ಬಾಲ್ಯದ ದಿನಗಳು

Team Udayavani, Sep 27, 2019, 5:00 AM IST

ಸಾಂದರ್ಭಿಕ ಚಿತ್ರ

ನಮ್ಮೂರು ಹಳ್ಳಿ. ಅಲ್ಲಿ ಅಂಗನವಾಡಿಯಾಗಲೀ ನರ್ಸರಿ ಸ್ಕೂಲ್‌ ಆಗಲೀ ಇರಲಿಲ್ಲ. ಹಾಗಾಗಿ, ನನಗೆ 5 ವರ್ಷವಾದಾಗ ಒಂದನೆಯ ತರಗತಿಗೆ ಸೇರಿಸಿದರು. ಅಧ್ಯಾಪಿಕೆಯಾಗಿದ್ದ ನನ್ನ ತಾಯಿ ತಾನು ಶಾಲೆಗೆ ಹೋಗುವಾಗ ಹತ್ತಿರದಲ್ಲಿದ್ದ ಪ್ರಾಥಮಿಕ ಶಾಲೆಯ ಒಂದನೆಯ ತರಗತಿಯಲ್ಲಿ ನನ್ನನ್ನು ಕುಳ್ಳಿರಿಸಿ ಹೋಗುತ್ತಿದ್ದರು. ಆದರೆ, ನಾನು ಅಲ್ಲಿ ಕುಳಿತುಕೊಳ್ಳದೆ ಅವರ ಹಿಂದೆಯೇ ಓಡಿಬರುತ್ತಿದ್ದೆ. ನನಗೆ ಉಪಾಯವಾಗಿ ಮತ್ತು ಗದರಿಸಿಯೂ ಹೇಳಿ ಸೋತ ಅವರು ಕೊನೆಗೆ ನನ್ನ ಅಧ್ಯಾಪಕರ ಹತ್ತಿರ ಕೇಳಿಕೊಂಡರು. ಅವರು ಬೆತ್ತ ಹಿಡಿದು ದುರುಗುಟ್ಟಿ ನೋಡಿ ನನ್ನನ್ನು ಗದರಿಸಿದಾಗ ನನ್ನ ಹಠ ಮಾಯವಾಯಿತು.

ನನಗೆ ಒಬ್ಬಳು ಪುಟ್ಟ ತಂಗಿಯಿದ್ದಳು. ಅವಳು ಮಾತಿನ ಮಲ್ಲಿ. ಅವಳ ಮುಗ್ಧ ಮನಸ್ಸಿನ ಸ್ನಿಗ್ಧ ನುಡಿಗಳು ಎಲ್ಲರಿಗೂ ಸಂತೋಷಕೊಡುತ್ತಿದ್ದವು. ನನ್ನ ಹನ್ನೊಂದನೆಯ ವರ್ಷದಲ್ಲಿ ಉಪನಯನ ಸಂಸ್ಕಾರ ನಡೆಸಿದರು. ಈ ಸಂಭ್ರಮವನ್ನು ಬೆರಗಾಗಿ ನೋಡುತ್ತಿದ್ದ ಅವಳು ಅಮ್ಮನೊಡನೆ ತನಗೆ ಯಾವಾಗ ಉಪನಯನವೆಂದು ಕೇಳಿದಳು. ಆಗ ಅಮ್ಮ, “”ಹುಡುಗಿಯರಿಗೆ ಉಪನಯನವಿಲ್ಲ, ಮದುವೆ ಮಾತ್ರ” ಎಂದರು. “”ನನಗೆ ಯಾವಾಗ ಮದುವೆ?” ಎಂದು ಕೇಳಿದಾಗ ಅವಳಿಗೆ ಅಮ್ಮ ಎಂದರು, “”ನೀನು ದೊಡ್ಡವಳಾಗಬೇಕು, ಒಳ್ಳೆಯ ಹುಡುಗ ಸಿಗಬೇಕು” ಎಂದು. ಅದಕ್ಕೆ ಅವಳ ಪ್ರಶ್ನೆ “”ಒಳ್ಳೆಯ ಹುಡುಗ ಅಣ್ಣನೇ ಇದ್ದಾನಲ್ಲ ಅಮ್ಮ”.

ಒಮ್ಮೆ ಅಮ್ಮ ನಮ್ಮಿಬ್ಬರನ್ನೂ ಕರೆದುಕೊಂಡು ಎಲ್ಲಿಗೋ ಹೋಗುತ್ತಿದ್ದರು. ಮೂರು ಮಂದಿ ಕುಳಿತುಕೊಳ್ಳುವ ಸೀಟಿನ ಕಿಟಕಿ ಬಳಿ ನಾನೂ ನನ್ನ ಪಕ್ಕ ಅಮ್ಮನ ಮಡಿಲಲ್ಲಿ ತಂಗಿಯೂ, ಅವರ ಹತ್ತಿರ ಒಬ್ಬರು ಮುಸ್ಲಿಮ್‌ ಹೆಂಗಸೂ ಕುಳಿತಿದ್ದರು. ಬಸ್‌ಸ್ಟಾಪ್‌ಗ್ಳಲ್ಲಿ ನಿಂತಾಗಲೆಲ್ಲ ಆ ಮಹಿಳೆ ತನ್ನ ಬುರ್ಖಾ ಮೇಲಕ್ಕೆತ್ತಿ ತಾನು ಇಳಿಯುವ ಸ್ಟಾಪ್‌ ಬಂತೆ? ಎಂದು ಕಿಟಕಿಯಿಂದ ಇಣುಕಿ ನೋಡುತ್ತಿದ್ದರು. ಆಗ ನನ್ನ ತಂಗಿಗೆ ನಾವು ಮನೆಯಲ್ಲಿ ಮುಖಕ್ಕೆ ಮುಸುಕಿ ಹಾಕಿ ತೆಗೆಯುತ್ತ, “ಕೂ… ಅದಾ…’ ಎನ್ನುತ್ತಿದ್ದ ಆಟ ನೆನಪಾಗಿ ಅವರು ಬುರ್ಖಾ ಹಾಕಿದಾಗ “ಕೂ…’ ಎನ್ನುತ್ತಲೂ, ತೆಗೆದಾಗ “ಅದಾ’ ಎನ್ನುತ್ತಲೂ ಇದ್ದಳು. ಇದನ್ನು ನೋಡಿ ಆ ಹೆಂಗಸೂ ನಗತೊಡಗಿದರು. ಅವಳಿಗೆ ಮೂರು ವರ್ಷವಾದಾಗ ವಿದ್ಯಾರಂಭ ಮಾಡಲು ನಿಶ್ಚಯಿಸಿದೆವು. ವಿದ್ಯಾರಂಭ ಮಾಡುವಾಗ ಅಕ್ಕಿಯ ಮೇಲೆ ಬರೆಯುವುದನ್ನು ನಾವು “ಅಕ್ಕಿಯಲ್ಲಿ ಹಿಡಿಸುವುದು’ ಎನ್ನುತ್ತಿದ್ದೆವು. ಹಿಂದಿನ ದಿನ ನಾವು ನಾಳೆ ಪುಟ್ಟಿಯನ್ನು ಅಕ್ಕಿಯಲ್ಲಿ ಹಿಡಿಸುವುದು ಎನ್ನುವುದನ್ನು ಕೇಳಿ ಅವಳು ಹೆದರಿ, “ನನ್ನನ್ನು ಅಕ್ಕಿಯಲ್ಲಿ ಹಿಡಿಸಬೇಡಿ. ದೋಸೆಯಲ್ಲಾದರೂ ಆದೀತು’ ಎಂದು ಅಳತೊಡಗಿದ್ದಳು.

ವರುಣ
10ನೇ ತರಗತಿ
ಕೆನರಾ ಹೈಸ್ಕೂಲ್‌, ಮಂಗಳೂರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಅದು ಜುಲೈ ತಿಂಗಳ ಕೊನೆಯ ವಾರ. ಜೀವನದ ಹೊಸ ಮೆಟ್ಟಿಲು ಏರುತ್ತಿರುವ ಸಂತೋಷ ಒಂದೆಡೆಯಾದರೆ, ವಿದ್ಯಾರ್ಥಿ ಜೀವನದ ಕೊನೆಯ ಹಂತ ಎನ್ನುವ ಬೇಸರ ಇನ್ನೊಂದೆಡೆ. ಅದು...

  • ಪುಟ್ಟ ಪುಟ್ಟ ಹೆಜ್ಜೆಗಳನ್ನಿಡುತ್ತ, ಬ್ಯಾಗ್‌ ಹಾಕಿಕೊಂಡು ಶಾಲೆಗೆ ಹೋಗುವ ಮಕ್ಕಳನ್ನು ನೋಡುವಾಗ, ನನಗೆ ನನ್ನ ಶಾಲಾ ಜೀವನದ ಆ ಸುಂದರ ಕ್ಷಣಗಳ ನೆನಪಾಗುತ್ತದೆ....

  • ಆಗಷ್ಟೆ ಸೂರ್ಯ ಮುಳುಗಲಾರಂಭಿಸಿದ್ದ. ಪಕ್ಷಿಗಳೆಲ್ಲ ಚಿಲಿಪಿಲಿ ಗುಟ್ಟುತ್ತ ತಮ್ಮ ತಮ್ಮ ಗೂಡುಗಳಿಗೆ ಮರಳಲು ಹೊರಡುತ್ತಿದ್ದವು. ಇತ್ತ ಚಂದಿರ ತನ್ನ ಕರ್ತವ್ಯ ನಿರ್ವಹಿಸುವ...

  • ಕೆಲ ದಿನಗಳ ಹಿಂದಷ್ಟೇ ರಸ್ತೆ ಬದಿಯಲ್ಲಿ ನಿಂತು ಬಸ್ಸಿಗಾಗಿ ಕಾಯುತ್ತಿದ್ದಾಗ ಪುಟ್ಟ ಹಕ್ಕಿಯೊಂದು "ಚಿಂವ್‌... ಚಿಂವ್‌' ಎನ್ನುತ್ತ ಅತ್ತಿಂದಿತ್ತ ಹಾರಾಡುತ್ತಿತ್ತು....

  • ಅಮ್ಮ ಎಂದರೆ ಮೊದಲಿಗೆ ನೆನಪಾಗುವುದು ಪ್ರೀತಿ, ಮಮತೆ, ಅಕ್ಕರೆ. ಅಮ್ಮನ ಬಗ್ಗೆ ಎಷ್ಟೇ ಹೇಳಿದರೂ ಸಾಲದು ಎಂದು ಹೇಳಿದರೆ ಯಾರು ಇಲ್ಲವೆನ್ನುತ್ತಾರೆ ! ಶಾಲಾ-ಕಾಲೇಜಿಗೆ...

ಹೊಸ ಸೇರ್ಪಡೆ

  • ಮಲೆನಾಡಿನ ಭೂರಮೆಯ ಸೌಂದರ್ಯವೇ ಬೇರೆ ತೆರನಾದುದು. ಭೂಮಿ ಹುಣ್ಣಿಮೆ ಬರುವಾಗ ಮಲೆನಾಡಿನ ಅಡಕೆ ತೋಟಗಳಲ್ಲಿ ಫ‌ಸಲಿನ ಸಮೃದ್ಧಿ. ಬೆಳೆದು ನಿಂತ ಹಸಿರು ಬಾಳೆಗೊನೆಗಳಿಂದ,...

  • ಧಾನ್ಯಗಳನ್ನು ಸಮರ್ಪಕವಾಗಿ ದಾಸ್ತಾನು ಮಾಡುವುದು ಅತ್ಯಗತ್ಯ. ಇಲ್ಲದಿದ್ದರೆ ಕೀಟಬಾಧೆ ಅಧಿಕವಾಗಿ ಭಾರಿ ನಷ್ಟ ಉಂಟಾಗಬಹುದು. "ಮುಂಜಾಗ್ರತೆ ವಹಿಸಿದ್ದೆವು. ಆದರೂ...

  • ಕೃಷಿ ಮೇಲಿನ ಪ್ರೀತಿಯಿಂದ ಓದನ್ನು ಅರ್ಧಕ್ಕೇ ನಿಲ್ಲಿಸಿದ ಪರಮೇಶ್ವರನ್‌ ಇಂದು ಪೂರ್ಣ ಪ್ರಮಾಣದ ಕೃಷಿಕ. ಅಷ್ಟೇ ಅಲ್ಲ, ಅವರು ಸೀಡ್‌ ಬ್ಯಾಂಕ್‌ ಸ್ಥಾಪನೆ ಮಾಡಿರುವುದಲ್ಲದೆ,...

  • ಗುಡ್ಡಗಾಡು ಪ್ರದೇಶದಲ್ಲಿ ಕೃಷಿ ಮಾಡುವವರು ವಿರಳ. ಕಲ್ಲುಮಣ್ಣುಗಳಿಂದ ಕೂಡಿದ ಜಾಗದಲ್ಲಿ ಬೆಳೆ ತೆಗೆಯುತ್ತೇನೆಂದು ಹೊರಟಾಗ ಅನೇಕರು ಆಡಿಕೊಂಡಿದ್ದರು. ಆದರೆ...

  • ಬೆಂಗಳೂರು: ಹಿಂಗಾರು ಮಾರುತಗಳ ಭರ್ಜರಿ ಪ್ರವೇಶ ದಿಂದ ಕಳೆದೆರಡು ದಿನಗಳಿಂದ ರಾಜ್ಯಾದ್ಯಂತ ಮಳೆ ಅಬ್ಬರಿ ಸುತ್ತಿದೆ. ಇನ್ನೂ ಮೂರ್‍ನಾಲ್ಕು ದಿನಗಳು ಇದೇ ವಾತಾವರಣ...