ಒಂದು ಕೊಲೆಯ ಸುತ್ತ! : ಭವಿಷ್ಯ ನೋಡೋ ನಾಯಕನ ಸಿನಿಮಾ
Team Udayavani, Jul 14, 2017, 4:30 AM IST
‘ಮೋಜೋ’ ಎಂಬ ಚಿತ್ರವೊಂದು ಬರುತ್ತಿರುವ ಬಗ್ಗೆ ನಿಮಗೆ ಗೊತ್ತಿರಬಹುದು. ಬಿಡುಗಡೆಗೆ ಸಿದ್ಧವಾಗಿರುವ ಚಿತ್ರದ ಆಡಿಯೋ ಬಿಡುಗಡೆ ಇತ್ತೀಚೆಗೆ ನಡೆಯಿತು. ಹಿರಿಯ ನಿರ್ದೇಶಕ ಸುನೀಲ್ ಕುಮಾರ್ ದೇಸಾಯಿಯವರು ಚಿತ್ರದ ಆಡಿಯೋ ಬಿಡುಗಡೆ ಮಾಡಿ ಚಿತ್ರತಂಡಕ್ಕೆ ಶುಭ ಕೋರಿದರು. ‘ಸಸ್ಪೆನ್ಸ್, ಥ್ರಿಲ್ಲರ್ ಸಿನಿಮಾಗಳು ಜನರನ್ನು ಬೇಗನೇ ತಲುಪುತ್ತವೆ. ಅದಕ್ಕೆ ನನ್ನ ‘ತರ್ಕ’, ‘ನಿಷ್ಕರ್ಷ’ ಸಿನಿಮಾಗಳೇ ಸಾಕ್ಷಿ. ಅದರಂತೆ ‘ಮೋಜೋ’ ಕೂಡಾ ಜನರನ್ನು ತಲುಪುತ್ತದೆ ಎಂಬ ವಿಶ್ವಾಸವಿದೆ. ಸಂಗೀತಕ್ಕೆ ಒಂದು ಚಿತ್ರವನ್ನು ಗೆಲ್ಲಿಸುವ ತಾಕತ್ತು ಇದೆ. ಬಾಲಿವುಡ್ನಲ್ಲಿ ಯಶ್ ಚೋಪ್ರಾ ಅವರ ಕೆಲವು ಚಿತ್ರಗಳು ಹಾಡುಗಳಿಂದಲೇ ಹಿಟ್ ಆಗಿದ್ದನ್ನು ನಾವು ನೆನಪಿಸಿಕೊಳ್ಳಬಹುದು’ ಎನ್ನುತ್ತಾ ಚಿತ್ರಕ್ಕೆ ಶುಭಕೋರಿದರು. ಚಿತ್ರಕ್ಕೆ ಸಂಗೀತ ನೀಡಿದ ಎಸ್.ಡಿ.ಅರವಿಂದ್ ಹಾಡುಗಳ ಬಗ್ಗೆ ಹೇಳಿಕೊಂಡರು. ಸನ್ನಿವೇಶಕ್ಕನುಗುಣವಾಗಿ ಬರುವ ಹಾಡುಗಳು ಜನರಿಗೆ ಇಷ್ಟವಾಗುತ್ತದೆ ಎಂಬ ವಿಶ್ವಾಸ ಅವರಿಗಿದೆ.
ಚಿತ್ರವನ್ನು ಶ್ರೀಶ ಬೆಳಕವಾಡಿ ನಿರ್ದೇಶಿಸಿದ್ದಾರೆ. ಇವರಿಗಿದು ಮೊದಲ ಸಿನಿಮಾ. ‘ಮೋಜೋ’ ಚಿತ್ರ ‘ಪ್ರೀಕಾಗ್ನಿಟೀವ್ ಥ್ರಿಲ್ಲರ್’ ಜಾನರ್ಗೆ ಸೇರುವ ಸಿನಿಮಾ. ಭವಿಷ್ಯದಲ್ಲಿ ಏನಾಗುತ್ತದೆ ಎಂಬುದನ್ನು ನೋಡುವ ಶಕ್ತಿ ಇರುವ ನಾಯಕನ ಸುತ್ತ ಸುತ್ತುವ ಸಿನಿಮಾ. ‘ಇದು ಪಕ್ಕಾ ಥ್ರಿಲ್ಲರ್ ಸಿನಿಮಾ. ಭವಿಷ್ಯ ನೋಡುವ ಶಕ್ತಿ ಇರುವ ನಾಯಕನ ಸುತ್ತ ಒಂದು ಕೊಲೆ ಸುತ್ತುಕೊಳ್ಳುತ್ತದೆ ಎಂದು ಚಿತ್ರದ ಬಗ್ಗೆ ವಿವರ ನೀಡುತ್ತಾರೆ ಅವರು. ಜೊತೆಗೆ ತಮ್ಮ ಚಿತ್ರದ ಪ್ರತಿ ಹಂತದಲ್ಲೂ ಬೆಂಬಲವಾಗಿ ನಿಂತ ಎಲ್ಲರನ್ನು ಸ್ಮರಿಸಿಕೊಳ್ಳುತ್ತಾರೆ ಶ್ರೀಶ ಬೆಳಕವಾಡಿ.
ಈ ಹಿಂದೆ ‘ಕ’ ಸಿನಿಮಾದಲ್ಲಿ ಸಣ್ಣ ಪಾತ್ರ ಮಾಡಿದ್ದ ಮನು ಇಲ್ಲಿ ನಾಯಕ. ಪಾತ್ರಕ್ಕಾಗಿ ಮಾಡಿಕೊಂಡ ತಯಾರಿ ಬಗ್ಗೆ ಮಾತನಾಡಿದರು ಮನು. ನಾಯಕಿಯಾಗಿ ಅನುಷಾ ನಟಿಸಿದ್ದು, ಅವರಿಲ್ಲಿ ಮನೋವೈದೈಯ ಪಾತ್ರ ಮಾಡಿದ್ದಾರೆ. ಚಿತ್ರಕ್ಕೆ ಹಾಡಿದ ಅಂಕಿತಾ ಕುಂಡು, ಚಿಂತನ್, ಮುರುಳಿ ರಾಮನಾಥ್ ತಮ್ಮ ಅನಿಸಿಕೆಗಳನ್ನು ಹಂಚಿಕೊಂಡರು. ಆನಂದ್ ಆಡಿಯೋ ಹಾಡುಗಳನ್ನು ಹೊರತಂದಿದೆ. ಈ ಚಿತ್ರವನ್ನು ಗಜಾನನ ಭಟ್ ನಿರ್ಮಿಸಿದ್ದಾರೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
AMU: ಇತಿಹಾಸದಲ್ಲೇ ಮೊದಲು… ಅಲಿಘರ್ ಮುಸ್ಲಿಂ ವಿಶ್ವವಿದ್ಯಾಲಯಕ್ಕೆ ಮಹಿಳಾ ಉಪಕುಲಪತಿ ನೇಮಕ
Bengaluru: ಕದಂಬ ಹೋಟೆಲ್ ಸ್ಫೋಟ ಮಾಡುವುದಾಗಿ ಬೆದರಿಕೆ
Mandya LokSabha Constituency:ಸಕ್ಕರೆ ನಾಡಿನ ಪಾರುಪತ್ಯಕ್ಕೆ ಸಾಂಪ್ರದಾಯಿಕ ಜಿದ್ದಾಜಿದ್ದಿ
Rameshwaram Cafe Case: ರಾಮೇಶ್ವರಂ ಕೆಫೆ ಸ್ಫೋಟ ಶಂಕಿತರು ಮತ್ತೆ 7 ದಿನ ಎನ್ಐಎ ವಶಕ್ಕೆ
FIR: ಬಾಲಕಿಗೆ ಲೈಂಗಿಕ ದೌರ್ಜನ್ಯ, ಆರೋಪಿ ಬಂಧನ: ಎಫ್ಐಆರ್