ಬಿಟೌನ್‌ ಕದ ತಟ್ಟಿದ ಕರಾವಳಿ ಹುಡುಗಿ

ಹಿಂದಿ ಸಿನಿಮಾದತ್ತ ಸೋನಾಲ್‌ ಮಾಂತೆರೋ

Team Udayavani, Jun 14, 2019, 5:00 AM IST

ತುಳುನಾಡಿನ ಬಹುತೇಕ ನಟಿಮಣಿಯರು ಕನ್ನಡದಲ್ಲಿ ಗುರುತಿಸಿಕೊಂಡಿದ್ದಾರೆ. ಅಷ್ಟೇ ಅಲ್ಲ, ಇಲ್ಲಿ ಕಾಲಿಟ್ಟ ಕೂಡಲೇ ಅವರಿಗೆ ಪರಭಾಷೆಯಲ್ಲೂ ಅವಕಾಶಗಳು ಹುಡುಕಿ ಬರುತ್ತಿವೆ ಎಂಬುದು ವಿಶೇಷ. ಹೌದು, ಈಗಾಗಲೇ ಕರಾವಳಿಯ ಅನೇಕ ನಟಿಯರು ಕನ್ನಡ ಸೇರಿದಂತೆ ತೆಲುಗು, ತಮಿಳು, ಹಿಂದಿ ಭಾಷೆಯಲ್ಲಿ ಮಿಂಚುತ್ತಿದ್ದಾರೆ. ಆ ಸಾಲಿಗೆ ಸೋನಾಲ್‌ ಮಾಂತೆರೋ ಎಂಬ ಬೆಡಗಿ ಹೊಸ ಸೇರ್ಪಡೆ­ಯಾಗಿದ್ದಾರೆ.

ಹಾಗೆ ನೋಡಿದರೆ, ಸೋನಾಲ್‌ ಮಾಂತೆರೋ, ತುಳು ಭಾಷೆಯಲ್ಲಿ ಬಿಡುಗಡೆಯಾಗಿ ಸೂಪರ್‌ಹಿಟ್‌ ಚಿತ್ರ ಎನಿಸಿಕೊಂಡ “ಪಿಲಿಬೈಲ್‌ ಯಮನಕ್ಕ’ ಚಿತ್ರದ ಮೂಲಕ ಬಣ್ಣದ ಲೋಕಕ್ಕೆ ಕಾಲಿಟ್ಟವರು. ಅದಾದ ನಂತರ ಸ್ಯಾಂಡಲ್‌ವುಡ್‌ಗೆ ಎಂಟ್ರಿಕೊಟ್ಟ ಅವರು, ಯೋಗರಾಜ್‌ಭಟ್‌ ನಿರ್ದೇಶನದ “ಪಂಚತಂತ್ರ’ ಚಿತ್ರದ ನಾಯಕಿಯಾಗಿ ಕಾಣಿಸಿಕೊಂಡರು. ಆ ಸಿನಿಮಾದಲ್ಲಿ ನಟಿಸುತ್ತಲೇ, ನಿರ್ದೇಶಕರ ಅಚ್ಚುಮೆಚ್ಚಿನ ನಟಿ ಎನಿಸಿಕೊಂಡ ಸೋನಾಲ್‌, ಪುನಃ ಯೋಗರಾಜ್‌ಭಟ್‌ ನಿರ್ದೇಶನದ “ಗಾಳಿಪಟ-2′ ಚಿತ್ರದಲ್ಲೂ ಅವಕಾಶ ಪಡೆದರು. ಅದಷ್ಟೇ ಅಲ್ಲ, ಅವರು ಸ್ಟಾರ್‌ ನಟ ಉಪೇಂದ್ರ ಅಭಿನಯದ “ಬುದ್ಧಿವಂತ-2′ ಚಿತ್ರಕ್ಕೂ ನಾಯಕಿಯಾಗಿ ಆಯ್ಕೆಯಾದರು. ಸದ್ಯಕ್ಕೆ ಆ ಚಿತ್ರಗಳ ಚಿತ್ರೀಕರಣದತ್ತ ಗಮನಹರಿಸಿರುವ ಅವರು, ಈಗ ಬಾಲಿವುಡ್‌ ಕಡೆಗೂ ಮುಖ ಮಾಡಿದ್ದಾರೆ. ಹೌದು, ಸೋನಾಲ್‌ ಮಾಂತೆರೋ, ಇದೇ ಮೊದಲ ಸಲ ಹಿಂದಿ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಅಷ್ಟೇ ಅಲ್ಲ, ಹಿಂದಿ ಚಿತ್ರದ ಜೊತೆಯಲ್ಲಿ ಅವರು ಟಾಲಿವುಡ್‌ನ‌ತ್ತ ಕೂಡ ತಮ್ಮ ಚಿತ್ತ ಹರಿಸಿದ್ದಾರೆ ಎಂಬುದು ಗಮನಕ್ಕಿರಲಿ.

ಅದೆಲ್ಲಾ ಸರಿ, ಸೋನಾಲ್‌ ಮಾಂತೆರೋ, ಬಾಲಿವುಡ್‌ಗೆ ಹೋಗುತ್ತಿರುವುದು ಯಾವ ಚಿತ್ರಕ್ಕೆ ಎಂಬ ಪ್ರಶ್ನೆ ಎದುರಾಗುವುದು ಸಹಜ. ಅದಕ್ಕೆ ಉತ್ತರ “ಸಾಜನ್‌ ಚಲೆ ಸಸುರಾಲ್‌-2′. ಹೌದು 1996 ರಲ್ಲಿ ಬಿಡುಗಡೆಯಾಗಿದ್ದ “ಸಾಜನ್‌ ಚಲೆ ಸಸುರಾಲ್‌’ ಚಿತ್ರದಲ್ಲಿ ಗೋವಿಂದ ನಾಯಕರಾಗಿದ್ದರು. ಅವರಿಗೆ ಟಬು ಹಾಗು ಕರಿಷ್ಮಾ ನಾಯಕಿಯರಾಗಿ ನಟಿಸಿದ್ದರು. ಈಗ “ಸಾಜನ್‌ ಚಲೆ ಸಸುರಾಲ್‌-2′ ಚಿತ್ರ ಶುರುವಾಗಲಿದೆ. ಈ ಚಿತ್ರದಲ್ಲಿ ಸೋನಾಲ್‌ ಮಾಂತೆರೋ ಕಾಣಿಸಿಕೊಳ್ಳಲಿದ್ದಾರೆ ಎಂದು ಹೇಳಲಾಗಿದೆ. ಅದೇನೆ ಇರಲಿ, ಕನ್ನಡದಲ್ಲಿ ನಟಿಸುವ ಮೂಲಕ ಇತರೆ ಭಾಷೆಗಳಲ್ಲೂ ಗುರುತಿಸಿ ಕೊಳ್ಳುತ್ತಿರುವ ನಾಯಕಿಯರ ಸಾಲಿಗೆ ಸೋನಾಲ್‌ ಮಾಂತೆರೋ ಅವರೂ ಸೇರಿದ್ದಾರೆ. ಬಾಲಿವುಡ್‌ನ‌ “ಸಾಜನ್‌ ಚಲೆ ಸಸುರಾಲ್‌-2′ ಚಿತ್ರದಲ್ಲಿ ಸೋನಾಲ್‌ ಪಾತ್ರ ಹೇಗಿರುತ್ತೆ, ಯಾವಾಗ ಶುರುವಾಗುತ್ತೆ. ಅವರಿಗೆ ಜೋಡಿ ಯಾರು ಇತ್ಯಾದಿ ಎಂಬ ಪ್ರಶ್ನೆಗಳಿಗೆ ಇಷ್ಟರಲ್ಲೇ ಉತ್ತರ ಸಿಗಲಿದೆ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • "ನನಗೆ "ಓಂ' ಚಿತ್ರದ ಶೂಟಿಂಗ್‌ ದಿನಗಳು ನೆನಪಾಗುತ್ತಿದೆ ...'ಹೀಗೆ ಹೇಳಿ ಪಕ್ಕದಲ್ಲಿದ್ದ ನಿರ್ದೇಶಕ ಆರ್‌.ಚಂದ್ರು ಮುಖ ನೋಡಿದರು ಉಪೇಂದ್ರ. ಚಂದ್ರು ಮೊಗದಲ್ಲಿ ಖುಷಿ...

  • ಇಲ್ಲಿ "ಏಪ್ರಿಲ್‌' ಅನ್ನೋದು ಸಿನಿಮಾದಲ್ಲಿ ಬರುವ ಪಾತ್ರವೊಂದರ ಹೆಸರಾಗಿದೆ. ಸಿನಿಮಾಕ್ಕೆ ಯಾಕೆ ಈ ಟೈಟಲ್‌ ಇಡಲಾಗಿದೆ, ಟೈಟಲ್‌ ವಿಶೇಷತೆಯೇನು ಅನ್ನೋದನ್ನು...

  • ಜನರು ಈಗ ಹೊಸತನ್ನು ಬಯಸುತ್ತಿದ್ದಾರೆ. ಮಾಡಿದ್ದನ್ನೇ ಮಾಡಿದರೆ ಅವರಿಗೂ ಅದು ರುಚಿಸೋದಿಲ್ಲ. ಹೊಸದೇನಿದೆ ಎನ್ನುವ ಜನರಿಗೆ "ಮಾಯಾ ಬಜಾರ್‌' ಉದಾಹರಣೆ. ಇಲ್ಲಿ ಎಲ್ಲವೂ...

  • ಅಪ್ಪ-ಅಮ್ಮ ಹೆಸರಿಡೋದ್‌ ವಾಡಿಕೆ, ನಮಗ್‌ ನಾವ್‌ ಹೆಸರಿಟ್ಕೊಂಡ್ರೆ ಬೇಡಿಕೆ... "ಜೇಮ್ಸ್‌' ಅಂದಾಕ್ಷಣ, ಬಾಂಡ್‌ ಸಿನಿಮಾ ಇರಬಹುದೇನೋ ಎಂಬ ಪ್ರಶ್ನೆ ಎದುರಾಗುತ್ತೆ....

  • ಕೋಡ್ಲು ರಾಮಕೃಷ್ಣ ನಿರ್ದೇಶನದ "ಉದ್ಭವ' ಕನ್ನಡ ಚಿತ್ರರಂಗದಲ್ಲಿ ದೊಡ್ಡ ಸುದ್ದಿ ಮಾಡಿದ್ದ ಚಿತ್ರ. ಈಗ "ಮತ್ತೆ ಉದ್ಭವ' ಚಿತ್ರ ನಿರ್ದೇಶಿಸುವ ಮೂಲಕ ಒಂದಷ್ಟು ನಿರೀಕ್ಷೆ...

ಹೊಸ ಸೇರ್ಪಡೆ