Udayavni Special

ಹೂವ ಹುಡುಕುವ ಸೂರಕ್ಕಿ


Team Udayavani, May 26, 2019, 6:00 AM IST

MG_2871s-aa

ಮಧ್ಯಾಹ್ನವಾದರೆ ಸಾಕು, ನಮ್ಮ ಮನೆ ಅಂಗಳದ ತುಂಬೆಲ್ಲಾ ಸೂರಕ್ಕಿಗಳದ್ದೇ ಹಾಡು, ಕ್ರೋಟಾನು ಗಿಡದಲ್ಲಿ, ರತ್ನಗಂಧಿ ಹೂವಿನ ಗೊಂಚಲುಗಳಲ್ಲಿ ಈ ಹಕ್ಕಿಗಳು ಭಾರೀ ಕ್ರಿಯಾಶೀಲತೆಯಿಂದ ಸರ್ಕಸ್ಸು ಮಾಡುವುದನ್ನು, ಸ್ಟ್ರಾನಂತಹ ತನ್ನ ಕೊಕ್ಕನ್ನು ಹೂವಿನ ದೇಹದೊಳಗೆ ಇಳಿಸಿ ‘ಸುರ್‌’ ಎಂದು ಹೀರಿ, ಮತ್ತೆ ಇನ್ನೊಂದು ಹೂವಿನತ್ತ ಹೋಗಿ ಮತ್ತೆ ಮತ್ತೆ ಅದನ್ನೇ ಪುನರಾವರ್ತಿಸಿ ಕೊನೆಗೆ ಗಿಡದಲ್ಲಿರುವ ಸಕಲ ಹೂವುಗಳಿಗೂ ತನ್ನ ಕೊಕ್ಕಿನ ಸ್ಪರ್ಶ ಕೊಡುತ್ತಿರುವುದನ್ನು ನೋಡುತ್ತಲೇ ಇದ್ದೆ. ಈ ಹಕ್ಕಿಯ ಹೆಸರು ಸೂರಕ್ಕಿ (ಸನ್‌ ಬರ್ಡ್‌). ಹೂವಿನಿಂದ ಹೂವಿಗೆ ಹಾರುವ ಈ ಸೂರಕ್ಕಿಗಳಿಗೆ ಹೂಗಳ ಮಧು ಹೀರುವುದೆಂದರೆ ಪಂಚಪ್ರಾಣ. ದಾಸವಾಳ, ರತ್ನಗಂಧಿ, ಮುತ್ತುಮಲ್ಲಿಗೆ, ಕ್ರೋಟಾನು ಗಿಡದ ಬಣ್ಣ ಬಣ್ಣದ ಹೂವುಗಳ ಮಧುಪಾನಗೈಯುವ ಸೂರಕ್ಕಿಗಳು ನಮ್ಮ ಮನೆ ಅಂಗಳಗಳಲ್ಲಿ ಉತ್ಸಾಹಿ ವೀರರಂತೆ ಗಿಡ, ಪೊದೆ, ಬಳ್ಳಿಗಳ ಬಳಿ ಭಾರೀ ತರಾತುರಿಯಿಂದ ಓಡಾಡೋದನ್ನು ನೋಡುತ್ತಿದ್ದರೆ ಖುಷಿಯಾಗುತ್ತದೆ.

ಹೂವಿನಂಥ ಹಕ್ಕಿಗೆ ಹೂವೇ ಇಷ್ಟ
ಸೂರಕ್ಕಿಗಳು ಹೂವನ್ನೇ ಜಾಸ್ತಿಯಾಗಿ ಆಶ್ರಯಿಸಿ ಕೊಂಡಿರುವುದರಿಂದ ಇವುಗಳಿಗೆ ಹೂವಿನ ಹಕ್ಕಿ ಗಳಂತಲೂ ಕರೆಯುತ್ತಾರೆ. ಸೂರಕ್ಕಿಗಳು ತಮ್ಮ ವಿಶಿಷ್ಟ ನೀಲಿಯ ಹೊಳೆಯುವ ಬಣ್ಣಗಳಿಂದ, ಮಿಂಚಿನಂತಹ ಕ್ರಿಯಾಶೀಲತೆಯಿಂದ ಪಕ್ಷಿಲೋಕದಲ್ಲಿ ಪರಿಚಿತ ಹಕ್ಕಿ.

ಹಳದಿ ಸೂರಕ್ಕಿ (ಯಲ್ಲೋ ಸನ್‌ ಬರ್ಡ್‌), ಖಗರತ್ನ, ಕದಿರುಗಿಣಿ, ಕೆನ್ನೀಲಿ ಷೃಷ್ಠದ ಸೂರಕ್ಕಿ (ಪರ್‌ಪಲ್ ಸನ್‌ ಬರ್ಡ್‌), ಸಣ್ಣ ಸೂರಕ್ಕಿ, ಕಪ್ಪು ಸೂರಕ್ಕಿ (ಮರೂನ್‌ ಬ್ರೆಸ್ಟಡ್‌ ಸನ್‌ ಬರ್ಡ್‌) ಇವೆಲ್ಲ ನಮ್ಮ ಮನೆಯ ಅಂಗಳದಲ್ಲಿ ಯಾವತ್ತೂ ಕಾಣಸಿಗುವ ಸಾಮಾನ್ಯ ಸೂರಕ್ಕಿಗಳು.

ಖಗರತ್ನ ಸೂರಕ್ಕಿ, ಗುಬ್ಬಚ್ಚಿಗಿಂತ ತುಸು ಚಿಕ್ಕದಾದ ಮಿಂಚುವ ನೇರಳೆ, ಹಳದಿ ಬಣ್ಣದಿಂದ ಕಂಗೊಳಿಸುವ ಹಕ್ಕಿ. ಇದರ ತಲೆ ನೀಲಿ ಮಿಶ್ರಿತ ಹಸುರು ಬಣ್ಣದಿಂದ ಕೂಡಿದ್ದು, ಹೆಣ್ಣು ಹಕ್ಕಿ ಕಂದು ಬಣ್ಣದಿಂದ ಹೊಳೆಯುತ್ತವೆ.

ಸಣ್ಣ ಸೂರಕ್ಕಿ ಕೆಂಪುಗಂದು ಬಣ್ಣದ ಹಕ್ಕಿ ಯಾಗಿದ್ದು ಹೊಟ್ಟೆಯ ಬಣ್ಣ ಬಿಳಿ, ತಲೆ ನೀಲಿ ಮಿಶ್ರಿತ ಹಸುರುಬಣ್ಣದಿಂದ ಹೊಳೆಯುತ್ತವೆ. ಹೆಣ್ಣು ಹಕ್ಕಿಗೆ ಕಂದು ಬಣ್ಣ.

ಕಪ್ಪು ಸೂರಕ್ಕಿಯ ಮೈ ಬಣ್ಣ ಕಪ್ಪು ಮಿಶ್ರಿತ ನೇರಳೆ, ಎದೆಯಲ್ಲಿ ಕಿತ್ತಳೆ ಬಣ್ಣದ ಪಟ್ಟೆ, ಹೆಣ್ಣು ಹಕ್ಕಿಯ ಬಣ್ಣ ಎಲೆ ಹಸಿರು. ಒಟ್ಟಾರೆ ಈ ಸೂರಕ್ಕಿಗಳನ್ನು ದೂರದಿಂದ ನೋಡಿದರೆ ಗುಣದಲ್ಲಿ ಒಂದೇ ಹಕ್ಕಿಗಳಂತೆ ಕಂಡರೂ ಬಣ್ಣಗಳನ್ನು ಸೂಕ್ಷ್ಮವಾಗಿ ಗಮನಿಸಿದರೆ ಅವುಗಳ ಚಿತ್ತಾಕರ್ಷಕ ವರ್ಣ ವೈವಿಧ್ಯವನ್ನು ನೋಡುತ್ತಿದ್ದರೆ ನಮ್ಮ ಕಣ್ಣುಗಳೂ ಬಣ್ಣ ಹಾಕಿ ಕುಣಿದಂತನ್ನಿಸುತ್ತದೆ.

ಮಧು ಹೀರಲು ಅವುಗಳ ಚೂಪಗಿನ ಸಣ್ಣ ಕೊಕ್ಕು ಸ್ಟ್ರಾ ನಂತಿದ್ದು ಹೂವಿನ ಮಧು ಹೀರಲು ಹೇಳಿಮಾಡಿಸಿದಂತಿದೆ. ‘ಸುರ್‌… ಸುರ್‌…’ ಎಂದು ಕ್ಷಣಾರ್ಧದಲ್ಲಿ ಮಧು ಹೀರಿ, ಅವಸರವಸರವಾಗಿ ಕೊಂಬೆಯಿಂದ ಕೊಂಬೆಗೆ ಹಾರಿ, ಮತ್ತೆ ಇನ್ನೊಂದು ಹೂವಿನ ಗಿಡಗಳತ್ತ ಪುಸಕ್ಕನೇ ಜಾರಿ ಅಲ್ಲಿಯೂ ಮಧು ಹೀರುವುದರಲ್ಲಿಯೇ ಬ್ಯುಸಿಯಾಗಿಬಿಡುತ್ತವೆ. ಈ ಸೂರಕ್ಕಿಗಳು ಹಗುರವಾದ ಮೈಕಟ್ಟು ಹೊಂದಿರುವುದರಿಂದ ಕೊಂಬೆಯಿಂದ ಕೊಂಬೆಗೆ ನಿರಾಯಾಸವಾಗಿ ಹಾರುತ್ತವೆ. ಹೂವಿನ ತೋಟಗಳಿಗೆ ಬರಲು ಸಮಯ ಪಾಲನೆ ಮಾಡುವ ಈ ಹಕ್ಕಿಗಳು, ಒಂದು ನಿರ್ದಿಷ್ಟ ವೇಳೆಯಲ್ಲಿಯೇ ಮಧು ಹೀರಲು ಸಮಯ ನಿಗದಿ ಮಾಡಿಕೊಳ್ಳುತ್ತವೆ.

ಸೂರಕ್ಕಿಗಾಗಿ ಗಿಡದಲ್ಲಿ ಹೂವು ಬಿಟ್ಟಿರಿ
ಹೂವಿನ ಮಧು ಹೀರುವ ಇವುಗಳು, ಜೇಡ, ಹಣ್ಣುಗಳನ್ನೂ ತಿನ್ನುವುದುಂಟು. ಆದರೂ ಹೆಚ್ಚಾಗಿ ಹೂವಿನ ತೋಟಗಳತ್ತಲೇ ಇವುಗಳ ಕಣ್ಣು. ಇವು ಹೂವುಗಳ ಮಕರಂದವನ್ನು ಕುಸ್ತಿ ಮಾಡಿದಂತೆ ಕುಡಿದು ಹಾರಿ ಹೋಗುವುದೇ ನೋಡಲು ಚೆಂದ. ಮಲೆನಾಡು, ಕರಾವಳಿ, ಬಯಲು ಸೀಮೆಗಳ ತೋಟಗಳಲ್ಲಿಯೂ ಇವು ಸಾಮಾನ್ಯವೆಂಬಂತೆ ಕಾಣಿಸುತ್ತವೆ. ಹೂವನ್ನೇ ತನ್ನ ಬದುಕು ಎಂಬಂತೆ ತಿಳಿದಿರುವ ಸೂರಕ್ಕಿಗಾಗಿಯೇ ಗಿಡದಲ್ಲಿರುವ ಹೂವನ್ನೆಲ್ಲಾ ಕೀಳದೇ ಒಂದಷ್ಟು ಹೂವುಗಳಿಗೆ ಸೂರಕ್ಕಿಯ ಸ್ಪರ್ಶವೂ ಸಿಗುವಂತೆ ಗಿಡದಲ್ಲೇ ಬಿಟ್ಟುಬಿಡೋಣ. ಪ್ರಕೃತಿ ನಮಗೆ ಏನೇನೆಲ್ಲ ಕೊಟ್ಟಿದೆ. ನಾವು ಒಂದಷ್ಟು ಹೂವುಗಳನ್ನು, ಹೂವಿನ ಗಿಡಗಳನ್ನು ಈ ಹೂವಿನ ಹಕ್ಕಿಗಳ ಪಾಲಿಗೆ ಬಿಟ್ಟುಬಿಡೋಣ. ಮಕರಂದ ಹೀರಿದ ಸೂರಕ್ಕಿಯ ಹೊಟ್ಟೆ ತಣ್ಣಗಿರಲಿ ಅಲ್ವಾ? ಸುಮ್ಮನೆ ನಿಮ್ಮ ತೋಟದಲ್ಲಿರುವ ಪುಟ್ಟ ಪುಟ್ಟ ಗಿಡಗಳತ್ತ ಕಣ್ಣು ಹಾಕಿ. ಅಲ್ಲೊಂದು ಸೂರಕ್ಕಿ ಹೂವಿನಿಂದ ಹೂವಿಗೆ ಹಾರಿ ರಸ್‌ ಹೀರೋದನ್ನು ನೋಡಿ ಖುಷಿಪಡೋಣ.

-ಪ್ರಸಾದ್‌ ಶೆಣೈ ಆರ್‌. ಕೆ.

ಟಾಪ್ ನ್ಯೂಸ್

ರಾಜ್ಯೋತ್ಸವ ಪ್ರಶಸ್ತಿಯ ಗೌರವ ಮತ್ತಷ್ಟು ಎತ್ತರಕ್ಕೇರಲಿ

ರಾಜ್ಯೋತ್ಸವ ಪ್ರಶಸ್ತಿಯ ಗೌರವ ಮತ್ತಷ್ಟು ಎತ್ತರಕ್ಕೇರಲಿ

ಕೇರಳ, ತಮಿಳುನಾಡಿನಲ್ಲಿ ಇಂದಿನಿಂದ ಭಾರೀ ಮಳೆ

ಕೇರಳ, ತಮಿಳುನಾಡಿನಲ್ಲಿ ಇಂದಿನಿಂದ ಭಾರೀ ಮಳೆ

ವಲಸಿಗರ ಹತ್ಯೆಗೆ ಕಾರ್ಯಸೂಚಿ; ಕಾಶ್ಮೀರದ ಉಗ್ರರಿಗೆ ಐಎಸ್‌ಐಯಿಂದ 22 ಅಂಶಗಳ ನೀಲನಕ್ಷೆ

ವಲಸಿಗರ ಹತ್ಯೆಗೆ ಕಾರ್ಯಸೂಚಿ; ಕಾಶ್ಮೀರದ ಉಗ್ರರಿಗೆ ಐಎಸ್‌ಐಯಿಂದ 22 ಅಂಶಗಳ ನೀಲನಕ್ಷೆ

ರಾಜಕೀಯದಲ್ಲಿ ನಶೆ ಗಲಾಟೆ!

ರಾಜಕೀಯದಲ್ಲಿ ನಶೆ ಗಲಾಟೆ!

ಬುದ್ಧನ ನಿರ್ವಾಣ ಸ್ಥಳದಲ್ಲಿ ಮೋದಿಯಿಂದ ಅಂ.ರಾ. ವಿಮಾನ ನಿಲ್ದಾಣ ಉದ್ಘಾಟನೆ

ಬುದ್ಧನ ನಿರ್ವಾಣ ಸ್ಥಳದಲ್ಲಿ ಮೋದಿಯಿಂದ ಅಂ.ರಾ. ವಿಮಾನ ನಿಲ್ದಾಣ ಉದ್ಘಾಟನೆ

ಮಧ್ಯಾಂತರ-ನಿಗದಿತ ಚುನಾವಣೆಯ ಲಾಭ ನಷ್ಟದ ಲೆಕ್ಕ

ಮಧ್ಯಾಂತರ-ನಿಗದಿತ ಚುನಾವಣೆಯ ಲಾಭ ನಷ್ಟದ ಲೆಕ್ಕ

ಇಂದು ಕೊನೆಯ ಅಭ್ಯಾಸ ಪಂದ್ಯ: ಭಾರತ-ಆಸ್ಟ್ರೇಲಿಯ ರಣತಂತ್ರ ಕೌತುಕ

ಇಂದು ಕೊನೆಯ ಅಭ್ಯಾಸ ಪಂದ್ಯ: ಭಾರತ-ಆಸ್ಟ್ರೇಲಿಯ ರಣತಂತ್ರ ಕೌತುಕ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

jagada-swasthya

ಮತ್ತೆ ಮರಳಲಿ ಜಗದ ಸ್ವಾಸ್ಥ್ಯ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ  ಸ್ಮತಿ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ ಸ್ಮತಿ

Suryana-neralu

ಸೂರ್ಯನ ನೆರಳು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಕತೆ: ಸಹಯಾತ್ರಿ

ಕತೆ: ಸಹಯಾತ್ರಿ

MUST WATCH

udayavani youtube

ನಮ್ಮ ಸೇನೆಗೊಂದು ಸಲಾಂ

udayavani youtube

ಮೋದಿ ಹೆಬ್ಬೆಟ್ಟ್ ಗಿರಾಕಿ ಟ್ವಿಟ್‍ಗೆ ಶಿವಕುಮಾರ್ ವಿಷಾದ

udayavani youtube

ಗೋವಿನಲ್ಲಿ ಶ್ರೇಷ್ಠ ‘ಕಪಿಲಾ’ ಗೋವಿನ ವಿಶೇಷತೆಗಳೇನು ?

udayavani youtube

‘ಡೀಮ್ಡ್ ಫಾರೆಸ್ಟ್’ ಎಂದು ಈ ಕಾರಣಗಳಿಗೆ ಘೋಷಣೆಯಾಗುತ್ತೆ

udayavani youtube

ಚಿಂತಾಮಣಿಯಲ್ಲೊಂದು ದುರಂತ : ಕುರಿ ತೊಳೆಯಲು ಹೋದ ಮೂವರು ಯುವಕರು ನೀರು ಪಾಲು

ಹೊಸ ಸೇರ್ಪಡೆ

ಹಳೆ ತಂತ್ರಗಾರಿಕೆ ಬದಲಿಸಿದ ಪಾಕ್‌

ಹಳೆ ತಂತ್ರಗಾರಿಕೆ ಬದಲಿಸಿದ ಪಾಕ್‌

ಕಂಬಳ: ಈ ಋತುವಿನ ಸಂಭಾವ್ಯ ಪಟ್ಟಿ ಸಿದ್ಧ

ಕಂಬಳ: ಈ ಋತುವಿನ ಸಂಭಾವ್ಯ ಪಟ್ಟಿ ಸಿದ್ಧ

ರಾಜ್ಯೋತ್ಸವ ಪ್ರಶಸ್ತಿಯ ಗೌರವ ಮತ್ತಷ್ಟು ಎತ್ತರಕ್ಕೇರಲಿ

ರಾಜ್ಯೋತ್ಸವ ಪ್ರಶಸ್ತಿಯ ಗೌರವ ಮತ್ತಷ್ಟು ಎತ್ತರಕ್ಕೇರಲಿ

ಡಾ| ವಿವೇಕ ರೈ ಸಹಿತ 7 ಮಂದಿಗೆ “ಮಾಸ್ತಿ ಪ್ರಶಸ್ತಿ’

ಡಾ| ವಿವೇಕ ರೈ ಸಹಿತ 7 ಮಂದಿಗೆ “ಮಾಸ್ತಿ ಪ್ರಶಸ್ತಿ’

ಭಾರತ-ಪಾಕ್‌ ಟಿ20 ವಿಶ್ವಕಪ್‌ ಪಂದ್ಯ ರದ್ದಾಗದು: ಬಿಸಿಸಿಐ

ಭಾರತ-ಪಾಕ್‌ ಟಿ20 ವಿಶ್ವಕಪ್‌ ಪಂದ್ಯ ರದ್ದಾಗದು: ಬಿಸಿಸಿಐ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.