ಶಾಲಿನಿ ಟೂ ಪ್ಲಸ್
Team Udayavani, Apr 28, 2017, 10:35 AM IST
ನೀವು ಗಡ್ಡವಿಜಿ ನಿರ್ದೇಶನದ “ಪ್ಲಸ್’ ಸಿನಿಮಾ ನೋಡಿದ್ದರೆ ನಿಮಗೆ ಇವರ ಮುಖ ಪರಿಚಯ ಖಂಡಿತಾ ಸಿಗುತ್ತದೆ. ಆ ಚಿತ್ರದ ನಾಯಕಿಯರಲ್ಲೊಬ್ಬರಾಗಿ ನಟಿಸಿದವರು ಇವರು. ಹೆಸರು ಶಾಲಿನಿ. “ಪ್ಲಸ್’ ಚಿತ್ರದ ನಂತರ ಕೆಲ ದಿನ ಚಿತ್ರರಂಗದಿಂದ ದೂರವಿದ್ದ ಶಾಲಿನಿ ಈಗ ಎರಡು ಸಿನಿಮಾಗಳ ಮೂಲಕ ವಾಪಾಸ್ ಬಂದಿದ್ದಾರೆ. ಅದು “ಮಿಸ್ಟರ್ ಪಫೆìಕ್ಟ್’ ಹಾಗೂ “ರಾಜರು’. ಈ
ಎರಡು ಚಿತ್ರಗಳು ಈಗ ಬಹುತೇಕ ಚಿತ್ರೀಕರಣ ಮುಗಿಸಿದ್ದು, ಈ ವರ್ಷ ಶಾಲಿನಿ ನಟಿಸಿದ ಎರಡು ಚಿತ್ರಗಳು ಬಿಡುಗಡೆಯಾಗಲಿವೆ. ಈ ನಡುವೆಯೇ ಶಾಲಿನಿ ತೆಲುಗು ಚಿತ್ರವೊಂದರಲ್ಲೂ ನಟಿಸಿದ್ದಾರೆ.
ಶಾಲಿನಿಗೆ ಎರಡೂ ಸಿನಿಮಾಗಳ ಮೇಲೂ ನಿರೀಕ್ಷೆ ಇದೆ. ಈ ಸಿನಿಮಾಗಳಲ್ಲಿ ಶಾಲಿನಿಗೆ ಒಳ್ಳೆಯ ಪಾತ್ರ ಸಿಕ್ಕಿದ್ದು, ಈ ಚಿತ್ರಗಳ ಮೂಲಕ ಚಿತ್ರರಂಗದಲ್ಲಿ ಗಟ್ಟಿನೆಲೆ ಸಿಗುವ ವಿಶ್ವಾಸವಿದೆ. ಅಂದಹಾಗೆ, “ರಾಜರು’ ಚಿತ್ರದಲ್ಲಿ ಶಾಲಿನಿ ಸಖತ್ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾರೆ. ಪಾತ್ರ ಬಯಸಿದ್ದರಿಂದ ಶಾಲಿನಿ ಬೋಲ್ಡ್ ಆಗಿ ಕಾಣಿಸಿಕೊಂಡಿದ್ದಾಗಿ ಹೇಳುತ್ತಾರೆ. ಅಂದಹಾಗೆ, ಶಾಲಿನಿ ಹುಟ್ಟಿದ್ದು ಬೆಂಗಳೂರಿನಲ್ಲಾದರೂ ಸದ್ಯ ನೆಲೆಸಿರುವುದು ಹೈದರಾಬಾದ್ನಲ್ಲಿ. ಈಗಾಗಲೇ ಶಾಲಿನಿಗೆ ಒಂದಷ್ಟು ಅವಕಾಶಗಳು
ಹುಡುಕಿಕೊಂಡು ಬರುತ್ತಿದ್ದು, ಎರಡು ಸಿನಿಮಾಗಳ ಬಿಡುಗಡೆ ನಂತರ ಮುಂದಿನ ನಿರ್ಧಾರ ಕೈಗೊಳ್ಳುವುದಾಗಿ ಹೇಳುತ್ತಾರೆ.
ರವಿ ರೈ