CONNECT WITH US  

ಕವಿಯಲ್ಲ ಮಗು ನಾನು
ಪದಗಳ ಜತೆ ಆಡುವೆನು
ನೋಡಿ ನಗುವಳು ಕನ್ನಡತಾಯಿ
ನಿರಂತರವಾಗಿ ಬರೆದು
ಆದಾಗ ಲೇಖನಿ ಬರಿದು
ಮರೆಯದೆ ತುಂಬುವಳು ಶಾಯಿ! 
 *ಎಚ್‌. ಡುಂಡಿರಾಜ್...

ತೆನೆಹೊತ್ತ ಮಹಿಳೆ, ಕರ
ಉಪ ಚುನಾವಣೆ ಸಮರ
ಒಟ್ಟಾಗಿ ಸೆಣಸಿ
ಕಮಲವ ಮಣಿಸಿ
ಸಾರಿದ್ದಾರೆ ಮೈತ್ರಿ ಲಾಭಕರ !
ಎಚ್‌.ಡುಂಡಿರಾಜ್‌

ಸಾಹಿತಿಗಳ ನಡುವೆ ಉಂಟು
ಸೈದ್ಧಾಂತಿಕ ಜಗಳ
ಪ್ರಗತಿಪರ, ಪ್ರತಿಗಾಮಿ
ಎಡ ಮತ್ತು ಬಲ
ವಾಚಕರಿಗೆ ವಾದ ಬೇಡನ
ಓದುವ ಹಂಬಲ
ಒಳ್ಳೆಯ ಕೃತಿ ರಚಿಸಿದರೆ
ನೀಡುವರು ಬೆಂಬಲ!...

ಸಿಡಿಮದ್ದಿಗೆ ಕೋರ್ಟು
ಒಪ್ಪಿಗೆ ನೀಡಿದೆ
ಕೆಲವು ಷರತ್ತುಗಳನ್ನು ಹಾಕಿ,
ಯಾವ ಅಡೆತಡೆ ಇಲ್ಲದೆ
ಸಿಡಿಯುತ್ತಲೆ ಇರುತ್ತದೆ
ಪುಢಾರಿಗಳ ಬಾಯಿ ಪಟಾಕಿ!
ಎಚ್‌. ಡುಂಡಿರಾಜ್‌

ಹೇಳಲಾಗದೆ ಪಾಪ
ನುಂಗಿಕೊಂಡಿದ್ದಾರೆ
ನೋವು, ಅಪಮಾನ, ಕೊರಗು
ಹೈಕಮಾಂಡಿಗೆ ಹೆದರಿ
ಹಿಡಿದುಕೊಂಡಿದ್ದಾರೆ
ತೆನೆಹೊತ್ತ ಮಹಿಳೆಯ ಸೆರಗು!
 ಎಚ್‌. ಡುಂಡಿರಾಜ್‌

ಊರಿಂದ ಫೋನ್‌ ಮಾಡಿ
ಗೆಳೆಯ ಕೇಳಿದ
'ಹಬ್ಬ ಹ್ಯಾಂಗಾಯ್ತು?'
ನಾನೆಂದೆ 'ಶುಭಾಶಯಗಳ
ಸುರಿಮಳೆಯಿಂದ
ಫೋನು ಹ್ಯಾಂಗ್‌ ಆಯ್ತು !'
 ಎಚ್‌. ಡುಂಡಿರಾಜ್‌

ಮೈತ್ರಿ ಪಕ್ಷದ ವರಿಷ್ಠರು
ನಿಟ್ಟುಸಿರು ಬಿಟ್ಟರು
ಮುಂದೂಡಿ ಸಂಪುಟ ವಿಸ್ತರಣೆ,
ಅಂದರಂತೆ ದೇವರೆ
ಬರುತ್ತಿರಲಿ ಆಗಾಗ
ಎಲ್ಲಾದರೊಂದು ಚುನಾವಣೆ!
ಎಚ್‌.ಡುಂಡಿರಾಜ್‌

ಹೆಣ್ಣು ಮಾಯೆ ಎಂದು
ಗೊತ್ತಿದ್ದೂ ಅವಳ ಜತೆ
ಮೈತ್ರಿ ಮಾಡಿಕೊಂಡರೆ ಇದೇ ಗತಿ
ಕಾಂಗ್ರೆಸ್‌ ಪಕ್ಷಕ್ಕೆ
ಕೈ ಕೊಟ್ಟಿದ್ದಾಳೆ
ಬಿಎಸ್‌ಪಿ ಯ ಮಾಯಾವತಿ !
 ಎಚ್‌. ಡುಂಡಿರಾಜ್...

ಸುಪ್ರೀಂ ತೀರ್ಪಿನ
ವಿರುದ್ಧ ನಡೆದಿದೆ
ಭಾರಿ ಗದ್ದಲ ಹರತಾಳ
ಕೋರ್ಟು ಕೊಟ್ಟರೂ
ಭಕ್ತರು ಬಿಡರು
ಅಂದರಂತೆ ಜಯಮಾಲ!
 ಎಚ್‌. ಡುಂಡಿರಾಜ್‌ 

ರಾಜಕೀಯದಲ್ಲಿ ಕೆಲವು
ಶಬ್ದಗಳಿಗೆ ಅರ್ಥವಿಲ್ಲ
ಬಳಸುತ್ತಾರೆ ಬರೀ ಚಂದಕ್ಕೆ
ಶೀಘ್ರದಲ್ಲೆ ಸಂಪುಟ
ವಿಸ್ತರಣೆ ಅನ್ನುತ್ತಾ
ಹಾಕುವರು ಪುನಃ ಮುಂದಕ್ಕೆ!
 ಎಚ್‌. ಡುಂಡಿರಾಜ್‌...

ಹೆಲ್ಮೆಟ್‌, ಜಾಕೆಟ್‌ ಧರಿಸಿದ
ದ್ವಿಚಕ್ರ ವಾಹನ ಚಾಲಕರು
ಕಾಯುತ್ತಿದ್ದಾರೆ ಸಿಗ್ನಲ್ಲಿಗೆ ,
ಚಾರಿತ್ರಿಕ ಸಿನಿಮಾಗಳಲ್ಲಿ
ಶತ್ರುಗಳ ಮೇಲೆ ನುಗ್ಗಲು
ಸಜ್ಜಾದ ಯೋಧರ ಹಾಗೆ !
 ...

ಆಪರೇಷನ್‌ ವಿಫ‌ಲವಾಗಿ 
ಹತಾಶೆಯಿಂದ ಗ್ಲವ್ಸ್‌ 
ಬಿಸಾಕಿದ್ದರು ಬಿಎಸ್‌ ವೈ 
ಆದರೂ ಗುಟ್ಟಾಗಿ 
ಪುನಃ ಕತ್ತರಿಗೆ ಸಾಣೆ 
ಹಿಡಿಯುತ್ತಿದ್ದಾರಂತೆ Why?
 ಎಚ್‌. ಡುಂಡಿರಾಜ್...

ಸರ್ಕಾರಿ ಕಚೇರಿಗಳಲ್ಲಿ
ಗೋಡೆಗಳ ಮೇಲೆ
ನಗುತ್ತಿದ್ದಾರೆ ಗಾಂಧೀಜಿ
ಸತ್ಯ, ಪ್ರಾಮಾಣಿಕತೆಗೆ
ಬೆಲೆಯೇ ಇಲ್ಲ
ಬಡ್ತಿಗೆ ಬೇಕು ಜೀ ಜೀ!
ಎಚ್‌.ಡುಂಡಿರಾಜ್‌

ಪ್ರಿಯೆ ,
ಹೋಗಬಹುದಂತೆ ಇನ್ನು
ಮಹಿಳೆಯರೂ ಸಹಾ
ಅಯ್ಯಪ್ಪ ಸ್ವಾಮಿಯ ಬಳಿಗೆ,
ನಾನೇನು ಮಹಾ
ಬರಬಹುದು ನನ್ನ
ಹೃದಯ ಮಂದಿರದ ಒಳಗೆ !
 ಎಚ್‌. ಡುಂಡಿರಾಜ್‌

ಯಾವುದೇ ಶುಭ ಕಾರ್ಯ
ಮಾಡುವ ಹಾಗಿಲ್ಲ
ಪಿತೃಪಕ್ಷ ಮುಗಿವವರೆಗೆ
ಸಂಪುಟ ವಿಸ್ತರಣೆ
ತಲೆನೋವು ನಿವಾರಣೆಗೆ
ಸಿಕ್ಕಿತು ಹೊಸ ಗುಳಿಗೆ!
ಎಚ್‌. ಡುಂಡಿರಾಜ್‌

ಮೈತ್ರಿ ಪಕ್ಷಗಳ ಶಾಸಕರಿಂದ
ಮಂತ್ರಿಯಾಗಲು ಪ್ರಯತ್ನ
ಪ್ರಭಾವಿ ವ್ಯಕ್ತಿಗಳಿಂದ ಹೇಳಿಸಿ,
ಬಿಎಸ್‌ವೈ ಅವರಿಂದ ಪುನಃ
ಸಿಎಂ ಆಗುವ ಯತ್ನ
ದೋಸ್ತಿ ಸರಕಾರ ಬೀಳಿಸಿ!
ಎಚ್‌....

ಪ್ರತಿಭಾವಂತರಿಗೆ
ಪ್ರಚಾರ ಸಿಗದಿದ್ದರೆ
ಎಲೆಮರೆಯ ಕಾಯಿ,
ಮದುವೆ ಮನೆಯಲ್ಲಿ
ಬಡಿಸುವುದು
ತಡವಾದರೆ
ಎಲೆ ಮುಂದೆ ಕಾಯಿ!
 ಎಚ್‌. ಡುಂಡಿರಾಜ್‌

ವಿಪರೀತ ಮಳೆ ಬಂದು
ಹೊಳೆಗಳು ತುಂಬಿ ಹರಿದು
ಬಿದ್ದವು ಮನೆಗಳು ಕೊಡಗಲ್ಲಿ ,
ಒಳಜಗಳ ಅತೃಪ್ತಿ ಹೆಚ್ಚಾಗಿ
ಸರಕಾರವನ್ನೆ ಬೀಳಿಸುವುದೆ
ಬೆಳಗಾವಿಯ ಜಾರಕಿಹೊಳಿ ?
ಎಚ್‌....

ಕುಸಿದ ಘಾಟಿಗಳು
ಕೆಟ್ಟ ರಸ್ತೆಗಳು
ತುಟ್ಟಿಯಾಗಿದೆ ಇಂಧನ
ಒಂದೇ ಪರಿಹಾರ
ವಿಷ್ಣುವಿನ ಹಾಗೆ
ಆಗೋಣ ಪಕ್ಷಿವಾಹನ!
 ಎಚ್‌. ಡುಂಡಿರಾಜ್‌

ಕರ್ನಾಟಕದ ದೋಸ್ತಿ
ಸರಕಾರದ ಪ್ರಭಾವ
ಕಾಣಿಸುತ್ತಿದೆ ಆಕಾಶದಲ್ಲೂ
ವೈರ ಮರೆತು ಒಟ್ಟಿಗೆ
ಆಡಳಿತ ನಡೆಸುತ್ತಿವೆ
ಮಳೆ ಮತ್ತು ಬಿಸಿಲು!
ಎಚ್‌.ಡುಂಡಿರಾಜ್‌

Back to Top