ಸಂಡೇ ಲಹರಿ

Team Udayavani, Oct 25, 2019, 4:53 AM IST

ಶುಕ್ರವಾರ ಬಂತೆಂದರೆ ಒಂದು ನಿಟ್ಟುಸಿರು ಬಿಟ್ಟಂತಾಗುತ್ತದೆ. ಶನಿವಾರ ಒಂದರ್ಧ ದಿನ ಹೋದರೆ ಮತ್ತೆ ಕಾಲೇಜಿನತ್ತ ಹೆಜ್ಜೆ ಹಾಕುವುದು ಸೋಮವಾರ.

ರವಿವಾರದಂದು ನನಗೆ ಸೂರ್ಯೋದಯವಾಗುವುದೇ ಹನ್ನೊಂದು ಗಂಟೆಯ ನಂತರ. ನಾನು ಸೂರ್ಯವಂಶದವಳು ಅಂದರೆ ತಪ್ಪಾಗಲಿಕ್ಕಿಲ್ಲ. ಅದಾಗಿ ಬಾತ್‌ ರೂಮ್‌ ಸಿಂಗಿಂಗ್‌ ಶೋನಿಂದ ನನ್ನ ದಿನ ಪ್ರಾರಂಭ. ತಿನ್ನುವ ವಿಷಯದಲ್ಲಿ ನಮ್ಮದು ಎತ್ತಿದ ಕೈ. ಬೆಳಗಿನ ಉಪಹಾರ ಹಾಗು ಮಧ್ಯಾಹ್ನದ ಊಟ ಏಕಕಾಲದಲ್ಲಾಗುತ್ತದೆ.

ಊಟದ ಬಳಿಕ ಕುಂಭಕರ್ಣನ ಸಿದ್ಧಾಂತವನ್ನು ಪಾಲಿಸುವ ನಾನು ಎರಡನೆಯ ಸುತ್ತಿನ ನಿದ್ರೆಗೆ ಜಾರುತ್ತೇನೆ. ಸಂಜೆ 5 ಗಂಟೆಗೆ ಎದ್ದು ಕಾಪಿ ಹೀರಿ ತಮ್ಮನೊಂದಿಗೆ ಜಗಳ ಮಾಡಿದ ಬಳಿಕ ನೆನಪಾಗುವುದು ಸೋಮವಾರಕ್ಕೆ ಬಾಕಿ ಇಟ್ಟಿರುವ ಹೋಂವರ್ಕ್‌ಗಳು. ತಮ್ಮನೊಂದಿಗೆ ಜಗಳವಾಡಿ ಸಮಯ ವ್ಯರ್ಥ ಮಾಡುವುದಕ್ಕಿಂತ ಆಗಲೇ ಹೋಮ್‌ವರ್ಕ್‌ ಮಾಡಬಹುದಿತ್ತಲ್ಲ ಎಂದು ಜ್ಞಾನೋದಯವಾಗುತ್ತದೆ. ತಿಳಿ ಸಂಜೆಯ ಹೊತ್ತಿಗೆ ಸೂರ್ಯ ಇಳಿಯುತ್ತಿದ್ದಂತೆ ಮನಸ್ಸಿನಲ್ಲಿ ಅದೇನೋ ದುಗುಡ ಸೋಮವಾರ ಬಂತೆಂದು!

ಮನೆಗೆಲಸದಲ್ಲಿ ಬಹಳ ಉದಾಸೀನಳಾಗುವ ನಾನು ಎಲ್ಲ ಕೆಲಸವನ್ನು ಅಮ್ಮನ್ನಿಂದಲೇ ಮಾಡಿಸುತ್ತೇನೆ ! ಇನ್ನೇನು, ಕೆಲವು ಗಂಟೆಗಳಲ್ಲಿ ಬೆಳಗಾಗಿ ಮತ್ತೆ ಕಾಲೇಜಿಗೆ ಬೇಗ ಎದ್ದು ಹೊರಡಬೇಕಲ್ಲ ಎಂದು ಯೋಚಿಸಿ ಮಲಗುತ್ತೇನೆ.

ಯಾರಾದರೂ ವಿಜ್ಞಾನಿಗಳು ಬಂದು ರಿಮೋಟ್‌ ಕಂಡು ಹಿಡಿದರೆ ಅದನ್ನು ಮೊದಲು ನಾನು ಖರೀದಿಸಿ ಸಂಡೇಯನ್ನು ಪ್ವಾಸ್‌ ಮಾಡಿ ಮಂಡೆ ಪ್ಲೇ ಆಗದಂತೆ ಮಾಡುತ್ತಿದ್ದೆ.

ವೈಷ್ಣವಿ ಜೆ. ರಾವ್‌
ಪ್ರಥಮ ಬಿ.ಎ, ಅಂಬಿಕಾ ಮಹಾವಿದ್ಯಾಲಯ, ಪುತ್ತೂರು

Disclaimer:The views expressed in comments section published on Udayavani.com are those of comment writers alone. They do not represent the views or opinions of Udayavani.com, its staff or The Manipal Group, or any entity associated with The Manipal Group. Udayavani.com reserves rights to remove a comment or all the comments any time.

To report any comment you can email us at udayavani.response@manipalgroup.info. We will review the request and delete the comments.


ಈ ವಿಭಾಗದಿಂದ ಇನ್ನಷ್ಟು

  • ಅಮ್ಮಾ. ಏನದು ಅಲ್ಲಿ ಶಬ್ದ? ಆತ ಸಿಟ್ಟಿನ ಧ್ವನಿಯಲ್ಲಿ ಕೇಳಿದ. ‘’ನನ್ನ ಕೈ ತಾಗಿ ನಿನ್ನ ಮೊಬೈಲ್ ಫೋನ್ ಕೆಳಕ್ಕೆ ಬಿದ್ದದ್ದು ಪುಟ್ಟಾ’’. ಯಾವ ಫೋನ್ ಅಮ್ಮಾ ಅಂತ ಕೇಳುತ್ತಾ...

  • ಪುಟಾಣಿ ಮಕ್ಕಳಿಗೆ ಬಣ್ಣ ಬಣ್ಣದ ಬಟ್ಟೆಗಳನ್ನ ಹಾಕಿಕೊಂಡು ಶಾಲೆಗೆ ಹೋಗುವುದೆಂದರೆ ತುಂಬಾ ಇಷ್ಟ. ಅದರಲ್ಲೂ ಚಂದದ ಬಟ್ಟೆ ಹಾಕಿಕೊಂಡು ಎಲ್ಲರಿಗೂ ಕಾಣಿಸುವಂತೆ...

  • ಇನ್ನೇನು ಸೆಮೆಸ್ಟರ್‌ ಪರೀಕ್ಷೆಗಳು ಮುಗಿದು ರಜೆ ಸಿಗುವ ಸಮಯ. ಒಮ್ಮೆ ಈ ಎಕ್ಸಾಮ್‌ ಕಾಟ ಮುಗಿದರೆ ಸಾಕು ಎಂದು ಮನಸ್ಸಲ್ಲೇ ಮಂಡಿಗೆ ಮೆಲ್ಲುವ ವಿದಾರ್ಥಿಗಳೇ ಬಹುಪಾಲು....

  • ಸುಮಾರು 6-7 ವರ್ಷದ ಮೊದಲು ನನ್ನ ಮನೆಯ ಹತ್ತಿರ ಒಂದು ಬಯಲಾಟ ಆಗಿತ್ತು. ನಾನು ಬಯಲಾಟಕ್ಕೆ ಹೋಗಿ ಇಡೀ ರಾತ್ರಿ ಅಲ್ಲಿ ರಂಗಸ್ಥಳದಲ್ಲಿ ಬರುವಂಥ ಎಲ್ಲ ವೇಷಗಳನ್ನು ನೋಡಿ...

  • ಜೀವನದಲ್ಲಿ ಕೆಲವೊಮ್ಮೆ ರೋಚಕ ಅನುಭವಗಳು ಮುಂದಿನ ಹೆಜ್ಜೆಗೆ ದಾರಿದೀಪವಾಗುತ್ತದೆ ಎಂಬ ಮಾತುಗಳನ್ನು ಕೇಳಿದ್ದೆ. ಆದರೆ, ಅಂತಹ ಅನುಭವ ನಮಗೂ ಒಮ್ಮೊಮ್ಮೆ ಮೈನವಿರೇಳುವಂತೆ...

ಹೊಸ ಸೇರ್ಪಡೆ