ಮೆಂತ್ಯೆ ಬಾಯಿಗೆ ಕಹಿ Bodyಗೆ ಸಿಹಿ
Team Udayavani, Jul 10, 2019, 5:00 AM IST
ಮೆಂತ್ಯೆ, ಬಾಯಿಗೆ ಕಹಿ ಎನಿಸಿದರೂ, ದೇಹದ ಆರೋಗ್ಯಕ್ಕೆ ಸಿಹಿಯಾಗುವ ಕಾಳು. ಕಾಳಷ್ಟೇ ಅಲ್ಲ, ಮೆಂತ್ಯೆ ಸೊಪ್ಪಿನಲ್ಲಿಯೂ ಕ್ಯಾಲ್ಸಿಯಂ, ಪಾಸ್ಪರಸ್, ಐರನ್ ಮತ್ತು ವಿಟಮಿನ್ ಸಿ ಸಮೃದ್ಧವಾಗಿದೆ. ಅಡುಗೆಮನೆಯಲ್ಲಿ ಸದಾಕಾಲ ಇರುವ ಮೆಂತ್ಯೆಯ ಉಪಯೋಗ ಅರಿತವನೇ ಜಾಣ.
-ಮೆಂತ್ಯೆ ಸೊಪ್ಪನ್ನು ಅರೆದು, ತಲೆಕೂದಲಿಗೆ ಹಚ್ಚಿದರೆ ಕೂದಲು ಉದುರುವುದು ಕಡಿಮೆಯಾಗುತ್ತದೆ. ಜೊತೆಗೆ ಕೂದಲು ನಯವಾಗಿ, ಕಪ್ಪಾಗಿ ಬೆಳೆಯುತ್ತದೆ.
-ಮೆಂತ್ಯೆ ಕಾಳನ್ನು ಹುರಿದು ಪುಡಿ ಮಾಡಿ, ಗೋಧಿ ಹಿಟ್ಟಿನಲ್ಲಿ ಸೇರಿಸಿ ಹಲ್ವಾ ತಯಾರಿಸಿ ಅದನ್ನು ಬಾಣಂತಿಯರಿಗೆ ಕೊಟ್ಟರೆ, ಎದೆ ಹಾಲು ವರ್ಧಿಸುತ್ತದೆ.
-ಮೆಂತ್ಯೆ ಸೊಪ್ಪು ಸೇವನೆಯಿಂದ ರಕ್ತವರ್ಧನೆಯಾಗುತ್ತದೆ.
-ನಾಲಗೆ ರುಚಿ ಕಳೆದುಕೊಂಡಾಗ, ಅಜೀರ್ಣವಾಗಿದ್ದಾಗ ಮೆಂತ್ಯೆಯ ತಂಬುಳಿ ಸೇವಿಸಬಹುದು.
-ಮೆಂತ್ಯೆಕಾಳನ್ನು ರಾತ್ರಿ ನೆನೆಸಿ, ಬೆಳಗ್ಗೆ ಅದರ ಪೇÓr… ತಯಾರಿಸಿ ತಲೆಕೂದಲಿಗೆ ಹಚ್ಚಿ, ಅರ್ಧ ಗಂಟೆಯ ನಂತರ ಸೀಗೇಕಾಯಿ ಹಾಕಿ ಸ್ನಾನ ಮಾಡಿದರೆ ತಲೆಹೊಟ್ಟು ನಿವಾರಣೆಯಾಗುತ್ತದೆ.
-ಮೆಂತ್ಯೆ ಕಾಳಿನ ಕಷಾಯ ಸೇವನೆಯಿಂದ ಹೊಟ್ಟೆಯುರಿ, ಜಠರದ ಹುಣ್ಣು, ಜಠರದ ಬಾವು ಗುಣವಾಗುತ್ತವೆ.
-ಹೊಟ್ಟೆ, ಮಲದ್ವಾರ, ಮೂತ್ರಕೋಶ, ಉಸಿರಾಟದ ಮಾರ್ಗವನ್ನು ಮೆಂತ್ಯೆ ಕಷಾಯ ಸ್ವತ್ಛಗೊಳಿಸುತ್ತದೆ.
-ಬಿಸಿನೀರಿನಲ್ಲಿ ಮೆಂತ್ಯೆ ಕಾಳನ್ನು ಕುದಿಸಿ, ತಣ್ಣಗಾದ ಮೇಲೆ ಆ ನೀರಿನಲ್ಲಿ ಗಾರ್ಗಲ್ ಮಾಡುವುದರಿಂದ ಗಂಟಲುನೋವು, ಉಸಿರಿನ ದುರ್ನಾತ ದೂರವಾಗುತ್ತದೆ.
-ಪ್ರತಿದಿನ ನೂರು ಗ್ರಾಂ ಮೆಂತ್ಯೆಬೀಜವನ್ನು ನೀರಿನಲ್ಲಿ ನೆನೆಸಿ, ಸೇವಿಸುತ್ತಿದ್ದರೆ ಮಧುಮೇಹ ಹತೋಟಿಗೆ ಬರುತ್ತದೆ.
-ವೇದಾವತಿ ಎಚ್. ಎಸ್.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
MUST WATCH
ಹೊಸ ಸೇರ್ಪಡೆ
IPL ;ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧ ರಾಜಸ್ಥಾನ್ ರಾಯಲ್ಸ್ ಗೆ 12 ರನ್ಗಳ ಜಯ
Belthangady: ಸ್ಕೂಟರ್ ಢಿಕ್ಕಿಯಾಗಿ ರಸ್ತೆ ದಾಟುತ್ತಿದ್ದ ವ್ಯಕ್ತಿ ಸಾವು
Politics: ಚಿತ್ರದುರ್ಗ ರಾಜಕೀಯ ನಿರಾಶ್ರಿತರ ಕೇಂದ್ರವೇ?: ರಘುಚಂದನ್
PSI re-examination: ಪಿಎಸ್ಐ ಮರು ಪರೀಕ್ಷೆ, ಅಂತಿಮ ಅಂಕಪಟ್ಟಿ ಬಿಡುಗಡೆ
Mandya: ಬಿಜೆಪಿ ಮುಖಂಡರಿಗೆ ವೇದಿಕೆ ಬಿಟ್ಟು ಕೆಳಗೆ ಕುಳಿತ ಮಂಡ್ಯ ದಳಪತಿಗಳು!