ಬ್ಯೂಟಿ ಸ್ಲೀಪ್‌

Team Udayavani, Sep 19, 2018, 6:00 AM IST

ಸೂರನ್ನೇ ದಿಟ್ಟಿಸುತ್ತಾ ಶವಾಸನದಂತೆ ಮಲಗುವವರು, ಮುಖಕ್ಕೆ ಮಂಡಿ ತಾಗಿಸುವಷ್ಟು ದೇಹ ಬಾಗಿಸುವವರು, ದಿಂಬನ್ನೇ ಆಸ್ತಿಯಂತೆ ಅಪ್ಪುವವರು, ಟೆಡ್ಡಿ ಬೇರ್‌ ಇಲ್ಲದೆ ನಿದ್ದೆಯೇ ಬಾರದವರು, ಹೊಟ್ಟೆ ಕೆಳಗೆ ಮಾಡಿ, ಮುಸುಕನ್ನು ಮುಖದ ತುಂಬಾ ಹೊದ್ದು ಮಲಗುವವರು…ಹೀಗೆ, ರಾತ್ರಿ ನಿದ್ದೆ ಮಾಡುವಾಗ ಒಬ್ಬೊಬ್ಬರದ್ದು ಒಂದೊಂದು ಆಸನ. ದೇಹ-ಮನಸ್ಸಿಗೆ ಎಂಟು ಗಂಟೆಯ ನಿದ್ದೆ ಎಷ್ಟು ಮುಖ್ಯವೋ, ಮಲಗುವ ಭಂಗಿಯೂ ಅಷ್ಟೇ ಮುಖ್ಯ ಅನ್ನುತ್ತಾರೆ ವೈದ್ಯರು. ಮಲಗುವ ರೀತಿಯಲ್ಲಿ ವ್ಯತ್ಯಾಸವಾದರೂ ಚರ್ಮದ ಸೌಂದರ್ಯಕ್ಕೆ ಧಕ್ಕೆಯಾಗುತ್ತದಂತೆ! 

1. ದಿಂಬಿಗೆ ಮುಖ ತಾಗಿಸಿ ಮಲಗುವುದು
ಕೆಲವರು ದಿಂಬನ್ನು ಅಪ್ಪಿಕೊಂಡು ಅಥವಾ ದಿಂಬಿಗೆ ಮುಖ ತಾಗಿಸಿ ಮಲಗುತ್ತಾರೆ. ಇದರಿಂದ ದಿಂಬಿನಲ್ಲಿರುವ ಧೂಳು, ಬ್ಯಾಕ್ಟೀರಿಯಾ ಮುಖದ ಚರ್ಮವನ್ನು ಹಾಳು ಮಾಡಬಹುದು. ರಾತ್ರಿ ಮುಖಕ್ಕೆ ಹಚ್ಚಿದ ಕ್ರೀಂ, ಪ್ರತಿರಾತ್ರಿಯೂ ದಿಂಬಿಗೆ ತಾಗಿರುತ್ತದೆ. ಅದು ಮುಖಕ್ಕೆ ತಾಗಿ ಅಲರ್ಜಿಯನ್ನುಂಟು ಮಾಡುತ್ತದೆ. ಹಾಗಾಗಿ, ಈ ರೀತಿ ಮಲಗುವವವರು ವಾರಕ್ಕೊಮ್ಮೆಯಾದರೂ ದಿಂಬಿನ ಕವರ್‌ಅನ್ನು ಸ್ವಚ್ಛಗೊಳಿಸಬೇಕು.

2. ಹೊಟ್ಟೆ ಅಡಿ ಮಲಗುವುದು
ರಾತ್ರಿ ಮಲಗಿದಾಗ ನಮ್ಮ ಮುಖದ ಚರ್ಮ ಕೂಡ ರೆಸ್ಟ್‌ ಮಾಡುತ್ತದೆ. ಆದರೆ, ಹೊಟ್ಟೆ ಅಡಿ ಮಾಡಿ, ಮುಖವನ್ನು ಹಾಸಿಗೆ/ ದಿಂಬಿಗೆ ಒತ್ತಿ ಮಲಗುವುದರಿಂದ ಚರ್ಮದ ಉಸಿರಾಟಕ್ಕೆ ತೊಂದರೆಯಾಗುತ್ತದೆ. ಮುಖದ ಮೇಲೆ ಒತ್ತಡ ಬೀಳುವುದರಿಂದ ಕಣ್ಣು ಊದಿಕೊಳ್ಳುತ್ತದೆ. ಏಳೆಂಟು ಗಂಟೆ ಹಾಗೆ ಮಲಗುವುದರಿಂದ ಚರ್ಮದ ಮೇಲೆ ಗೆರೆಗಳು ಮೂಡುತ್ತವೆ. 

3. ಒಂದು ಬದಿಗೆ ಮುಖ ಹಾಕಿ ಮಲಗುವುದು
 ಒಂದೇ ಬದಿಗೆ ತಿರುಗಿ ಮಲಗುವುದರಿಂದ, ಶರೀರದ ಒಂದು ಭಾಗದ ಮೇಲೆ ಅತಿಯಾದ ಒತ್ತಡ ಬೀಳುತ್ತದೆ. ಪರಿಣಾಮ, ಒಂದು ಬದಿಯ ಕೆನ್ನೆಯ ಮೂಳೆ ಹಾಗೂ ಚರ್ಮದ ಮೇಲೆ ಒತ್ತಡ ಹೇರಿ, ನೆರಿಗೆ ಮೂಡಿಸುತ್ತದೆ. 

ಅಂಗಾತ ಮಲಗಿ
ಬೆನ್ನನ್ನು ಹಾಸಿಗೆಗೆ ತಾಗಿಸಿ, ಅಂಗಾತ ಮಲಗುವುದು ಚರ್ಮದ ಆರೋಗ್ಯಕ್ಕೆ ಒಳ್ಳೆಯದು. ಯಾಕೆಂದರೆ, ಈ ಭಂಗಿಯಲ್ಲಿ ಮುಖ, ಹಾಸಿಗೆ ಅಥವಾ ದಿಂಬಿಗೆ ತಾಗುವುದಿಲ್ಲ. ದಿಂಬಿಗೆ ಒತ್ತಿ ಮುಖದ ಮೇಲೆ ಗೆರೆ ಮೂಡುವ, ಹಾಸಿಗೆಯ ಧೂಳು ಮುಖಕ್ಕೆ ತಾಗಿ ಮೊಡವೆಯಾಗುವ ಅಪಾಯ ಕಡಿಮೆ. ದೇಹವನ್ನು ಒಂದು ಕಡೆಗೆ ವಾಲಿಸಿ ಅಥವಾ ಹೊಟ್ಟೆಯನ್ನು ಹಾಸಿಗೆಗೊತ್ತಿ ಮಲಗುವ ಭಂಗಿಯಲ್ಲಾಗುವಂತೆ ಇಲ್ಲಿ ಕಣ್ಣಿನ ಮೇಲೆ ಒತ್ತಡ ಕೂಡ ಬೀಳುವುದಿಲ್ಲ. 

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಅಬ್ಟಾ, ಆಫೀಸಲ್ಲಿ ತುಂಬಾ ಕೆಲಸ ಇತ್ತು ಅಂತ ಮನೆಗೆ ಬಂದು ಮೈ ಚಾಚುವ ಅನುಕೂಲ ಬಹುತೇಕ ಉದ್ಯೋಗಸ್ಥೆಯರಿಗೆ ಇಲ್ಲ. ಆಫೀಸಿಂದ ಅವರು ಸೀದಾ ಬರುವುದೇ ಅಡುಗೆಮನೆಗೆ. ಅಲ್ಲಿ...

  • ಮೆಜಸ್ಟಿಕ್‌ ಬಸ್‌ ಸ್ಟಾಂಡ್‌ನ‌ ಪ್ಲಾಟ್‌ಫಾರ್ಮ್ ಬಳಿಯ ತೂತಿನಿಂದ ಇಲಿಯೊಂದು ಹೊರಬಂದು, ಹತ್ತಿರದಲ್ಲಿ ಬಿದ್ದಿದ್ದ ಬಿಸ್ಕತ್ತನ್ನು ತಿಂದು ಓಡಿತು! ಅಬ್ಟಾ, ಎಷ್ಟು...

  • ಶಾಲೆ ಎಂದಕೂಡಲೇ ಮೊದಲು ನೆನಪಾಗೋದು, ಮಕ್ಕಳು. ಜುಟ್ಟು ಕಟ್ಟಿದ ಹುಡುಗಿಯರು, ಯೂನಿಫಾರ್ಮ್ ಚಡ್ಡಿ ತೊಟ್ಟ ಸಣ್ಣ ಹುಡುಗರು. ಆದರೆ, ಅಜ್ಜಿಯರೇ ವಿದ್ಯಾರ್ಥಿಗಳಾಗಿರುವ...

  • ಗಣಿತ ಶಿಕ್ಷಕಿ ಮೇಧಾ, ರಾಗಬದ್ಧವಾಗಿ ಗಣಪತಿಯ ಭಜನೆಯಲ್ಲಿ ತನ್ಮಯರಾಗಿದ್ದರೆ, ಅವರ ಮುಂದೆ ಬಿಳಿಯ ಕ್ಯಾನ್ವಾಸ್‌ ಮೇಲೆ ಕಪ್ಪು ಶಾಯಿಯ ಜೆಲ್‌ ಪೆನ್‌ ಹಿಡಿದು ಸರಸರನೆ...

  • ಮದುವೆಗಳು ಸ್ವರ್ಗದಲ್ಲಿ ನಡೆಯುತ್ತವಂತೆ. ಆದರೆ, ಹನಿಮೂನ್‌/ ಮಧುಚಂದ್ರ ಮಾತ್ರ ಇಂಥದ್ದೇ ಸ್ಥಳ, ದೇಶದಲ್ಲಿ ನಡೆಯಬೇಕು ಅಂತ ಇಂದಿನ ಜೋಡಿಗಳು ಬಯಸುತ್ತವೆ. ಮಧುಚಂದ್ರದ...

ಹೊಸ ಸೇರ್ಪಡೆ