ಪೊಕೊ ಸಿ3 : ಒಂದು ಮಿಲಿಯನ್ ಯೂನಿಟ್‌ಗಳ ಮಾರಾಟ

Team Udayavani, Jan 22, 2021, 4:34 PM IST

ಬೆಂಗಳೂರು: ಭಾರತದ 3ನೇ ಅತ್ಯಂತ ದೊಡ್ಡ ಆನ್‌ಲೈನ್ ಸ್ಮಾರ್ಟ್‌ಫೋನ್ ಬ್ರಾಂಡ್ ಆಗಿರುವ ಪೊಕೊ, ಪೊಕೊ ಸಿ3 ಯ 1 ಮಿಲಿಯನ್‌ (10 ಲಕ್ಷ) ಗೂ ಅಧಿಕ  ಯೂನಿಟ್‌ಗಳು ಮಾರಾಟವಾಗಿವೆ.

ಇತ್ತೀಚೆಗೆ ಬಿಡುಗಡೆಯಾದ ಪೊಕೊ ಸಿ3 ರೂ.10000ಕ್ಕಿಂತ ಕಡಿಮೆ ಬೆಲೆಯ ದರಪಟ್ಟಿಯಲ್ಲಿ ತನ್ನದೇ  ಆದ ಸ್ಥಾನ ಪಡೆದಿದೆ. 6.53 ಇಂಚು ಎಚ್.ಡಿ+ಎಲ್‌ಸಿಡಿ ಡಿಸ್ ಪ್ಲೇ,  ಹೀಲಿಯೊ ಜಿ35 ಚಿಪ್‌ಸೆಟ್, 5,000 ಎಂಎಎಚ್ ಬ್ಯಾಟರಿ ಸಾಮರ್ಥ್ಯ ಹೊಂದಿರುವ  ಈ ಮಾಡಲ್‍ ಹಣಕ್ಕೆ ತಕ್ಕ ಮೌಲ್ಯ ಒದಗಿಸುತ್ತದೆ.  ಇದು 13ಎಂಪಿ ತ್ರಿವಳಿ ಕ್ಯಾಮರಾ ಮತ್ತು 5 ಎಂಪಿ ಸೆಲ್ಫಿ ಕ್ಯಾಮರಾವನ್ನು ಹೊಂದಿದೆ.

ಇದನ್ನೂ ಓದಿ:ಸರ್ಚಿಂಗ್ ನಿಷ್ಕ್ರಿಯಗೊಳಿಸ್ತೇವೆ: ಆಸ್ಟ್ರೇಲಿಯಾ ಸರ್ಕಾರ v\s ಗೂಗಲ್ ಜಟಾಪಟಿ!

ಕೈಗೆಟುಕುವ ದರದಲ್ಲಿ ಉತ್ತಮ ಫೋನ್‍ ನೀಡುವ ಮೂಲಕ  ಗ್ರಾಹಕರ ಮೆಚ್ಚುಗೆ ಪಡೆದ ಪೊಕೊ ಸಿ3 ದೇಶದಲ್ಲಿ ಆನ್‌ಲೈನ್‌ನಲ್ಲಿ ಅತ್ಯಂತ ಹೆಚ್ಚು ಮಾರಾಟವಾಗುವ ಟಾಪ್ 3 ಫೋನ್‌ಗಳ ಪಟ್ಟಿಯಲ್ಲಿ ಸೇರಿದೆ.

ಇದರ ನಿಯಮಿತ ಮಾರಾಟ ಬೆಲೆ ರೂ.8,499 (4/64ಜಿಬಿ) ಮತ್ತು ರೂ.7,499 (3/32ಜಿಬಿ). ಪ್ರಸ್ತುತ ವಿಶೇಷ ರಿಯಾಯಿತಿ ಬೆಲೆ ರೂ.7,999 ಮತ್ತು ರೂ.6,999ಗಳಿಗೆ ದೊರೆಯುವುದಲ್ಲದೆ, ಇದರ ಜೊತೆಗೆ ಎಚ್‍ಡಿಎಫ್‍ಸಿ ಕ್ರೆಡಿಟ್‍ ಅಥವಾ ಡೆಬಿಟ್‍ ಕಾರ್ಡಿಗೆ ಶೇ. 10ರಷ್ಟು ರಿಯಾಯಿತಿ ಸಹ ಲಭ್ಯವಿದೆ.

ಈ ಕಾರ್ಡ್ ರಿಯಾಯಿತಿ ಸೇರಿದರೆ ಪೊಕೊ ಸಿ3ಯ 3ಜಿಬಿ/32ಜಿ ಆವೃತ್ತಿಯನ್ನು  ರೂ.6,2999 ಗೆ  ಮತ್ತು 4ಜಿಬಿ/64ಜಿಬಿ ಆವೃತ್ತಿಯನ್ನು ಅನ್ನು ರೂ.7,199ಕ್ಕೆ ಫ್ಲಿಪ್‌ಕಾರ್ಟ್‌ನಲ್ಲಿ ಖರೀದಿಸಬಹುದಾಗಿದೆ. ಈ ಆಫರ್‍ ಜನವರಿ 24ರವರೆಗೆ ಲಭ್ಯವಿದೆ.