ಚೆಲುವಮ್ಮನ ಗಿಳಿ

ನಾನು ಪಂಜರದ ಪಕ್ಷಿಯಲ್ಲ...

Team Udayavani, Aug 7, 2019, 5:13 AM IST

ಪ್ರಕೃತಿ ಎಂದೆಂದೂ ಕುತೂಹಲಕಾರಿ. ಕಾಡು ಕಂಡರೆ ಮನುಷ್ಯನಿಗೆ ಭಯ, ಬೆರಗು. ಮನುಷ್ಯನೆಂದರೆ ವನ್ಯಮೃಗಗಳಿಗೆ ದಿಗಿಲು. ಆದರೆ, ಕಾಡುಪ್ರಾಣಿಗಳೂ ಆಗಾಗ ಮನುಷ್ಯನ ಜೊತೆ ಸಹಬಾಳ್ವೆಯಿಂದ ಬಾಳುವುದಿದೆ. ಇದು ಅಂಥದ್ದೇ ಕಥೆ. ಪಂಜರವಿಲ್ಲದೆಯೂ ಮನುಷ್ಯರ ಸಾಂಗತ್ಯ ಬೆಳೆಸಿದ ಗಿಳಿಯ ಕಥೆ!

ಪರಿಸರದ ಮಡಿಲಲ್ಲಿರುವ 78 ಮನೆಗಳ ಪುಟ್ಟ ಊರು ಧರ್ಮಸ್ಥಳದ ಬಳಿಯ ನಡುಗುಡ್ಡೆ. ಏಳು ತಿಂಗಳಿಂದ ಇಲ್ಲಿಯ ನಿವಾಸಿಗಳಿಗೆ ಗಿಳಿಯ ಗೆಳೆತನದ ಯೋಗ ಒದಗಿದೆ. ಇಲ್ಲಿನ ನಿವಾಸಿ ಚೆಲುವಮ್ಮನ ಮನೆಯ ಬಳಿ ಪುಟ್ಟ ಗಿಳಿಮರಿಯೊಂದು ಹಾರಿಬಂತು. ಕುತೂಹಲದಿಂದ ಚೆಲುವಮ್ಮ ಗಿಳಿಯತ್ತ ಕೈಚಾಚಿದಳು. ಆವತ್ತಿನಿಂದ ಗಿಳಿ ಕುಟುಂಬದ ಸದಸ್ಯನೇ ಆಗಿಹೋಯ್ತು. ವಠಾರದ ಜನರ ಪ್ರೀತಿಯನ್ನೂ ಗಳಿಸಿತು.

ಅದೇ ವಠಾರದ ಹುಡುಗಿ ಚೈತ್ರಾ. ಚೆಲುವಮ್ಮನ ಗಿಳಿರಾಮ, ಚೈತ್ರಾಳ ಜೊತೆಗೂ ಸಖ್ಯ ಬೆಳೆಸಿತು. ಈಗ ಇಬ್ಬರದೂ ಒಟ್ಟಿಗೆ ಆಟ ಪಾಠ. ಚೈತ್ರಾ ಇಲ್ಲದಿದ್ದರೆ ಗಿಳಿರಾಮ ಏನನ್ನೋ ಕಳೆದುಕೊಂಡವನಂತೆ ವರ್ತಿಸುತ್ತದೆ. ಬರೆಯುವಾಗ ಪೆನ್ನು ಕಚ್ಚುತ್ತದೆ. ಆಕೆಯ ತಲೆ ಮೇಲೆ ಏರಿ ಕೂರುತ್ತದೆ. ಸಾಕುಪ್ರಾಣಿಗಳಿಲ್ಲದ ಚೈತ್ರಾಳ ಮನೆಗೆ ಈ ಗಿಳಿ ಹೊಸ ಜೀವ ತಂದಿದೆ.

ಚೆಲುವಮ್ಮನ ಮಗ ಮಂಜುಷಾ ಆಟೋ ಚಾಲನೆ ಮಾಡುತ್ತಾರೆ. ಅವರ ಆಟೋದ ಶಬ್ದ ಕೇಳಿದ ತಕ್ಷಣ ಗಿಳಿ ಎಲ್ಲಿದ್ದರೂ ಹಾರಿ ಬಂದು ಆಟೋದ ಮೇಲೆ ಕೂರುತ್ತದೆ. ವಠಾರದ ಜನರೆಲ್ಲ ಗಿಳಿರಾಮನಿಗೆ ಆಹಾರ ನೀಡಿ ಸಂಭ್ರಮಿಸುತ್ತಾರೆ. ಈಗ ಅಕ್ಕಪಕ್ಕದ ನಾಲ್ಕೈದು ಮನೆಗೂ ಗಿಳಿರಾಮ ಭೇಟಿ ನೀಡುತ್ತಾನೆ. ಅವನಿಲ್ಲದಿದ್ದರೆ ದಿನ ಅಪೂರ್ಣ ಅನಿಸುತ್ತದೆ ಎನ್ನುವಷ್ಟು ಹಚ್ಚಿಕೊಂಡಿದ್ದಾರೆ ಆ ಕಾಡ ಹಕ್ಕಿಯನ್ನು. ಪ್ರಕೃತಿ ಮತ್ತು ಮನುಷ್ಯನ ಸಹಬಾಳ್ವೆ ಹೀಗೇ ಉಳಿಯಲಿ.

– ಗುರು ಗಣೇಶ್‌ ಭಟ್‌, ಡಬ್ಲುಳಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಪರೀಕ್ಷೆ ಎಂದರೆ, ಮಕ್ಕಳಿಗಷ್ಟೇ ಅಲ್ಲ ಹೆತ್ತವರಿಗೂ ಆತಂಕದ ವಿಚಾರ. ಓದಿದ್ದೆಲ್ಲ ಪರೀಕ್ಷೆ ದಿನ ನೆನಪಾಗುತ್ತೋ ಇಲ್ಲವೋ ಎಂದು ಮಕ್ಕಳು ಹೆದರಿದರೆ, ಅವರು ಸರಿಯಾಗಿ...

  • ವಯಸ್ಸಾದ ಮೇಲೆ ಮಕ್ಕಳ ಮನೆಯಲ್ಲಿದ್ದುಕೊಂಡು, ಮೊಮ್ಮಕ್ಕಳೊಂದಿಗೆ ಆಟವಾಡುತ್ತಾ ಬದುಕಬೇಕೆಂಬುದು ಹೆಚ್ಚಿನವರ ಕನಸು. ಆದರೆ, ಅಂದುಕೊಂಡಂತೆಯೇ ಬಾಳುವ ಅದೃಷ್ಟ...

  • ಎಸ್ಸೆಸ್ಸೆಲ್ಸಿವರೆಗಷ್ಟೇ ಓದಿರುವ ಸುಬ್ಬಲಕ್ಷ್ಮಿ, ಕುಟುಂಬ ನಿರ್ವಹಣೆಗಾಗಿ ಅವಲಕ್ಕಿ ತಯಾರಿಸಿ ಮಾರಲು ಆರಂಭಿಸಿದರು. ಅದೀಗ, ಒಂದು ಫ್ಯಾಕ್ಟರಿಯಾಗಿ ಬೆಳೆದಿದೆ... ಅಕ್ಕಿ...

  • ಕಾಮನಬಿಲ್ಲು ಇದಕೆ ಸಾಟಿಯಲ್ಲ, ಋಷಿಗಳ ಸಂಯಮವೂ ಇದರ ಮುಂದೆ ನಿಲ್ಲೋದಿಲ್ಲ ಅಂತ ಕವಿಗಳಿಂದ ಹೊಗಳಿಸಿಕೊಂಡ ಆಭರಣ ಬಳೆ. ಕೈಗೆ ಸಿಂಗಾರವಾಗಿ, ಶುಭದ ಸಂಕೇತವಾದ ಈ ಬಳೆಗಳನ್ನು...

  • ಸಂಜೆಯ ವೇಳೆ ಇದ್ದಕ್ಕಿದ್ದಂತೆ, ಮಳೆಹನಿಗಳು ಬೀಳತೊಡಗಿದರೆ, ಆ ಹೊತ್ತಿನಲ್ಲಿ ಮನೆಯಲ್ಲಿದ್ದವರು ತಮ್ಮದರ ಜೊತೆಗೆ ಉಳಿದವರ ಬಟ್ಟೆಗಳನ್ನೂ ತೆಗೆದು, ನಂತರ ಆಯಾ...

ಹೊಸ ಸೇರ್ಪಡೆ