ಗುರು ಗಾನ ಯಾನ…

ಅಂದುಕೊಳ್ಳದೆಯೇ ಎಲ್ಲವೂ ನಡೆಯುತ್ತಿದೆ ...

Team Udayavani, Jul 26, 2019, 5:00 AM IST

“ನಾನು ಚಿತ್ರರಂಗಕ್ಕೆ ಪ್ಲಾನ್‌ ಮಾಡಿಕೊಂಡು ಬಂದಿಲ್ಲ. ಸಿಕ್ಕ ಅವಕಾಶದಲ್ಲೇ ನಾನು ನನ್ನ ಕೆಲಸವನ್ನು ನಾನು ಮಾಡಿಕೊಂಡು ಹೋಗುತ್ತಿದ್ದೇನೆ. ಮೊದಲು ಯುವ ಸಂಗೀತ ನಿರ್ದೇಶಕ ಅಂತ ಇಂಡಸ್ಟ್ರಿಯವರು, ಮೀಡಿಯಾ, ಆಡಿಯನ್ಸ್‌ ಎಲ್ಲರೂ ಕರೆಯುತ್ತಿದ್ದರು. ಈಗ ಹಿರಿಯ ಸಂಗೀತ ನಿರ್ದೇಶಕ ಅಂಥ ಗುರುತಿಸುತ್ತಿದ್ದಾರೆ..’

– ಹೀಗೆ ಹೇಳುತ್ತಾ ಮಾತಿಗಿಳಿದವರು ಸಂಗೀತ ನಿರ್ದೇಶಕ, ಗಾಯಕ ಕಂ ನಟ ಗುರುಕಿರಣ್‌. ಗುರುಕಿರಣ್‌ ಹೀಗೆ ಹೇಳುವುದಕ್ಕೆ ಕಾರಣ ಚಿತ್ರರಂಗದಲ್ಲಿ ಅವರ ಮೂರು ದಶಕಗಳ ಜರ್ನಿ. ಹೌದು, ಗುರುಕಿರಣ್‌ ಚಿತ್ರರಂಗಕ್ಕೆ ಕಾಲಿಟ್ಟು ಮೂರು ದಶಕಗಳಾಯಿತು, ಇನ್ನು ಸಂಗೀತ ನಿರ್ದೇಶಕನಾಗಿ 25 ವರ್ಷಗಳ ಯಶಸ್ವಿ ಪ್ರಯಾಣ ಗುರುಕಿರಣ್‌ ಅವರದ್ದು. ಪ್ರತಿಯೊಬ್ಬರ ವೃತ್ತಿ ಬದುಕಿನಲ್ಲೂ 25ನೇ ವರ್ಷ ಅನ್ನೋದು ಮಹತ್ತರ ಮೈಲಿಗಲ್ಲಿದ್ದಂತೆ. ಇಂಥದ್ದೇ ಮಹತ್ತರ ಘಟ್ಟದಲ್ಲಿ ಈಗ ಗುರುಕಿರಣ್‌ ಕೂಡ ಇದ್ದಾರೆ. ಇದೇ ವೇಳೆ “ಉದಯವಾಣಿ’ ಜೊತೆ ಮಾತಿಗೆ ಸಿಕ್ಕ ಗುರುಕಿರಣ್‌ ತಮ್ಮ ಚಿತ್ರ ಬದುಕಿನ ಸಂಗೀತಯಾನದ ಬಗ್ಗೆ ಸುದೀರ್ಘ‌ವಾಗಿ ಮಾತನಾಡಿದರು. ಅದು ಅವರ ಮಾತಲ್ಲೇ ..

ಪ್ಲಾನ್‌ ಇಲ್ಲದ ಎಂಟ್ರಿ
ಮೊದಲಿನಿಂದಲೂ ಅಷ್ಟೇ, ನಾನು ಹೀಗೆ ಆಗ್ಬೇಕು ಅಂಥ ಯಾವತ್ತೂ ಪ್ಲಾನ್‌ ಮಾಡಿಕೊಂಡು ಇಲ್ಲಿಗೆ ಬಂದಿಲ್ಲ. ಮೊದಲು ಆ್ಯಕ್ಟಿಂಗ್‌ ಮಾಡಿದೆ, ನಂತರ ಮ್ಯೂಸಿಕ್‌ ಕಂಪೋಸರ್‌, ಸಿಂಗರ್‌ ಹೀಗೆ ಒಂದರ ಹಿಂದೆ ಒಂದು ಕೆಲಸ ಮಾಡುತ್ತಾ ಹೋದೆ. ಯಾವುದನ್ನೂ ಅಂದುಕೊಂಡು ಬಂದಿಲ್ಲ, ಯಾವುದನ್ನೂ ಕಲಿತುಕೊಂಡು ಬಂದಿಲ್ಲ. ಆದ್ರೆ ಆ ಸಮಯಕ್ಕೆ ಏನೇನು ಆಗ್ಬೇಕು ಅಂತ ಇತ್ತೂ, ಹಾಗೆ ಆಯ್ತು. ಆ ಬಗ್ಗೆ ನನಗೆ ಖುಷಿ ಇದೆ. ಈ ಇಪ್ಪತ್ತೈದು ವರ್ಷಗಳಲ್ಲಿ ನಾನು ನನ್ನ ಕೆಲಸ ಮಾಡಿಕೊಂಡು ಹೋಗುತ್ತಿದ್ದೇನೆ ಅಷ್ಟೇ. ನಿಜ ಹೇಳ್ಬೇಕು ಅಂದ್ರೆ, ನಾನು ಮ್ಯೂಸಿಕ್‌ ಡೈರೆಕ್ಟರ್‌ ಆಗ್ಬೇಕು ಅಂತ ಮೊದಲು ಅಂದುಕೊಂಡಿರಲಿಲ್ಲ. ಆದ್ರೂ ಮ್ಯೂಸಿಕ್‌ ಡೈರೆಕ್ಟರ್‌ ಆದೆ. ನನ್ನ ಪ್ರಕಾರ ಜೀವನದಲ್ಲಿ ತುಂಬಾ ಪ್ಲಾನ್‌ ಮಾಡೋದಕ್ಕೆ ಹೋಗಬಾರದು. ಬಂದಂತೆ ಸ್ವೀಕರಿಸಿಕೊಂಡು ಹೋಗಬೇಕು.

ತುಂಬಾ ಜನಕ್ಕೆ ಥ್ಯಾಂಕ್ಸ್‌ ಹೇಳಬೇಕು
“ಇವತ್ತು ಇಂಡಸ್ಟ್ರಿ, ಜನ ಎಲ್ಲರೂ ಗುರುತಿಸುತ್ತಾರೆ, ಪ್ರೀತಿಸುತ್ತಾರೆ ಅಂದ್ರೆ ಅದಕ್ಕೆ ಅನೇಕರ ಸಹಕಾರವಿದೆ. ಇಂಡಸ್ಟ್ರಿಗೆ ನನ್ನನು ಪರಿಚಯಿಸಿದ ಉಪೇಂದ್ರ, ಕೆಲಸ ಕಲಿಸಿಕೊಟ್ಟ ವಿ. ಮನೋಹರ್‌, ಹೀಗೆ ಹೇಳುತ್ತಾ ಹೋದ್ರೆ ಸಣ್ಣವರು, ದೊಡ್ಡವರು, ಫ್ರೆಂಡ್ಸ್‌, ಫ್ಯಾಮಿಲಿ ಅಂಥ ಅನೇಕರು ಇದ್ದಾರೆ. ಎಲ್ಲರ ಹೆಸರನ್ನೂ ಹೇಳ್ಳೋದು ಕಷ್ಟ. ಹೇಳುತ್ತಾ ಹೋದ್ರೆ, ತುಂಬಾ ಜನಕ್ಕೆ ಥ್ಯಾಂಕ್ಸ್‌ ಹೇಳಬೇಕಾಗುತ್ತದೆ. ಒಟ್ಟಿನಲ್ಲಿ ಇದು ನನ್ನೊಬ್ಬನದ್ದೇ ಜರ್ನಿ ಅಲ್ಲ. ಇಲ್ಲಿ ಅನೇಕ ಜನರು ನನಗೆ ಜೊತೆಯಾಗಿದ್ದಾರೆ, ಸಹಕಾರ ನೀಡಿದ್ದಾರೆ.

ಶೀಘ್ರದಲ್ಲಿಯೇ ನೂರನೇ ಸಿನಿಮಾ
“ಸಂಗೀತ ನನಗೆ ಖುಷಿ ಕೊಡುತ್ತದೆ. ಇಷ್ಟು ವರ್ಷಗಳಲ್ಲಿ ನನ್ನ ಕೆಲಸ ನನಗೆ ಯಾವತ್ತೂ ಬೇಜಾರು ಅಂಥ ಅನಿಸಿಲ್ಲ. ಪ್ರತಿಕ್ಷಣ ಕೂಡ ನನ್ನ ಕೆಲಸವನ್ನ ನಾನು ಎಂಜಾಯ್‌ ಮಾಡ್ತೀನಿ. ಇವತ್ತು ನನಗೆ ಮ್ಯೂಸಿಕ್‌ ಬಿಟ್ಟು ಇರೋದಕ್ಕೆ ಆಗಲ್ಲ. ಅದನ್ನ ಬಿಟ್ಟು ನನಗೇನೂ ಗೊತ್ತಿಲ್ಲ. ಬಹುಶಃ ಹಾಗಾಗಿಯೇ ಏನೂ…, ನಾನು ಇಲ್ಲೇ ಖುಷಿಯಾಗಿದ್ದೇನೆ. ಇಲ್ಲಿಯವರೆಗೆ ನಾನು ಸಂಗೀತ ನಿರ್ದೇಶನ ಮಾಡಿದ, ಹಿನ್ನೆಲೆ ಸಂಗೀತ ನೀಡಿದ ಎಲ್ಲಾ ಸಿನಿಮಾಗಳನ್ನು ತೆಗೆದುಕೊಂಡರೆ, ಸುಮಾರು ನೂರರ ಗಡಿ ದಾಟುತ್ತದೆ. ಇಲ್ಲಿಯವರೆಗೆ ಸಂಗೀತ ನಿರ್ದೇಶನ ಮಾಡಿರುವ ಚಿತ್ರಗಳನ್ನು ಮಾತ್ರ ತೆಗೆದುಕೊಂಡರೆ, ಅವು ಕೂಡ ನೂರರ ಸಮೀಪದಲ್ಲಿವೆ. ಈ ವರ್ಷದ ಕೊನೆಗೆ ನಾನು ಮ್ಯೂಸಿಕ್‌ ಕಂಪೋಸ್‌ ಮಾಡಲಿರುವ ನೂರನೇ ಸಿನಿಮಾವನ್ನ ಅನೌನ್ಸ್‌ ಮಾಡುತ್ತೇನೆ.

-ಜಿ.ಎಸ್‌.ಕಾರ್ತಿಕ ಸುಧನ್‌

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • "ಮೊದಲು ಕನ್ನಡ ಸಿನಿಮಾಗಳನ್ನು ನೋಡಿ, ಆ ನಂತರ ಬೇರೆ ಭಾಷೆಯಲ್ಲಿ ಆ ತರಹ ಮಾಡ್ತಾರೆ, ಈ ತರಹ ಮಾಡ್ತಾರೆ ಅಂತ ಮಾತನಾಡಿ ....' -ಕೆಲವು ದಿನಗಳ ಹಿಂದೆಯಷ್ಟೇ ನಟ ದರ್ಶನ್‌...

  • ಕಳೆದ ಎರಡು ವಾರಗಳಿಂದ ಸೂಕ್ಷ್ಮವಾಗಿ ಗಮನಿಸಿದರೆ, ಐದಾರು ಚಿತ್ರಗಳಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. ಅಂತಹ ಚಿತ್ರಗಳು ನಿಧಾನಗತಿಯಲ್ಲೇ ನೋಡುಗರನ್ನು ಆಕರ್ಷಿಸುತ್ತವೆ....

  • ರಮೇಶ್‌ ಅರವಿಂದ್‌ ನಾಯಕಾಗಿರುವ "ಶಿವಾಜಿ ಸುರತ್ಕಲ್‌' ಚಿತ್ರದ ಟ್ರೇಲರ್‌ ಇತ್ತೀಚೆಗೆ ಬಿಡುಗಡೆಯಾಯಿತು. ಟ್ರೇಲರ್‌ ಬಿಡುಗಡೆಯ ಜೊತೆಗೆ ಚಿತ್ರತಂಡ ವಿಶಿಷ್ಟವಾಗಿ...

  • ಈ ಬಾರಿಯ ಮಹಾಶಿವರಾತ್ರಿ ಹಬ್ಬಕ್ಕೆ ಸಾಲು ಸಾಲು ಚಿತ್ರಗಳು ಪ್ರೇಕ್ಷಕರ ಮುಂದೆ ಬರುವ ತಯಾರಿಯಲ್ಲಿವೆ. ಈ ಚಿತ್ರಗಳ ಸಾಲಿನಲ್ಲಿ ಬಹುತೇಕ ಹೊಸಬರ "ಶಿವ' ಎನ್ನುವ ಚಿತ್ರವೂ...

  • ಯಾವುದಾದರೂ ವ್ಯಕ್ತಿಯ ದೈಹಿಕ ಎತ್ತರವನ್ನು ಅಳೆಯುವಾಗ ಅಡಿ-ಅಂಗುಲ ಪದಗಳನ್ನು ಬಳಕೆ ಮಾಡುವುದನ್ನು ನೋಡಿದ್ದೇವೆ. ಈಗ ಅಡಿ-ಅಂಗುಲ ಪದಗಳನ್ನೇ ಇಟ್ಟುಕೊಂಡು ಇಲ್ಲೊಂದು...

ಹೊಸ ಸೇರ್ಪಡೆ