ರಾಯಲ್ ಎನ್ಫೀಲ್ಡ್ 500 ಸಿಸಿ ಬೈಕುಗಳಿಗೆ ಗುಡ್ಬೈ!
ಬಿಎಸ್6ಗೆ ಸುಧಾರಣೆ ಇಲ್ಲ; 650 ಸಿಸಿ ಬೈಕುಗಳ ಮಾರಾಟಕ್ಕೆ ಗಮನ
Team Udayavani, Nov 20, 2019, 5:16 PM IST
ಚೆನ್ನೈ: ಒಂದು ಕಾಲದಲ್ಲಿ ಯುವಕರ ಮನ ಕದ್ದಿದ್ದ ರಾಯಲ್ ಎನ್ಫೀಲ್ಡ್ನ 500 ಸಿಸಿ ಬೈಕುಗಳು ಶೀಘ್ರ ಇತಿಹಾಸದ ಪುಟಗಳಿಗೆ ಸೇರಲಿದೆ.
ಮುಂದಿನ ಮಾರ್ಚ್ ವೇಳೆಗೆ ಬಿಎಸ್6 ಎಂಜಿನ್ ಅನ್ನು ಎಲ್ಲ ಮೋಟಾರು ವಾಹನ ಕಂಪೆನಿಗಳು ಹೊರತರಲೇ ಬೇಕಿದ್ದು, ಹಲವು ಕಂಪೆನಿಗಳಿಗೆ ಸದ್ಯ ಇರುವ ಎಂಜಿನ್ಗಳ ಸುಧಾರಣೆ ಕಷ್ಟಕರವಾಗಿದೆ. ಜತೆಗೆ ಇದು ಅತಿ ವೆಚ್ಚದಾಯಕವೂ ಹೌದು. ಈ ಹಿನ್ನೆಲೆಯಲ್ಲಿ ಕಡಿಮೆ ಸಂಖ್ಯೆಯಲ್ಲಿ ಮಾರಾಟವಾಗುವ 500 ಸಿಸಿ ಬೈಕುಗಳ ಸುಧಾರಣೆಯ ಆಲೋಚನೆಯನ್ನು ಎನ್ಫೀಲ್ಡ್ ಕೈಬಿಟ್ಟಿದೆ.
ಇದರಿಂದ ಮುಂದೆ 500 ಸಿಸಿ ಎನ್ಫೀಲ್ಡ್ ಬೈಕುಗಳು ಮಾರುಕಟ್ಟೆಯಿಂದ ದೂರವಾಗಲಿದೆ. ಇದರ ಉತ್ಪಾದನೆಯನ್ನೂ ಅದು ಶೀಘ್ರ ಸ್ಥಗಿತಗೊಳಿಸಲಿದೆ. ಇದರ ಬದಲಾಗಿ ಅತಿ ಬೇಡಿಕೆ ಇರುವ 350 ಸಿಸಿ ಎಂಜಿನ್ನ ಸುಧಾರಿತ ಆವೃತ್ತಿ ಬರಲಿದೆ. ಸುಧಾರಿತ ಪವರ್ಟ್ರೈನ್ ಇದರಲ್ಲಿರಲಿದೆ ಎಂದು ಎನ್ಫೀಲ್ಡ್ ಹೇಳಿಕೊಂಡಿದೆ. 500 ಸಿಸಿ ಬೈಕುಗಳು ತೆರೆ ಮರೆಗೆ ಸರಿಯಲಿರುವುದರಿಂದ ಮುಂದೆ 350 ಸಿಸಿ ಹೊರತು ಪಡಿಸಿ 650 ಸಿಸಿಯ ಎಂಜಿನ್ಗಳನ್ನೇ ಎನ್ಫೀಲ್ಡ್ ಉತ್ಪಾದಿಸಲಿದೆ. 650 ಸಿಸಿ ಎಂಜಿನ್ಗಳು ಈಗಾಗಲೇ ವಿದೇಶಿ ಮಾರುಕಟ್ಟೆಯಲ್ಲಿ ಹೆಸರು ಮಾಡುತ್ತಿದ್ದು, ಉತ್ತಮ ಸಂಖ್ಯೆಯಲ್ಲಿ ರಫ್ತಾಗುತ್ತಿದೆ. ಭಾರತದಲ್ಲೂ ಉತ್ತಮ ಪ್ರತಿಕ್ರಿಯೆ ಇದೆ.
ಈ ನಿಟ್ಟಿನಲ್ಲಿ 650 ಸಿಸಿ ಎಂಜಿನ್ಗಳ ಮಾರಾಟಕ್ಕೆ ಅದು ಒತ್ತು ನೀಡಲಿದೆ. ಸದ್ಯ 500 ಸಿಸಿ ಥಂಡರ್ಬರ್ಡ್, ಕ್ಲಾಸಿಕ್, ಬುಲ್ಲೆಟ್ ಆವೃತ್ತಿಗಳು 500 ಸಿಸಿಯಲ್ಲಿವೆ. 650 ಸಿಸಿಗೆ ಬೇಡಿಕೆ ಹೆಚ್ಚುತ್ತಿದ್ದರೆ 500 ಸಿಸಿಗೆ ಅಷ್ಟು ಬೇಡಿಕೆ ಇಲ್ಲ. ಜತೆಗೆ ಮುಂದಿನ ದಿನಗಳಲ್ಲಿ ಭಾರತದಲ್ಲಿ ಹೊಸ 650 ಸಿಸಿ ಬೈಕನ್ನು ಬಿಡುಗಡೆ ಮಾಡಲು ಎನ್ಫೀಲ್ಡ್ ಉದ್ದೇಶಿಸಿದೆ. ಈ ಎಲ್ಲ ಕಾರಣದಿಂದ 500 ಸಿಸಿ ಬೈಕುಗಳ ಉತ್ಪಾದನೆ, ಮಾರಾಟ ಸ್ಥಗಿತಗೊಳ್ಳಲಿದೆ ಎಂದು ಮೂಲಗಳು ಹೇಳಿವೆ.
ಟಾಪ್ ನ್ಯೂಸ್
ಈ ವಿಭಾಗದಿಂದ ಇನ್ನಷ್ಟು ಇನ್ನಷ್ಟು ಸುದ್ದಿಗಳು
History TV18ನಲ್ಲಿ ವಿಶ್ವದ ಮೊದಲ ಬ್ರೈಲ್ ಸಾಹಿತ್ಯ ಸಾಧನ “ಬೆಂಗಳೂರಿನ ಆನಿ” ಪ್ರಸಾರ
HP ಯಿಂದ AI ಆಧಾರಿತ ಎರಡು ಹೊಸ ಲ್ಯಾಪ್ ಟಾಪ್ ಬಿಡುಗಡೆ
Digital: ಇನ್ನು ಯುಪಿಐ ಮೂಲಕ ನಗದು ಜಮೆಗೆ ಅವಕಾಶ
Lexus NX350h ಭಾರತದ ಮಾರುಕಟ್ಟೆಗೆ ನೂತನ ಐಶಾರಾಮಿ ಕಾರು ಬಿಡುಗಡೆ, ಬೆಲೆ ಎಷ್ಟು ಗೊತ್ತಾ?
Mahindra XUV 300 ಹೆಸರು ಬದಲು…ಈಗ XUV 3XO; ಏ.29ಕ್ಕೆ ಮಾರುಕಟ್ಟೆಗೆ ಬಿಡುಗಡೆ