ಸಿಹಿ ಮೇವು

Team Udayavani, Oct 2, 2019, 3:02 AM IST

ಮುಳುಗುವವನಿಗೆ ಹುಲ್ಲು ಕಡ್ಡಿಯ ಆಸರೆ ಸಿಕ್ಕಿದರೂ ಸಾಕು, ಹೇಗೋ ಬದುಕಿಬಿಡಬಹುದು. ಆ ಮಾತಿನಂತೆಯೇ, ಹುಲ್ಲು ಕಡ್ಡಿಯಿಂದಲೇ ಸ್ವಾವಲಂಬಿ ಬದುಕು ಕಟ್ಟಿಕೊಂಡ ಮಹಿಳೆ ರುಕ್ಮಾಬಾಯಿ ರಾಠೊಡ. ಮೇವು ವ್ಯಾಪಾರದಿಂದ ಹಣ ಸಂಪಾದಿಸಿ, ಕುಟುಂಬ ನಿರ್ವಹಣೆ ಮಾಡುತ್ತಿರುವ ರುಕ್ಮಾಬಾಯಿ, ಬುಡಕಟ್ಟು ಜನಾಂಗದವರು.

ಈಕೆ ವಿಜಯಪುರದ ಜಿಲ್ಲಾಧಿಕಾರಿ ಕಚೇರಿಯ ಸಮೀಪ ಮೇವು ಮಾರುತ್ತಾರೆ. ಹಜಾಪುರ ತಾಂಡಾದವರಾದ ರುಕ್ಮಾಬಾಯಿ, ಬೆಳಗ್ಗೆ 10ರಿಂದ ಸಂಜೆ 7ರವರೆಗೆ ವ್ಯಾಪಾರದಲ್ಲಿ ತೊಡಗಿರುತ್ತಾರೆ. ದ್ರಾಕ್ಷಿ ಬಳ್ಳಿ, ತೊಗರಿ ತೊಪ್ಪಲು, ಹುಲ್ಲು, ಜೋಳದ ಮೇವು, ಬನ್ನಿ ಮರದ ತೊಪ್ಪಲು, ಅಡ ತೊಪ್ಪಲು …ಹೀಗೆ ಜಾನುವಾರುಗಳಿಗೆ ಅಗತ್ಯವಾದ ಹಸಿ ಮೇವು ಮಾರುವುದು ಅವರ ಕಾಯಕ.

ಹಸಿ ಮೇವಿನ ಬೆಲೆ ಕೆ.ಜಿ.ಗೆ 10- 40 ರೂ.ವರೆಗೆ ಇದೆ. ನಗರದ ಸುತ್ತಮುತ್ತಲಿನ ಖಾಲೇಬಾಗ ತಾಂಡಾ, ಖಂಡಸಾರಿ ತಾಂಡಾಗಳಿಂದ ಏಳೆಂಟು ಜನ ಮೇವು ವ್ಯಾಪಾರಸ್ಥರು ಬರುವುದರಿಂದ ಸ್ಪರ್ಧೆಯೂ ಇರುತ್ತದೆ. ತೊಪ್ಪಲುಗಳನ್ನು ಬಾಡಿಗೆ ವಾಹನದಲ್ಲಿ ತಂದು, ವ್ಯಾಪಾರವಾಗದೆ ಖಾಲಿ ಕೈಯಲ್ಲಿ ಮನೆಗೆ ಹೋಗಿದ್ದೂ ಇದೆ ಅಂತಾರೆ ರುಕ್ಮಾಬಾಯಿ.

ತೊಪ್ಪಲು ಸಿಗದಿದ್ದಾಗ ಹೊಲದ ಮಾಲೀಕರ ಹತ್ತಿರ 150 ರೂ.ವರೆಗೆ ಚೌಕಾಸಿ ಮಾಡಿ, ದ್ರಾಕ್ಷಿ ತೊಪ್ಪಲನ್ನು ಖರೀದಿಸುವುದೂ ಉಂಟು. ಬೆಳಗ್ಗೆಯಿಂದ ಸಂಜೆಯವರೆಗೆ ವ್ಯಾಪಾರ ಮಾಡಿದರೂ ದಿನದ ದುಡಿಮೆ 200 ರೂ. ದಾಟುವುದಿಲ್ಲ. ಆದರೂ, ದುಡಿಮೆ ನಿಲ್ಲಿಸುವಂತಿಲ್ಲ.

“ಮಳೆಗಾಲದಾಗ ನಮಗ ಕುಂತು ಮಾರಾಕ ಚಲೋ ಜಾಗ ಇಲ್ರೀ. ನಮ್ಮ ಕಷ್ಟ ಮಕ್ಕಳಿಗೆ ಬ್ಯಾಡ ಅಂತ, ಅವ್ರನ್ನ ಸಾಲಿಗೆ ಕಳಿಸ್ತೀವ್ರೀ. ಬರಗಾಲದಾಗ ಹುಲ್ಲು ಸಿಗದೇ ಮರ ಹತ್ತಿ, ತೊಪ್ಪಲು ತಂದು ಮಾರಬೇಕ್ರೀ’…
-ರುಕ್ಮಾಬಾಯಿ

* ಬಸಮ್ಮ ಭಜಂತ್ರಿ

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಘನ ಪದಾರ್ಥಗಳೆಲ್ಲ ಗಂಟಲಲ್ಲಿ ಸಿಕ್ಕಿ, ವಾಂತಿಯಾಗುತ್ತಿತ್ತು. ಅವನಿನ್ನೂ ಸರಿಯಾಗಿ ನುಂಗಲು ಕಲಿತಿಲ್ಲ. ಬಾಟಲ್‌ನಲ್ಲಿ ನೀರು, ಹಾಲು ಕುಡಿಸುವ ಯತ್ನದಲ್ಲಿ ನೀರೊಂದೇ...

  • "ಅಭ್ಯಂಗಂ ಆಚರೇತ್‌ ನಿತ್ಯಂ ಸ ಜರಾಶ್ರಮ ವಾತಹಾ.. 'ಎಂಬ ಶ್ಲೋಕವು ಪ್ರಾರಂಭಗೊಳ್ಳುತ್ತದೆ. ಅಭ್ಯಂಗವನ್ನು ನಿತ್ಯವೂ ಆಚರಿಸಬೇಕು. ಏಕೆಂದರೆ, ಅದು ಮುಪ್ಪನ್ನು ಮುಂದೂಡುತ್ತದೆ!...

  • ಮೊನ್ನೆ ಪರಿಚಯಸ್ಥರಲ್ಲಿಗೆ ಹೋಗಿ ಹೊರಡಲು ಅನುವಾದಾಗ, ಆ ಮನೆಯ ಬೆಳೆದ ಮಕ್ಕಳು ನಮಸ್ಕರಿಸಿದರು. ಅವರ ಸಂಸ್ಕಾರಕ್ಕೆ ಮೆಚ್ಚಿದೆ. ಆದರೆ ನಡು ಹರೆಯದ ಅವರ ಅಪ್ಪ-ಅಮ್ಮನೂ...

  • ಮಕ್ಕಳು ಶಾಲೆಗೆ ಹೋಗಲ್ಲ ಅಂತ ಹಠ ಮಾಡುತ್ತವಲ್ಲ, ಹಾಗೇ ದೊಡ್ಡವರ ಮನಸ್ಸೂ ಆಫೀಸಿಗೆ ಹೊರಟು ನಿಂತಾಗ ಹಠ ಮಾಡುತ್ತೆ. ಅದೂ, ಒಂದೆರಡು ತಿಂಗಳು ಕೆಲಸದಿಂದ ಬ್ರೇಕ್‌...

  • ಬಾಗಿಲು ತೆರೆಯುತ್ತಿದ್ದಂತೆಯೇ ಯಜಮಾನರ ಮೂಗಿಗೆ ವಾಸನೆ ಬಡಿಯಿತು. ಅಸಹನೆ ಯಿಂದ- "ಒಲೆ ಮೇಲೆ ಏನಿಟ್ಟಿದ್ದೀಯೆ?' ಅಂದರು. "ಅಯ್ಯೋ, ಪಲ್ಯ ಮಾಡೋಣ ಅಂತ...' ಅನ್ನುತ್ತಲೇ...

ಹೊಸ ಸೇರ್ಪಡೆ