ರಹಸ್ಯಗಳಿದ್ದ ಪುಸ್ತಕವನ್ನುಗಿಫ್ಟ್ ರೂಪದಲ್ಲಿ ಕೊಟ್ಟರು ಅತ್ತೆ!

Team Udayavani, May 29, 2019, 6:10 AM IST

ಗೃಹಸ್ಥಾಶ್ರಮಕ್ಕೆ ಕಾಲಿಡುವ ಮೊದಲು ಹೆಣ್ಣು ಕೆಲವೊಂದು ವಿಷಯಗಳನ್ನು ಅಗತ್ಯವಾಗಿ ತಿಳಿದಿರಬೇಕಾಗುತ್ತದೆ ಅನ್ನುತ್ತಲೇ ಅತ್ತೆಯವರು ಒಂದು ಪುಸ್ತಕವನ್ನು ಕೈಗಿಟ್ಟರು…

ನನ್ನ ಅತ್ತೆಯವರಿಗೆ ನಾನು ಮದುವೆಗೆ ಒಂದೂವರೆ ವರ್ಷ ಮುಂಚಿನಿಂದಲೇ ಚೆನ್ನಾಗಿ ಗೊತ್ತು. ಆದರೆ ನಾನು ಅವರ ಮಗನ ಪ್ರೇಯಸಿಯಾಗುತ್ತೇನೆ ಎಂದು ಮಾತ್ರ ಅಂದುಕೊಂಡಿರಲಿಲ್ಲ. ಆದರೆ ಅವರ ಮನೆ ಸೊಸೆ ನಾನೇ ಆಗಬೇಕು ಎಂಬಾಸೆಯಂತೂ ಅತ್ತೆಯ ಮನಸ್ಸಿನಲ್ಲಿತ್ತು. ನಮ್ಮ ಪ್ರೀತಿಯ ವಿಚಾರ ಅವರಿಗೆ ಗೊತ್ತಾದಾಗ ಅವರಿಗೆ ಸಂತಸವೇ ಆಗಿತ್ತು. “ಗೃಹಸ್ಥಾಶ್ರಮಕ್ಕೆ ಕಾಲಿಡುವ ಮುನ್ನ ಹೆಣ್ಣು ಕೆಲವೊಂದು ವಿಷಯಗಳನ್ನು ತಿಳಿದುಕೊಳ್ಳಬೇಕಾಗುತ್ತದೆ’ ಎಂದು ಹೇಳಿ ನಸುನಗುತ್ತಾ ಒಂದು ಹಳೇ ಗ್ರಂಥವನ್ನು ನನ್ನ ಕೈಯಲ್ಲಿಟ್ಟರು. ಆ ಗ್ರಂಥವನ್ನು ನಮ್ಮ ಅತ್ತೆಗೆ ಅವರ ಅತ್ತೆ ಕೊಟ್ಟಿದ್ದರಂತೆ. ಈಗವರು ಅದನ್ನು ನನಗೆ ಹಸ್ತಾಂತರಿಸಿದ್ದರು. ಆಧುನಿಕ ಕಾಲದ ಬದುಕಿಗೆ ಹಳೆಯ ಕಾಲದ ಸೂತ್ರಗಳು ಎಷ್ಟರಮಟ್ಟಿಗೆ ಅನ್ವಯಿಸುತ್ತವೆ ಎನ್ನುವ ಅನುಮಾನ ನನಗೂ ಇತ್ತು. ಆದರೆ ಯಾವುದೇ ವಿಚಾರವಾದರೂ ಒಂದೇ ಸಲಕ್ಕೆ ತಳ್ಳಿಹಾಕದೆ, ಕಾಲಕ್ಕೆ ಸರಿಹೊಂದುವ ವಿಚಾರಗಳನ್ನು ಹೀರಿಕೊಂಡು, ಉಳಿದುದನ್ನು ಬಿಡುವುದರಲ್ಲಿಯೇ ಜಾಣ್ಮೆಯಿದೆ. ಅದರಲ್ಲೂ ಪುಸ್ತಕದಲ್ಲಿದ್ದ ವಿಚಾರಗಳನ್ನು ನನ್ನವರು ಓದಿ ವಿವರಿಸುವಾಗ ಸಾಂಸಾರಿಕ ಬದುಕಿನ ಬಗ್ಗೆ ನನಗಿದ್ದ ಆತಂಕಗಳೆಲ್ಲವೂ ದೂರವಾದವು. ಆ ಗ್ರಂಥ ಹಳೆಯದಾದರೂ ಅದರಲ್ಲಿದ್ದ ಅನೇಕ ವಿಷಯಗಳು ಸರಳವಾಗಿದ್ದು, ಸಕಾಲಿಕವಾಗಿದ್ದವು. ಪುಸ್ತಕದಿಂದ ಆಯ್ದ 6 ಹಿತನುಡಿಗಳು ಇವು-

1. ಪ್ರತಿ ಹೆಣ್ಣು ಗಂಡನ ಮನೆ ಮತ್ತು ತವರು ಮನೆಯೆರಡನ್ನೂ ಸಮನಾಗಿ ಕಾಣಬೇಕು. ಅವೆರಡೂ ಮನೆಗಳನ್ನೂ ಅವಳು ಬೆಳಗಿಸಬೇಕು.

2. ಮನೆಯೊಳಗಿನ ವಿಚಾರಗಳನ್ನು ಮೂರನೆಯವರೊಂದಿಗೆ ಚರ್ಚಿಸಲು ಹೋಗಬಾರದು.

3. ಗುರುಹಿರಿಯರನ್ನು ಗೌರವ ಭಾವದಿಂದ ಕಾಣಬೇಕು. ಅವರು ಹೇಳುವ ಮಾತುಗಳನ್ನು ಕೇಳಿಸಿಕೊಳ್ಳಬೇಕು.

4. ಅರಿಷಡ್ವರ್ಗಗಳಾದ ಕಾಮ, ಕ್ರೋಧ, ಲೋಭ, ಮದ, ಮೋಹ, ಮಾತ್ಸರ್ಯ ಮನುಷ್ಯನ ಶತ್ರು. ಅವು ಅಂತರಂಗದ ಅವನತಿಗೆ ಕಾರಣವಾಗುತ್ತವೆ. ಹೀಗಾಗಿ ಹೆಣ್ಣು ಇವುಗಳಿಂದ ದೂರವಿರಬೇಕು.

5. ಪತ್ನಿಯಾದವಳು ಪತಿಯೊಡನೆ ಮನೆಗೆಲಸದಲ್ಲಿ ಜೊತೆಯಾಗಿ, ಸರಸದಲ್ಲಿ ಸ್ನೇಹಿತೆಯಂತೆ, ಮಮತೆಯಲ್ಲಿ ಮಾತೆಯಂತೆ, ಸಂಕಷ್ಟ ಕಾಲದಲ್ಲಿ ಸರಿಯಾದ ಸಲಹೆ ಕೊಟ್ಟು ಮಂತ್ರಿಯಂತೆ ವರ್ತಿಸಬೇಕು.

6. ಹೆಣ್ಣಿಗೆ ಲಜ್ಜೆಯೇ ಭೂಷಣ. ಲಜ್ಜೆಯಿಂದ ಮಂದಸ್ಮಿತಳಾಗಿ, ಪ್ರೀತಿಪೂರ್ವಕವಾಗಿ, ಮಿತವಾಗಿ ಮಾತನಾಡುವವಳು ಮನೆಮಂದಿಗೆಲ್ಲಾ ಇಷ್ಟವಾಗುತ್ತಾಳೆ.

– ಜಯಲಕ್ಷ್ಮೀ ನೆಗಳೂರ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಹೆಣ್ಣುಮಕ್ಕಳಿಗೆ ಅಪ್ಪನ ಮೇಲೆ ಅತೀ ಅನ್ನುವಷ್ಟು ಕಾಳಜಿ, ಭಕ್ತಿ, ಮಮತೆ. "ಪಾಪ, ನಮ್ಮಪ್ಪ' ಎಂಬುದು ಹೆಚ್ಚಿನ ಹೆಣ್ಣುಮಕ್ಕಳ ಕೊರಳ ಮಾತು. ತಮ್ಮನ್ನು ಸಾಕಲು ಅಪ್ಪ...

  • ತೊಟ್ಟಿಲಿನ ತಯಾರಿಕೆಯಿಂದಲೇ ಹೆಸರುವಾಸಿಯಾದ ಊರು, ಧಾರವಾಡ ಜಿಲ್ಲೆಯ ಕಲಘಟಗಿ. ಚೊಚ್ಚಲ ಹೆರಿಗೆಗೆ ತವರಿಗೆ ಬರುವ ಮಗಳಿಗೆ, ಕಲಘಟಗಿಯ ತೊಟ್ಟಿಲನ್ನು ಕೊಡುವುದು...

  • ನಾನು ನನಗಿಂತ ಹತ್ತು ವರ್ಷ ಚಿಕ್ಕವನಾದ ನಿಕ್‌ನನ್ನು ಮದುವೆಯಾದಾಗ ಹಲವರಿಗೆ ಆ ವಿಚಾರವನ್ನು ಅರಗಿಸಿಕೊಳ್ಳಲಾಗಿರಲಿಲ್ಲ. ಪುರುಷರು ತಮಗಿಂತ ಅದೆಷ್ಟು ವರ್ಷ...

  • ದೊಡ್ಡ ದೊಡ್ಡ ಅಂಗಡಿಗಳಲ್ಲಿ, ನೂರಾರು ರೂಪಾಯಿ ಕೊಟ್ಟು, ಚೌಕಾಸಿ ಮಾಡದೆ ಚಪ್ಪಲಿ ಖರೀದಿಸುವ ನಾವು, ಅದೇ ಚಪ್ಪಲಿ ಹರಿದು ಹೋದಾಗ, ಚಮ್ಮಾರರ ಬಳಿ ಐದ್ಹತ್ತು ರೂಪಾಯಿಗೆ...

  • ನಮಗೆ ಬೇಕಾದ ಎಲ್ಲ ಸೌಂದರ್ಯವರ್ಧಕಗಳನ್ನು ಈ ಪ್ರಕೃತಿಯೇ ಧಾರಾಳವಾಗಿ ನೀಡಿದೆ. ಅಷ್ಟಕ್ಕೂ, ಫೇಸ್‌ವಾಶು, ಕ್ರೀಮು, ಟೂತ್‌ಪೇಸ್ಟ್‌ಗಳ ಜಾಹೀರಾತಿನಲ್ಲಿ ತೋರಿಸುವ...

ಹೊಸ ಸೇರ್ಪಡೆ