Udayavni Special

ಸಂಕೀರ್ಣ ಬದುಕಿನ ರಂಗಕೃತಿ

ಹೊತ್ತು ಹೊತ್ತಿಗೆ

Team Udayavani, May 5, 2019, 6:00 AM IST

4

ಅರ್ಧಮರ್ಧ ಮನುಷ್ಯರು ಎಂಬ ಅರ್ಥವನ್ನು ಸ್ಪುರಿಸುವ ಶೀರ್ಷಿಕೆಯನ್ನು ಹೊಂದಿರುವ ಈ ಕನ್ನಡ ರೂಪಾಂತರಿತ ನಾಟಕ, ವಸ್ತು ಹಾಗೂ ಪ್ರಯೋಗ ನಾವೀನ್ಯದಿಂದಾಗಿ ಕಳೆದ ನಾಲ್ಕು ದಶಕಗಳಿಂದ ರಂಗ ಕಲಾವಿದರಿಗೆ ಸವಾಲನ್ನು ಒಡ್ಡುತ್ತಿರುವ ಅಪರೂಪದ ರಂಗಕೃತಿಯಾಗಿದೆ. 1975ರ ದಶಕದಲ್ಲಿ ಸಿದ್ಧಲಿಂಗ ಪಟ್ಟಣಶೆಟ್ಟಿಯವರ ಯಶಸ್ವೀ ಅನುವಾದ ಪ್ರಯತ್ನದ ಮೂಲಕ ಇದು ಕನ್ನಡಕ್ಕೆ ಬಂದಾಗ, ಇದರ ಓದು ಹಾಗೂ ಪ್ರಥಮ ಪ್ರಯೋಗ ನವ್ಯ ಸಂವೇದನೆಯಲ್ಲಿ ಮಿಂದೇಳುತ್ತಿದ್ದ ಕನ್ನಡ ಸಾಹಿತ್ಯ ವಲಯದಲ್ಲಿ ದಾಖಲೆಯನ್ನೇ ನಿರ್ಮಿಸಿತೆನ್ನಬಹುದು. ಈ ನಾಟಕ ಪತಿ ಹಾಗೂ ಮಕ್ಕಳ ವ್ಯಕ್ತಿತ್ವದ ಅರೆಕೊರೆಗಳ ಬಗ್ಗೆ ಚಿಂತಿತಳಾಗಿರುವ ಸಂಸಾರಸ್ಥೆಯೊಬ್ಬಳ ತುಡಿತ-ತಳಮಳಗಳನ್ನು ಅರ್ಧಮರ್ಧವೆನ್ನಿಸಬಹುದಾದ ಸಂಭಾಷಣೆಗಳ ಮೂಲಕ, ಒಬ್ಬನೇ ವ್ಯಕ್ತಿಯ ನಾಲ್ಕು ಮುಖಗಳಂತೆ ತೋರಿಬರುವ ನಾಲ್ಕು ಪುರುಷ ಪಾತ್ರಗಳ ಮೂಲಕ ಬಿತ್ತರಿಸುವಲ್ಲಿ ಯಶಸ್ವಿಯಾಗಿರುವ ಪಠ್ಯ ಕೃತಿಯಾಗಿಯೂ ತನ್ನ ಅನನ್ಯತೆಯನ್ನು ಸಾಬೀತುಪಡಿಸಿದೆ. ಈ ನಾಲ್ಕು ಪುರುಷ ಪಾತ್ರಗಳನ್ನು ಒಬ್ಬನೇ ವ್ಯಕ್ತಿ ನಿರ್ವಹಿಸಬೇಕೆಂಬ ವಿನೂತನ ಕಲ್ಪನೆ ಮೋಹನ್‌ ರಾಕೇಶ್‌ ಅವರದಾಗಿತ್ತು; ಈ ನಾಲ್ಕೂ ಪಾತ್ರಗಳು ನಾಲ್ಕು ಬಗೆಯ ಶೈಲಿಗಳಲ್ಲಿ ಸಂಭಾಷಣೆಗಳನ್ನು ಪ್ರಸ್ತುತಪಡಿಸಬೇಕೆಂಬ ದೃಷ್ಟಿಯಿಂದ ನಾಲ್ಕು ಬಗೆಯ ಹಿಂದಿ “ಬೋಲಿ’ಗಳನ್ನು ಅವರು ಮೂಲ ಕೃತಿಯಲ್ಲಿ ಬಳಸಿಕೊಂಡಿದ್ದು ತಾನು ಈ ಕನ್ನಡ ರೂಪಾಂತರದಲ್ಲೂ ಭಿನ್ನ ಭಿನ್ನ ವಾಕ್‌ಶೈಲಿಗಳನ್ನು ಬಳಸಿಕೊಂಡಿದ್ದೇನೆಂದು ಹೇಳಿಕೊಂಡಿರುವ ಅನುವಾದಕರು, ಈ “ಚತುರ್ವಿಧ ಕನ್ನಡ ಪ್ರಯೋಗ’ದ ಪರಿಣಾಮ ವಿವಿಧ ಪ್ರಯೋಗಗಳಲ್ಲಿ ಹೇಗಿತ್ತು ಎನ್ನುವುದನ್ನೂ ಪ್ರಸ್ತಾವನಾ ರೂಪದ ಬರಹದಲ್ಲಿ ನಮ್ಮ ಗಮನಕ್ಕೆ ತರುತ್ತಾರೆ. ಈ ನಾಟಕದ ಒಟ್ಟು ಆಶಯವೇನು? ಅದು “ವ್ಯಕ್ತಿ 4′ ಎಂಬ ಪಾತ್ರದ ಮೂಲಕ ಹೀಗೆ ಹೊರಬಿದ್ದಿದೆ- ಇದು ಈ ವ್ಯಕ್ತಿ, ಈ ನಾಟಕ ನಾಯಕಿಗೆ ಹೇಳುವ ಮಾತು: “”ಮುಖ್ಯಮಾತು ಇಷ್ಟೇ… ಮಹೇಂದ್ರನ ಬದಲು ನಿನ್ನ ಜೀವನದೊಳಗೆ ಬೇರೆ ಯಾರೇ ಬಂದಿದ್ದರೂ, ವರ್ಷ ಎರಡು ವರ್ಷ ಆದ ಕೂಡಲೇ ಒಬ್ಬ ಅಯೋಗ್ಯ ಮನುಷ್ಯನ ಜೊತೆ ಮದುವೆ ಮಾಡಿಕೊಂಡೆ ಅಂತ ನಿನಗೆ ಅನಿಸಿಯೇ ಬಿಡತಿತ್ತು… ಅವನ ಜೀವನದೊಳಗೂ ಮತ್ತೂಬ್ಬ ಯಾವನಾದರೂ ಮಹೇಂದ್ರ, ಯಾವನಾದರೂ ಜುನೇಜಾ, ಯಾವನಾದರೂ ಶಿವಜೀತ, ಇಲ್ಲವೆ ಮತ್ತೂಬ್ಬ ಜಗಮೋಹನ ಬಂದಿರತಿದ್ದ… ಏನೇನೋ ಒಮ್ಮೆಲೇ ಆಗಬೇಕು, ಏನೇನೋ ಒಟ್ಟಿಗೇ ಪಡಕೋಬೇಕು, ಏನೇನೋ ಒಟ್ಟಿಗೇ ಸುತ್ತಿಕೊಂಡು ಬದುಕಬೇಕು ಅನ್ನೋದ ನಿನ್ನ ಅರ್ಥ…” ಪೂರ್ಣತೆಗೆ ಹಾತೊರೆಯುವ ಜೀವವೊಂದರ ತಳಮಳಗಳನ್ನು ಹೀಗೆ ಕಾವ್ಯಾತ್ಮಕವಾಗಿ ದಾಖಲಿಸಿರುವ ಈ ನಾಟಕ, ಕನ್ನಡಕ್ಕೆ ಅನುವಾದಗೊಂಡು ನಾಲ್ಕೂವರೆ ದಶಕಗಳ ಬಳಿಕ ನಮ್ಮ ಸಂಕೀರ್ಣ ಬದುಕಿನ ಭಗ್ನ ಚರಿತ್ರೆ ಹಾಗೂ ಉರಿ ಉರಿ ವರ್ತ”ಮಾನ’ವನ್ನು ಪರಿಣಾಮಕಾರಿಯಾಗಿ ಬಿತ್ತರಿಸುತ್ತಿದೆ. ಈ ನಡುವೆ ಹಲವು ಪ್ರಯೋಗಗಳನ್ನು ಕಂಡಿರುವ ಹೆಗ್ಗಳಿಕೆ ಈ ಕನ್ನಡ ಆವೃತ್ತಿಗಿದೆ.

ಆಧೇ ಅಧೂರೇ (ನಾಟಕ)
ಮೂಲ : ಮೋಹನ ರಾಕೇಶ್‌
ಹಿಂದಿಯಿಂದ ಕನ್ನಡಕ್ಕೆ: ಸಿದ್ಧಲಿಂಗ ಪಟ್ಟಣಶೆಟ್ಟಿ
ಪ್ರ.: ಅನನ್ಯ ಪ್ರಕಾಶನ, ಹೂಮನೆ, ಶ್ರೀದೇವಿನಗರ, ವಿದ್ಯಾಗಿರಿ, ಧಾರವಾಡ-580004
ಮೊದಲ ಮುದ್ರಣ: 2018 ಬೆಲೆ: ರೂ. 120

ಜಕಾ

ಟಾಪ್ ನ್ಯೂಸ್

ಈಶಾನ್ಯಕ್ಕೆ 6 ಆರು ಹೊಸ ವಾಯುಮಾರ್ಗ

ಈಶಾನ್ಯಕ್ಕೆ 6 ಆರು ಹೊಸ ವಾಯುಮಾರ್ಗ

ಆರ್ಯನ್‌ ಡ್ರಗ್‌ ಕೇಸ್‌: ಸುಪ್ರೀಂ ಮೆಟ್ಟಿಲೇರಿದ ಶಿವಸೇನೆ ನಾಯಕ

ಆರ್ಯನ್‌ ಡ್ರಗ್‌ ಕೇಸ್‌: ಸುಪ್ರೀಂ ಮೆಟ್ಟಿಲೇರಿದ ಶಿವಸೇನೆ ನಾಯಕ

ನ್ಯಾಯ ಒದಗಿಸುವಂತೆ ರೈತರಿಂದ ಆಗ್ರಹ

ನ್ಯಾಯ ಒದಗಿಸುವಂತೆ ರೈತರಿಂದ ಆಗ್ರಹ

ನೂತನ ನಗರ ಸ್ಥಳೀಯ ಸಂಸ್ಥೆಗಳ ವಾರ್ಡ್‌ ವಿಂಗಡನೆ ಶುರು

ನೂತನ ನಗರ ಸ್ಥಳೀಯ ಸಂಸ್ಥೆಗಳ ವಾರ್ಡ್‌ ವಿಂಗಡನೆ ಶುರು

ಪಶ್ಚಿಮ ಭಾಗದ ಹರಾಜು-ಮಾರಾಟದಲ್ಲಿ ಆದೇಶ ಉಲ್ಲಂಘನೆ

ಪಶ್ಚಿಮ ಭಾಗದ ಹರಾಜು-ಮಾರಾಟದಲ್ಲಿ ಆದೇಶ ಉಲ್ಲಂಘನೆ

ಚಿತ್ರಪಾಡಿ ಗ್ರಾಮಸ್ಥರ ಪಡಿತರ ಪರಿಪಾಟಲು ಅಂತ್ಯ

ಚಿತ್ರಪಾಡಿ ಗ್ರಾಮಸ್ಥರ ಪಡಿತರ ಪರಿಪಾಟಲು ಅಂತ್ಯ

ಆವರಣ ಗೋಡೆಯಿಲ್ಲದೆ ಗುಮ್ಮೆತ್ತು ಸ.ಕಿ.ಪ್ರಾ. ಶಾಲೆಗೆ ಅಭದ್ರತೆ

ಆವರಣ ಗೋಡೆಯಿಲ್ಲದೆ ಗುಮ್ಮೆತ್ತು ಸ.ಕಿ.ಪ್ರಾ. ಶಾಲೆಗೆ ಅಭದ್ರತೆ





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

jagada-swasthya

ಮತ್ತೆ ಮರಳಲಿ ಜಗದ ಸ್ವಾಸ್ಥ್ಯ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ  ಸ್ಮತಿ

ಹಾವೇರಿಯ ಹೊಕ್ಕುಳ ಬಳ್ಳಿ ಪಾಟೀಲ ಪುಟ್ಟಪ್ಪ ಸ್ಮತಿ

Suryana-neralu

ಸೂರ್ಯನ ನೆರಳು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಚಿತ್ರೋತ್ಸವದಲ್ಲಿ ಮೌನದ ಮಾತು

ಕತೆ: ಸಹಯಾತ್ರಿ

ಕತೆ: ಸಹಯಾತ್ರಿ

MUST WATCH

udayavani youtube

ನಮ್ಮ ಸೇನೆಗೊಂದು ಸಲಾಂ

udayavani youtube

ಮೋದಿ ಹೆಬ್ಬೆಟ್ಟ್ ಗಿರಾಕಿ ಟ್ವಿಟ್‍ಗೆ ಶಿವಕುಮಾರ್ ವಿಷಾದ

udayavani youtube

ಗೋವಿನಲ್ಲಿ ಶ್ರೇಷ್ಠ ‘ಕಪಿಲಾ’ ಗೋವಿನ ವಿಶೇಷತೆಗಳೇನು ?

udayavani youtube

‘ಡೀಮ್ಡ್ ಫಾರೆಸ್ಟ್’ ಎಂದು ಈ ಕಾರಣಗಳಿಗೆ ಘೋಷಣೆಯಾಗುತ್ತೆ

udayavani youtube

ಚಿಂತಾಮಣಿಯಲ್ಲೊಂದು ದುರಂತ : ಕುರಿ ತೊಳೆಯಲು ಹೋದ ಮೂವರು ಯುವಕರು ನೀರು ಪಾಲು

ಹೊಸ ಸೇರ್ಪಡೆ

ಹೊಂಡಮಯ ರಸ್ತೆ ವಾಹನ ಸವಾರರಿಗೆ ಸವಾಲು

ಹೊಂಡಮಯ ರಸ್ತೆ ವಾಹನ ಸವಾರರಿಗೆ ಸವಾಲು

ಚೇತರಿಕೆ ಹಾದಿಯಲ್ಲಿ ಕರಾವಳಿ ಜವುಳಿ ಉದ್ಯಮ

ಚೇತರಿಕೆ ಹಾದಿಯಲ್ಲಿ ಕರಾವಳಿ ಜವುಳಿ ಉದ್ಯಮ

ಈಶಾನ್ಯಕ್ಕೆ 6 ಆರು ಹೊಸ ವಾಯುಮಾರ್ಗ

ಈಶಾನ್ಯಕ್ಕೆ 6 ಆರು ಹೊಸ ವಾಯುಮಾರ್ಗ

ಎಂಆರ್‌ಪಿಎಲ್‌ಗೆ ಒಎನ್‌ಜಿಸಿ ಅಧ್ಯಕ್ಷರ ಭೇಟಿ

ಎಂಆರ್‌ಪಿಎಲ್‌ಗೆ ಒಎನ್‌ಜಿಸಿ ಅಧ್ಯಕ್ಷರ ಭೇಟಿ

ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌: ಸಿಂಧು, ಶ್ರೀಕಾಂತ್‌, ಚಿರಾಗ್‌ ಮುನ್ನಡೆ

ಡೆನ್ಮಾರ್ಕ್‌ ಓಪನ್‌ ಬ್ಯಾಡ್ಮಿಂಟನ್‌: ಸಿಂಧು, ಶ್ರೀಕಾಂತ್‌, ಚಿರಾಗ್‌ ಮುನ್ನಡೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.