸಿನಿಮಾಗಳು ಇಲ್ಲೇ ಮುಹೂರ್ತ ಕಂಡಿವೆ. ರವಿಚಂದ್ರನ್‌ ಅಭಿನಯದ ರಾಕ್‌ಲೈನ್‌ ವೆಂಕಟೇಶ್‌ ನಿರ್ಮಾಣದ “ಯಾರೇ ನೀನು ಚೆಲುವೆ’,”ಪ್ರೀತ್ಸೋದ್‌ ತಪ್ಪಾ’ ಚಿತ್ರಗಳ ಮುಹೂರ್ತಗಳು ನಡೆದಿದ್ದು, ಇದೇ ಮಂದಿರದಲ್ಲಿ. ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಸಂಚಲನವನ್ನೇ ಉಂಟು ಮಾಡಿದ “ಮುಂಗಾರು ಮಳೆ’ ಚಿತ್ರದ ಮುಹೂರ್ತವಾಗಿದ್ದು ಕೂಡಾ ಇಲ್ಲೇ. ಅಷ್ಟೇ ಅಲ್ಲದೇ, ಸುದೀಪ್‌ ಅವರ “ಮಾಣಿಕ್ಯ’, “ರನ್ನ’, “ಅಂಬಿ ನಿಂಗೆ ವಯಸ್ಸಾಯೊ¤à’, “ರಾಜ ಮಾರ್ತಾಂಡ’, ಧ್ರುವ ಸರ್ಜಾ “ಪೊಗರು’, ಇತ್ತೀಚೆಗೆ ಶಿವರಾಜಕುಮಾರ್‌ ಅವರ “ರುಸ್ತುಂ’ … ಹೀಗೆ ಸಾಕಷ್ಟು ಸಿನಿಮಾಗಳು ಇಲ್ಲಿ ಮುಹೂರ್ತ ಕಂಡಿವೆ. ಅದೆಷ್ಟೋ ಬಾರಿ ಇಲ್ಲಿ ಒಂದೇ ದಿನದಲ್ಲಿ ಮೂರ್‍ನಾಲ್ಕು ಸಿನಿಮಾಗಳ ಮುಹೂರ್ತ ಆದ ಉದಾಹರಣೆಗಳು ಕೂಡಾ ಇವೆ. 

ಈ ಮಂದಿರದ ಅರ್ಚಕರಾದ ಚೇತನ್‌ ಅವರು ಹೇಳುವಂತೆ, ಇಲ್ಲಿ ಮುಹೂರ್ತ ಮಾಡಿದ ಬಹುತೇಕರಿಗೆ ಯಶಸ್ಸು ಸಿಕ್ಕಿದೆಯಂತೆ. “ನಾನು ಚಿಕ್ಕ ಹುಡುಗನಾಗಿದ್ದರಿಂದಲೇ ಇಲ್ಲಿ ಮುಹೂರ್ತಗಳು ನಡೆಯುತ್ತಿವೆ. ಇದು ವರಸಿಧಿœ ವಿನಾಯಕ ಮಂದಿರ. ಬೇಡಿದ್ದನ್ನು, ಇಷ್ಟಾರ್ಥವನ್ನು ಈಡೇರಿಸುವ ದೇವರು. ಅನೇಕರು ಬೇಡಿಕೊಂಡು ಹೋಗಿ, ಆ ನಂತರ ಬಂದು ನಮ್ಮ ಇಷ್ಟಾರ್ಥ ಈಡೇರಿದೆ ಎಂದ ಉದಾಹರಣೆ ಇದೆ. ಅದೇ ಕಾರಣದಿಂದ ಇಲ್ಲಿ ಮುಹೂರ್ತಗಳು ನಡೆಯುತ್ತವೆ. ಸ್ಟಾರ್‌ ನಟರಿಂದ ಹಿಡಿದು ಹೊಸಬರ ಸಿನಿಮಾಗಳ ಮುಹೂರ್ತಗಳು ಇಲ್ಲಿ ನಡೆಯುತ್ತವೆ. ರಾಕ್‌ಲೈನ್‌ ವೆಂಕಟೇಶ್‌ ಅವರ ಸಿನಿಮಾಗಳು ಆರಂಭದಲ್ಲಿ ಇಲ್ಲೇ ನಡೆಯುತ್ತಿದ್ದವು. ಹಾಗೇ ಇತರ ಸಿನಿಮಾಗಳು ಕೂಡಾ ಇಲ್ಲಿ ಮುಹೂರ್ತ ಮಾಡಿಕೊಳ್ಳುತ್ತಿವೆ’ ಎನ್ನುತ್ತಾರೆ ಅವರು. ಈ ಮಂದಿರ ಇರೋದು ಕಾರ್ಡ್‌ ರಸ್ತೆಯಲ್ಲಿ ಹೆಚ್ಚು ಜನಸಂಚಾರವಿರುವ ಜಾಗ. ಸ್ಟಾರ್‌ಗಳು ಬಂದರೆ ಬೇಗನೇ ಅಭಿಮಾನಿಗಳು ಮುತ್ತಿಕೊಳ್ಳುತ್ತಾರೆ. ಇದರಿಂದ ಸಂಚಾರ ದಟ್ಟಣೆ ಉಂಟಾಗುತ್ತದೆ. ಅದೇ ಕಾರಣದಿಂದ ಇಲ್ಲಿ ಸ್ಟಾರ್‌ಗಳ ಸಿನಿಮಾಗಳ ಮುಹೂರ್ತ ಮುಂಜಾನೆ  ನಡೆಯುತ್ತದೆ. 5.30 ರಿಂದ 7 ಗಂಟೆಯೊಳಗಡೆ ಸ್ಟಾರ್‌ಗಳ ಸಿನಿಮಾದ ಮುಹೂರ್ತ ಮಾಡಲಾಗುತ್ತದೆ. 

ಇನ್ನು ಬನಶಂಕರಿಯ ಶ್ರೀ ಧರ್ಮಗಿರಿ ಮಂಜುನಾಥ ಸ್ವಾಮಿ ದೇವಾಲಯದಲ್ಲೂ ಅನೇಕ ಸಿನಿಮಾಗಳ ಮುಹೂರ್ತ ನಡೆಯುತ್ತವೆ. ಅದರಲ್ಲೂ ರಕ್ಷಿತ್‌ ಶೆಟ್ಟಿ ನಿರ್ಮಾಣದ ಹಾಗೂ ನಟನೆಯ ಸಿನಿಮಾಗಳ ಮುಹೂರ್ತ ಖಾಯಂ ಆಗಿ ಇಲ್ಲೇ ನಡೆಯುತ್ತವೆ. “ಕಿರಿಕ್‌ ಪಾರ್ಟಿ’ ಚಿತ್ರದ ಮುಹೂರ್ತ ಇಲ್ಲೇ ಆಗಿದ್ದು. ಆ ಚಿತ್ರ ಹಿಟ್‌ ಆಗಿದ್ದೇ ತಡ, ರಕ್ಷಿತ್‌ ಮತ್ತು ಪುಷ್ಕರ್‌ ನಿರ್ಮಾಣದ “ಹಂಬಲ್‌ ಪೊಲಿಟಿಷಿಯನ್‌ ನೋಗ್‌ರಾಜ್‌’, “ಕಥೆಯೊಂದು ಶುರುವಾಗಿದೆ’, “ಅವನೇ ಶ್ರೀಮನ್ನಾರಾಯಣ’ ಚಿತ್ರಗಳ ಮುಹೂರ್ತಗಳು ಅಲ್ಲೇ ನಡೆದಿವೆ. ಇತ್ತೀಚೆಗೆ “ಪಡ್ಡೆಹುಲಿ’, “ನಾತಿಚರಾಮಿ’ ಚಿತ್ರಗಳು ಕೂಡಾ ಇಲ್ಲೇ ಸೆಟ್ಟೇರಿವೆ. ರಾಜಾಜಿನಗರದ ಶಿವನ ದೇವಸ್ಥಾನದಲ್ಲೂ ಸಾಕಷ್ಟು ಸಿನಿಮಾಗಳ ಮುಹೂರ್ತ ನಡೆಯುತ್ತವೆ. ಕಳೆದ ವರ್ಷ ಶಿವರಾತ್ರಿಯಂದು ರವಿಚಂದ್ರನ್‌ ಅವರ ಮೂರು ಸಿನಿಮಾಗಳು ಅಲ್ಲಿ ಮುಹೂರ್ತ ಆಚರಿಸಿಕೊಂಡಿದ್ದವು. ಇನ್ನು, ಬಸವಗುಡಿಯ ದೊಡ್ಡ ಗಣಪತಿ ದೇವಸ್ಥಾನದಲ್ಲೂ “ಮೆರವಣಿಗೆ’, “ಮಿಲನ’, “ಶಿವ’, “ಟೋನಿ’, “ಬರ್ಫಿ’, “ಮರಿ ಟೈಗರ್‌’, “ಕಲ್ಪನಾ-2′ ಹೀಗೆ ಅನೇಕ ಸಿನಿಮಾಗಳು ಮುಹೂರ್ತ ಕಾಣುತ್ತಲೇ ಇರುತ್ತವೆ.

ಹಾಗಂತ ಸಿನಿಮಾ ಮುಹೂರ್ತವನ್ನು ದೇವಸ್ಥಾನದಲ್ಲೇ ಮಾಡಬೇಕೆಂಬ ಯಾವ ನಿಯಮವೂ ಇಲ್ಲ. ಮುಹೂರ್ತವನ್ನು ಅದ್ಧೂರಿಯಾಗಿ, ಆಪ್ತವರ್ಗವನ್ನು ಕರೆದು ಮಾಡಬೇಕೆಂದು ಕನಸು ಕಾಣುವವರು ಕಂಠೀರವ ಸ್ಟುಡಿಯೋ ಅಥವಾ ಇನ್ಯಾವುದೋ ಜಾಗದಲ್ಲಿ ಮಾಡುತ್ತಾರೆ. ದೇವರ ಫೋಟೋ ಮುಂದೆ ಮೊದಲ ದೃಶ್ಯವನ್ನು ಚಿತ್ರೀಕರಿಸಲಾಗುತ್ತದೆ. ಕೆಲವರು ದೊಡ್ಡ ಹೋಟೆಲ್‌ಗ‌ಳಲ್ಲಿ ಸರಳ ಪೂಜೆಯೊಂದಿಗೆ ಚಿತ್ರ ಪ್ರಾರಂಭಿಸಿದ ಉದಾಹರಣೆಗಳೂ ಇವೆ. 

ರವಿಪ್ರಕಾಶ್‌ ರೈ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಸಚಿನ್‌ ಪ್ರತಾಪ್

ರಾ. ಕಬಡ್ಡಿ ಸಂಭಾವ್ಯ ತಂಡಕ್ಕೆ ಆಯ್ಕೆಯಾಗಿದ್ದ ರಾಜ್ಯದ ಆಟಗಾರನಿಗೆ ತರಬೇತಿಗಿಲ್ಲ ಆಹ್ವಾನ!

ಸೋಲಿನ ಆಘಾತದಲ್ಲೂ ಕೊಹ್ಲಿಗೆ 12 ಲಕ್ಷ ರೂ. ದಂಡ: ಅಷ್ಟಕ್ಕೂ ಕೊಹ್ಲಿ ಮಾಡಿದ್ದೇನು?

ಸೋಲಿನ ಆಘಾತದಲ್ಲೂ ಕೊಹ್ಲಿಗೆ 12 ಲಕ್ಷ ರೂ. ದಂಡ: ಅಷ್ಟಕ್ಕೂ ಕೊಹ್ಲಿ ಮಾಡಿದ್ದೇನು?

ಸೋಂಕು ತಡೆಗೆ ಪರೀಕ್ಷೆ ಹೆಚ್ಚಿಸಲು ಸಜ್ಜು

ಸೋಂಕು ತಡೆಗೆ ಪರೀಕ್ಷೆ ಹೆಚ್ಚಿಸಲು ಸಜ್ಜು

ಆರು ತಿಂಗಳಿಗೊಮ್ಮೆ ಕಾಂಗ್ರೆಸ್ ಅವಿಶ್ವಾಸ ನಿರ್ಣಯ ಮಂಡಿಸಲಿ, ನನಗೂ ವಿಶ್ವಾಸ ಬರುತ್ತೆ: BSY

ಆರು ತಿಂಗಳಿಗೊಮ್ಮೆ ಕಾಂಗ್ರೆಸ್ ಅವಿಶ್ವಾಸ ನಿರ್ಣಯ ಮಂಡಿಸಲಿ, ನನಗೂ ವಿಶ್ವಾಸ ಬರುತ್ತೆ: BSY

ಕಡೂರು ಪಟ್ಟಣದಲ್ಲಿ ಮನೆಯಲ್ಲಿಯೇ ಗಾಂಜಾ ದಾಸ್ತಾನು: ತಂದೆ-ಮಗಳ ಬಂಧನ

ಕಡೂರು ಪಟ್ಟಣದಲ್ಲಿ ಮನೆಯಲ್ಲಿಯೇ ಗಾಂಜಾ ದಾಸ್ತಾನು: ತಂದೆ-ಮಗಳ ಬಂಧನ

ಸಚಿನ್‌ ಪುತ್ರಿ ಸಾರಾ-ಶುಬ್ಮನ್‌ ನಡುವೆ ಪ್ರಣಯ ಪ್ರಸಂಗ? ಸಚಿನ್ ಅಳಿಯನಾಗುತ್ತಾನಾ ಗಿಲ್

ಸಚಿನ್‌ ಪುತ್ರಿ ಸಾರಾ-ಶುಬ್ಮನ್‌ ನಡುವೆ ಪ್ರಣಯ ಪ್ರಸಂಗ? ಸಚಿನ್ ಅಳಿಯನಾಗುತ್ತಾನಾ ಗಿಲ್

ವಿಚಾರಣೆಗೆ ಕರೆದಿದ್ದಾರಷ್ಟೇ, ನಾನು ಅಪರಾಧಿಯಲ್ಲ: ಸಿಸಿಬಿ ವಿಚಾರಣೆಗೆ ಮಂಗಳೂರಿನತ್ತ ಅನುಶ್ರೀ

ವಿಚಾರಣೆಗೆ ಕರೆದಿದ್ದಾರಷ್ಟೇ, ನಾನು ಅಪರಾಧಿಯಲ್ಲ: ಸಿಸಿಬಿ ವಿಚಾರಣೆಗೆ ಮಂಗಳೂರಿನತ್ತ ಅನುಶ್ರೀ






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ರಿಯಲ್‌ಸ್ಟಾರ್‌ ಉಪ್ಪಿಗೆ ಬರ್ತ್‌ಡೇ ಸಂಭ್ರಮ : ಕೈಯಲ್ಲಿವೆ ಸಾಲು ಸಾಲು ಸಿನಿಮಾ

ರಿಯಲ್‌ಸ್ಟಾರ್‌ ಉಪ್ಪಿಗೆ ಬರ್ತ್‌ಡೇ ಸಂಭ್ರಮ : ಕೈಯಲ್ಲಿವೆ ಸಾಲು ಸಾಲು ಸಿನಿಮಾ

ವಿಷ್ಣುದಾದ 70 ಅಭಿಮಾನಿಗಳ ಮನದಲ್ಲಿ ಯಜಮಾನ್ರು ಜೀವಂತ

ವಿಷ್ಣುದಾದ 70 ಅಭಿಮಾನಿಗಳ ಮನದಲ್ಲಿ ಯಜಮಾನ್ರು ಜೀವಂತ

ಭ್ರಮೆಯಲ್ಲಿ ಹೊಸಬರು

ಭ್ರಮೆಯಲ್ಲಿ ಹೊಸಬರು

suchitra-tdy-5

ಎಂಟ್ರಿಗೆ ರೆಡಿಯಾದ ‌ಟಿಪ್ಪುವರ್ಧನ್‌

ಹೀರೋ ಆಗಿಬಿಟ್ರಲ್ಲಾ ರಿಷಭ್‌!

ಹೀರೋ ಆಗಿಬಿಟ್ರಲ್ಲಾ ರಿಷಭ್‌!

MUST WATCH

udayavani youtube

ತೋಟದ ನಡುವೆ ಸಾಗುವ ಮಿನಿ ಟಿಪ್ಪರ್ ಆವಿಷ್ಕಾರ ಮಾಡಿದ ಪಾಲ್ತಾಡಿಯ ಯುವಕ

udayavani youtube

Udupi Krishna temple to be open for public from September 28 | Udayavani

udayavani youtube

ಕೋವಿಡ್ ‌ಕಾಲದಲ್ಲಿ ರಸ್ತೆ ರಾಜಕಾರಣ: ಪ್ರತಿಕ್ರಿಯಿಸಿದ ಸಂತ ಅಲೋಶಿಯಸ್ ಸಂಸ್ಥೆ

udayavani youtube

ಮಂಗಳೂರು ನಗರದ ಲೈಟ್ ಹೌಸ್ ರೋಡ್ ಗೆ ‘ಮುಲ್ಕಿ ಸುಂದರರಾಮ ಶೆಟ್ಟಿ ರಸ್ತೆ’ ಎಂದು ಮರುನಾಮಕರಣ

udayavani youtube

District Excise Department seized Millions worth of Marijuana | Udayavani



ಹೊಸ ಸೇರ್ಪಡೆ

rn-tdy-1

ಕಸ ವಿಲೇವಾರಿ ಘಟಕಕ್ಕೆ ರೈತರ ವಿರೋಧ

ಡೇರಿ ಆಡಳಿತ ಪಾರದರ್ಶಕವಾಗಿರಲಿ

ಡೇರಿ ಆಡಳಿತ ಪಾರದರ್ಶಕವಾಗಿರಲಿ

ಸಚಿನ್‌ ಪ್ರತಾಪ್

ರಾ. ಕಬಡ್ಡಿ ಸಂಭಾವ್ಯ ತಂಡಕ್ಕೆ ಆಯ್ಕೆಯಾಗಿದ್ದ ರಾಜ್ಯದ ಆಟಗಾರನಿಗೆ ತರಬೇತಿಗಿಲ್ಲ ಆಹ್ವಾನ!

ಪಾಲಿಕೆ ಆಸ್ತಿ ಸಂರಕ್ಷಣೆಗೆ ಆಸ್ತಿಗಳ ತಾಳೆ ಪರಿಶೀಲನೆ

ಪಾಲಿಕೆ ಆಸ್ತಿ ಸಂರಕ್ಷಣೆಗೆ ಆಸ್ತಿಗಳ ತಾಳೆ ಪರಿಶೀಲನೆ

bng-tdy-2

ಪಾಲಿಕೆಯಿಂದ ನಾಲ್ಕು ಖಾಸಗಿ ಆಸ್ಪತ್ರೆಗಳ ವಿರುದ್ಧ ಎಫ್ಐಆರ್‌?

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.