ಹುಟ್ಟು ದರಿದ್ರವಾದ್ರೂ ಸಾವು ಚರಿತ್ರೆ ಆಗಿರಬೇಕು

ಗೋದ್ರಾ ಸಂದೇಶ

Team Udayavani, Jan 24, 2020, 5:39 AM IST

ಗುಜರಾತ್‌ ರಾಜ್ಯದ “ಗೋದ್ರಾ’ದಲ್ಲಿ ಕೆಲ ವರ್ಷಗಳ ಹಿಂದೆ ನಡೆದ ಭಾರೀ ಹಿಂಸಾಚಾರ ಅನೇಕರಿಗೆ ನೆನಪಿರಬಹುದು. ಈಗಲೂ “ಗೋದ್ರಾ’ ಘಟನೆ ಆಗಾಗ್ಗೆ ರಾಜಕೀಯ ವಲಯದಲ್ಲಿ ಒಂದಷ್ಟು ಸುದ್ದಿಗೆ ಕಾರಣವಾಗುತ್ತಲೇ ಇರುತ್ತದೆ. ಈಗ ಇದೇ “ಗೋದ್ರಾ’ದ ಬಗ್ಗೆ ಸ್ಯಾಂಡಲ್‌ವುಡ್‌ನ‌ಲ್ಲೂ ಒಂದಷ್ಟು ಸುದ್ದಿಯಾಗುತ್ತಿದೆ. ಅಂದಹಾಗೆ, “ಗೋದ್ರಾ’ಕ್ಕೂ ಗಾಂಧಿನಗರಕ್ಕೂ ಏನು ಸಂಬಂಧ ಅನ್ನೋದನ್ನ ಕೇಳ್ಳೋದಕ್ಕೂ ಮುನ್ನ, ನಾವೇ ಹೇಳ್ತೀವಿ ಕೇಳಿ.

“ಗೋದ್ರಾ’ ಎನ್ನುವ ಟೈಟಲ್‌ ಇಟ್ಟುಕೊಂಡು ಹೊಸ ಚಿತ್ರವೊಂದು ತೆರೆಗೆ ಬರಲು ಸಿದ್ಧವಾಗುತ್ತಿದೆ. ನಟ ನೀನಾಸಂ ಸತೀಶ್‌ ಈ ಚಿತ್ರದಲ್ಲಿ ನಾಯಕನಾಗಿ ಕಾಣಿಸಿಕೊಳ್ಳುತ್ತಿದ್ದು, ಇತ್ತೀಚೆಗೆ ಈ ಚಿತ್ರದ ಟೀಸರ್‌ ಹೊರಬಂದಿದೆ. “ಕಾಶ್ಮೀರ, ಗೋದ್ರಾ ಮತ್ತು ಅಯೋಧ್ಯೆ ಸಮಸ್ಯೆಗಳು ಈ ದೇಶದಲ್ಲಿ ಸಾಕಷ್ಟು ಸಂಚಲನ ಮೂಡಿಸಿರುವ ಸೂಕ್ಷ್ಮ ವಿಷಯಗಳು. ಆದರೆ, ಇದರ ಹಿಂದೆ ನೂರಾರು ಮುಖಗಳು ಇದೆ. ಕೆಲವರಿಗೆ ಈ ವಿಷಯದಲ್ಲಿ ವಾಸ್ತವವೇನು? ಏನು ನಡೆಯುತ್ತಿದೆ ಎಂಬ ಅರಿವಿದ್ದರೆ, ಇನ್ನು ಕೆಲವರಿಗೆ ಅದರ ಹಿಂದಿರುವ ಸತ್ಯದ ಅರಿವಿಲ್ಲ. ಇಂಥ ನೂರಾರು ಮುಖಗಳಲ್ಲಿ ನಮ್ಮ ಚಿತ್ರದ ಟೈಟಲ್‌ ಕೂಡ ಒಂದಾಗಿದೆ. ಇಲ್ಲಿ ನಕ್ಸಲ್‌ ವಾದ, ಪ್ರಸಕ್ತ ರಾಜಕಾರಣ, ಗಾಂಧಿವಾದ, ಬಂಡಾಯ, ಕ್ರಾಂತಿ ಹೀಗೆ ಹತ್ತಾರು ವಿಷಯಗಳ ಚರ್ಚೆಯಿದೆ. ಇವೆಲ್ಲದಕ್ಕೂ ಪೂರಕವೆನ್ನುವಂತೆ ಕೆಲ ನೈಜ ಘಟನೆಗಳನ್ನು ಚಿತ್ರದಲ್ಲಿ ಬಳಸಿಕೊಳ್ಳಲಾಗಿದೆ. ಚಿತ್ರದಲ್ಲಿ ನಾವು ಹೇಳುತ್ತಿರುವ ಸಬ್ಜೆಕ್ಟ್ಗೆ ಸೂಕ್ತವೆನ್ನುವ ಕಾರಣಕ್ಕೆ “ಗೋದ್ರಾ’ ಅಂಥ ಟೈಟಲ್‌ ಇಟ್ಟಿದ್ದೇವೆ’ ಎಂದು ಟೈಟಲ್‌ ಬಗ್ಗೆ ಸಮಜಾ­ಯಿಷಿ ಕೊಡು­ತ್ತದೆ ಚಿತ್ರತಂಡ.

“ಭೂಮಿ ಮೇಲೆ ಹಲವರು ದರಿದ್ರರಾಗಿ ಹುಟ್ಟುತ್ತಾರೆ. ನಂತರ ಅವರ ಸಾವು ಚರಿತ್ರೆಯಾಗುತ್ತದೆ. ಈ ಚಿತ್ರದಲ್ಲಿ ನನ್ನದೂ ಅದೇ ರೀತಿ ಸಾಗುವ ಪಾತ್ರ’ ಎಂದು “ಗೋದ್ರಾ’ ಚಿತ್ರದ ತಮ್ಮ ಪಾತ್ರದ ಬಗ್ಗೆ ವಿವರಣೆ ಕೊಡುತ್ತಾರೆ ನಾಯಕ ನಟ ನೀನಾಸಂ ಸತೀಶ್‌. ಕೆಲ ಸಮಯದಿಂದ ಕನ್ನಡ ಚಿತ್ರಗಳಲ್ಲಿ ಅಪರೂಪವಾಗಿದ್ದ ನಟಿ ಶ್ರದ್ದಾ ಶ್ರೀನಾಥ್‌ ಇಲ್ಲಿ ನಾಯಕಿಯಾಗಿ ಕಾಣಿಸಿಕೊಳ್ಳುತ್ತಿದ್ದಾರೆ. ಉಳಿದಂತೆ ವಸಿಷ್ಠ ಸಿಂಹ, ರಕ್ಷಾ, ಅಚ್ಯುತ ರಾವ್‌, ಬಲರಾಜವಾಡಿ ಮೊದಲಾದವರು ಚಿತ್ರದ ಪ್ರಮುಖ ಪಾತ್ರಗಳಲ್ಲಿ ಅಭಿನಯಿಸಿದ್ದಾರೆ.

ಈ ಹಿಂದೆ “ಸವಾರಿ’, “ಚಂಬಲ್‌’ ಮೊದಲಾದ ಚಿತ್ರಗಳಿಗೆ ಸಹ ನಿರ್ದೇಶಕನಾಗಿ ಕೆಲಸ ಮಾಡಿದ ಅನುಭವವಿರುವ ಕೆ.ಎಸ್‌ ನಂದೀಶ್‌ ಚೊಚ್ಚಲ ಬಾರಿಗೆ “ಗೋದ್ರಾ’ ಚಿತ್ರಕ್ಕೆ ಕಥೆ, ಚಿತ್ರಕಥೆ ಬರೆದು ನಿರ್ದೇಶನ ಮಾಡುತ್ತಿದ್ದಾರೆ. ಚಿತ್ರದ ದೃಶ್ಯಗಳಿಗೆ ಬೇಕಾಗಿರುವ ಬೇಸಿಗೆ, ಮಳೆಗಾಲ, ತುಂಬಿ ಹರಿಯುವ ನದಿ, ಹೀಗೆ ಹತ್ತಾರು ಅಂಶಗಳು ಅವಶ್ಯಕತೆಯಿದ್ದರಿಂದ, ಇವೆಲ್ಲಾಕ್ಕೂ ಕಾದು ಚಿತ್ರೀಕರಣ ಮುಗಿಸಿರುವುದರಿಂದ ಚಿತ್ರ ಸುಮಾರು ಎರಡು ವರ್ಷ ಸಮಯ ತೆಗೆದುಕೊಂಡಿದೆಯಂತೆ. “ಜಾಕೋಬ್‌ ಫಿಲಂಸ್‌’ ಮತ್ತು “ಲೀಡರ್‌ ಫಿಲಂಸ್‌ ಪೊ›ಡಕ್ಷನ್ಸ್‌’ ಬ್ಯಾನರ್‌ನಲ್ಲಿ ಜಂಟಿಯಾಗಿ “ಗೋದ್ರಾ’ ಚಿತ್ರ ನಿರ್ಮಾಣವಾಗಿದೆ. ಸದ್ಯ ಟೀಸರ್‌ ಮೂಲಕ ಪ್ರಚಾರ ಕಾರ್ಯಗಳಿಗೆ ಚಾಲನೆ ನೀಡಿರುವ ಚಿತ್ರತಂಡ, ಇದೇ ಮಾರ್ಚ್‌ ನಲ್ಲಿ ತೆರೆಗೆ ಬರುವ ಸಾಧ್ಯತೆ ಇದೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • "ಮೊದಲು ಕನ್ನಡ ಸಿನಿಮಾಗಳನ್ನು ನೋಡಿ, ಆ ನಂತರ ಬೇರೆ ಭಾಷೆಯಲ್ಲಿ ಆ ತರಹ ಮಾಡ್ತಾರೆ, ಈ ತರಹ ಮಾಡ್ತಾರೆ ಅಂತ ಮಾತನಾಡಿ ....' -ಕೆಲವು ದಿನಗಳ ಹಿಂದೆಯಷ್ಟೇ ನಟ ದರ್ಶನ್‌...

  • ಕಳೆದ ಎರಡು ವಾರಗಳಿಂದ ಸೂಕ್ಷ್ಮವಾಗಿ ಗಮನಿಸಿದರೆ, ಐದಾರು ಚಿತ್ರಗಳಿಗೆ ಒಳ್ಳೆಯ ಪ್ರತಿಕ್ರಿಯೆ ಸಿಕ್ಕಿದೆ. ಅಂತಹ ಚಿತ್ರಗಳು ನಿಧಾನಗತಿಯಲ್ಲೇ ನೋಡುಗರನ್ನು ಆಕರ್ಷಿಸುತ್ತವೆ....

  • ರಮೇಶ್‌ ಅರವಿಂದ್‌ ನಾಯಕಾಗಿರುವ "ಶಿವಾಜಿ ಸುರತ್ಕಲ್‌' ಚಿತ್ರದ ಟ್ರೇಲರ್‌ ಇತ್ತೀಚೆಗೆ ಬಿಡುಗಡೆಯಾಯಿತು. ಟ್ರೇಲರ್‌ ಬಿಡುಗಡೆಯ ಜೊತೆಗೆ ಚಿತ್ರತಂಡ ವಿಶಿಷ್ಟವಾಗಿ...

  • ಈ ಬಾರಿಯ ಮಹಾಶಿವರಾತ್ರಿ ಹಬ್ಬಕ್ಕೆ ಸಾಲು ಸಾಲು ಚಿತ್ರಗಳು ಪ್ರೇಕ್ಷಕರ ಮುಂದೆ ಬರುವ ತಯಾರಿಯಲ್ಲಿವೆ. ಈ ಚಿತ್ರಗಳ ಸಾಲಿನಲ್ಲಿ ಬಹುತೇಕ ಹೊಸಬರ "ಶಿವ' ಎನ್ನುವ ಚಿತ್ರವೂ...

  • ಯಾವುದಾದರೂ ವ್ಯಕ್ತಿಯ ದೈಹಿಕ ಎತ್ತರವನ್ನು ಅಳೆಯುವಾಗ ಅಡಿ-ಅಂಗುಲ ಪದಗಳನ್ನು ಬಳಕೆ ಮಾಡುವುದನ್ನು ನೋಡಿದ್ದೇವೆ. ಈಗ ಅಡಿ-ಅಂಗುಲ ಪದಗಳನ್ನೇ ಇಟ್ಟುಕೊಂಡು ಇಲ್ಲೊಂದು...

ಹೊಸ ಸೇರ್ಪಡೆ