ಶೀತಕ್ಕೆ ಆರಾಮ ಬಾಣ

Team Udayavani, Jul 17, 2019, 5:00 AM IST

ಮಳೆಗಾಲದಲ್ಲಿ ಮಕ್ಕಳನ್ನು ಕಾಡುವ ತೊಂದರೆಗಳು ಒಂದೆರಡಲ್ಲ. ಮುದ್ದು ಮಕ್ಕಳನ್ನು ಸುಸ್ತು ಮಾಡುವ ಶೀತ, ಕಫ‌, ಕೆಮ್ಮಿನಂಥ ಸಮಸ್ಯೆಯಿಂದ ಬಚಾವಾಗಲು ಸರಳ ಪರಿಹಾರಗಳು ಇಲ್ಲಿವೆ…

ಕಂದಮ್ಮನಿದ್ದರೆ ಆ ಸಂಭ್ರಮ ಹೇಳತೀರದು. ಅದರ ನಗು, ಅಳು, ತುಂಟಾಟ, ತೊದಲು ಮಾತು ಕೇಳುತ್ತಿದ್ದರೆ. ಸಮಯ ಹೋಗುವುದೇ ತಿಳಿಯದು. ಹಾಂ, ಹಾಗಂತ ಮೈಮರೆತಿರೋ ಕಷ್ಟ ಕಷ್ಟ. ಯಾಕಂದ್ರೆ, ಇದು ಮಳೆಗಾಲ. ಅಮ್ಮನ ಗರ್ಭದೊಳಗೆ ನವಮಾಸ ಬೆಚ್ಚಗೆ ಮಲಗಿದ್ದ ಮುದ್ದು ಕಂದನಿಗೆ ಶೀತದ ವಾತಾವರಣಕ್ಕೆ ಹೊಂದಿಕೊಳ್ಳಲು ಕಷ್ಟವಾದೀತು. ಹಾಗಾಗಿ, ಅಗತ್ಯಕ್ಕಿಂತ ಹೆಚ್ಚೇ ಜಾಗ್ರತೆ ವಹಿಸಬೇಕು. ಶೀತದ ಸಮಸ್ಯೆಗೆ ಮನೆಯಲ್ಲೇ ಮಾಡಬಹುದಾದ ಕೆಲವು ಸುಲಭ ಪರಿಹಾರಗಳು ಇಲ್ಲಿವೆ.

– ಮಗುವಿಗೆ ಶೀತ ಪ್ರಾರಂಭದ ಹಂತದಲ್ಲಿದ್ದರೆ ತುಳಸಿ ಹಾಗೂ ಸಾಂಬ್ರಾಣಿ ರಸವನ್ನು ಜೇನಿನಲ್ಲಿ ಬೆರೆಸಿ ಕೊಡಿ.

– ಶೀತದೊಂದಿಗೆ ತಲೆನೋವು, ತಲೆಭಾರ ಕಾಣಿಸಿಕೊಂಡಿದ್ದರೆ (ಚಿಕ್ಕ ಮಕ್ಕಳಿಗೆ ವಿಕ್ಸ್‌, ಝಂಡುಬಾಮ್‌ ಹಚ್ಚಬಾರದು) ಕಟುಕರೋಣಿ (ಆಯುರ್ವೇದ ಅಂಗಡಿಗಳಲ್ಲಿ ದೊರೆಯುತ್ತದೆ)ಯನ್ನು ನೀರಲ್ಲಿ ಅರೆದು, ಸ್ವಲ್ಪ ಬಿಸಿ ಮಾಡಿ, ಹಣೆ, ತಲೆ ಹಾಗೂ ನೆತ್ತಿಗೆ ಲೇಪಿಸುವುದರಿಂದ ತಲೆನೋವು, ನೆಗಡಿ ಕಡಿಮೆಯಾಗುತ್ತದೆ.

-ಮೂಗಿನಲ್ಲಿ ಶೀತ ಹರಿಯುತ್ತಿದ್ದರೆ ಹಸುವಿನ ತುಪ್ಪವನ್ನು ಮೂಗಿನ ಹೊಳ್ಳೆಗೆ ಹಚ್ಚಿ ಅಥವಾ ಬೇಬಿ ಪೌಡರ್‌/ಕುಂಕುಮವನ್ನು ಬಿಸಿ ಮಾಡಿ ನೆತ್ತಿಗೆ ಹಾಕಿ.

– ಮೂಗು ಕಟ್ಟಿ, ಮಗು ನಿದ್ದೆ ಮಾಡಲು ತೊಂದರೆ ಪಡುತ್ತಿದೆ ಎಂದಾದರೆ ಮೂಗಿನ ಬಳಿ ಕರ್ಪೂರವನ್ನು ಹಿಡಿದು, ಮೂಸಲು ಬಿಡಿ. ಇದರಿಂದ ಕಟ್ಟಿದ ಮೂಗು ತೆರೆಯುವುದು.

– ಮಗುವಿನ ಎದೆಯಲ್ಲಿ ಗುರುಗುರು ಶಬ್ದ ಬರುತ್ತಿದೆ ಅಂತಾದರೆ ಕಫ‌ ಕಟ್ಟಿದೆ ಎಂದರ್ಥ. ಅಂಥ ಸಂದರ್ಭದಲ್ಲಿ ಒಂದು ಚಿಕ್ಕ ತುಂಡು ಕರ್ಪೂರ ತೆಗೆದುಕೊಂಡು, ಅದಕ್ಕೆ ಒಂದು ಹನಿ ತೆಂಗಿನೆಣ್ಣೆ ಹಾಕಿ ಎರಡೂ ಕೈಯಲ್ಲಿ ಚೆನ್ನಾಗಿ ತಿಕ್ಕಿ ಎದೆ ಹಾಗೂ ಬೆನ್ನಿಗೆ ಹಚ್ಚಿ. ಹೀಗೆ ಮಾಡಿದರೆ ಕಫ‌ ಕರಗುವುದಲ್ಲದೆ, ಮೂಗು ಕಟ್ಟಿದ ಸಮಸ್ಯೆಯೂ ಪರಿಹಾರವಾಗುತ್ತದೆ.

-ಲಿಂಬೆ ಹಾಗೂ ಜೇನು ಸೇರಿಸಿದ ಶರಬತ್ತನ್ನು ಮಗುವಿಗೆ ಆಗಾಗ ಸ್ವಲ್ಪ ಸ್ವಲ್ಪ ಕುಡಿಸುವುದರಿಂದ ಕಫ‌ ಕರಗುತ್ತದೆ.

– ಮಗುವಿನ ಗಂಟಲು ಕಟ್ಟಿದೆ ಅಂತಾದರೆ ಜೇನು, ಹಸಿ ಶುಂಠಿ ರಸವನ್ನು ದಿನಕ್ಕೆ ಮೂರ್ನಾಲ್ಕು ಬಾರಿ ಅರ್ಧ ಚಮಚೆಯಂತೆ ಕೊಡಿ. ಒಣ ಕೆಮ್ಮು ನಿಲ್ಲಲು ಜೇನು, ಒಣ ಶುಂಠಿಯ ರಸ ಸಹಾಯಕ.

ವೈದ್ಯರ ಸಲಹೆ ಮೇರೆಗೆ ಅಥವಾ ಹಿರಿಯರ ಸಲಹೆ ಪಡೆದು, ಈ ಮನೆಮದ್ದುಗಳನ್ನು ಮಗುವಿಗೆ ನೀಡಿದರೆ ಉತ್ತಮ.

-ವಂದನಾ ರವಿ ಕೆ.ವೈ.

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ಇನ್ನೂ ನಿಮ್ಮಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃ ಶಿದ್ದ , ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ 5 ದಿನಗಳಲ್ಲಿ ನೇರವೆರಿಸಿ ಕೋಡುತ್ತಾರೇ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗೂರುಜೀ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಅಬ್ಟಾ, ಆಫೀಸಲ್ಲಿ ತುಂಬಾ ಕೆಲಸ ಇತ್ತು ಅಂತ ಮನೆಗೆ ಬಂದು ಮೈ ಚಾಚುವ ಅನುಕೂಲ ಬಹುತೇಕ ಉದ್ಯೋಗಸ್ಥೆಯರಿಗೆ ಇಲ್ಲ. ಆಫೀಸಿಂದ ಅವರು ಸೀದಾ ಬರುವುದೇ ಅಡುಗೆಮನೆಗೆ. ಅಲ್ಲಿ...

  • ಮೆಜಸ್ಟಿಕ್‌ ಬಸ್‌ ಸ್ಟಾಂಡ್‌ನ‌ ಪ್ಲಾಟ್‌ಫಾರ್ಮ್ ಬಳಿಯ ತೂತಿನಿಂದ ಇಲಿಯೊಂದು ಹೊರಬಂದು, ಹತ್ತಿರದಲ್ಲಿ ಬಿದ್ದಿದ್ದ ಬಿಸ್ಕತ್ತನ್ನು ತಿಂದು ಓಡಿತು! ಅಬ್ಟಾ, ಎಷ್ಟು...

  • ಶಾಲೆ ಎಂದಕೂಡಲೇ ಮೊದಲು ನೆನಪಾಗೋದು, ಮಕ್ಕಳು. ಜುಟ್ಟು ಕಟ್ಟಿದ ಹುಡುಗಿಯರು, ಯೂನಿಫಾರ್ಮ್ ಚಡ್ಡಿ ತೊಟ್ಟ ಸಣ್ಣ ಹುಡುಗರು. ಆದರೆ, ಅಜ್ಜಿಯರೇ ವಿದ್ಯಾರ್ಥಿಗಳಾಗಿರುವ...

  • ಗಣಿತ ಶಿಕ್ಷಕಿ ಮೇಧಾ, ರಾಗಬದ್ಧವಾಗಿ ಗಣಪತಿಯ ಭಜನೆಯಲ್ಲಿ ತನ್ಮಯರಾಗಿದ್ದರೆ, ಅವರ ಮುಂದೆ ಬಿಳಿಯ ಕ್ಯಾನ್ವಾಸ್‌ ಮೇಲೆ ಕಪ್ಪು ಶಾಯಿಯ ಜೆಲ್‌ ಪೆನ್‌ ಹಿಡಿದು ಸರಸರನೆ...

  • ಮದುವೆಗಳು ಸ್ವರ್ಗದಲ್ಲಿ ನಡೆಯುತ್ತವಂತೆ. ಆದರೆ, ಹನಿಮೂನ್‌/ ಮಧುಚಂದ್ರ ಮಾತ್ರ ಇಂಥದ್ದೇ ಸ್ಥಳ, ದೇಶದಲ್ಲಿ ನಡೆಯಬೇಕು ಅಂತ ಇಂದಿನ ಜೋಡಿಗಳು ಬಯಸುತ್ತವೆ. ಮಧುಚಂದ್ರದ...

ಹೊಸ ಸೇರ್ಪಡೆ