ಚಂದನವನಕ್ಕೆ ಮತ್ತೂಬ್ಬಳು ಮೋಕ್ಷಾ
Team Udayavani, Nov 3, 2019, 4:42 AM IST
ಈಗಂತೂ ಕನ್ನಡ ಚಿತ್ರರಂಗದಲ್ಲಿ ಎಲ್ಲಿ ನೋಡಿದ್ರೂ ಹೊಸ ಪ್ರತಿಭೆಗಳದ್ದೇ ಕಾರುಬಾರು. ನಿರ್ಮಾಪಕರು, ನಿರ್ದೇಶಕರು, ಕಲಾವಿದರು, ತಂತ್ರಜ್ಞರು ಹೀಗೆ ಎಲ್ಲಾ ಕಡೆ ಹೊಸಗಾಳಿ ಜೋರಾಗಿ ಬೀಸುತ್ತಿದೆ. ಅದರಲ್ಲೂ ಅಚ್ಚ ಕನ್ನಡದ ನಟಿಯರು ಹೆಚ್ಚಿನ ಸಂಖ್ಯೆಯಲ್ಲಿ ನಾಯಕಿಯರಾಗಿ ಬೆಳ್ಳಿತೆರೆಗೆ ಪರಿಚಯವಾಗುತ್ತಿರುವುದು ಚಂದನವನದ ಮಟ್ಟಿಗೂ ಆಶಾದಾಯಕ ಬೆಳವಣಿಗೆ. ಹಾಗೆ ಇತ್ತೀಚೆಗೆ ಚಿತ್ರರಂಗದಲ್ಲಿ ತನ್ನ ಅಭಿನಯ ಮತ್ತು ಅಂದ ಎರಡರ ಮೂಲಕವೂ ನಿಧಾನವಾಗಿ ಗುರುತಿಸಿಕೊಳ್ಳುತ್ತಿರುವ ನಟಿ ಮೋಕ್ಷಾ ಕುಶಾಲ್. ಮೋಕ್ಷಾ ಕುಶಾಲ್ ತಂದೆ-ತಾಯಿ ಮೂಲತಃ ಕೊಡಗಿನವರು. ಮೋಕ್ಷಾ ಕೂಡ ಹುಟ್ಟಿದ್ದು ಕೊಡಗಿನಲ್ಲಿ. ಬಳಿಕ ಅವರ ಕುಟುಂಬ ಕೊಡಗಿನಿಂದ ಬೆಂಗಳೂರಿಗೆ ಬಂದು ನೆಲೆಸಿದ್ದರಿಂದ, ಮೋಕ್ಷಾ ಅವರ ಬಾಲ್ಯ, ಓದು, ಸ್ಕೂಲ್-ಕಾಲೇಜು ಎಲ್ಲವೂ ಬೆಂಗಳೂರಿನಲ್ಲೇ ನಡೆಯಿತು. ತಂದೆ ಕುಶಾಲಪ್ಪ ಟೆಕ್ಸ್ಟೈಲ್ಸ್ ಉದ್ಯಮಿ, ತಾಯಿ ಗೃಹಿಣಿ, ತಂಗಿ ಪ್ರೇಕ್ಷಾ ಫ್ಯಾಷನ್ ಡಿಸೈನಿಂಗ್ ಓದುತ್ತಿದ್ದಾರೆ.
ಶಾಲಾ ದಿನಗಳಲ್ಲೇ ಡ್ಯಾನ್ಸ್, ಡ್ರಾಮಾ ಅಂತ ಒಂದಷ್ಟು ಕಲ್ಚರಲ್ ಆ್ಯಕ್ಟಿವಿಟೀಸ್ನಲ್ಲಿ ತೊಡಗಿಕೊಳ್ಳುತ್ತಿದ್ದ ಮೋಕ್ಷಾ ಕುಶಾಲ್, ತಮ್ಮ ಇಂಜಿನಿಯರಿಂಗ್ ಶಿಕ್ಷಣ ಮುಗಿಯುತ್ತಿದ್ದಂತೆ, ಬಣ್ಣದ ಲೋಕದತ್ತ ಮುಖ ಮಾಡಿದರು. ಆರಂಭದಲ್ಲಿ ಫ್ಯಾಷನ್ ಗುರು, ಪ್ರಸಾದ್ ಬಿದ್ದಪ್ಪ ಅವರ ಜೊತೆ ಕೆಲ ಕಾಲ ತರಬೇತಿ ಪಡೆದುಕೊಂಡು ಬಳಿಕ ಒಂದಷ್ಟು, ಪ್ರತಿಷ್ಠಿತ ಫ್ಯಾಷನ್ ಶೋಗಳಲ್ಲೂ ಭಾಗವಹಿಸಿ ಸೈ ಎನಿಸಿಕೊಂಡರು. ಸುಮಾರು ಎರಡು ವರ್ಷ ಮಾಡೆಲ್ ಆಗಿಯೂ ಕೆಲಸ ಮಾಡಿದರು.
ಅದಾದ ನಂತರ ಮೋಕ್ಷಾ, ಇನ್ಸೈಡ್ ಎ ಗರ್ಲ್ ಅನ್ನೋ ಶಾರ್ಟ್ ಫಿಲ್ ನಲ್ಲಿ ಅಭಿನಯಿಸುವ ಮೂಲಕ ಅಭಿನಯ ಲೋಕಕ್ಕೆ ಕಾಲಿಟ್ಟರು. ಈ ಶಾರ್ಟ್ ಫಿಲ್ಮ್ಗೆ ಪ್ರೇಕ್ಷಕರಿದ ಸಿಕ್ಕ ಉತ್ತಮ ಪ್ರತಿಕ್ರಿಯೆ ಮೋಕ್ಷಾಗೆ ನಂತರ ಅಯನ ಅನ್ನೋ ಚಿತ್ರದಲ್ಲಿ ಸಣ್ಣ ಪಾತ್ರ ಮಾಡುವ ಅವಕಾಶ ತಂದುಕೊಟ್ಟಿತು.
ಸದ್ಯ ಮೋಕ್ಷಾ ಕುಶಾಲ್ ಚಿತ್ರರಂಗಕ್ಕೆ ಕಾಲಿಟ್ಟು ಎರಡು ವರ್ಷವಾಗುತ್ತ ಬಂದಿದೆ. ಈ ಎರಡು ವರ್ಷಗಳಲ್ಲಿ ಮೋಕ್ಷಾ ಅಭಿನಯಿಸಿರುವ ಅಯನ, ಆದಿಪುರಾಣ ಚಿತ್ರಗಳು ರಿಲೀಸ್ ಆಗಿವೆ. ಇನ್ನೊಂದು ಚಿತ್ರ ನವರತ್ನ ಇದೇ ತಿಂಗಳ ಕೊನೆಗೆ ತೆರೆಗೆ ಬರುತ್ತಿದೆ. ಇದರ ನಡುವೆ ಇನ್ನೂ ಎರಡು ಹೊಸಚಿತ್ರಗಳಲ್ಲಿ ಮೋಕ್ಷಾ ಕುಶಾಲ್ ಹೆಸರು ಕೇಳಿಬರುತ್ತಿದ್ದು, ಆ ಚಿತ್ರಗಳ ಬಗ್ಗೆ ಇನ್ನಷ್ಟೇ ಹೆಚ್ಚಿನ ಮಾಹಿತಿಗಳು ಹೊರಬರಬೇಕಿದೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Bhadravathi: ಲಾರಿ ಡಿಕ್ಕಿ, ರೈಲು ಹಳಿಗಳು ಏರುಪೇರು; ಎರಡೂವರೆ ತಾಸು ಪ್ರಯಾಣಿಕರು ಹೈರಾಣು
Daily Horoscope: ಕೊಟ್ಟ ಮಾತಿಗೆ ತಪ್ಪದಂತೆ ಎಚ್ಚರಿಕೆ ಇರಲಿ,ಅನವಶ್ಯ ವಿವಾದಗಳಿಂದ ದೂರವಿರಿ
Elections; ದೇಶದಲ್ಲಿ ಹಂತ 1: ಬಹಿರಂಗ ಪ್ರಚಾರ ಅಂತ್ಯ, ನಾಳೆ ಮತದಾನ
IPL; ಪಂಜಾಬ್ ಕಿಂಗ್ಸ್-ಮುಂಬೈ ಇಂಡಿಯನ್ಸ್ : ಒಂದೇ ದೋಣಿಯ ಪಯಣಿಗರು
Lok Sabha Polls 2024; ಕರ್ನಾಟಕದ ನಂಟು ಹೊರರಾಜ್ಯದಲ್ಲಿ ಸ್ಪರ್ಧೆ