Udayavni Special

ಹಾವಿನ ಹರಣ


Team Udayavani, May 18, 2018, 6:00 AM IST

k-16.jpg

ಹೊಳೆಯ ಬದಿಯಲ್ಲಿ ಸೇರಿರುವ ಹೆಂಗಳೆಯರೆಲ್ಲ ಹೊಸ ಸುದ್ದಿಯೊಂದಕ್ಕೆ ಕಿವಿಯಾಗಬೇಕೆಂಬ ತಹತಹಿಕೆಯಲ್ಲಿರುವಾಗಲೇ ಕೆಂಪಿಯ ಕಣ್ಣಿಗೆ ದಡದಲ್ಲಿರುವ ಮುಡಿನ ಓಲೆಯ ನಿಬಿಡವಾದ ಹಿಂಡಿನ ಒಳಗೆ ಏನೋ ಸರಸರನೆ ಹರಿದುದು ಕಂಡಿತು. “”ಅಕಾ ಅಲ್ಕಾಣಿ, ದೊಡ್ಡದೊಂದು ಹಾವು!” ಎಂದು ಕಿರುಚಿದಳು. ಹೇಳಬೇಕಾದ ಕಥೆಯೆಲ್ಲ ಅಲ್ಲೇ ಆವಿಯಾಗಿ, ಎಲ್ಲರೂ ಕೆಂಪಿ ತೋರಿಸಿದ ಹಿಂಡಿನೆಡೆಗೆ ನೋಡತೊಡಗಿದರು. ಮಾಮೂಲಿ ಕೇರೆಯೋ, ಒಳ್ಳೆ ಹಾವೋ ಇರಬೇಕೆಂದು ದೃಷ್ಟಿ ಹಾಯಿಸಿದವರಿಗೆ ಕಂಡದ್ದು ಮಾತ್ರ ಅಡಿಕೆ ಮರದಷ್ಟು ಗಾತ್ರದ ಆರಡಿ ಉದ್ದದ ಹೆಬ್ಟಾವು! ಆ ಹಾವು ಹೊಳೆಯ ದಡದ ಹಿಂಡಿನಲ್ಲಿ ಹರಿದು ಕಣ್ಮರೆಯಾಗುವ ಮುನ್ನವೇ ಊರ ಗಂಡಸರನ್ನು ಕರೆದು, “”ಹಾವಿಗೊಂದು ಗತಿ ಕಾಣಿಸದಿದ್ದರೆ ನಮಗೆ ಉಳಿಗಾಲವಿಲ್ಲವೆಂದು” ಎಲ್ಲರೂ ಒಕ್ಕೊರಲಿನಿಂದ ತೀರ್ಮಾನಿಸಿ, ಅವಸರದಲ್ಲಿ ಕೈಗೆ ಸಿಕ್ಕಷ್ಟು ಸರಂಜಾಮುಗಳನ್ನು ಬುಟ್ಟಿಗೆ ತುಂಬಿಸಿಕೊಂಡು ಹೆದರುತ್ತಲೇ ಹೊಳೆಯ ದಂಡೆಯೇರಿದರು. ಅಷ್ಟರವರೆಗೂ ಮೌನವಾಗಿ ಅವರ ಮಾತುಗಳಿಗೆ ಕಿವಿಯಾದ ಹೊಳೆ ಮಾತ್ರ ಹೊಸದೊಂದು ಕಥೆ ಅರ್ಧದಲ್ಲೇ ಕೊನೆಯಾದ ಬೇಸರದಿಂದ ಮತ್ತೆ ಝುಳುಝುಳು ಸದ್ದಿನೊಂದಿಗೆ ಹರಿಯತೊಡಗಿತು.

ಬುಟ್ಟಿ ಹೊತ್ತು ನಿಂತ ಹೆಂಗಸರೆಲ್ಲ ಇದ್ದಷ್ಟು ಜೋರಾಗಿ “ಕೂ…ಹೂ…’ ಎಂದು ದನಿಯೇರಿಸಿ ಕೂಗು ಹಾಕಿದ್ದು ಅಲ್ಲೇ ದೂರದ ಗದ್ದೆಯಲ್ಲಿ ಬದುಕಟ್ಟುತ್ತಿದ್ದ ಗಂಡಸರ ಕಿವಿಗೆ ತಲುಪಿತು. ಹೆಂಗಸರೊಂದಿಗೆ ಕುಸು ಕುಸು ಮಾಡುತ್ತ ಬಂದ ಯಾವುದೋ ಮಗು ಹೊಳೆಯಲ್ಲಿ ತೇಲಿ ಹೋಗಿರಬಹುದೆಂಬ ಗಾಬರಿಯಲ್ಲವರು ಗದ್ದೆಯ ಬದುವಿನ ಮೇಲೆ ಎದ್ದೆನೊ ಬಿದ್ದೆನೋ ಎಂಬಷ್ಟು ಲಗುಬಗೆಯಿಂದ ಓಡೋಡಿ ಬಂದರು. ಹಾವಿನ ಸುದ್ದಿ ಕೇಳಿದ್ದೇ ಹೆಂಗಸರ ಮಾತನ್ನು ಪೂರ್ತಿಯಾಗಿ ನಂಬಬಾರದೆಂಬ ಅವರ ಗಂಡಸ್ತಿಕೆ ಎಚ್ಚರಗೊಂಡು ಹಾವಿನ ದಪ್ಪ, ಉದ್ದ, ಹೋದ ದಿಕ್ಕು ಇವುಗಳೆಲ್ಲದರ ಬಗ್ಗೆ ವಿವರವಾಗಿ ವಿಚಾರಿಸತೊಡಗಿದರು. “”ಕೊಂದು ತಿಂದವನ ಹತ್ತಿರ ಕಂಡದ್ದೇ ಸುಳ್ಳು ಅನ್ನೋ ಥರಾ ಕೇಳ್ತೀರಲ್ಲೋ ತಮ್ಮಗಳೀರಾ” ಅಂತ ಅಮ್ಮೆಣ್ಣು ಅಬ್ಬರಿಸದಿದ್ದರೆ ಅವರು ತಮ್ಮ ಹೆಂಗಸರ ಮಾತನ್ನು ಉಡಾಫೆ ಮಾಡಿ ಅಲ್ಲಿಂದ ಕಾಲ್ಕಿàಳುತ್ತಿದ್ದರು. ಮುಂದುವರೆದ ಅಮ್ಮೆಣ್ಣು “”ನೋಡುವ, ಗಂಡಸರೆಲ್ಲಾ ಸೇರಿ ಒಂದು ಧೈರ್ಯ ಮಾಡಿ ಕಾಂಬ. ಮಕ್ಕಳು ಮರಿಗಳು ತಿರುಗಾಡೋ ದಾರಿ. ಹಾವು ಏನು ಸಣ್ಣಸಾಮಾನ್ಯದ್ದಲ್ಲ. ಮಕ್ಕಳು ಮರೀನ ಇಡಿಯಾಗಿ ನುಂಗುವಂಥಾದ್ದು” ಎಂದು ಹಾವಿನ ಸಂಹಾರದ ಕೆಲಸವನ್ನು ಗಂಡುಕುಲಕ್ಕೆ ವಹಿಸಿಬಿಟ್ಟಳು.

ಹೆಬ್ಟಾವೆಂದರೆ ಗಂಡಸರಿಗೂ ಭಯವಿಲ್ಲವೆಂದೇನಲ್ಲ. ಆದರೆ, ಈಗವರ ಗಂಡಸ್ತಿಕೆಯ ಪ್ರಸ್ತಾಪವಾದ್ದರಿಂದ ಅದನ್ನು ತೋರಿಸದೇ ಬೇರೆ ಉಪಾಯವಿರಲಿಲ್ಲ. ಹಾಗಾಗಿ ಅಲ್ಲಿಯೇ ಕುಳಿತು ಹಾವಿನ ಸಂಹಾರಕ್ಕೊಂದು ಸ್ಕೆಚ್‌ ಹಾಕುತ್ತ, ಯಾವುದಕ್ಕೂ ಇರಲಿ ಎಂದು ಊರಿನ ಮಹಾನ್‌ ಧೈರ್ಯಸ್ಥ ರಾಮನಿಗೊಂದು ಕರೆಕಳಿಸಿದರು. ಸದಾ ಸೆರೆಯ ಅಮಲಿನಲ್ಲಿರುವುದೇ ಅವನ ಧೈರ್ಯದ ಗುಟ್ಟೆಂದು ತಿಳಿದಿತ್ತಾದರೂ, ಮುಡಿRನ ಹಿಂಡು ಸವರಿ ಹಾವಿನ ಜಾಡು ಕಂಡುಹಿಡಿಯಲು ಅಂಥದೊಂದು ಹುಂಬು ಧೈರ್ಯವುಳ್ಳ ವ್ಯಕ್ತಿಯ ಆವಶ್ಯಕತೆಯಿತ್ತು. 

ತನಗೆ ಸಿಕ್ಕಿದ ಅಚಾನಕ್‌ ಸಾಹಸ ಕಾರ್ಯಕ್ಕೆ ತೀರ ಖುಶಿಗೊಂಡ ರಾಮ ಬಂದವನೇ ಹಾವು ಸಂಹಾರದ ಉಸ್ತುವಾರಿಯನ್ನು ವಹಿಸಿಕೊಂಡೇಬಿಟ್ಟ. ಕೆಲವರನ್ನು ಹಿಂಡು ಸವರುವ ಕೆಲಸಕ್ಕೂ, ಇನ್ನೂ ಕೆಲವರನ್ನು ಹಾವು ಹೊಡೆಯಲೆಂದು ಅಡಿಕೆ ದಬ್ಬೆಯನ್ನು ತಯಾರುಮಾಡುವುದಕ್ಕೂ ನೇಮಿಸಿದನಲ್ಲದೇ ಹೆಬ್ಟಾವಾದ್ದರಿಂದ ಸರಕ್ಕನೆ ಆಕ್ರಮಣ ಮಾಡದೆಂಬ ಧೈರ್ಯವನ್ನೂ ಅವರೆಲ್ಲರಲ್ಲಿ ತುಂಬಿದ. ಯಾವುದಕ್ಕೂ ಇರಲಿ ಎಂದು ಹತ್ತಿರದ ಮನೆಯಿಂದ ಒಂದಿಷ್ಟು ಒಣಹುಲ್ಲು ಮತ್ತು ಬೆಂಕಿಪೆಟ್ಟಿಗೆಯನ್ನೂ ತರಿಸಿಟ್ಟುಕೊಂಡ. ಆಗಲೇ ಊರಿಗೆಲ್ಲ ಸುದ್ದಿ ಹರಡಿ ಸುತ್ತ ಬೆಳೆದ ಹಸಿರು ಪೈರನ್ನೂ ಲೆಕ್ಕಿಸದೇ ಜನಜಂಗುಳಿ ಸೇರಿ, ಹಸಿರೆಲ್ಲ ಕೆಂಪಾಗುತ್ತಿದ್ದರೆ,  ಬದಿಗೆ ಸರಿಯಿರೋ ಎಂದು ಬೇಡುತ್ತಿದ್ದ ಹೊಲದೊಡೆಯ ಮಂಜುವಿನ ಧ್ವನಿ ಗದ್ದಲದಲ್ಲಿ ಯಾರ ಕಿವಿಗೂ ಬೀಳದೇ ಕರಗಿಹೋಗುತ್ತಿತ್ತು. ಅಂತೂ ಇಂತೂ ಹರಸಾಹಸದ ನಂತರ ಹಾವು ಹಿಂಡಿನಿಂದ ಹೊರಬಂದು ಗದ್ದೆಯ ಮೇಲೆ ಬಿದ್ದು ಹೊರಳಾಡತೊಡಗಿತು. ಊರ ಯುವಕರಿಗೆಲ್ಲಾ ಆಗ ಹೊಸದೊಂದು ಆವೇಶ ಮೈತುಂಬಿ ಬಂದು ಮೊದಲೇ ತಯಾರಿಸಿಟ್ಟ ಅಡಿಗೆ ದಬ್ಬೆಯಿಂದ ಮನಬಂದಂತೆ ಬಾರಿಸಿದರಾದರೂ ಎಲ್ಲ ಹೊಡೆತಗಳೂ ಗೋಡೆಗೆ ಹೊಡೆದ ರಬ್ಬರ್‌ ಚೆಂಡಿನಂತೆ “ಡಬ್‌’ ಎಂದು ಶಬ್ದ ಮಾಡುತ್ತಾ ಹಿಮ್ಮರಳುತ್ತಿದ್ದವು. ಅಂಥದೊಂದು ಭೀಕರವಾದ ದೃಶ್ಯವನ್ನು ನೋಡಲಾಗದೇ ಹೆಂಗಸರೆಲ್ಲಾ ತಮ್ಮ ಮಕ್ಕಳನ್ನು ಬಾರೆವೆಂದು ಚೆಂಡಿ ಹಿಡಿದಿದ್ದರೂ ಕೇಳದೇ ಕುಂಡೆಗೆರಡು ಬಿಟ್ಟು ಎಳಕೊಂಡು ಮನೆಯತ್ತ ಹೊರಟರು.

ಇತ್ತ ಗಂಡಸರೆಲ್ಲ ಹಾವಿನ ಹರಣಗೈದು, ಅದರ ಶವಕ್ಕೆ ಬೆಂಕಿಯಿಟ್ಟು, ತಾವು ಪಟ್ಟ ಪರಿಶ್ರಮವನ್ನು ಬಗೆಬಗೆಯಾಗಿ ಬಣ್ಣಿಸುತ್ತಾ ಮನೆಸೇರಿದರು. ಮನೆಗೆ ಬರುವ ದಾರಿಯಲ್ಲೇ ವಿಜಯೋತ್ಸವದ ಅಂಗವಾಗಿ ಬುರುಡೆಗಟ್ಟಲೇ ಸರಾಯಿಯನ್ನು ಹೊಟ್ಟೆಗಿಳಿಸಿದ್ದನ್ನು ಅವರ ನಡಿಗೆಯೇ ಹೇಳುತ್ತಿತ್ತು. ಹೆಂಡತಿಯರು ನೀಡಿದ ಊಟವನ್ನು ತಿಂದ ಶಾಸ್ತ್ರ ಮಾಡಿ ಮಲಗಿದವರಿಗೆ ಆಚೆಯಧ್ದೋ ಎಂಬ ಗಾಢ ನಿದ್ರೆ. ಹೊಲದಂಚಿನಲ್ಲಿ ಕಟ್ಟಿದ್ದ ಎತ್ತನ್ನೂ ಬಿಡಿಸದೇ ಹಾಗೇ ಓಡಿಬಂದ ಗಂಡಸರ ನಿರ್ಲಕ್ಷ್ಯದ ನಡೆಗೆ ಹಿಡಿಶಾಪ ಹಾಕುತ್ತ ಹೆಂಗಸರು ಉಂಡು ಕೈತೊಳೆದವರೇ ತಮ್ಮ ತಮ್ಮ ಜಾನುವಾರುಗಳನ್ನು ಹುಡುಕಿಕೊಂಡು ಹೊಲದತ್ತ ನಡೆದರು. ಹಾವಿಗೆ ಬೆಂಕಿಯಿಟ್ಟ ಜಾಗದಲ್ಲೀಗ ಬೂದಿಯ ರಾಶಿಯೊಂದಿಗೆ ಹಾವಿನ ಬೆನ್ನೆಲುಬಿನ ಅವಶೇಷಗಳು ಮಾತ್ರ ಕಾಣುತ್ತಿದ್ದವು. “”ಹಾವಿನ ಎಲುಬು ಭಾರೀ ವಿಷ ಅಂತಾರಪ್ಪ. ಕಾಲೀಗೇನಾರ ತಾಗಿದ್ರೆ ಕಾಲೇ ಕೊಳಿತದೆ ಕಾಣು. ಅದಕ್ಕೇ ನಾಳೀಕೆ ಬೆಂಕಿ ತಣ್ಣಗಾದ ಕೂಡಲೇ ಗೆರಸಿ ತಂದು ಎಲ್ಲ ಮೂಳೇನೂ ಎತ್ತಿ ಹಾಕಬೇಕು” ಎಂದು ಅಮ್ಮೆಣ್ಣು ಎಲ್ಲ ಹೆಂಗಸರನ್ನು ಎಚ್ಚರಿಸಿದಳು. ಜೊತೆಯಲ್ಲೇ ಓಡಿಬಂದ ಹೈಕಳಿಗೆ ಯಾವುದೇ ಕಾರಣಕ್ಕೂ ಬೆಂಕಿಗೆ ಕಾಲು ಹಾಕಬೇಡಿ ಎಂದು ಎಚ್ಚರಿಸಿದ್ದಲ್ಲದೇ ಇನ್ನು ಓಡಾಡುವಾಗ ಹಾವಿನ ಮೂಳೆ ಇದೆಯೋ ಎಂದು ನೋಡಿ ನಡೆಯುವಂತೆ ತಾಕೀತು ಮಾಡಲಾಯಿತು.

ಮನೆಯೊಡೆಯನನ್ನು ಕಾದು, ಕಾದು ಸೋತುಹೋದ ಎತ್ತುಗಳೆಲ್ಲ ಕಟ್ಟಿದಲ್ಲಿಯೇ ಮಲಗಿ ದಣಿವಾರಿಸಿಕೊಳ್ಳುತ್ತಿದ್ದವು. ಅವುಗಳ ಹಗ್ಗ ಬಿಚ್ಚಿ, ಹೊಳೆಗೆ ತಂದು ಕೊಂಚ ನೀರು ಕುಡಿಸಿದ ಹೆಂಗಸರು ಬೆಳಗಿನಿಂದ ಉಪವಾಸವಿರುವ ಎತ್ತುಗಳು ನಾಲ್ಕು ಬಾಚು ಮೇಯಲೆಂದು ಅಲ್ಲೇ ಬದುವಿನ ಹತ್ತಿರಕ್ಕೆ ಕುಳಿತು ಯಾವ ಕಥೆಯನ್ನೂ ಹೇಳಲಾಗದೇ ಮೌನವಾದರು. “ಕರ ಕರ’ವೆಂಬ ಎತ್ತಿನ ಮೇಯುವ ದನಿಯು, ಸಳಸಳವೆಂದು ಹರಿವ ಹೊಳೆಯ ನೀರಿನೊಂದಿಗೆ ಸೇರಿ ಹೊಸದೊಂದು ಸಂಗೀತವನ್ನು ಹಾಡಿದಂತೆ ಭಾಸವಾಗುತ್ತಿತ್ತು. ಮರಳಿ ಬರುವ ದಾರಿಯಲ್ಲಿ ಹುಲಿಗಿರಿ¤ಯೆದುರು ನಿಂತ ಮಾದ ಜೋರುದನಿಯಲ್ಲಿ ಏನೋ ಹೇಳುತ್ತಿರುವುದು ಅವರ ಕಿವಿಗೆ ಬಿತ್ತು.

ಸುಧಾ ಆಡುಕಳ

Ad

ಶ್ರೀ ಅಷ್ಠ ಲಕ್ಷ್ಮೀ ಜೋತಿಷ್ಯ ಮಂದಿರ,
ಉದ್ಯೋಗ, ಮದುವೆ ವಿಳಂಬ, ಸತಿ-ಪತಿ ಕಲಹ, ಶತ್ರುಪೀಡೆ, ಅತ್ತೆ-ಸೊಸೆ ಕಲಹ, ವಶೀಕರಣ, ವ್ಯವಹಾರದಲ್ಲಿ ನಷ್ಟ, ನಿಮ್ಮ ಸಮಸ್ಯೆ ಯಾವುದೇ ಇರಲಿ, ಎಷ್ಟೇ ಕಠಿಣವಾಗಿರಲಿ ಶಾಶ್ವತ ಪರಿಹಾರ ಶತಃಸಿದ್ಧ. ನಿಮ್ಮ ಯಾವುದೇ ಇಷ್ಟಾರ್ಥ ಕಾರ್ಯಗಳಿದ್ದರೂ ಕೇವಲ ೫ ದಿನಗಳಲ್ಲಿ ನೆರವೇರಿಸಿ ಕೊಡುತ್ತಾರೆ. ಇಂದೇ ಭೇಟಿ ನೀಡಿ.
ಶ್ರೀ ಶ್ರೀ ಬಿ ಹೆಚ್ ಆಚಾರ್ಯ ಗುರೂಜಿ
ಜಯನಗರ ಬೆಂಗಳೂರು, ಮೋ- 8884889444

ಟಾಪ್ ನ್ಯೂಸ್

ಕಿಶನ್ – ಪೊಲಾರ್ಡ್ ಬ್ಯಾಟಿಂಗ್ ಅಬ್ಬರಕ್ಕೆ ಮ್ಯಾಚ್ ‘ಟೈ’ ; ಸೂಪರ್ ಓವರ್ ನಲ್ಲಿ ಗೆದ್ದ RCB

ಕಿಶನ್ – ಪೊಲಾರ್ಡ್ ಬ್ಯಾಟಿಂಗ್ ಅಬ್ಬರಕ್ಕೆ ಮ್ಯಾಚ್ ‘ಟೈ’ ; ಸೂಪರ್ ಓವರ್ ನಲ್ಲಿ ಗೆದ್ದ RCB

ಕೋವಿಡ್‌ ಆರೈಕೆ ಕೇಂದ್ರದಲ್ಲಿ ಮದುವೆ ಸಮಾರಂಭ! ಭಾವುಕಳಾದ ವಧು

ಕೋವಿಡ್‌ ಆರೈಕೆ ಕೇಂದ್ರದಲ್ಲಿ ಮದುವೆ ಸಮಾರಂಭ! ಭಾವುಕಳಾದ ವಧು

ಎಸ್ಪಿಬಿಯ ಆಸ್ಪತ್ರೆ ಖರ್ಚು ಪಾವತಿಯ ಗಾಳಿಸುದ್ದಿ: ಪುತ್ರ ಚರಣ್‌ ಅಸಮಾಧಾನ

ಎಸ್ಪಿಬಿಯ ಆಸ್ಪತ್ರೆ ಖರ್ಚು ಪಾವತಿಯ ಗಾಳಿಸುದ್ದಿ: ಪುತ್ರ ಚರಣ್‌ ಅಸಮಾಧಾನ

Padikkal-ABD

ಫಿಂಚ್, ಪಡಿಕ್ಕಲ್ ಫಿಪ್ಟೀ ; ABD ಮಸ್ತ್ ಬ್ಯಾಟಿಂಗ್ ಮುಂಬೈ ಗೆಲುವಿಗೆ 202 ರನ್ ಗಳ ಟಾರ್ಗೆಟ್

LACಯಲ್ಲಿ ಬ್ರಹ್ಮೋಸ್, ಆಕಾಶ್ ಮತ್ತು ನಿರ್ಭಯಾ ನಿಯೋಜನೆ ; ಹೆಚ್ಚುತ್ತಿದೆ ಗಡಿ ಟೆನ್ಷನ್!

LACಯಲ್ಲಿ ಬ್ರಹ್ಮೋಸ್, ಆಕಾಶ್ ಮತ್ತು ನಿರ್ಭಯಾ ನಿಯೋಜನೆ ; ಹೆಚ್ಚುತ್ತಿದೆ ಗಡಿ ಟೆನ್ಷನ್!

lords of rings : ಈ “ಗಿಮ್ಲಿ’ ಚಿತ್ರದಲ್ಲಿರುವ ವಿಶೇಷತೆ ಬಗ್ಗೆ ಗೊತ್ತಾ?

lords of rings : ಈ “ಗಿಮ್ಲಿ’ ಚಿತ್ರದಲ್ಲಿರುವ ವಿಶೇಷತೆ ಬಗ್ಗೆ ಗೊತ್ತಾ?

ಆಕಸ್ಮಿಕ ವಿದ್ಯುತ್ ತಗುಲಿ ಎತ್ತಿನೊಂದಿಗೆ ಇಬ್ಬರು ರೈತರ ಸಾವು

ಕೆಲಸ ಮುಗಿಸಿ ವಾಪಸ್ಸಾಗುತ್ತಿದ್ದ ವೇಳೆ ವಿದ್ಯುತ್ ಅವಘಡ ಎತ್ತು ಸೇರಿ ಇಬ್ಬರು ರೈತರ ಸಾವು






ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು

ಕಡಿಮೆ ಮಾಡೋಣ ಪ್ಲಾಸ್ಟಿಕ್‌ ಸದ್ದು

ಕಡಿಮೆ ಮಾಡೋಣ ಪ್ಲಾಸ್ಟಿಕ್‌ ಸದ್ದು

ದಿರಿಸು-ಪುಸ್ತಕಗಳ ನಡುವೆ ಬದುಕು ನವಿಲುಗರಿ

ದಿರಿಸು-ಪುಸ್ತಕಗಳ ನಡುವೆ ಬದುಕು ನವಿಲುಗರಿ

ಎಲ್ಲ ದಿನಗಳೂ ಮಹಿಳಾ ದಿನಗಳೇ!

ಎಲ್ಲ ದಿನಗಳೂ ಮಹಿಳಾ ದಿನಗಳೇ!

ಬನ್‌-ಪ್ರಿಯೆ

ಬನ್‌-ಪ್ರಿಯೆ

ಆತ್ಮವಿಶ್ವಾಸ ತುಂಬುವ ತ್ರಿಚಕ್ರ

ಆತ್ಮವಿಶ್ವಾಸ ತುಂಬುವ ತ್ರಿಚಕ್ರ

MUST WATCH

udayavani youtube

ಕರ್ನಾಟಕ ಬಂದ್: ಬಜ್ಪೆ, ಬೆಳ್ತಂಗಡಿ, ಉಜಿರೆಯಲ್ಲಿ‌ ನೀರಸ ಪ್ರತಿಕ್ರಿಯೆ

udayavani youtube

ಭೂ ಸುಧಾರಣೆ, ಎಪಿಎಂಸಿ ಕಾಯ್ದೆ ತಿದ್ದುಪಡಿ ವಿರೋಧಿಸಿ Moodbidri, BC Roadನಲ್ಲಿ Protest

udayavani youtube

ಮಂಗಳೂರು: ರೈತ ವಿರೋಧಿ ಮಸೂದೆಯನ್ನು ವಿರೋಧಿಸಿ ವಿವಿಧ ಸಂಘಟನೆಗಳಿಂದ ಜಂಟಿ ಪ್ರತಿಭಟನೆ

udayavani youtube

JD(s) workers clash with Police at Shimoga anti farm bill protest | Udayavani

udayavani youtube

ಹೀರೆಕಾಯಿಯ ಬಗ್ಗೆ ಸಂಪೂರ್ಣ ಮಾಹಿತಿ ಇಲ್ಲಿದೆ



ಹೊಸ ಸೇರ್ಪಡೆ

ಕೃಷ್ಣ ಜನ್ಮಸ್ಥಾನ ಕೇಸು: ಅ.15ಕ್ಕೆ ತೀರ್ಮಾನ

ಕೃಷ್ಣ ಜನ್ಮಸ್ಥಾನ ಕೇಸು: ಅ.15ಕ್ಕೆ ತೀರ್ಮಾನ

ಲೈಂಗಿಕ ದೌರ್ಜನ್ಯ, ಸುಲಿಗೆ: ಅಪರಾಧಿಗೆ 7 ವರ್ಷ ಶಿಕ್ಷೆ

ಲೈಂಗಿಕ ದೌರ್ಜನ್ಯ, ಸುಲಿಗೆ: ಅಪರಾಧಿಗೆ 7 ವರ್ಷ ಶಿಕ್ಷೆ

ಕಿಶನ್ – ಪೊಲಾರ್ಡ್ ಬ್ಯಾಟಿಂಗ್ ಅಬ್ಬರಕ್ಕೆ ಮ್ಯಾಚ್ ‘ಟೈ’ ; ಸೂಪರ್ ಓವರ್ ನಲ್ಲಿ ಗೆದ್ದ RCB

ಕಿಶನ್ – ಪೊಲಾರ್ಡ್ ಬ್ಯಾಟಿಂಗ್ ಅಬ್ಬರಕ್ಕೆ ಮ್ಯಾಚ್ ‘ಟೈ’ ; ಸೂಪರ್ ಓವರ್ ನಲ್ಲಿ ಗೆದ್ದ RCB

ಬ್ಯಾಂಕ್‌ಗಳಲ್ಲಿ ಅರ್ಜಿಗಳ ತ್ವರಿತ ವಿಲೇವಾರಿಗೆ ಸೂಚನೆ

ಬ್ಯಾಂಕ್‌ಗಳಲ್ಲಿ ಅರ್ಜಿಗಳ ತ್ವರಿತ ವಿಲೇವಾರಿಗೆ ಸೂಚನೆ

ಕೊಡಗು ಜಿಲ್ಲೆಯಲ್ಲಿ ಬಂದ್‌ಗೆ ಮಿಶ್ರ ಪ್ರತಿಕ್ರಿಯೆ

ಕೊಡಗು ಜಿಲ್ಲೆಯಲ್ಲಿ ಬಂದ್‌ಗೆ ಮಿಶ್ರ ಪ್ರತಿಕ್ರಿಯೆ

Thanks for visiting Udayavani

You seem to have an Ad Blocker on.
To continue reading, please turn it off or whitelist Udayavani.