Udayavni Special

ಗೌರಿಯ ಪ್ರಥಮ ಪೂಜೆ

ತವರಲ್ಲಿ ಮಾಡಿದ ಮೊದಲ ಹಬ್ಬ

Team Udayavani, Aug 28, 2019, 5:00 AM IST

u-11

ಅದೆಷ್ಟೇ ಬಡತನವಿದ್ದರೂ, ಗೌರಿಹಬ್ಬಕ್ಕೆ ಮಗಳಿಗೆ ಉಡುಗೊರೆ ಕೊಡಲು ಹೆತ್ತವರು ಆಸೆಪಡುತ್ತಾರೆ. ಹೀಗೆ ದೊರಕಿದ ಕಾಣಿಕೆ ಯಾವುದೇ ಆಗಿದ್ದರೂ, ಅದನ್ನು ಕಣ್ಣಿಗೆ ಒತ್ತಿಕೊಂಡು ಹೆಣ್ಮಕ್ಕಳು ಸಂಭ್ರಮಿಸುತ್ತಾರೆ. ಹಬ್ಬಕ್ಕೆ ಕರೆಯಲು ಅಣ್ಣನೋ/ಅಪ್ಪನೋ ಬಂದಾಗಂತೂ ಜಗವ ಗೆದ್ದ ಖುಷಿ! ಅಂಥದೇ ಸಡಗರದ ಕ್ಷಣವನ್ನು, ತವರಿನಲ್ಲಿ ಮೊದಲ ಬಾರಿ ಗೌರಿಹಬ್ಬ ಆಚರಿಸಿದಾಗ ಆಗಿದ್ದ ಸಡಗರವನ್ನು ಲೇಖಕಿ ಇಲ್ಲಿ ಹೇಳಿಕೊಂಡಿದ್ದಾರೆ…

ಶ್ರಾವಣ ಮಾಸ ಬಂದಾಗ ಹೆಣ್ಣುಮಕ್ಕಳಿಗೆ ಹಬ್ಬಗಳ ಸಾಲುಸಾಲು ಸಂಭ್ರಮ. ನವ ವಿವಾಹಿತೆಯ ಖುಷಿಯನ್ನಂತೂ ಕೇಳಲೇಬೇಡಿ. ಮದುವೆ ನಂತರ, ಮೊದಲನೇ ಗೌರಿ ಹಬ್ಬವನ್ನು ತವರಲ್ಲಿ ಆಚರಿಸುವುದರಿಂದ ಅಲ್ಲಿನ ಸಂಭ್ರಮ ನೂರುಪಟ್ಟು ಹೆಚ್ಚು. ಸಾಮಾನ್ಯವಾಗಿ, ಅಪ್ಪ ಮತ್ತು ಅಣ್ಣ-ತಮ್ಮಂದಿರು ಪ್ರತಿ ಗೌರಿ ಹಬ್ಬಕ್ಕೆ, ಹೆಣ್ಣುಮಕ್ಕಳಿಗೆ ಉಡುಗೊರೆ, ಮಂಗಳದ್ರವ್ಯಕ್ಕಾಗಿ ದುಡ್ಡು, ಶೃಂಗಾರ ಸಾಮಗ್ರಿಗಳನ್ನು ಕೊಡುವುದು ವಾಡಿಕೆ. ಪ್ರತಿ ವರ್ಷವೂ ತವರಿನ ಉಡುಗೊರೆಯನ್ನು ಅಕ್ಕರೆಯಿಂದ ಎದುರು ನೋಡುವ ಪುಟ್ಟ ಮಗುವಿನ ಮನಸ್ಸು, ಮದುವೆಯಾಗಿ ದಶಕಗಳೇ ಕಳೆದರೂ ಹಾಗೆಯೇ ಇದೆ.

ಹಬ್ಬದ ಹಿಂದಿನ ದಿನ ಬಿದಿಗೆಯಂದೇ, ಬೆಳಗ್ಗೆ ಬೇಗ ಏಳುವುದರಲ್ಲೂ ಒಂದು ಖುಷಿ. ನಾ ಮುಂದು ತಾ ಮುಂದು ಅಂತ ಕಾಫಿ, ಅಭ್ಯಂಜನ ಸ್ನಾನ ಮಾಡಿ, ದೇವರ ಕೋಣೆಯನ್ನು ಲಕಲಕ ಹೊಳೆವಂತೆ ಮಾಡಿ, ಅಡುಗೆಮನೆ ಕಡೆ ಹೊರಟರೆ ಹೋಳಿಗೆ, ಚಕ್ಕುಲಿ, ಮುತ್ಸರ್ಯ, ರವೆ ಉಂಡೆ ಮಾಡುವ ಕೆಲಸ ಶುರು. ಅತ್ತಿಗೆ, ಅಮ್ಮನೊಡನೆ ಹರಟೆಯ ಹೊಡೆಯುತ್ತಾ ಸಮಯ ಹೋಗುವುದೇ ತಿಳಿಯುವುದಿಲ್ಲ. ಎÇÉೋ ಕೇಳಿದ ಹಾಡಿನ ಬಗ್ಗೆ, ಹೊಸದಾಗಿ ಕಲಿತ ರಂಗೋಲಿಯ ಬಗ್ಗೆ, ಡಿಸೈನ್‌ ಗೆಜ್ಜೆ ವಸ್ತ್ರಗಳ ಬಗ್ಗೆ, ಊರಲ್ಲಿರುವ ಇನ್ನೊಬ್ಬ ಅತ್ತಿಗೆಯ ಬಗ್ಗೆ, ಮಕ್ಕಳ ಬಗ್ಗೆ… ಮಾತಾಡಲು ವಿಷಯ ಒಂದೇ ಎರಡೇ. ತುಂಬು ಸಂಸಾರದ ಮಜವೇ ಬೇರೆ.

ಮನೆಯ ಗಂಡಸರು, ಫ‌ಲವಸ್ತ್ರ, ಬಾಳೆಕಂದು ಮತ್ತು ಮಾವಿನ ತೋರಣದಿಂದ ಮಂಟಪ ಕಟ್ಟುವ ಕೆಲಸವನ್ನು ಮುಗಿಸಿದ ನಂತರ, ಹೆಣ್ಣುಮಕ್ಕಳು ಪದ್ಮದ ರಂಗೋಲಿ ಹಾಕಿ ಅದಕ್ಕೆ ಬಣ್ಣ ತುಂಬಿ, ಮಂಟಪದಲ್ಲಿ ಒಂದು ಬೆಳ್ಳಿ ತಟ್ಟೆ ಇಟ್ಟು, ಬಾಳೆ ಎಲೆ ಹಾಸಿ ಅದರ ಮೇಲೆ ಸ್ವಲ್ಪ ಅಕ್ಕಿ ಇಟ್ಟು ಗೌರಿಗೆ ಆಸನ ಸಿದ್ಧಪಡಿಸಬೇಕು. ಬಾಗಿಲಿಗೆ ಮಾವಿನ ತೋರಣ ಕಟ್ಟುವುದು ಒಬ್ಬರ ಕೆಲಸವಾದರೆ ಹೊಸ್ತಿಲಿಗೆ ರಂಗೋಲಿ ಇಡುವ ಕಾರ್ಯಕ್ರಮ ಇನ್ನೊಬ್ಬರದ್ದು. ಒಂದರ ನಂತರ ಒಂದು, ಎಡೆಬಿಡದೆ ಸಾಲಾಗಿ ಬರುವ ಇರುವೆಯಂತೆ ಕೆಲಸ. ಇದಲ್ಲವೇ ಸಂಸಾರದಲ್ಲಿ ಸಾಮರಸ್ಯ ಉಳಿಸಿ, ಬೆಳೆಸುವ ವಿಧಿ ವಿಧಾನ…ಎಲ್ಲವೂ ಒಂದಷ್ಟು ಹೆಚ್ಚಿನ ಶ್ರಮ ಕೊಡುವ ಕೆಲಸವೇ ಆದರೂ, josh was high throughout the day.

ಮದುವೆಯ ಮೊದಲನೇ ವರ್ಷ ಆಚರಿಸುವ ಹಬ್ಬದ ಸಡಗರವನ್ನಂತೂ ಮರೆಯಲು ಸಾಧ್ಯವೇ ಇಲ್ಲ. ಆಗ 5 ಜನ ಮುತ್ತೈದೆಯರಿಗೆ ಬಾಗಿನ ಕೊಡುವುದು ಪದ್ಧತಿ. ಬಾಗಿನದ ಸಾಮಾನುಗಳನ್ನು ಜೋಡಿಸಿ, 5 ಬಗೆಯ ತಿಂಡಿಗಳನ್ನಿಟ್ಟು, ಕಾಯಿ, ದಕ್ಷಿಣೆಯನ್ನು ಸೇರಿಸಬೇಕು. ಅದರಲ್ಲೊಂದು ತಾಯಿಯ ಬಾಗಿನ. ಅದರಲ್ಲಿ ರೇಷ್ಮೆ ಸೀರೆ ಸಹ ಇಟ್ಟು ರೆಡಿ ಮಾಡಿಕೊಂಡಿದ್ದಾಯಿತು. ಇಷ್ಟು ವರ್ಷ ತಾಯಿ ಮಕ್ಕಳಿಗೆ ಕೊಡಿಸಿರುವ ಸೀರೆಗಳೆಷ್ಟೋ, ಮೊದಲ ಬಾರಿಗೆ ಹೆಣ್ಣು ಮಗಳು ತಾಯಿಗೆ ಸೀರೆ ಕೊಡುವಾಗ ಅವಳ ಖುಷಿ ವರ್ಣಿಸಲಾಗದು. ಹಾಗೆಯೇ, ತಾಯಿಗೂ ಕೂಡ ಭಾವುಕಳಾಗುವ ಸನ್ನಿವೇಶ. ಗೌರಿ ಹಬ್ಬಕ್ಕೆ ತಂದಿರುವ ಹೊಸ ಬಳೆಗಳನ್ನೆಲ್ಲ ಇಟ್ಟು, ಸಂಜೆ ದೇವರಿಗೆ ದೀಪ ಹಚ್ಚಿ, ಬಳೆಗಳಿಗೂ ಪೂಜೆ ಮಾಡಿ ದೇವರಲ್ಲಿ ಮುತ್ತೈದೆತನದ ಆಯಸ್ಸು ಹೆಚ್ಚಿಸು ಎಂದು ಬೇಡುತ್ತ ಬಳೆ ತೊಟ್ಟುಕೊಳ್ಳುವುದು ಸಂಪ್ರದಾಯ. ಹೂವು, 5 ಬಗೆ ಹಣ್ಣಿನ ತಟ್ಟೆ ಜೋಡಿಸಿ, ದೀಪದ ಕಂಬಗಳಿಗೆ ತುಪ್ಪದ ಬತ್ತಿ ಅದ್ದಿ ಎಲ್ಲವನ್ನೂ ಹಿಂದಿನ ದಿನವೇ ಅಣಿ ಮಾಡಿಕೊಳ್ಳಬೇಕು. ಇಷ್ಟರ ಮಧ್ಯೆ ಬಿದಿಗೆ ಚಂದ್ರನ ದರ್ಶನದಿಂದ ಚೌತಿ ಚಂದ್ರನ ಶಾಪ ಪರಿಹಾರ ಅಂತ ನಂಬಿಕೆಯಿದೆ. ಬಿದಿಗೆಯಲ್ಲಿ ಚಂದ್ರ ಕಾಣುವುದೇ ಅಪರೂಪ, ಅರ್ಧ ಗಂಟೆ ಕಾಣಿಸಬಹುದು, ಮೋಡ ಇದ್ದರಂತೂ ಉಹೂ, ಇಲ್ಲವೇ ಇಲ್ಲ. ಚಿಕ್ಕ ಮಕ್ಕಳಿಗೆ “ಹೊರಗಡೆ ಹೋಗಿ ಚಂದ್ರ ಕಾಣಿಸ್ತಾನ ನೋಡು’ ಅಂತ ಹೇಳುವುದು, ಅವುಗಳ್ಳೋ ಹತ್ತು ಹತ್ತು ನಿಮಿಷಕ್ಕೂ “ಇಲ್ಲ, ಕಾಣಿಸ್ತಾ ಇಲ್ಲ’ ಅಂತ ದೊಡ್ಡ ಜವಾಬ್ದಾರಿಯುತ ಕೆಲಸ ಮಾಡುವವರ ಹಾಗೆ ಹೊರಗೂ, ಒಳಗೂ ಓಡಾಡೋದು.. ಇವೆಲ್ಲವನ್ನೂ ಈಗ ನೆನೆದರೆ ಅದೆಷ್ಟು ಖುಷಿಯಾಗುತ್ತೆ… ಈ ತಯಾರಿ ಎಲ್ಲ ನಡೆದ ನಂತರ ಅಮ್ಮ, “ಬೆಳಗ್ಗೆ 3 ಗಂಟೆಗೆ ಏಳ್ತೀನಿ, ಆಮೇಲೆ ನಿನ್ನನ್ನ 3.30ಕ್ಕೆ ಏಳಿಸ್ತೀನಿ. ಬೇಗ ಬೇಗ ರೆಡಿಯಾಗಬೇಕು. ನಿನ್ನ ಸ್ನಾನ ಮುಗಿದ ತಕ್ಷಣ ಇನ್ನೊಬ್ಬರನ್ನು 4 ಗಂಟೆಗೆ ಎಬ್ಬಿಸುವಾ…’ ಹೀಗೆ ಏನೇನೋ strategic plan ನಡೆಯುತ್ತೆ. ಆದರೆ ಆ ರಾತ್ರಿ ನಿದ್ದೆ ಮಾಡಿರೋರು ಯಾರು?

ಹಾಂ, ಮದುವೆಯ ನಂತರ, ಅಮ್ಮನ ಮನೆಯಲ್ಲಿ ನಾನು ಮಾಡಿದ ಮೊದಲ ಗೌರಿಪೂಜೆಯ ಬಗ್ಗೆ ಹೇಳಲೇ ಇಲ್ಲ ಅಂದಿರಾ? ಕೇಳಿ: ಬೆಳಗ್ಗೆ ಗಂಟೆ ನಾಲ್ಕು ಆಗ್ತಿದ್ದ ಹಾಗೆ ಎಲ್ಲರೂ ಎದ್ದು, ತಯಾರಾಗಿ, ಸಜ್ಜಾಗಿರುವ ಮಂಟಪದಲ್ಲಿ ದೇವಿಯನ್ನು ಕೂರಿಸಿ, ದೀಪ ಬೆಳಗಿ ಗಣೇಶನ ಪೂಜೆಯೊಂದಿಗೆ ಪುರೋಹಿತರ ಮಂತ್ರದಿಂದ ಆರಂಭವಾದ ಹಬ್ಬ, ಮುದ್ದು ಗೌರಿಗೆ ಪಂಚಾಮೃತ ಅಭಿಷೇಕ, ಪುಷ್ಪ ಪತ್ರೆಗಳಿಂದ ಷೋಡಶೋಪಚಾರ, 5 ಬಗೆಯ ಹಣ್ಣು, ತೆಂಗಿನಕಾಯಿ, ಹೋಳಿಗೆ, ಪಾಯಸ ಕೋಸಂಬರಿ ನೈವೇದ್ಯ… ನನಗೆ ಕೈಗೆ 8 ಗಂಟಿನ ದಾರದಿಂದ 16 ಗಂಟಿನ ದಾರಕ್ಕೆ ಪ್ರಮೋಷನ್‌, ಮೊರದ ಬಾಗಿನ ಬಂದ ಖುಷಿ… ಐದಾರು ಹೆಂಗಸರು ಸೇರಿ ಮಾಡಿದ ಪೂಜೆಯಲ್ಲಿ ಈ ಬಾಗಿನ ಮತ್ತು ಅರಿಶಿನ ಕುಂಕುಮ ಕೊಡುವುದೇ ಮುಕ್ಕಾಲು ಗಂಟೆಯ ಕಾರ್ಯಕ್ರಮ. ಎಲ್ಲವೂ ಚಂದ ಅನ್ನಿಸಿದ್ದಂತೂ ನಿಜ.

ಮದುವೆಗೆ ಮುಂಚೆ ಅಮ್ಮನ ಹಿಂದೆಯೋ, ಅಣ್ಣರೊಡನೆ ಹರಟೆಯಲ್ಲೋ ಅರ್ಧಂಬರ್ಧ ಪೂಜೆಯಲ್ಲಿ ಭಾಗವಹಿಸುತ್ತಿದ್ದ ನಾನು, ಮೊದಲ ಬಾರಿ ಗೃಹಿಣಿಯಾಗಿ ಪೂಜೆಯಲ್ಲಿ ಭಾಗವಹಿಸಿದ ಹೆಮ್ಮೆ. ಮದುವೆಗೆ ಮುಂಚೆ ಎಷ್ಟೋ ಬಾರಿ ಅಮ್ಮನೊಡನೆ ಪೂಜೆ ಮಾಡಲು ನನಗೂ ಬೆಳ್ಳಿಯ ಪಂಚಪಾತ್ರೆ ಉದ್ಧರಣೆ, ಅರಿಶಿನ ಕುಂಕುಮ ಎಲ್ಲ ಬೇಕು ಅಂತ ಹಠ ಮಾಡಿದ್ದುಂಟು. ಈಗ ಅವೆಲ್ಲವೂ ನನಗಿದೆ ಅನ್ನೋ ದೊಡ್ಡಸ್ತಿಕೆ ಬೇರೆ.

ಸಂಜೆಗೆ ಅಕ್ಕಪಕ್ಕದ ಮನೆಯವರನ್ನು ಕುಂಕುಮಕ್ಕೆ ಕರೆಯುವ, ಹೋಗುವ ಸಂಭ್ರಮ. ಮನ ಮಿಡಿಯುವ ಕ್ಷಣ ಅಂದರೆ, ಮನೆಯ ಹೆಣ್ಣುಮಕ್ಕಳಿಗೆ ಹೇಗೆ ಸೋಬಲಕ್ಕಿ ಇಟ್ಟು ಕಳುಹಿಸುತ್ತೇವೋ, ಹಾಗೆಯೇ ಗೌರಿಗೆ ಸೋಬಲಕ್ಕಿ ಕೊಡುವಾಗ, ತವರಿನಿಂದ ಹೊರಡುವ ಸಮಯ ಬಂದೇ ಬಿಟ್ಟಿತು ಅಂತ ಬಿಕ್ಕಿ ಬಿಕ್ಕಿ ಅಳು.

ಸಮಯ ಯಾರಿಗೂ ಕಾಯುವುದಿಲ್ಲ, ಅಳು, ಸಂತಸ, ಹಾಸ್ಯ, ನಗು ಎಲ್ಲದರೊಂದಿಗೆ ದಿನ ಕಳೆಯುತ್ತದೆ. ಮರುದಿನ ಗಣಪನೊಂದಿಗೆ ತಾಯಿ ಗೌರಿಯ ಪ್ರಯಾಣ. ಮನೆಯ ಹೆಣ್ಣು ಮಗಳು ಗಂಡನೊಂದಿಗೆ ಅವಳ ಮನೆಗೆ ಪ್ರಯಾಣ..

ಪೂರ್ಣಿಮಾ ಗಿರೀಶ್‌

ಉದಯವಾಣಿ ಸುದ್ದಿ ಈಗ ಟೆಲಿಗ್ರಾಂನಲ್ಲೂ ಲಭ್ಯ; ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್ ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಚೀನಾದ ಬೆದರಿಕೆಗೆ ಜಗ್ಗಲ್ಲ: ಭಾರತಕ್ಕೆ ಎಲ್ಲಾ ರೀತಿಯ ನೆರವು; ಅಮೆರಿಕ ಘೋಷಣೆ

ಚೀನಾದ ಬೆದರಿಕೆಗೆ ಜಗ್ಗಲ್ಲ: ಭಾರತಕ್ಕೆ ಎಲ್ಲಾ ರೀತಿಯ ನೆರವು; ಅಮೆರಿಕ ಘೋಷಣೆ

ಯುದ್ಧಕ್ಕೂ ಮೊದಲು ಕಾಂಗ್ರೆಸ್ ಶಸ್ತ್ರತ್ಯಾಗ ಮಾಡಿದೆ: ಸಚಿವ ಕೆ ಸುಧಾಕರ್

ಯುದ್ಧಕ್ಕೂ ಮೊದಲು ಕಾಂಗ್ರೆಸ್ ಶಸ್ತ್ರತ್ಯಾಗ ಮಾಡಿದೆ: ಸಚಿವ ಕೆ ಸುಧಾಕರ್

ಪತಿ – ಪತ್ನಿ ನಡುವೆ ಜಗಳ ಬಿಡಿಸಲು ಬಂದ ಮಾವನ ಕೊಂದ ಅಳಿಯ!

ಪತಿ – ಪತ್ನಿ ನಡುವೆ ಜಗಳ ಬಿಡಿಸಲು ಬಂದ ಮಾವನನ್ನೇ ಕೊಂದ ಅಳಿಯ!

ಹಾಡಹಗಲೇ ಕಾಲೇಜು ಆವರಣದಲ್ಲಿಯೇ ವಿದ್ಯಾರ್ಥಿನಿಗೆ ಗುಂಡಿಟ್ಟು ಹತ್ಯೆ, ಆರೋಪಿ ಬಂಧನ

ಹಾಡಹಗಲೇ ಕಾಲೇಜು ಆವರಣದಲ್ಲಿಯೇ ವಿದ್ಯಾರ್ಥಿನಿಗೆ ಗುಂಡಿಟ್ಟು ಹತ್ಯೆ, ಆರೋಪಿ ಬಂಧನ

ಮುನಿರತ್ನ ನನ್ನ ಗಾಡ್‌ಫಾದರ್‌ ಅಲ್ಲ. ಚಿತ್ರದ ನಿರ್ಮಾಪಕರಷ್ಟೇ: ನಿಖಿಲ್ ಕುಮಾರಸ್ವಾಮಿ

ಮುನಿರತ್ನ ನನ್ನ ಗಾಡ್‌ಫಾದರ್‌ ಅಲ್ಲ, ಚಿತ್ರದ ನಿರ್ಮಾಪಕರಷ್ಟೇ: ನಿಖಿಲ್ ಕುಮಾರಸ್ವಾಮಿ

ಹತ್ರಾಸ್ ರೇಪ್ ಕೇಸ್ ಬೇರೆಡೆಗೆ ವರ್ಗಾವಣೆ ಇಲ್ಲ, ಹೈಕೋರ್ಟ್ ವಿಚಾರಣೆ ನಡೆಸಲಿದೆ: ಸುಪ್ರೀಂ

ಹತ್ರಾಸ್ ರೇಪ್ ಕೇಸ್ ಬೇರೆಡೆಗೆ ವರ್ಗಾವಣೆ ಇಲ್ಲ, ಹೈಕೋರ್ಟ್ ವಿಚಾರಣೆ ನಡೆಸಲಿದೆ: ಸುಪ್ರೀಂ

ಭಕ್ತಕೋಡಿ ಸ್ವಿಫ್ಟ್- ಓಮ್ನಿ ಅಪಘಾತ: ಗಾಯಗೊಂಡಿದ್ದ ಓಮ್ನಿ ಚಾಲಕ ಸಾವು

ಭಕ್ತಕೋಡಿ ಸ್ವಿಫ್ಟ್- ಓಮ್ನಿ ಅಪಘಾತ: ಗಾಯಗೊಂಡಿದ್ದ ಓಮ್ನಿ ಚಾಲಕ ಸಾವು





ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

avalu-tdy-2

ತೆಳ್ಳಗಾಗೋಕೆ ಸುಲಭದ ದಾರಿ ಯಾವುದು?

avalu-tdy-1

ಸೋಲಿಲ್ಲದೆ ಬಾಳುಂಟೇ?

avalu-tdy-4

ಚರ್ಚೆ ಓಕೆ, ಜಗಳ ಯಾಕೆ?

avalu-tdy-3

ನವರಾತ್ರಿಯ ಸಂಭ್ರಮಕ್ಕೂ ಕಂಟಕ ಆಯ್ತು ಕೋವಿಡ್

AVALU-TDY-2

ಅಡುಗೆ ಮನೆ ಮಾತ್ರ ಯಾವಾಗಲೂ ಓಪನ್‌…!

MUST WATCH

udayavani youtube

ರಸ್ತೆಯಲ್ಲಿ ಉಂಟಾದ ಕೃತಕ ನೆರೆಯಲ್ಲೇ ಈಜಾಡಿದ ಯುವಕ

udayavani youtube

ಕೊರೋನಾ: ಶೋಚನೀಯವಾದ ತಿರುಗುವ ತೊಟ್ಟಿಲು ತಿರುಗಿಸುವ ಕೈಗಳ ಕಥೆ!

udayavani youtube

Story behind Vijayadashami celebration | ವಿಜಯದಶಮಿ ಆಚರಣೆಯ ಹಿಂದಿನ ಕಥೆ | Udayavani

udayavani youtube

450 ಕ್ಕೂ ಅಧಿಕ ಬೀದಿ ಬದಿ ಶ್ವಾನಗಳಿಗೆ ನಿತ್ಯ ಆಹಾರ ನೀಡುತ್ತಾರೆ ರಜನಿ ಶೆಟ್ಟಿ!

udayavani youtube

The Sharada statue embodied in the artist’s finesse | Navaratri Special



ಹೊಸ ಸೇರ್ಪಡೆ

ಖಂಡ್ರೆ ಪಂಥಾಹ್ವಾನ ಒಪ್ಪಿದ ಖೂಬಾ

ಖಂಡ್ರೆ ಪಂಥಾಹ್ವಾನ ಒಪ್ಪಿದ ಖೂಬಾ

ಚೀನಾದ ಬೆದರಿಕೆಗೆ ಜಗ್ಗಲ್ಲ: ಭಾರತಕ್ಕೆ ಎಲ್ಲಾ ರೀತಿಯ ನೆರವು; ಅಮೆರಿಕ ಘೋಷಣೆ

ಚೀನಾದ ಬೆದರಿಕೆಗೆ ಜಗ್ಗಲ್ಲ: ಭಾರತಕ್ಕೆ ಎಲ್ಲಾ ರೀತಿಯ ನೆರವು; ಅಮೆರಿಕ ಘೋಷಣೆ

dr.singh_

ರಾಜಸ್ಥಾನದ ಜಲಯೋಧ ವಾಟರ್‌ ಮ್ಯಾನ್‌ ರಾಜೇಂದ್ರ ಸಿಂಗ್‌

ದಸರಾ ಸರಳ ಆಚರಣೆ-ಎಲ್ಲೆಡೆ ಪೂಜೆ

ದಸರಾ ಸರಳ ಆಚರಣೆ-ಎಲ್ಲೆಡೆ ಪೂಜೆ

ಶಾಲಾ ಕಟ್ಟಡ ಕಳಪೆಯಾದರೆ ಕಠಿಣ ಕ್ರಮ: ಹೆಬ್ಟಾಳಕರ್

ಶಾಲಾ ಕಟ್ಟಡ ಕಳಪೆಯಾದರೆ ಕಠಿಣ ಕ್ರಮ: ಹೆಬ್ಟಾಳಕರ್

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.