ಕನ್ನಡದಲ್ಲಿ ಧೂಮ್ ಮಚಾಲೆ
Team Udayavani, Sep 7, 2018, 6:00 AM IST
ಸಂಪೂರ್ಣ ಹೊಸಬರ ಚಿತ್ರ. ಆದರೆ, ಬಜೆಟ್ 17 ರಿಂದ 20 ಕೋಟಿ!
-ಹಾಗಂತ ನಾವು ಹೇಳುತ್ತಿಲ್ಲ. ಚಿತ್ರತಂಡವೊಂದು ಹೇಳಿಕೊಂಡಿದೆ. ಸಾಮಾನ್ಯವಾಗಿ ಹೊಸಬರ ಚಿತ್ರವೆಂದರೆ ಎರಡರಿಂದ 3 ಕೋಟಿಯೊಳಗಿನ ಬಜಟ್ನಲ್ಲಿ ಸಿನಿಮಾ ಮಾಡಿರುತ್ತಾರೆ. ಆದರೆ, ಇಲ್ಲೊಂದು ಚಿತ್ರತಂಡ ಬರೋಬ್ಬರಿ 20 ಕೋಟಿ ಹಾಕಿ, ಹೊಸಬರ ಸಿನಿಮಾ ಮಾಡಲು ಮುಂದಾಗಿದೆ. ಅದು “ಧೂಮ್’. ಹಿಂದಿಯಲ್ಲಿ “ಧೂಮ್’ ಚಿತ್ರ ದೊಡ್ಡ ಮಟ್ಟದಲ್ಲಿ ಹಿಟ್ ಆಗಿರೋದು ನಿಮಗೆ ಗೊತ್ತೇ ಇದೆ. ಈಗ ಅದೇ ಟೈಟಲ್ನಡಿ ಕನ್ನಡದಲ್ಲಿ ಸಿನಿಮಾ ಮಾಡಲು ಹೊಸಬರ ತಂಡ ಮುಂದಾಗಿದೆ. ರಾಜೇಶ್ ವರ್ಮಾ ಈ ಸಿನಿಮಾದ ನಿರ್ದೇಶಕರು. ಈ ಹಿಂದೆ ಓಂಪ್ರಕಾಶ್ ರಾವ್ ಸೇರಿದಂತೆ ಅನೇಕರು ಜೊತೆ ಕೆಲಸ ಮಾಡಿರುವ ರಾಜೇಶ್ ವರ್ಮಾ “ಧೂಮ್’ ಮಾಡಲು ಮುಂದಾಗಿದ್ದಾರೆ. ಚಿತ್ರದಲ್ಲಿ ನಾಲ್ವರು ಹೊಸ ಹುಡುಗರು ನಟಿಸುತ್ತಿದ್ದಾರೆ. ಆ ನಾಲ್ವರು ಯಾರೆಂಬುದನ್ನು ನಿರ್ದೇಶಕರು ಸಸ್ಪೆನ್ಸ್ ಆಗಿಟ್ಟಿದ್ದು, ಸದ್ಯ ಅವರು ತರಬೇತಿಯಲ್ಲಿದ್ದು, ಮುಂದಿನ ದಿನಗಳಲ್ಲಿ ಅದ್ಧೂರಿಯಾಗಿ ಲಾಂಚ್ ಮಾಡಲಾಗುವುದು ಎಂಬುದು ಅವರ ಮಾತು. ಇತ್ತೀಚೆಗೆ ಸ್ಟಾಕ್ಶಾಟ್ಗಳನ್ನೊಳಗೊಂಡ ಟೀಸರ್ ತೋರಿಸಿ, ಸಿನಿಮಾ ಇದೇ ರೀತಿ ಮೂಡಿಬರುತ್ತದೆ ಎಂದರು ರಾಜೇಶ್. ಎಲ್ಲಾ ಓಕೆ, ಹೊಸಬರಿಗೆ ಅಷ್ಟೊಂದು ಬಜೆಟ್ ಯಾಕೆ ಎಂದರೆ, ಚಿತ್ರದಲ್ಲಿ ಟರ್ಕಿ ಸೇರಿದಂತೆ ಅನೇಕ ದೇಶಗಳಿಗೆ ಕಥೆ ಸಾಗುತ್ತದೆಯಂತೆ. ಜೊತೆಗೆ ಬೈಕ್ ರೇಸ್ ಕೂಡಾ ಇರುವುದರಿಂದ ಬಜೆಟ್ ಬೇಕಾಗುತ್ತದೆ ಎಂಬುದು ಅವರ ಮಾತು. ಬೈಕ್ ರೇಸ್ ಜೊತೆಗೆ ಅಂಧ ಹಾಗೂ ಕ್ಯಾನ್ಸರ್ಗೆ ತುತ್ತಾದ ಮಕ್ಕಳಿಗೆ ಸಹಾಯ ಮಾಡಿ ಎಂಬ ಸಂದೇಶ ಕೂಡಾ ಚಿತ್ರದಲ್ಲಿದೆಯಂತೆ.
ಚಿತ್ರವನ್ನು ದೆಹಲಿ ಮೂಲದ ಮುನ್ನ ಎನ್ನುವವರು ನಿರ್ಮಿಸುತ್ತಿದ್ದಾರೆ. ಕಥೆ ಇಷ್ಟವಾಗುವ ಜೊತೆಗೆ ಯುವ ತಂಡದ ಮೇಲೆ ಭರವಸೆ ಇಟ್ಟು ದೊಡ್ಡ ಬಜೆಟ್ನಲ್ಲಿ ನಿರ್ಮಿಸಲು ಮುಂದಾಗಿದ್ದಾಗಿ ಹೇಳಿಕೊಂಡರು. ಉಳಿದಂತೆ ಚಿತ್ರದಲ್ಲಿ ಪಾಟಲಿ ಎಂಬ ನವನಟಿ ಪ್ರಮುಖ ಪಾತ್ರ ಮಾಡುತ್ತಿದ್ದಾರೆ. ಚಿತ್ರಕ್ಕೆ ಗುರುಕಿರಣ್ ಸಂಗೀತ ನೀಡುತ್ತಿದ್ದಾರೆ. ಹೊಸಬರ ಜೊತೆ ಕೆಲಸ ಮಾಡುವುದರಿಂದ ಹೊಸತನ ನೀಡಲು ಸಾಧ್ಯವಾಗುತ್ತದೆ ಎನ್ನುವುದು ಗುರುಕಿರಣ್ ಮಾತು.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
ತಾಳಿಭಾಗ್ಯ ಯೋಜನೆ ತಂದ ‘ಕಾಂಗ್ರೆಸ್’ ಕಿತ್ತುಕೊಳ್ಳುವ ಕೆಲಸ ಎಂದೂ ಮಾಡಲ್ಲ: H.K. Patil
Mumbai Airport: ನ್ಯೂಡಲ್ಸ್ ಪ್ಯಾಕೇಟ್ ನೊಳಗೆ ಕೋಟ್ಯಂತರ ಮೌಲ್ಯದ ವಜ್ರ ಕಳ್ಳಸಾಗಣೆ!
ʼದುರ್ಗಿʼಯಾಗಿ ಚಂದನವನಕ್ಕೆ ಕಾಲಿಟ್ಟ ಕಾಲಿವುಡ್ ಬೆಡಗಿ: ಡಾಲಿ ಜೊತೆ ರೊಮ್ಯಾನ್ಸ್
LS Polls: ಮಹಿಳಾ ಮೀಸಲಾತಿ ಕೊಟ್ಟಿದ್ದು ಮೋದಿ, ಕಾಂಗ್ರೆಸ್ನಿಂದ ಸುಳ್ಳಿನ ರಾಜಕಾರಣ: BYR
ಮಗಳ ಪ್ರಕರಣ ದಿಕ್ಕು ತಪ್ಪುತ್ತಿದೆ ಎಂದಿದ್ದ ನೇಹಾಳ ತಂದೆ ರಾಜ್ಯ ಸರಕಾರದ ಕ್ಷಮೆ ಕೇಳಿದ್ದೇಕೆ?