ಎಳೆ ಶ್ಯಾವಿಗೆ ಬದಲು ಅಕ್ಕಿ ಮುದ್ದೆ !

Team Udayavani, Dec 11, 2019, 4:05 AM IST

ಸಾಸಿವೆ, ಉದ್ದಿನಬೇಳೆ ಒಗ್ಗರಣೆಯಲ್ಲಿ, ಈರುಳ್ಳಿ, ಮೆಣಸಿನಕಾಯಿ, ಕರಿಬೇವು ಹಾಕಿ, ಚೆನ್ನಾಗಿ ಬಾಡಿಸಿದೆ. ನಂತರ, ಅಳತೆಗೆ ತಕ್ಕಷ್ಟು ನೀರು, ಉಪ್ಪು ಹಾಕಿ, ಅದು ಕುದಿ ಬರುತ್ತಲೇ ಶ್ಯಾವಿಗೆಯನ್ನು ನೀರಿಗೆ ಹಾಕಿದೆ. ಅರೆ, ಇದೇನಾಯಿತು? ನೋಡನೋಡುತ್ತಿದ್ದಂತೆ ಶ್ಯಾವಿಗೆ ಕರಗಿ ಹಿಟ್ಟಾಗಬೇಕೆ ?

ಶ್ಯಾವಿಗೆ ಉಪ್ಪಿಟ್ಟು,ಅದರಲ್ಲೂ ಗೋಧಿ ಶ್ಯಾವಿಗೆ ಉಪ್ಪಿಟ್ಟು ತಯಾರಿಸುವುದು ನನಗೆ ಸುಲಭದ ಕೆಲಸ ಮತ್ತು ನಾಲಗೆಗೆ ಅದೇ ಹಿತ. ಅಂಗಡಿಯಿಂದ ಹುರಿದ ಶ್ಯಾವಿಗೆ ತರುವುದರಿಂದ, ದಿಢೀರನೆ ಅತಿಥಿಗಳು ಬಂದರೂ ರವೆ ಉಪ್ಪಿಟ್ಟಿಗಿಂತ, ಗೋಧಿ ಶ್ಯಾವಿಗೆ ಉಪ್ಪಿಟ್ಟನ್ನೇ ಮಾಡುತ್ತೇನೆ.

ಒಮ್ಮೆ ನಮ್ಮ ನೆರೆಮನೆಯವರು (ಆಕೆಯೂ ಪಾಕಪ್ರಿಯೆ )ಖಾರದ ಅಕ್ಕಿ ಶ್ಯಾವಿಗೆ ನೀಡಿದರು. “ಒಂದಕ್ಕೆ ಒಂದು ಫ್ರೀ ಆಫ‌ರ್‌ನಲ್ಲಿ ಎರಡು ಪ್ಯಾಕೆಟ್‌ ಬಂದಿತ್ತು. ನೀವೂ ಮಾಡಿ ನೋಡಿ. ಮಾಮೂಲಿ ಉಪ್ಪಿಟ್ಟು ಮಾಡ್ತೀರಲ್ಲ, ಹಾಗೇ ಮಾಡುವುದು’ ಎಂದು ಸೂಚನೆಯನ್ನೂ ಕೊಟ್ಟರು.

ಎರಡು ದಿನ ಕಳೆದ ನಂತರ ಹೊಸ ರುಚಿ ತಯಾರಿಸಲು ಸಿದ್ಧಳಾದೆ. ಸಾಸಿವೆ, ಉದ್ದಿನಬೇಳೆ ಒಗ್ಗರಣೆಯಲ್ಲಿ, ಈರುಳ್ಳಿ, ಮೆಣಸಿನಕಾಯಿ, ಕರಿಬೇವು ಹಾಕಿ, ಚೆನ್ನಾಗಿ ಬಾಡಿಸಿ ಅಳತೆಗೆ ತಕ್ಕಷ್ಟು ನೀರು, ಉಪ್ಪು ಹಾಕಿ, ಅದು ಕುದಿ ಬರುತ್ತಲೇ ಶ್ಯಾವಿಗೆಯನ್ನು ನೀರಿಗೆ ಹಾಕಿದೆ. ಅರೆ, ಇದೇನಾಯಿತು? ನೋಡನೋಡುತ್ತಿದ್ದಂತೆ ಶ್ಯಾವಿಗೆ ಕರಗಿ ಹಿಟ್ಟಾಗಿಬಿಟ್ಟಿತು! ಓಹ್‌ ದೇವರೇ, ನಾನು ನಿರೀಕ್ಷಿಸಿದ, ಅಪೇಕ್ಷಿಸಿದ ಎಳೆಎಳೆ ಶ್ಯಾವಿಗೆಯ ಬದಲು ಅಕ್ಕಿ ಮುದ್ದೆಯಂತಾಗಿತ್ತು ಅದು!

“ನಾ ನಿನ್ನ ಬಿಡಲಾರೆ’ ಎಂದು ಗಟ್ಟಿಯಾಗಿ ಅಂಟಿ ಕುಳಿತಿದ್ದ ಹಿಟ್ಟನ್ನು ಬಾಣಲಿಯಿಂದ ಬೇರ್ಪಡಿಸಿ ತೊಳೆಯುವ ಹೊತ್ತಿಗೆ ಬೆವತು ಬೆಂಡಾಗಿದ್ದೆ. ಅದ್ಯಾಕೆ ಹಾಗಾಯಿತೋ ಗೊತ್ತಿಲ್ಲ. ಆದರೆ, ಪ್ರಥಮ ಚುಂಬನಕ್ಕೇ ದಂತ ಭಗ್ನ ಎನ್ನುವಂತೆ ಮುಂದೆಂದೂ ಅಕ್ಕಿ ಶ್ಯಾವಿಗೆ ಮಾಡುವ ಸಾಹಸಕ್ಕೇ ಇಳಿಯಲಿಲ್ಲ ನಾನು.

ನಿಮ್ಮ ಬರಹಗಳನ್ನು ಕಳಿಸಲು: [email protected] gmail.com

-ಕೆ.ವಿ.ರಾಜಲಕ್ಷ್ಮಿ

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಈ ವಿಭಾಗದಿಂದ ಇನ್ನಷ್ಟು

  • ಹಿಂದೂಗಳ ಪಾಲಿನ ಪ್ರಮುಖ ಹಬ್ಬಗಳಲ್ಲಿ ಯುಗಾದಿಯೂ ಒಂದು. ಪ್ರತಿ ಬಾರಿಯೂ ಹಸಿರನ್ನು, ಆ ನೆಪದಲ್ಲಿ, ಸಂಭ್ರಮ, ಸಂತೋಷ, ಸಡಗರವನ್ನು ಹೊತ್ತು ತರುವುದು ಯುಗಾದಿಯ ವಿಶೇಷ....

  • ಚಂದದ ದಿರಿಸಿಗೆ ಅಂದದ ಒಡವೆ ಧರಿಸಿದರೇ ಚೆನ್ನ. ಒಡವೆ ಅಂದರೆ ಬಂಗಾರದ್ದೇ ಆಗಬೇಕಿಲ್ಲ. ಚಿನ್ನವನ್ನೇ ನಾಚಿಸುವಷ್ಟು ಚೆನ್ನಾಗಿರುವ ಕೃತಕ ಆಭರಣಗಳು ಈಗ ಎಲ್ಲರ ಮೆಚ್ಚುಗೆ...

  • ಹಬ್ಬದ ಸಂಭ್ರಮವನ್ನು ಕೊರೊನಾ ನುಂಗಿಬಿಟ್ಟಿದೆ. ಮನೆಯಿಂದ ಹೊರಗೆ ಹೋಗುವಂತಿಲ್ಲ. ಯುಗಾದಿ ಶಾಪಿಂಗ್‌ ಮಾಡೇ ಇಲ್ಲ ಅಂತಿದ್ದೀರಾ? ಚಿಂತೆ ಬೇಡ. ವಾರ್ಡ್‌ರೋಬ್‌ನಲ್ಲಿರುವ...

  • ಬಾಡಿಗೆ ತಾಯ್ತನ ನಮ್ಮ ದೇಶಕ್ಕೆ ಹೊಸದೇನಲ್ಲ. ಆರೋಗ್ಯ ಸಂಬಂಧಿ ಸಮಸ್ಯೆ ಹೊಂದಿರುವವರು ಹಾಗೂ ನವಮಾಸ ಗರ್ಭ ಹೊತ್ತು ಪ್ರಸವೋತ್ತರ ವಿಶ್ರಾಂತಿಗೆ ಸಮಯದ ಕೊರತೆ...

  • ಬದುಕಿನಲ್ಲಿ ಸಿಹಿ-ಕಹಿಗಳು ಸಮಾನವಾಗಿ ಬರಲಿ, ಎರಡನ್ನೂ ಸಮಚಿತ್ತದಿಂದ ಸ್ವೀಕರಿಸುವ ಮನೋಭಾವ ಬೆಳೆಯಲಿ ಎಂಬುದರ ಸಂಕೇತವಾಗಿ ಯುಗಾದಿ ದಿನ, ಬೇವು-ಬೆಲ್ಲ ತಿನ್ನುತ್ತೇವೆ....

ಹೊಸ ಸೇರ್ಪಡೆ