ಶ್ರದ್ಧಾ ಕೇಂದ್ರ
Team Udayavani, May 19, 2019, 6:00 AM IST
ಕನ್ನಡ ಚಿತ್ರರಂಗದ ಮೂಲಕ ಬೆಳ್ಳಿತೆರೆಗೆ ಪರಿಚಯವಾಗಿ ಆನಂತರ ಪರಭಾಷೆಯತ್ತ ಮುಖ ಮಾಡಿ ಅಲ್ಲಿಯೂ ಬೇಡಿಕೆ ಪಡೆದುಕೊಳ್ಳುತ್ತಿರುವ ನಾಯಕ ನಟಿಯರ ಸಾಲಿಗೆ ಇತ್ತೀಚೆಗೆ ಸೇರ್ಪಡೆಯಾಗಿರುವ ಹೆಸರು ಶ್ರದ್ಧಾ ಶ್ರೀನಾಥ್. ಯೂ-ಟರ್ನ್ ಚಿತ್ರದ ಮೂಲಕ ಮೂಗುತಿ ಸುಂದರಿಯಾಗಿ ಕನ್ನಡದ ಸಿನಿ ಪ್ರಿಯರ ಮನಗೆದ್ದ ಚೆಲುವೆ ಶ್ರದ್ಧಾ ಶ್ರೀನಾಥ್, ಮೊದಲ ಚಿತ್ರದಲ್ಲೇ ಸಿನಿ ಪ್ರಿಯರ ಗಮನ ಸೆಳೆದ ಹುಡುಗಿ. ಯೂ-ಟರ್ನ್ ಚಿತ್ರ ಶ್ರದ್ಧಾಗೆ ಕನ್ನಡ ಮಾತ್ರವಲ್ಲ ತಮಿಳು, ತೆಲುಗು ಚಿತ್ರರಂಗದಿಂದಲೂ ಸಾಕಷ್ಟು ಅವಕಾಶಗಳನ್ನು ತಂದುಕೊಟ್ಟಿತು.
ಯೂ-ಟರ್ನ್ ಚಿತ್ರದ ನಂತರ ಕನ್ನಡದಲ್ಲಿ ಊರ್ವಿ, ಅಪರೇಷನ್ ಅಲಮೇಲಮ್ಮ ಚಿತ್ರವನ್ನು ಹೊರತುಪಡಿಸಿದರೆ, ಒಂದೆರಡು ಚಿತ್ರಗಳಲ್ಲಿ ಗೆಸ್ಟ್ ಅಪೀಯರೆನ್ಸ್ ಥರದ ಪಾತ್ರಗಳನ್ನು ಬಿಟ್ಟರೆ, ಶ್ರದ್ಧಾ ಕನ್ನಡಕ್ಕಿಂತ ಪರಭಾಷೆ ಚಿತ್ರಗಳಲ್ಲಿ ಕಾಣಿಸಿಕೊಂಡಿದ್ದೇ ಹೆಚ್ಚು ಎನ್ನಬಹುದು. ತಮಿಳಿನಲ್ಲಿ ಕಾಟ್ರಾ ವೇಲಿಯೆದೈ, ಇವನ್ ತಾಂತಿರನ್, ವಿಕ್ರಿಂ ವೇದಾ, ರಿಚ್ಚೀ, ತೆಲುಗಿನಲ್ಲಿ ಜರ್ಸಿ, ಕೆ-13, ಹಿಂದಿಯಲ್ಲಿ ಮಿಲನ್ ಟಾಕೀಸ್ ಹೀಗೆ ತಮಿಳು, ತೆಲುಗು, ಹಿಂದಿಯಲ್ಲಿ ಸಾಲು ಸಾಲು ಚಿತ್ರಗಳಲ್ಲಿ ಅಭಿನಯಿಸುವ ಮೂಲಕ ಸೈ ಎನಿಸಿಕೊಂಡ ಶ್ರದ್ಧಾ ಶ್ರೀನಾಥ್, ಸದ್ಯ ತಮಿಳು, ತೆಲುಗಿನಲ್ಲಿ ಸ್ಟಾರ್ ಹೀರೋಯಿನ್ ಸಮಂತಾಗೆ ಪೈಪೋಟಿ ನೀಡುತ್ತಿರುವ ನಟಿ ಎಂದೇ ಹೇಳಲಾಗುತ್ತಿದೆ. ಅಂದಹಾಗೆ, ಈ ಥರ ಹೇಳಲು ಕಾರಣ ಶ್ರದ್ಧಾ ಶ್ರೀನಾಥ್ಗೆ ತಮಿಳು, ತೆಲುಗಿನಲ್ಲಿ ಸಿಗುತ್ತಿರುವ ಭರ್ಜರಿ ಆಫರ್.
ಹೌದು, ಶ್ರದ್ಧಾ ಶ್ರೀನಾಥ್ ಕಳೆದ ವರ್ಷ ಅಭಿನಯಿಸಿದ್ದ ಜರ್ಸಿ ಚಿತ್ರ ಕೂಡ ಭರ್ಜರಿ ಯಶಸ್ಸು ಗಳಿಸಿತ್ತು. ಅದಾದ ಬಳಿಕ ಸಮಂತಾ ಅಭಿನಯಿಸಲಿದ್ದಾರೆ ಎಂಬ ಎರಡು-ಮೂರು ಚಿತ್ರಗಳು ಶ್ರದ್ಧಾ ಶ್ರೀನಾಥ್ ಪಾಲಾಗಿದೆ ಎನ್ನಲಾಗುತ್ತಿದೆ. ಇದೀಗ ಶ್ರದ್ಧಾ ತಮಿಳು ಸ್ಟಾರ್ ನಟ ವಿಶಾಲ್ಗೆ ಜೋಡಿಯಾಗಿ ಅಭಿನಯಿಸುತ್ತಿದ್ದಾರೆ. ವಿಶಾಲ್ ನಟನೆಯ ಅಭಿಮನ್ಯುಡು ಸೀಕ್ವೆಲ್ ಚಿತ್ರದಲ್ಲಿ ನಾಯಕಿಯಾಗಿ ಶ್ರದ್ಧಾ ಮಿಂಚಲಿದ್ದಾರೆ. ಕಳೆದ ವರ್ಷ ವಿಶಾಲ್ ಹಾಗೂ ಸಮಂತಾ ಜೋಡಿಯಾಗಿ ನಟಿಸಿದ್ದ ಅಭಿಮನ್ಯುಡು ಚಿತ್ರ ಸೂಪರ್ ಹಿಟ್ ಆಗಿತ್ತು. ಇದೀಗ ಅದರ ಪಾರ್ಟ್-2 ರೆಡಿಯಾಗುತ್ತಿದೆ. ನಾಯಕಿ ಪಟ್ಟ ಮಾತ್ರ ಕನ್ನಡದ ನಟಿ ಶ್ರದ್ಧಾ ಪಾಲಿಗೆ ಒಲಿದಿದೆ. ಸದ್ಯ ಕನ್ನಡದಲ್ಲಿ ಶಿವರಾಜಕುಮಾರ್ ಅಭಿನಯದ ರುಸ್ತುಂ ಚಿತ್ರದಲ್ಲಿ ಅಭಿನಯಿಸುತ್ತಿದ್ದು, ತಮಿಳು ಮತ್ತು ತೆಲುಗಿನಲ್ಲಿ ಶ್ರದ್ಧಾ ಕೈಯಲ್ಲಿ ಸುಮಾರು ಐದಾರು ಚಿತ್ರಗಳಿವೆ ಎನ್ನಲಾಗುತ್ತಿದೆ. ಒಟ್ಟಾರೆ ಕನ್ನಡದ ನಟಿಯೊಬ್ಬಳು ಬಹುಭಾಷೆಗಳಲ್ಲಿ ಮಿಂಚುತ್ತಿರುವುದು ಸಿನಿಪ್ರಿಯರ ಖುಷಿಗೆ ಕಾರಣವಾಗಿರುವುದಂತೂ ಸುಳ್ಳಲ್ಲ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
Kalaburagi; ಭಾರೀ ಮಳೆ: ಆಳಂದದಲ್ಲಿ ಸಿಡಿಲು ಬಡಿದು ಬಾಲಕ ಸಾವು
Udupi: ನಿಟ್ಟೂರಿನಲ್ಲಿ ಬಸ್ ಢಿಕ್ಕಿಯಾಗಿ ಬೈಕ್ ಸವಾರ ದಾರುಣ ಸಾವು
Congress ಟ್ಯಾಕ್ಸ್ ಸಿಟಿಯನ್ನು ಟ್ಯಾಂಕರ್ ಸಿಟಿ ಮಾಡಿದೆ: ಬೆಂಗಳೂರಿನಲ್ಲಿ ಮೋದಿ
Kollywood: 18 ವರ್ಷದ ಬಳಿಕ ಪತಿ ಸೂರ್ಯ ಜೊತೆ ನಟಿಸಲಿದ್ದಾರೆ ಜ್ಯೋತಿಕಾ
ಸರ್ವರಿಗೂ ಸಮಪಾಲು ಸಮಬಾಳು ನೀಡಿದ ಕಾಂಗ್ರೆಸ್ ಪಕ್ಷಕ್ಕೆ ಮತ ನೀಡಿ: ಗೀತಾ ಶಿವರಾಜ್ ಕುಮಾರ್