ಡೋಂಟ್ ವರಿ ಕಲರ್ ಫುಲ್ ಫೆಬ್ರವರಿ

ಸಿನಿ ಸುಗ್ಗಿ ಶುರು

Team Udayavani, Jan 31, 2020, 5:50 AM IST

ಜನವರಿಯಲ್ಲಿ ಬಿಡುಗಡೆಯ ಭರಾಟೆ ಅಷ್ಟಾಗಿ ಇಲ್ಲವೆಂಬ ಬೇಸರವನ್ನು ಫೆಬ್ರವರಿ ಹೋಗಲಾಡಿಸುವುದು
ಪಕ್ಕಾ. ಫೆಬ್ರವರಿಯಲ್ಲಂತೂ ಪ್ರೇಕ್ಷಕರ ಮುಂದೆ ಬರಲು ಹಲವು ಚಿತ್ರಗಳು ರೆಡಿಯಾಗಿವೆ..

ಅಂತೂ ಇಂತೂ ಹೊಸ ವರ್ಷದ ಮೊದಲ ತಿಂಗಳು ಮುಗಿದಿದೆ. ಕನ್ನಡ ಚಿತ್ರರಂಗದ ಮಟ್ಟಿಗೆ ಹೇಳುವುದಾದರೆ, ಜನವರಿ ಹರ್ಷದಾಯಕವಾಗಿರಲಿಲ್ಲ. ಸಾಮಾನ್ಯವಾಗಿ ಹೊಸ ವರ್ಷದ ಆರಂಭದಲ್ಲಿ ಸ್ಟಾರ್ ಸಿನಿಮಾಗಳ ಅಬ್ಬರ ಇದ್ದೇ ಇರುತ್ತೆ. ಅಂಥದ್ದೊಂದು ಅಬ್ಬರವಿಲ್ಲದೆಯೇ ಮೊದಲ ತಿಂಗಳು ನೀರಸವಾಗಿಯೇ ಕಳೆದುಹೋಗಿದೆ. ಹಾಗಂತ, ಮನರಂಜನೆಯೇ ಇಲ್ಲವೆಂದಲ್ಲ. ಅಲ್ಪ-ಸ್ವಲ್ಪ ಮನರಂಜನೆ ಮೂಲಕ ರಂಜಿಸುವ ಪ್ರಯತ್ನ ಆಗಿದೆಯಾದರೂ, ಗಟ್ಟಿಯಾಗಿ ಬೇರೂರುವ ಸಿನಿಮಾಗಳು ಕಾಣಿಸಿಕೊಳ್ಳಲೇ ಇಲ್ಲ ಎಂಬ ಬೇಸರ ಸಿನಿ ಪ್ರೇಕ್ಷಕನನ್ನು ಕಾಡಿದ್ದು ಸುಳ್ಳಲ್ಲ. ಜನವರಿ ಹೇಗೋ ಮುಗೀತು. ಬಟ್‌ ಡೋಂಟ್‌ವರಿ. ಈಗ ಫೆಬ್ರವರಿ ಸರದಿ. ಈ ತಿಂಗಳು ಕೊಂಚಮಟ್ಟಿಗೆ ಆಶಾದಾಯಕ ಅಂದುಕೊಂಡರೆ ತಪ್ಪಿಲ್ಲ. ಹಾಗೆ ನೋಡಿದರೆ, ವರ್ಷದ ಆರಂಭದಲ್ಲಿ ಸ್ಟಾರ್‌ ಸಿನಿಮಾಗಳ ದರ್ಶನ ಆಗುತ್ತೆ ಎಂಬ ನಿರೀಕ್ಷೆ ಇತ್ತು. ಆದರೆ, ಆ ನಿರೀಕ್ಷೆ ಸುಳ್ಳಾಯಿತು. ಆಗಷ್ಟೇ ಸಿನಿರಂಗ ಪ್ರವೇಶಿಸಿದ ಹೊಸಬರು, ಬೆರಳೆಣಿಕೆ ಚಿತ್ರ ಮಾಡಿರುವ ನಟರ ಚಿತ್ರಗಳ ಮೂಲಕ ತಮ್ಮ ಖಾತೆಯನ್ನೂ ತೆರೆದರು. ಆದರೆ, ಸ್ಟಾರ್ ಮಾತ್ರ ಹೊಸ ವರ್ಷಕ್ಕೆ ಖಾತೆ ತೆರೆದಿಲ್ಲ ಎಂಬ ಸಣ್ಣ ಬೇಸರ ಆಯಾ ಅಭಿಮಾನಿಗಳಿಗಂತೂ ಇದ್ದೇ ಇದೆ. ಮೊದಲ ತಿಂಗಳು ಹದಿನೆಂಟು ಚಿತ್ರಗಳು ಬಿಡುಗಡೆಯ ಲೆಕ್ಕ ಕೊಟ್ಟಿವೆ. ಈ ವಾರವನ್ನು ಸೂಕ್ಷ್ಮವಾಗಿ ಗಮನಿಸಿದರೆ, ಕೊನೆಯ ಕ್ಷಣದಲ್ಲಿ ಬಿಡುಗಡೆ ಆಗುವ ಸಿನಿಮಾಗಳನ್ನು ಹೊರತುಪಡಿಸಿ, “ಲವ್‌ ಮಾಕ್ಟೇಲ್‌’,”ನಮೋ, “ಆಸಿಂಕೋಜಿಲ್ಲ’,”ಡಿಂಗ’,”ಕಾಣದಂತೆ ಮಾಯವಾದನು’,”ನಿಗರ್ವ’,”ರಾಮನ ಸವಾರಿ’ ಸೇರಿದಂತೆ ಏಳು ಚಿತ್ರಗಳು ಬಿಡುಗಡೆಯ ಲೆಕ್ಕ ಕೊಟ್ಟಿವೆ. ಇದು ಹೇಳಿಕೊಳ್ಳುವಂತಹ ಖಾತೆ ಎನಿಸದಿದ್ದರೂ, ಫೆಬ್ರವರಿಯಲ್ಲಿ ಜೋರು ಬಿಡುಗಡೆಗೆ ಸಿನಿಮಾಗಳು ಸಾಲುಗಟ್ಟಿವೆ ಎಂಬುದಂತೂ ನಿಜ. ಹಾಗಾಗಿ ಫೆಬ್ರವರಿಯಲ್ಲಿ ಸಿನಿಜಾತ್ರೆ ಗ್ಯಾರಂಟಿ.

ಹೌದು, ಜನವರಿಯಲ್ಲಿ ಬಿಡುಗಡೆಯ ಭರಾಟೆ ಅಷ್ಟಾಗಿ ಇಲ್ಲವೆಂಬ ಬೇಸರವನ್ನು ಫೆಬ್ರವರಿ ಹೋಗಲಾಡಿಸುವುದು ಪಕ್ಕಾ. ಫೆಬ್ರವರಿಯಲ್ಲಂತೂ ಪ್ರೇಕ್ಷಕರ ಮುಂದೆ ಬರಲು ಹಲವು ಚಿತ್ರಗಳು ರೆಡಿಯಾಗಿವೆ. ಫೆ.7ರಂದು ಪ್ರಜ್ವಲ್‌ ದೇವರಾಜ್‌ ಅಭಿನಯದ “ಜಂಟಲ್‌ಮೆನ್‌’, ವಿಜಯ ರಾಘವೇಂದ್ರ ನಟಿಸಿರುವ “ಮಾಲ್ಗುಡಿ ಡೇಸ್‌’, ಪ್ರಮೋದ್‌ ಅಭಿನಯದ “ಮತ್ತೆ ಉದ್ಭವ’, ರವಿಶಂಕರ್‌ ಗೌಡ ಅಭಿನಯದ “ಪುರುಸೋತ್‌ರಾಮ’, ಹೊಸಬರ “ನವರತ್ನ’ ಚಿತ್ರಗಳು ಮೊದಲ ವಾರದಲ್ಲಿ ಕಾಣಿಸಿಕೊಳ್ಳಲು ಅಣಿಯಾಗಿವೆ. ಇನ್ನು ಫೆ. 14ರಂದು ಪ್ರೇಮಿಗಳ ದಿನ. ಅಂದು ಲವ್‌ಸ್ಟೋರಿ ಚಿತ್ರಗಳು ಕೂಡ ಬಿಡುಗಡೆಗೆ ತಯಾರಿ ಮಾಡಿಕೊಳ್ಳುತ್ತಿವೆ. ಅಂದು ಪ್ರೀತಿ ಕಥೆ ಹಿಂದೆ ಇರುವ ಹೊಸಬರ ಚಿತ್ರಗಳೇ ಹೆಚ್ಚು ಬಿಡುಗಡೆಯಾಗುವ ಸಾಧ್ಯತೆ ಇದೆ. ಫೆ.21 ಕೂಡ ಒಂದಷ್ಟು ಚಿತ್ರಗಳು ತೆರೆಗೆ ಬರುತ್ತಿವೆ. ಫೆ.28ರಂದು ಸಹ ಬಿಡುಗಡೆಯ ರೇಸ್‌ನಲ್ಲಿ ಬೆರಳೆಣಿಕೆ ಚಿತ್ರಗಳಿವೆ. ಐತಿಹಾಸಿಕ ಸಿನಿಮಾ “ಬಿಚ್ಚುಗತ್ತಿ’ ಸಿನಿಮಾ ಕೂಡ ಫೆಬ್ರವರಿಯಲ್ಲೇ ಬಿಡುಗಡೆಯಾಗಲಿದೆ ಎನ್ನಲಾಗುತ್ತಿದೆ. ಉಳಿದಂತೆ ಬಹುತೇಕ ಹೊಸಬರ ಚಿತ್ರಗಳೇ ಫೆಬ್ರವರಿಗೆ ದರ್ಶನ ಕೊಡುತ್ತಿವೆ.

ಸದ್ಯಕ್ಕೆ ಪ್ರೇಕ್ಷಕ ಈಗ ಹೊಸಬರೇ ಇರಲಿ, ಹಳಬರೇ ಬರಲಿ. ಯಾವ ಸಿನಿಮಾ ಬರುತ್ತದೆ ಎಂಬ ಕಾಯುವಿಕೆಯಲ್ಲಿದ್ದಾನೆ. ಈ ಬಾರಿಯಂತೂ ಸ್ಟಾರ್‌ ಸಿನಿಮಾಗಳ ಮೇಲೆ ನಿರೀಕ್ಷೆ ಹೆಚ್ಚೇ ಇಟ್ಟಿದ್ದಾನೆ. ಆದರೆ, ಸ್ಟಾರ್ ಸಿನಿಮಾಗಳು ಯಾವಾಗ ತೆರೆಕಾಣುತ್ತವೆ ಎಂಬ ಪ್ರಶ್ನೆ ಮಾತ್ರ ಗಿರಕಿಹೊಡೆಯುತ್ತಲೇ ಇದೆ. ಹಾಗೆ ಹೇಳುವುದಾದರೆ, ಜನವರಿಯಲ್ಲಿ ಕನ್ನಡದ ಸ್ಟಾರ್‌ ಸಿನಿಮಾಗಳಿಗಿಂತ ಪರಭಾಷೆಯ ಸ್ಟಾರ್ ಸಿನಿಮಾಗಳ ಹಾವಳಿ ತುಸು ಹೆಚ್ಚೇ ಇತ್ತು. ಹಾಗಾಗಿ, ಕನ್ನಡದಲ್ಲಿ ಹೇಳಿಕೊಳ್ಳುವಂತಹ ಸಿನಿಮಾಗಳು ಯಾವ ಪವಾಡ ಮಾಡಲಿಲ್ಲ. ಫೆಬ್ರವರಿಯಲ್ಲಿ ಸಿನಿಮಾಗಳ ಬಿಡುಗಡೆ ಸಂಖ್ಯೆ ಹೆಚ್ಚುವ ಮೂಲಕ ಸ್ಟಾರ್ ಸಿನಿಮಾಗಳ ಆಗಮನಕ್ಕೂ ತುಸು ಉತ್ಸಾಹ ತುಂಬುತ್ತಿವೆ. ಎಲ್ಲವೂ ಅಂದುಕೊಂಡಂತೆ ನಡೆದರೆ, ಫೆಬ್ರವರಿ ಮುಗಿಯುವ ಹೊತ್ತಿಗೆ, ಶಿವರಾಜಕುಮಾರ್‌ ಅವರ “ದ್ರೋಣ’ ಚಿತ್ರ ಕಾಣಿಸಿಕೊಂಡರೆ ಅಚ್ಚರಿ ಇಲ್ಲ. ಇನ್ನುಳಿದಂತೆ ಮೆಲ್ಲನೆ ಸ್ಟಾರ್ ಚಿತ್ರಗಳ ಹಾವಳಿ ಹೆಚ್ಚಾಗುತ್ತದೆ. ಧ್ರುವ ಅಭಿನಯದ “ಪೊಗರು’, ಪುನೀತ್‌ರಾಜಕುಮಾರ್‌ ನಟಿಸಿರುವ “ಯುವರತ್ನ’ ಚಿತ್ರಗಳು ಏಪ್ರಿಲ್‌ನಲ್ಲಿ ಅಪ್ಪಳಿಸಲಿವೆ. ನಂತರದ ದಿನಗಳಲ್ಲಿ, ದರ್ಶನ್‌ ಅಭಿನಯದ ನಿರೀಕ್ಷೆ ಹೆಚ್ಚಿಸಿರುವ “ರಾಬರ್ಟ್‌’ ಮತ್ತು ಈಗಾಗಲೇ ಸುದ್ದಿಯಲ್ಲಿರುವ ಸುದೀಪ್‌ ನಟಿಸಿರುವ “ಕೋಟಿಗೊಬ್ಬ 3′, ಹಾಡು, ಟ್ರೇಲರ್‌ ಮೂಲಕ ಸದ್ದು ಮಾಡಿರುವ “ದುನಿಯಾ’ ವಿಜಯ್‌ ಅಭಿನಯದ “ಸಲಗ’, “ದುನಿಯಾ’ ಸೂರಿ ನಿರ್ದೇಶನದ ಧನಂಜಯ್‌ ಅಭಿನಯದ “ಪಾಪ್‌ಕಾರ್ನ್ ಮಂಕಿ ಟೈಗರ್‌’ ಸಿನಿಮಾಗಳು ಬಿಡುಗಡೆಯ ಹಾದಿಯಲ್ಲಿವೆ. ಈ ಮೂಲಕ ಸ್ಟಾರ್ ಸಿನಿಮಾಗಳ ಬಿಡುಗಡೆ ಸುಗ್ಗಿ ಶುರುವಾಗಲಿದ್ದು, ಸಿನಿ ಪ್ರೇಮಿಗಳ ಕುತೂಹಲವನ್ನು ಹೆಚ್ಚಿಸಿರುವುದಂತೂ ಸುಳ್ಳಲ್ಲ. ಫೆಬ್ರವರಿ ಕಳೆಯುತ್ತಿದ್ದಂತೆಯೇ, ಮಾರ್ಚ್‌, ಏಪ್ರಿಲ್‌ನಲ್ಲಿ ಸ್ಟಾರ್ ಕಲರವ ಹೆಚ್ಚಾಗಲಿದ್ದು, ಹೊಸ ವರ್ಷದ ಅಂತ್ಯದವರೆಗೂ ಸ್ಟಾರ್ ಸಿನಿಮಾಗಳ ಜೊತೆ ಜೊತೆಯಲ್ಲೇ ಹೊಸಬರ ಚಿತ್ರಗಳೂ ಬಿಡುಗಡೆಯಾಗುವ ಮೂಲಕ ಚಿತ್ರರಂಗವನ್ನು ಇನ್ನಷ್ಟು ರಂಗೇರಿಸುವುದಂತೂ ದಿಟ.

ಅದೇನೆ ಇರಲಿ, ಆರಂಭದಲ್ಲೇ ನೀರಸ ಎನಿಸಿದ್ದ ಗಾಂಧಿನಗರ, ಫೆಬ್ರವರಿಯಲ್ಲಿ ಒಂದಷ್ಟು ಗಟ್ಟಿ ಮನರಂಜನೆ ಕೊಡಲು ಸಿದ್ಧವಾಗಿದೆ. ನಂತರದ ಮಾರ್ಚ್‌ ಹಾಗು ಏಪ್ರಿಲ್‌ನಲ್ಲಿ ಸಿನಿಜಾತ್ರೆಗೂ ಸಜ್ಜಾಗುತ್ತಿದೆ. ಇದೇ ರೇಂಜ್‌ನಲ್ಲಿ ಬಿಡುಗಡೆಯ ಸುಗ್ಗಿ ಹೆಚ್ಚಾದರೆ, ಈ ವರ್ಷ ಕೂಡ 200 ಪ್ಲಸ್‌ ಚಿತ್ರಗಳು ಬಿಡುಗಡೆಯಾಗುವುದರಲ್ಲಿ ಯಾವುದೇ ಸಂಶಯವಿಲ್ಲ. ಈ ವರ್ಷ ಕೂಡ ತುಂಬಾ ನಿರೀಕ್ಷೆ ಹುಟ್ಟಿಸಿರುವ ಚಿತ್ರಗಳೂ ಇವೆ. “ಕೆಜಿಎಫ್ 2′ ಕೂಡ ಈ ವರ್ಷ ಪ್ರೇಕ್ಷಕರ ಮುಂದೆ ಬರುವ ಸಾಧ್ಯತೆಯನ್ನು ತಳ್ಳಿಹಾಕುವಂತಿಲ್ಲ. ಕನ್ನಡ ಮಾತ್ರವಲ್ಲ, ಭಾರತ ಚಿತ್ರರಂಗದಲ್ಲೇ ನಿರೀಕ್ಷೆ ಹುಟ್ಟಿಸಿರುವ “ಕೆಜಿಎಫ್ 2′ ಚಿತ್ರದ ಮೇಲೆ ಎಲ್ಲರ ಕಣ್ಣಿರುವುದಂತೂ ಅಕ್ಷರಶಃ ನಿಜ. ಸದ್ಯಕ್ಕೆ ಸಿನಿ ಪ್ರೇಮಿ ಸಿನಿಹಬ್ಬದೂಟ ಮಿಸ್‌ ಆಗಲ್ಲ ಎಂಬ ಖುಷಿಯಲ್ಲಿದ್ದರೆ ಸಾಕು.

ವಿಜಯ್‌ ಭರಮಸಾಗರ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • "ಏನ್‌ ಸಖತ್‌ ಗುರು ಅವ್ನು....' - ಸಿನಿಮಾ ನೋಡಿ ಹೊರಬಂದವರು ಹೀಗೆ ಹೇಳಬೇಕು. ಅಂಥದ್ದೊಂದು ಸಿನಿಮಾ ಕಟ್ಟಿಕೊಡುವ ನಿಟ್ಟಿನಲ್ಲೇ ಕೆಲಸ ಮಾಡುತ್ತಿದ್ದೇನೆ. ಹೀಗೆ ಹೇಳುತ್ತಾ...

  • ಎರಡು ಹಾಡುಗಳನ್ನು ಫಾರಿನ್‌ನಲ್ಲಿಪ್ಲ್ಯಾನ್‌ ಮಾಡಿದ್ದೇವೆ... | ಚಿತ್ರದ ಮುಕ್ಕಾಲು ಭಾಗ ವಿದೇಶದಲ್ಲೇ ನಡೆಯಲಿದೆ.. | ವಿದೇಶದಲ್ಲಿ ಯಾರೂ ಮಾಡದ ಲೊಕೇಶನ್‌ನಲ್ಲಿ...

  • "ಟಗರು' ಚಿತ್ರದ "ಡಾಲಿ' ಪಾತ್ರದ ಮೂಲಕ ಅಬ್ಬರಿಸಿದ "ಡಾಲಿ' ಅಂದಿನಿಂದ ಇಂದಿನವರೆಗೆ ತಿರುಗಿ ನೋಡಿಲ್ಲ. ಒಂದರ ಹಿಂದೊಂದರಂತೆ ಸಿನಿಮಾಗಳಲ್ಲಿ ನಟಿಸುತ್ತಿದ್ದಾರೆ....

  • "ಸಿನಿಮಾ ಅಂದ್ರೆ ಅದು ಒಬ್ಬರಿಂದ ಆಗುವ ಕೆಲಸವಲ್ಲ. ಅಲ್ಲಿ ಹತ್ತಾರು ಜನರಿಸುತ್ತಾರೆ. ನೂರಾರು ಯೋಚನೆಗಳಿರುತ್ತವೆ. ಸಾವಿರಾರು ಚರ್ಚೆಗಳಾಗುತ್ತವೆ. ಅವೆಲ್ಲವೂ...

  • ಬಿಗ್‌ಬಾಸ್‌ ವಿನ್ನರ್‌ ಆಗಿ ಹೊರಬಂದ ಮೇಲೆ ಹತ್ತಾರು ಸಿನಿಮಾಗಳ ಆಫ‌ರ್ ಬರುತ್ತಿರು ವುದೇನೋ ನಿಜ. ಈಗಲೂ ನನಗೆ ಬರುವ ಸಿನಿಮಾ ಆಫ‌ರ್‌ಗಳ ಕಥೆ ಕೇಳುತ್ತೇನೆ. ಒಳ್ಳೆಯ...

ಹೊಸ ಸೇರ್ಪಡೆ