Udayavni Special

ನೊಬೆಲ್‌ ಪುರಸ್ಕೃತ ಡ್ಯುಫ್ಲೋ -ಬ್ಯಾನರ್ಜಿ


Team Udayavani, Oct 20, 2019, 5:21 AM IST

c-2

ಅಮರ್ತ್ಯ ಸೇನ್‌ ಅವರಂತೆ ಅಭಿಜಿತ್‌ ಬ್ಯಾನರ್ಜಿ ಅವರದ್ದು ಕೂಡ ಅಭಿವೃದ್ಧಿ ಕೇಂದ್ರಿತ ಸಂಶೋಧನೆ. ಕೊನೆಗೂ ಈ ಅಭಿವೃದ್ಧಿಯನ್ನು ಸಾಧಿಸುವ ಭಾಗವಾಗಿ ನಡೆಯುವ ಬಡತನ ಉದ್ಧಾರದ ಕೆಲಸ ಎಂದರೆ ಏನು? ಒಟ್ಟಿನಲ್ಲಿ ಯಾರದ್ದೋ ಬದುಕಿನ ಸಮಸ್ಯೆಯನ್ನು, ಯಾವ ಸಮಸ್ಯೆಯೂ ಇಲ್ಲದ ಮಂದಿ ಎಲ್ಲೋ ಕುಳಿತು ಊಹಿಸಿ ಸೂಚಿಸುವ ಪರಿಹಾರಗಳಲ್ಲವೆ?

ಅರ್ಥವಿಜ್ಞಾನದ ಸಮಕಾಲೀನ ಬೆಳವಣಿಗೆಗಳನ್ನು ನಿರಂತರ ಗಮನಿಸುತಿದ್ದವರಿಗೆ ಡ್ಯುಫ್ಲೋ ಮತ್ತು ಬ್ಯಾನರ್ಜಿ (duflo banerjee) ಎಂಬ ಅರ್ಥಶಾಸ್ತ್ರಜ್ಞ ಜೋಡಿಯ ಹೆಸರು ಚಿರಪರಿಚಿತ. ಭಾರತೀಯ ಸಂಜಾತ ಅಭಿಜಿತ್‌ ಬ್ಯಾನರ್ಜಿ ಮತ್ತು ಅವರ ಫ್ರೆಂಚ್‌ ಪತ್ನಿ ಎಸ್ತರ್‌ ಡ್ಯುಫ್ಲೋ ಈ ಜೋಡಿ. ಇವರು ಅಮೇರಿಕನ್‌ ಅರ್ಥಶಾಸ್ತ್ರಜ್ಞ ಮೈಕೆಲ್‌ ಕ್ರೆಮೆರ್‌ ಜತೆಗೆ 2019ನೇ ಸಾಲಿನ ಅರ್ಥಶಾಸ್ತ್ರದ ನೊಬೆಲ್‌ ಪ್ರಶಸ್ತಿ ಗೆದ್ದುಕೊಂಡಿದ್ದಾರೆ. ಅಮರ್ತ್ಯ ಸೇನ್‌ ಈ ಹಿಂದೆ ಈ ಪ್ರಶಸ್ತಿ ಪಡೆದ ಏಕೈಕ ಭಾರತೀಯ ಅರ್ಥಶಾಸ್ತ್ರಜ್ಞ. ಬ್ಯಾನರ್ಜಿ ಈಗ ಭಾರತೀಯ ಪ್ರಜೆಯಲ್ಲ, ಸಂಜಾತ. ಈ ವ್ಯತ್ಯಾಸ ದೊಡ್ಡ ವಿಚಾರವೇನಲ್ಲ. ಯಾಕೆಂದರೆ, ಅಮರ್ತ್ಯ ಸೇನ್‌ ಭಾರತೀಯ ಪೌರತ್ವ ಉಳಿಸಿಕೊಂಡೇ ಪ್ರಶಸ್ತಿ ಪಡೆದಿದ್ದರೂ ಅವರೂ ಬ್ಯಾನರ್ಜಿಯವರಂತೆ ತಮ್ಮ ವೃತ್ತಿಜೀವನದುದ್ದಕ್ಕೂ ವಿದೇಶಗಳಲ್ಲಿಯೇ ನೆಲೆಸಿದ್ದವರು. ಇಬ್ಬರದ್ದೂ ಅಪೂರ್ವ ಸಾಧನೆ. ಅಮೆರಿಕನ್‌ ಮತ್ತು ಯುರೋಪಿಯನ್‌ ವಿದ್ವಾಂಸರ ಆಡುಂಬೊಲವಾಗಿರುವ ಅರ್ಥವಿಜ್ಞಾನ ಕ್ಷೇತ್ರದಲ್ಲಿ ನೆಲೆ ಕಂಡುಕೊಂಡು ಜಾಗತಿಕ ಮಟ್ಟದಲ್ಲಿ ಮನ್ನಣೆ ಗಳಿಸುವಷ್ಟು ಹೆಸರು ಸಂಪಾದಿಸುವುದು ಅಸಾಮಾನ್ಯ ಕೆಲಸ.

ಅಭಿವೃದ್ಧಿ ಕೇಂದ್ರಿತ ಸಂಶೋಧನೆ
ಅಮರ್ತ್ಯ ಸೇನ್‌ ಅವರಂತೆ ಅಭಿಜಿತ್‌ ಬ್ಯಾನರ್ಜಿ ಅವರದ್ದು ಕೂಡ ಅಭಿವೃದ್ಧಿ ಕೇಂದ್ರಿತ ಸಂಶೋಧನೆ. ಈರ್ವರೂ ಭಾರತದ ಬಡತನವನ್ನು ಅರ್ಥಮಾಡಿಕೊಳ್ಳಲು ತೊಡಗಿಸಿಕೊಂಡವರು. ಅಮರ್ತ್ಯ ಅವರು ತತ್ವಶಾಸ್ತ್ರಜ್ಞ ಕೂಡ. ಅವರ ಕೊಡುಗೆ ಕಲ್ಯಾಣ ಅರ್ಥಶಾಸ್ತ್ರದ ಸಿದ್ಧಾಂತ ಹಾಗೂ ಪರಿಕಾಲ್ಪನಿಕ ವಿಚಾರಗಳಲ್ಲಿ. ಬ್ಯಾನರ್ಜಿ ಮತ್ತು ಸಂಗಡಿಗರ ಸಂಶೋಧನೆ-ಕೊಡುಗೆಗಳಿ ರು ವುದು ಅರ್ಥಶಾಸ್ತ್ರದ ಪ್ರಾಯೋಗಿಕ ಆಯಾಮಗಳಿಗೆ. ಬಡತನ ಎನ್ನುವುದು ಸತ್ಯ. ಅಭಿವೃದ್ಧಿ ಎನ್ನುವುದು ಸಾಪೇಕ್ಷ ಸತ್ಯ. ಅಮರ್ತ್ಯ ಅಭಿವೃದ್ಧಿಯನ್ನು ಹೊಸ ಪರಿಕಲ್ಪನೆಗಳನ್ನು ಹುಟ್ಟುಹಾಕಿ, ಹೊಸ ಹೊಳಹಿನ ವ್ಯಾಖ್ಯೆಗಳನ್ನು ನೀಡಿದರೆ, ಬ್ಯಾನರ್ಜಿ ಅಭಿವೃದ್ಧಿಯ ಸಾಂಪ್ರದಾಯಿಕ ಅರ್ಥೈಸುವಿಕೆಯ ಪರಿಧಿಯಾಚೆಗೆ ಯೋಚಿಸಿದರು. ಕೊನೆಗೂ ಈ ಅಭಿವೃದ್ಧಿಯನ್ನು ಸಾಧಿಸುವ ಭಾಗವಾಗಿ ನಡೆಯುವ ಬಡತನ ಉದ್ಧಾರದ ಕೆಲಸ ಎಂದರೆ ಏನು? ಅದು ಯಾರದ್ದೋ ಬದುಕಿನ ಸಮಸ್ಯೆಯನ್ನು, ಯಾವ ಸಮಸ್ಯೆಯೂ ಇಲ್ಲದ ಮಂದಿ ಎಲ್ಲೋ ಕುಳಿತು ಊಹಿಸಿ ಸೂಚಿಸುವ ಪರಿಹಾರಗಳಲ್ಲವೆ? ಈ ಪರಿಹಾರಗಳು ವಾಸ್ತವದಲ್ಲಿ ಬಡವರ ಬದುಕನ್ನು ಹಸನುಗೊಳಿಸುತ್ತವೆ ಎನ್ನುವ ಖಾತರಿ ಯಾವತ್ತೂ ಯಾರಿಗೂ ಇರುವುದಿಲ್ಲ. ಇಲ್ಲಿ ಬ್ಯಾನರ್ಜಿ ಮತ್ತು ಮತ್ತೀರ್ವರು ನೋಬೆಲ್‌ ವಿಜೇತರು ತಮ್ಮ ಇತರ ಸಂಗಡಿಗರೊಂದಿಗೆ ಸೇರಿ ಮಾಡಿದ ಕೆಲಸ ಇಷ್ಟೇ. ಬಡತನ ನಿರ್ಮೂಲನದ ಯೋಜನೆಗಳನ್ನು ಕೇವಲ ಅಂದಾಜಿನ ಆಧಾರದಲ್ಲಿ ಅಳವಡಿಸಿಕೊಳ್ಳುವ ಬದಲು ಮೊದಲಿಗೆ ಅಂತಹ ಯೋಜನೆಗಳು ಬಡವರ ಬದುಕಿನಲ್ಲಿ ಯಾವ ರೀತಿಯ ಬದಲಾವಣೆಗಳನ್ನು ತರುತ್ತವೆ ಎನ್ನುವುದನ್ನು ವೈಜ್ಞಾನಿಕವಾಗಿ ಕಂಡುಕೊಳ್ಳುವ ಒಂದು ವಿಧಾನವನ್ನು ಅವರು ಆವಿಷ್ಕರಿಸಿದರು. ಅದನ್ನು ಯಾದೃಚ್ಛಿಕ ನಿಯಂತ್ರಿತ ಪ್ರಯೋಗ (Randomized Controlled Trials ಅಥವಾ RCT) ಎನ್ನಲಾಗುತ್ತದೆ. ಸಾಂಪ್ರದಾಯಿಕ ಅರ್ಥಶಾಸ್ತ್ರ ಈ ಮಟ್ಟಿನ ಸೂಕ್ಷ್ಮ ವಿಚಾರಗಳಲ್ಲಿ ತೊಡಗಿಸಿಕೊಳ್ಳುವುದಿಲ್ಲ. ಬ್ಯಾನರ್ಜಿ ಅವರ ಪ್ರಕಾರ ಹೀಗೆ ಮಾಡದೆ ಹೋದರೆ ಬಡತನ ನಿರ್ಮೂಲನದ ಹೆಸರಿನಲ್ಲಿ ಅಪಾರ ಹಣ ವ್ಯರ್ಥವಾಗುತ್ತದೆ.

ಉದಾಹರಣೆಗೆ, ಶಾಲಾ ಮಕ್ಕಳಿಗೆ ಮಧ್ಯಾಹ್ನದ ಊಟ ನೀಡುವ ವಿಚಾರವನ್ನೇ ತೆಗೆದುಕೊಳ್ಳಿ. ಸ್ಥೂಲವಾಗಿ, ಇದನ್ನು ಮಾಡಬೇಕು ಅಂತ ಎಲ್ಲರೂ ಒಪ್ಪುತ್ತಾರೆ. ಆದರೆ, ಇದು ಯಾವ ಪರಿಸರದಲ್ಲಿ ಯಾವ ಹಿನ್ನೆಲೆಯ ಮಕ್ಕಳಿಗೆ ಯಾವ ರೀತಿ ನೆರವಾಗುತ್ತದೆ ಎನ್ನುವ ಖಚಿತತೆ ಸರಕಾರಗಳ ಬಳಿ ಇರುವುದಿಲ್ಲ. ಅದೇ ರೀತಿ ಕಲಿಕಾ ಪರಿಸರದಲ್ಲಿ ಯಾವ ಬದಲಾವಣೆಗಳನ್ನು ಮಾಡಿದರೆ ಮಕ್ಕಳ ಕಲಿಕೆಯ ಮೇಲೆ ಯಾವ ಪರಿಣಾಮ ಬೀರುತ್ತದೆ ಎನ್ನುವುದರ ಮಾಹಿತಿಯೇ ಇಲ್ಲದೆ ಶಿಕ್ಷಣದಲ್ಲಿ ಮತ್ತೆ ಮತ್ತೆ ಬದಲಾವಣೆಗಳನ್ನು ಅಳವಡಿಸಿಕೊಳ್ಳಲಾಗುತ್ತದೆ. ಸೂಕ್ತವಲ್ಲದ್ದನ್ನು ಸೂಕ್ತ ಹಿನ್ನೆಲೆಯ ಫ‌ಲಾನುಭವಿಗಳಿಗೆ ನೀಡದೇ ಹೋದರೆ ಮಾಡಿದ ವೆಚ್ಚ ಮತ್ತು ಶ್ರಮ ಎರಡೂ ವ್ಯರ್ಥವಾಗುತ್ತವೆ. ಹಾಗೆಂದು, ವೈಜ್ಞಾನಿಕ ಕ್ಷೇತ್ರದಲ್ಲಿ ನಡೆ ಯುವ ಪ್ರಯೋಗ, ಶಾಲೆಗಳ ಒಳಗೆ ನಡೆಯುವ ಈ ಯಾದೃಚ್ಛಿಕ ನಿಯಂತ್ರಿತ ಪ್ರಯೋಗ‌ಗಳನ್ನು ನಿಜ ಸಾಮಾಜಿಕ ಬದುಕಿನಲ್ಲಿ ನಡೆಸುವುದು ಕಷ್ಟ. ಅದು ಈ ಅರ್ಥಶಾಸ್ತ್ರಜ್ಞರಿಗೂ ಗೊತ್ತು. ಎಲ್ಲಾ ಬಡತನ ನಿರ್ಮೂಲನಾಯೋಜನೆಗಳ ವಿಚಾರದಲ್ಲಿ ಇದು ಸಾಧ್ಯವಿಲ್ಲ ಎಂದಾದರೂ ಇದನ್ನು ನಡೆಸಲು ಸಾಧ್ಯವಿರುವ ಅದೆಷ್ಟೋ ಯೋಜನೆಗಳನ್ನೂ ಸರಕಾರಗಳು ಹಮ್ಮಿಕೊಳ್ಳುತ್ತವೆ.

ಗೊತ್ತಿಲ್ಲದ ಸತ್ಯಗಳನ್ನು ಕಂಡುಕೊಳ್ಳಲು ಮತ್ತು ಸತ್ಯವನ್ನು ಸತ್ಯ ಅಂತ ಪುಷ್ಟೀಕರಿಸಲು ಸಂಕೀರ್ಣ ವಿಧಾನಗಳನ್ನು ಬಳಸಬೇಕಾಗುತ್ತದೆ. ಇದನ್ನು ವಿಜ್ಞಾನಗಳಲ್ಲಿ ಮಾಡುವಂತೆ ಸಾಮಾಜಿಕ ವಿಜ್ಞಾನವಾಗಿರುವ ಅರ್ಥಶಾಸ್ತ್ರದಲ್ಲಿ ಮಾಡಲು ಸಾಧ್ಯವಾಗುವುದಿಲ್ಲ ಎನ್ನುವುದು ಅರ್ಥಶಾಸ್ತ್ರದ ವೈಜ್ಞಾನಿಕ ಮಿತಿಯಾಗಿತ್ತು. ಈ ಮಿತಿಯನ್ನು ಅರ್ಥಶಾಸ್ತ್ರದ ಒಂದು ಶಾಖೆಯಲ್ಲಿ ಒಂದು ಹಂತದವರೆಗೆ ಮೀರುವ ಪ್ರಯತ್ನವನ್ನು ಈ ವರ್ಷದ ನೊಬೆಲ್‌ ವಿಜೇತರು ಮಾಡಿದ್ದಾರೆ ಮತ್ತು ಅದರಲ್ಲಿ ಒಂದು ಹಂತದ ಯಶಸ್ಸನ್ನು ಕಂಡಿದ್ದಾರೆ. ಅಭಿವೃದ್ಧಿ ಅರ್ಥಶಾಸ್ತ್ರದಲ್ಲಿ ಈ ಪ್ರಯೋಗಗಳು ಈಗ ವ್ಯಾಪಕವಾಗಿ ಒಂದು ಚಳವಳಿಯೋಪಾದಿಯಲ್ಲಿ ನಡೆಯುತ್ತಿವೆ.

ಸಾಮಾನ್ಯವಾಗಿ ಅರ್ಥಶಾಸ್ತ್ರದಲ್ಲಿ ನೊಬೆಲ್‌ ಪಾರಿತೋಷಕ ನೀಡುವುದು- ಹೊಸ ಪರಿಕಲ್ಪನೆಗಳು ಮತ್ತು ಹೊಸ ಸಿದ್ಧಾಂತಗಳನ್ನು ಆವಿಷ್ಕರಿಸಿ ಅರ್ಥಶಾಸ್ತ್ರೀಯ ಜ್ಞಾನವನ್ನು ವಿಸ್ತರಿಸುವ ಕೆಲಸಕ್ಕೆ. ಈ ಬಾರಿ ವಿಶೇಷ ಎನ್ನುವಂತೆ ಜ್ಞಾನವನ್ನು ವಿಸ್ತರಿಸುವಲ್ಲಿ ಹೊಸ ವಿಧಾನವೊಂದನ್ನು ಬಳಸಿಕೊಳ್ಳುವ ಸಾಧ್ಯತೆಯನ್ನು ತೋರಿಸಿದ್ದಕ್ಕಾಗಿ ಈ ಪ್ರತಿಷ್ಠಿತ ಪುರಸ್ಕಾರವನ್ನು ನೀಡಲಾಗಿದೆ. ಈ ವಿಧಾನದ ಬಗ್ಗೆ, ಅದರ ಸಮರ್ಪಕತೆಯ ಬಗ್ಗೆ, ಅದರ ಪ್ರಸ್ತುತೆಯ ಬಗ್ಗೆ ತಕರಾರುಗಳಿವೆ. ಇಷ್ಟಕ್ಕೆ ನೊಬೆಲ್‌ ನೀಡಬೇಕಿತ್ತೇ ಎನ್ನುವ ಪ್ರಶ್ನೆ ನಾಳೆ ಮೂಡಿದರೂ ಮೂಡಬಹುದು. ಆದರೆ, ಈ ವಿಧಾನವನ್ನು ಬಳಸಿಕೊಂಡು ಬಡತನದ ಪರಿಹಾರೋಪಾಯಗಳ ಉಪಯುಕ್ತತೆ ಅಥವಾ ನಿರುಪಯುಕ್ತತೆಯನ್ನು ಹೆಚ್ಚು ಸಮರ್ಪಕವಾಗಿ ಕಂಡುಕೊಳ್ಳುವ ಮತ್ತು ತಾವು ಕಂಡುಕೊಂಡ ಸತ್ಯಗಳನ್ನು ಅಭಿವೃದ್ಧಿಶೀಲ ರಾಷ್ಟ್ರಗಳ ಸರಕಾರಗಳಿಗೆ ತಿಳಿಸುವ ಕಾಯಕವನ್ನು ಒಂದು ಪವಿತ್ರ ಯಜ್ಞ ಎನ್ನುವ ರೀತಿಯಲ್ಲಿ ಈ ಮೂವರು ವಿಜೇತರು ನಡೆಸಿಕೊಂಡು ಬಂದಿ¨ªಾರೆ. ಇದು ಅವರ ಸಂಶೋಧನ ಗಾಥೆಯ ಮಾನವೀಯ ಮುಖ. ಈ ಜಗತ್ತನ್ನು ಹೆಚ್ಚು ಮಾನವೀಯವಾಗಿಸುವ ವಿದ್ವತ್ತಿನ ಪ್ರಯತ್ನ, ಅದು ಸಣ್ಣದೇ ಆದರೂ, ಅದು ಹಲವು ಮಿತಿಗಳನ್ನು ಹೊಂದಿದ್ದರೂ, ಅದಕ್ಕೆ ಜಗತ್ತಿನ ಅತೀ ಶ್ರೇಷ್ಠ ಪ್ರಶಸ್ತಿ ಲಭಿಸಿದರೆ ಅದು ಸಂಭ್ರಮಿಸಬೇಕಾದ ವಿಚಾರ.

ಎ. ನಾರಾಯಣ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ರಾಜ್ಯದಲ್ಲಿ ಕೋವಿಡ್ ತ್ರಿಶತಕ: ಇಂದು ಕೋವಿಡ್ -19 ಸೋಂಕಿತರು ಪತ್ತೆ

ರಾಜ್ಯದಲ್ಲಿ ಹೆಚ್ಚುತ್ತಲೇ ಇದೆ ಕೋವಿಡ್ ಸೋಂಕು: ಇಂದು 187 ಕೋವಿಡ್ -19 ಸೋಂಕಿತರು ಪತ್ತೆ

ಲಾಕ್ ಡೌನ್; ಊರು ಸೇರಿದ ನಂತರ ಕದ್ದ ಬೈಕ್ ಮಾಲೀಕನಿಗೆ ಪಾರ್ಸೆಲ್ ಮೂಲಕ ವಾಪಸ್

ಲಾಕ್ ಡೌನ್; ಊರು ಸೇರಿದ ನಂತರ ಕದ್ದ ಬೈಕ್ ಮಾಲೀಕನಿಗೆ ಪಾರ್ಸೆಲ್ ಮೂಲಕ ವಾಪಸ್!

ಕೋವಿಡ್ ಸೋಂಕಿತರ ಸಂಖ್ಯೆಯಲ್ಲಿ ಮತ್ತೆ ಹೆಚ್ಚಳ: ಉಡುಪಿಯಲ್ಲಿ ಮತ್ತೆ ಸೋಂಕಿತರು

ಉಡುಪಿ: ಇನ್ನೂರರ ಗಡಿ ದಾಟಿದ ಕೋವಿಡ್ ಸೋಂಕಿತರ ಸಂಖ್ಯೆ, ಮತ್ತೆ 73 ಸೋಂಕಿತರು ಪತ್ತೆ

ಸಂಚಾರಿ ನಿಯಮ ಪಾಲಿಸದಿದ್ದಲ್ಲಿ ಕಠಿಣ ಕ್ರಮ: ಜಿಲ್ಲಾಧಿಕಾರಿ ಜಿ.ಜಗದೀಶ್

ಸಂಚಾರಿ ನಿಯಮ ಪಾಲಿಸದಿದ್ದಲ್ಲಿ ಕಠಿಣ ಕ್ರಮ: ಜಿಲ್ಲಾಧಿಕಾರಿ ಜಿ.ಜಗದೀಶ್

ಕೊಹ್ಲಿಯನ್ನು ಗೌರವಿಸುತ್ತೇನೆ ಆದರೆ ಭಯಪಡಲ್ಲ: ಪಾಕಿಸ್ಥಾನಿ ಯುವ ಬೌಲರ್ ನಸೀಮ್ ಶಾ

ಕೊಹ್ಲಿಯನ್ನು ಗೌರವಿಸುತ್ತೇನೆ ಆದರೆ ಭಯಪಡಲ್ಲ: ಪಾಕಿಸ್ಥಾನಿ ಯುವ ಬೌಲರ್ ನಸೀಮ್ ಶಾ

ಪಕ್ಷ ಹೇಳಿದರೆ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತೇನೆ: ಶ್ರೀರಾಮುಲು

ಪಕ್ಷ ಹೇಳಿದರೆ ಸಚಿವ ಸ್ಥಾನಕ್ಕೆ ರಾಜೀನಾಮೆ ನೀಡುತ್ತೇನೆ: ಶ್ರೀರಾಮುಲು

ಶ್ವೇತಭವನದ ಎದುರು ಭುಗಿಲೆದ್ದ ಹಿಂಸಾಚಾರ, ಗುಪ್ತ ಬಂಕರ್ ನಲ್ಲಿ ರಕ್ಷಣೆ ಪಡೆದ ಟ್ರಂಪ್!

ಶ್ವೇತಭವನದ ಎದುರು ಭುಗಿಲೆದ್ದ ಹಿಂಸಾಚಾರ, ಗುಪ್ತ ಬಂಕರ್ ನಲ್ಲಿ ರಕ್ಷಣೆ ಪಡೆದ ಟ್ರಂಪ್!

ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

jagada-swasthya

ಮತ್ತೆ ಮರಳಲಿ ಜಗದ ಸ್ವಾಸ್ಥ್ಯ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ  ಸ್ಮತಿ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ ಸ್ಮತಿ

Suryana-neralu

ಸೂರ್ಯನ ನೆರಳು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಕತೆ: ಸಹಯಾತ್ರಿ

ಕತೆ: ಸಹಯಾತ್ರಿ

MUST WATCH

udayavani youtube

18 ಎಕರೆಯ ಮಾದರಿ ಕೃಷಿ ತೋಟ | Farmer who inspires youngsters to do Agriculture

udayavani youtube

COVID-19 : ರೋಗ ನಿರೋಧಕ ಶಕ್ತಿಯನ್ನು ಹೆಚ್ಚಿಸುವ Homeopathy Medicine | Udayavani

udayavani youtube

Preserving the heritage -World Famous Udupi Mattugulla Documentary by Udayavani

udayavani youtube

Mattu ಗದ್ದೆಯಲ್ಲಿ ಕೃಷಿಯ ಆಟಕ್ಕಿಳಿದ Football ಆಟಗಾರ Yashodara

udayavani youtube

ಪಶುಸಂಗೋಪನೆಯಲ್ಲಿ ಯಶಸ್ವಿಯಾದ Uttam Agro Industries Poultry Farming Success Story

ಹೊಸ ಸೇರ್ಪಡೆ

Bitter-Gourd

ಕಹಿ, ಕಹಿ ಹಾಗಲಕಾಯಿ…ಆರೋಗ್ಯಕ್ಕೆ ಹಲವು ಸಿಹಿ ಉಪಯೋಗವಿದೆ!

ರಾಜ್ಯದಲ್ಲಿ ಕೋವಿಡ್ ತ್ರಿಶತಕ: ಇಂದು ಕೋವಿಡ್ -19 ಸೋಂಕಿತರು ಪತ್ತೆ

ರಾಜ್ಯದಲ್ಲಿ ಹೆಚ್ಚುತ್ತಲೇ ಇದೆ ಕೋವಿಡ್ ಸೋಂಕು: ಇಂದು 187 ಕೋವಿಡ್ -19 ಸೋಂಕಿತರು ಪತ್ತೆ

ಲಾಕ್ ಡೌನ್; ಊರು ಸೇರಿದ ನಂತರ ಕದ್ದ ಬೈಕ್ ಮಾಲೀಕನಿಗೆ ಪಾರ್ಸೆಲ್ ಮೂಲಕ ವಾಪಸ್

ಲಾಕ್ ಡೌನ್; ಊರು ಸೇರಿದ ನಂತರ ಕದ್ದ ಬೈಕ್ ಮಾಲೀಕನಿಗೆ ಪಾರ್ಸೆಲ್ ಮೂಲಕ ವಾಪಸ್!

ಕೋವಿಡ್ ಸೋಂಕಿತರ ಸಂಖ್ಯೆಯಲ್ಲಿ ಮತ್ತೆ ಹೆಚ್ಚಳ: ಉಡುಪಿಯಲ್ಲಿ ಮತ್ತೆ ಸೋಂಕಿತರು

ಉಡುಪಿ: ಇನ್ನೂರರ ಗಡಿ ದಾಟಿದ ಕೋವಿಡ್ ಸೋಂಕಿತರ ಸಂಖ್ಯೆ, ಮತ್ತೆ 73 ಸೋಂಕಿತರು ಪತ್ತೆ

ಸಂಚಾರಿ ನಿಯಮ ಪಾಲಿಸದಿದ್ದಲ್ಲಿ ಕಠಿಣ ಕ್ರಮ: ಜಿಲ್ಲಾಧಿಕಾರಿ ಜಿ.ಜಗದೀಶ್

ಸಂಚಾರಿ ನಿಯಮ ಪಾಲಿಸದಿದ್ದಲ್ಲಿ ಕಠಿಣ ಕ್ರಮ: ಜಿಲ್ಲಾಧಿಕಾರಿ ಜಿ.ಜಗದೀಶ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.