CONNECT WITH US  

Hanigarike

ಕುಸಿದ ಘಾಟಿಗಳು
ಕೆಟ್ಟ ರಸ್ತೆಗಳು
ತುಟ್ಟಿಯಾಗಿದೆ ಇಂಧನ
ಒಂದೇ ಪರಿಹಾರ
ವಿಷ್ಣುವಿನ ಹಾಗೆ
ಆಗೋಣ ಪಕ್ಷಿವಾಹನ!
 ಎಚ್‌. ಡುಂಡಿರಾಜ್‌

ಕರ್ನಾಟಕದ ದೋಸ್ತಿ
ಸರಕಾರದ ಪ್ರಭಾವ
ಕಾಣಿಸುತ್ತಿದೆ ಆಕಾಶದಲ್ಲೂ
ವೈರ ಮರೆತು ಒಟ್ಟಿಗೆ
ಆಡಳಿತ ನಡೆಸುತ್ತಿವೆ
ಮಳೆ ಮತ್ತು ಬಿಸಿಲು!
ಎಚ್‌.ಡುಂಡಿರಾಜ್‌

ಭಿನ್ನಾಭಿಪ್ರಾಯವಿದ್ದರೂ
ಮೋದಿಯನ್ನು ಸೋಲಿಸಲು
ಒಂದಾಗಿರುವ ನಾಯಕರು
ಬಂದ್‌ ಮಾಡಲು
ಕರೆ ನೀಡುವ
"ಬಂದು' ಮಿತ್ರರು!
 ಎಚ್‌. ಡುಂಡಿರಾಜ್‌ 

ಹಾಸ್ಯಕವಿತೆ ಓದುಗರಿಗೆ
ನೀಡಬೇಕು ಮುದ
ಅದಕ್ಕಾಗಿ ಹುಡುಕಬೇಕು
ಸೂಕ್ತವಾದ ಪದ
ಸಿಗದಿದ್ದರೆ ಕವಿಯ ಸ್ಥಿತಿ
ಹಾಸ್ಯಾಸ್ಪದ!
 ಎಚ್‌. ಡುಂಡಿರಾಜ್‌ 
 

ವಿಐಪಿಗಳ ಜೊತೆ ಯಾವಾಗಲೂ
ಕಾಣಿಸಿಕೊಳ್ಳುವ ಅವನಾರು?
ಯಾರಿಗೂ ಗೊತ್ತಿಲ್ಲ ಕಪ್ಪುಡುಗೆಯ
ಆತನ ಕುಲಗೋತ್ರ, ಹೆಸರು
ಆದರೂ ಮಿಂಚುವನು ಟಿವಿಯಲ್ಲಿ
ಹೂವಿನ ಜೊತೆಗೆ ನಾರು!
...

ಸ್ಥಳೀಯ ನಾಯಕರಿಗೆ
ಬೆಲೆಯೇ ಇಲ್ಲ
ರಾಷ್ಟ್ರೀಯ ಪಕ್ಷದಲ್ಲಿ
ಬೆಳಗಾವಿಯ ಒಳ 
ಜಗಳವೂ ಕೊನೆಗೆ
ತಲುಪುತ್ತದೆ ದೆಹಲಿ!
 ಎಚ್‌. ಡುಂಡಿರಾಜ್‌ 

ಮನೆಯೊಂದು ಖಾಸಗಿ
ಪ್ರಾಥಮಿಕ ಶಾಲೆ
ತಾಯಿಯೇ ಅಲ್ಲಿ ಗುರು
ಮಕ್ಕಳಿಗೆ ಅಕ್ಕರೆಯಿಂದ
ಪಾಠ ಕಲಿಸುತ್ತಾಳೆ
ಗಂಡನನ್ನು ಕಂಡರೆ
ಗುರುಗುರು!
 ಎಚ್‌. ಡುಂಡಿರಾಜ್‌

ಹಾಲು ಮೊಸರು ಬೆಣ್ಣೆ
ತುಪ್ಪ ತಿಂದು ತೇಗಿರಿ
ಕೊಲೆಸ್ಟಿರಾಲ್‌ ಚಿಂತೆ ಬಿಡಿ
ಶಕ್ತಿವಂತರಾಗಿರಿ
ನನ್ನ ಹಾಗೆ ಆಗಿರಿ
ಬೆರಳಿನಲ್ಲಿ ಎತ್ತಬಹುದು
ಅದೋ ನೋಡಿ ಆ ಗಿರಿ 
...

ಸರ್ಕಾರ ಹೇಳುತ್ತಿದೆ
ಜಿಡಿಪಿ ಹೆಚ್ಚಾಗಿದೆ
ಶಹಭಾಸ್‌, ಭಲೆ ಭಲೆ
ಆದರೂ ಯಾಕೋ
ಏರುತ್ತಲೇ ಇದೆ
ಅಗತ್ಯ ವಸ್ತುಗಳ ಬೆಲೆ!
 ಎಚ್‌. ಡುಂಡಿರಾಜ್‌

ಏನಿದ್ದರೂ ಸಮನ್ವಯ
ಸಮಿತಿಯಲ್ಲಿ ಹೇಳಿ
ಉಂಟಲ್ಲ ಈ ಚಾವಡಿ,
ಚಿಕ್ಕ ಮಕ್ಕಳ ಹಾಗೆ
ದೆಹಲಿಗೆ ಓಡಿ
ಹೇಳಬೇಡಿ ಚಾಡಿ!
 ಎಚ್‌. ಡುಂಡಿರಾಜ್‌

ಭವಿಷ್ಯ, ವಾಸ್ತು ಪ್ರಕಾರ 
ಭದ್ರವಾಗಿದೆ ಸರಕಾರ 
ಉಂಟು ಆ ದೇವರ ದಯೆ 
ಕೈ ಪಕ್ಷದವರು 
ಹೇಳಿದಂತೆ ಕುಣಿಯಲು 
ನಾನವರ ಕೈಗೊಂಬೆಯೇ?
 ಎಚ್‌. ಡುಂಡಿರಾಜ್‌

ಗಾಡ್ಗಿಳ್‌ ವರದಿಯಲ್ಲಿ
ಹೇಳಿದ ಕಹಿ ಸತ್ಯ
ಅರ್ಥವಾಯಿತು ಕಡೆಗೂ
ಧನದಾಹಿಗಳ ತಪ್ಪಿಗೆ
ಶಿಕ್ಷೆ ಅನುಭವಿಸಿತು
ಕಲಿಗಳ ನಾಡು ಕೊಡಗು
 ಎಚ್‌. ಡುಂಡಿರಾಜ್‌

ಕಾಂಗ್ರೆಸ್‌ ಶಾಸಕರಿಗೆ
ಯಡಿಯೂರಪ್ಪ
ಒಡ್ಡುತ್ತಿದ್ದಾರಂತೆ ಆಮಿಷ
ಕತ್ತರಿ ಹಿಡಿದುಕೊಂಡು
ಕಾಯುತ್ತಿದ್ದಾರೆ
ಒಪ್ಪಬೇಕು ಅಮಿತ್‌ ಶಾ !

ಎಚ್‌.ಡುಂಡಿರಾಜ್‌

ಟೀಕೆಗೆ ಗುರಿಯಾದರು ರೇವಣ್ಣ
ಪ್ರವಾಹ ಸಂತ್ರಸ್ತರ ಕಡೆಗೆ
ಬಿಸ್ಕೆಟ್‌ ಪೊಟ್ಟಣ ತೂರಿ
ದಕ್ಷಿಣ ದಿಕ್ಕಿನಲ್ಲಿ ನಿಂತವರಿಗೆ
ಏನೂ ಸಿಗಲಿಲ್ಲವಂತೆ
ಅದಕ್ಕೆ ಕಾರಣ ವಾಸ್ತೂ ರಿ !
 ...

ಖ್ಯಾತ ವೇಗದ ಬೌಲರ್‌
ಇಮ್ರಾನ್‌ ಖಾನ್‌ ಈಗ
ಪಾಕಿಸ್ತಾನದ ಪ್ರಧಾನಿ
ಕಾಶ್ಮೀರದ ವಿಷಯದಲ್ಲಿ
ಬೆಂಕಿ ಉಗುಳದಿರಲಿ
ಆಗಲಿ ಕೊಂಚ ನಿಧಾನಿ!
ಎಚ್‌. ಡುಂಡಿರಾಜ್‌

ಜಿಲ್ಲಾ ಕೇಂದ್ರಗಳಲ್ಲೂ
ಸಿಗುತ್ತದೆ ಈಗ
ರಾಜಧಾನಿಯಲ್ಲಿ ಸಿಗುವ
ಸಾಮಾನು ಸರಂಜಾಮು
ಇಲ್ಲದಿರುವುದು ಒಂದೇ
ಟ್ರಾಫಿಕ್‌ ಜಾಮು!

 ಎಚ್‌. ಡುಂಡಿರಾಜ್‌

ಬ್ಯಾಟ್ಸ್‌ ಮೆನ್‌ಗಳಿಗೆ
ಸ್ವಿಂಗ್‌ ಬೌಲಿಂಗ್‌
ಆಡಲು ಬರುವುದಿಲ್ಲ
ಬೌಲರ್‌ಗಳಿಗೆ ಚೆಂಡು ಸ್ವಿಂಗ್‌
ಮಾಡಲು ಬರುವುದಿಲ್ಲ
ಭಾರತದ ಫ್ಯಾನ್‌ಗಳು
ಮೂರನೆ ಟೆಸ್ಟ್‌
...

ದೊಡ್ಡ ಗೌಡರು ಮರೆತಿಲ್ಲ
ತಮ್ಮ ವಿರುದ್ಧವೇ ಸಿದ್ದು
ಬಂಡಾಯದ ಬಾವುಟ ಹಾರಿಸಿದ್ದು
ಆದ್ದರಿಂದಲೇ ಅವರು
ಸಿದ್ದು ವಿರೋಧಿಯನ್ನು
ಜೆಡಿಎಸ್‌ ಅಧ್ಯಕ್ಷರಾಗಿ ಆರಿಸಿದ್ದು !
 ಎಚ್...

 ಹಗಲು ಜಗಳ
ಇರುಳು ಪ್ರೀತಿ
ದಾಂಪತ್ಯದ ಜೀವನ
ಇಲ್ಲಿ ಕುಸ್ತಿ
ಅಲ್ಲಿ ದೋಸ್ತಿ 
ಎಚ್‌. ಡುಂಡಿರಾಜ್‌

ಇನ್ನು ಕೆಲವೇ ದಿನ
ಮುಗಿಯುತ್ತದೆ ಆಷಾಢ
ಶುರುವಾಗುತ್ತದೆ ಶ್ರಾವಣ
ಸಂಪುಟ ವಿಸ್ತರಣೆ
ಮುಂದಕ್ಕೆ ಹಾಕಲು
ಹುಡುಕಬೇಕು ಹೊಸ ಕಾರಣ! 
ಎಚ್‌. ಡುಂಡಿರಾಜ್‌ 

Back to Top