ಹ್ಯಾಪಿ ಬರ್ತ್‌ಡೇ ದಿಶಾ 

Team Udayavani, Jun 22, 2018, 6:00 AM IST

ನಟಿಯೊಬ್ಬಳ ಹುಟ್ಟುಹಬ್ಬಕ್ಕೆ ರಾಷ್ಟ್ರೀಯ ರಜೆ ಘೋಷಿಸಬೇಕೆಂದು ಯಾರಾದರೂ ಆಗ್ರಹಿಸುವ ಸಾಧ್ಯತೆಯೂ ಇದೆಯೆ? ಇದು ತಮಿಳುನಾಡಿನಂಥ ರಾಜ್ಯದಲ್ಲಿ ಸಾಧ್ಯವಾಗಬಹುದೇನೋ. ಆದರೆ, ಬಾಲಿವುಡ್‌ನ‌ಲ್ಲೂ ಇತ್ತೀಚೆಗೆ ಈಗೊಂದು ಬೇಡಿಕೆ ಕೇಳಿ ಬಂದಿತ್ತು. ಈ ಬೇಡಿಕೆಯನ್ನು ಯಾರೂ ಈಡೇರಿಸಿಲ್ಲ ಎನ್ನುವುದು ಬೇರೆ ಮಾತು. ಆದರೆ, ಅಭಿಮಾನಿಗಳ ಈ ಪರಿಯ ಅಭಿಮಾನಕ್ಕೆ ಪಾತ್ರಳಾಗಿರುವ ಭಾಗ್ಯವಂತೆ ದಿಶಾ ಪಠಾನಿ.

ಬರೀ ಎರಡು ಚಿತ್ರಗಳ ಗೆಲುವಿನಿಂದ ದಿಶಾ ಈಗ ನ್ಯಾಶನಲ್‌ ಸೆನ್ಸೇಶನ್‌ ಆಗಿದ್ದಾಳೆ. ದೇಶದ ಮೂಲೆಮೂಲೆಯಲ್ಲಿ ಅವಳಿಗೆ ಅಭಿಮಾನಿಗಳು ಹುಟ್ಟುಕೊಂಡಿದ್ದಾರೆ. ಅವರ ಅಭಿಮಾನದ ಯಾವ ಮಟ್ಟಕ್ಕೆ ತಲುಪಿದೆ ಎಂದರೆ ಶುಭಾಶಯ ಕೋರಲು ಹ್ಯಾಪಿ ಬರ್ತ್‌ಡೇ ನಿಶಾ ಎಂಬ  ಹ್ಯಾಶ್‌ಟ್ಯಾಗ್‌ ಪ್ರಾರಂಭಿಸಿದ್ದರು. ಟ್ವೀಟರ್‌, ಫೇಸ್‌ಬುಕ್‌, ವಾಟ್ಸಾಪ್‌ಗ್ಳಂಥ‌ ನವ ಮಾಧ್ಯಮಗಳಲ್ಲಿ ಹರಿದ ಸಂದೇಶಗಳಿಗೆ ಲೆಕ್ಕವಿಟ್ಟವರಿಲ್ಲ. ಈ ನಡುವೆ ದಿಶಾಳ ಮನೆಯೆದುರು ಜಮಾಯಿಸಿದ್ದ ಅಭಿಮಾನಿಗಳ ಗುಂಪೊಂದು ಹುಟ್ಟುಹಬ್ಬಕ್ಕೆ ರಾಷ್ಟ್ರೀಯ ರಜೆ ಘೋಷಿಸಬೇಕೆಂಬ ಬೇಡಿಕೆಯನ್ನು ಮುಂದಿಟ್ಟಿತು. ಇಷ್ಟು ಮಾತ್ರವಲ್ಲದೆ ಸರಕಾರಕ್ಕೆ ಮನವಿಯನ್ನೂ ಅರ್ಪಿಸಲು ತೀರ್ಮಾನಿಸಿದೆ. ಅಂದ ಹಾಗೆ, ದಿಶಾ ಹುಟ್ಟುಹಬ್ಬ ಜೂ. 13ರಂದು ನಡೆದಿದೆ.

ಎಂ. ಎಸ್‌. ಧೋನಿ-ಆ್ಯನ್‌ ಅನ್‌ಟೋಲ್ಡ್‌ ಸ್ಟೋರಿ ಮತ್ತು ಭಾಗಿ 2 ದಿಶಾ ನಟಿಸಿರುವ ಚಿತ್ರಗಳು. ಎರಡೂ ಚಿತ್ರಗಳು ಸೂಪರ್‌ಹಿಟ್‌ ಆದ ಬಳಿಕ ದಿಶಾ ಬಾಲಿವುಡ್‌ನ‌ ಹಾಟ್‌ ಫೇವರಿಟ್‌ ನಟಿಯಾಗಿದ್ದಾಳೆ. ಇದೀಗ ಸಲ್ಮಾನ್‌ ಖಾನ್‌ ಜತೆಗೆ ಭಾರತ್‌ ಚಿತ್ರಕ್ಕೂ ಆಯ್ಕೆಯಾಗಿದ್ದಾಳೆ. ಹೀಗೆ ಆರಂಭದಲ್ಲೇ ಬಾಲಿವುಡ್‌ನ‌ಲ್ಲಿ ತನ್ನ ಹವಾ ಸೃಷ್ಟಿಸುವಲ್ಲಿ ದಿಶಾ ಯಶಸ್ವಿಯಾಗಿದ್ದಾಳೆ.