ವಾಟ್ಸ್‌ಆ್ಯಪ್‌ ತೊರೆದು ಸಿಗ್ನಲ್‌, ಟೆಲಿಗ್ರಾಮ್‌ !

Team Udayavani, Jan 10, 2021, 6:20 AM IST

ಹೊಸದಿಲ್ಲಿ: ನಮ್ಮ “ಖಾಸಗಿ’ ನಿಯಮಗಳನ್ನು ಒಪ್ಪಿಕೊಳ್ಳಿ, ಇಲ್ಲದಿದ್ದರೆ ಬಿಟ್ಟು ಹೋಗಿ…ಇದು ಫೇಸ್‌ಬುಕ್‌ ಅಧೀನದಲ್ಲಿ ರುವ ಪ್ರಸಿದ್ಧ ಮೆಸೆಂಜರ್‌ ವೇದಿಕೆ ವಾಟ್ಸ್‌ಆ್ಯಪ್‌ ಬಳಕೆದಾರರಿಗೆ ನೀಡಿರುವ ಸೂಚನೆ. ಖಾಸಗಿತನದ ನಿಯಮಗಳಿಗೆ ಸಂಬಂಧಿಸಿ ಅದು ಹೊಸ ಷರತ್ತುಗಳನ್ನು ವಿಧಿಸಿದ್ದು, ಒಪ್ಪಿಕೊಳ್ಳದಿದ್ದರೆ ತ್ಯಜಿಸಬಹುದು ಎಂದು ಪರೋಕ್ಷ ಸೂಚನೆ ನೀಡಿದೆ.

ಇದಕ್ಕೆ ತಿರುಗಿಬಿದ್ದಿರುವ ಗ್ರಾಹಕರು ಟೆಲಿಗ್ರಾಂ ಮತ್ತು ಸಿಗ್ನಲ್‌ ಸಂದೇಶವಾಹಕಗಳತ್ತ ತಿರುಗುತ್ತಿದ್ದಾರೆ. ವಾಟ್ಸ್‌ಆ್ಯಪ್‌ ಹೊಸ ಷರತ್ತು ಎಂದರೆ, ಬಳಕೆದಾರರ ಎಲ್ಲ ಮಾಹಿತಿಗಳನ್ನು ಫೇಸ್‌ಬುಕ್‌ ಪೇಮೆಂಟ್ಸ್‌ ಇಂಕ್‌, ಫೇಸ್‌ಬುಕ್‌ ಪೇಮೆಂಟ್ಸ್‌ ಇಂಟರ್‌ನ್ಯಾಷನಲ್‌ ಲಿ., ಒನಾವೋ, ಫೇಸ್‌ಬುಕ್‌ ಟೆಕ್ನಾಲಜೀಸ್‌, ಎಲ್‌ಎಲ್‌ಸಿ ಆ್ಯಂಡ್‌ ಫೇಸ್‌ಬುಕ್‌ ಟೆಕ್ನಾಲಜೀಸ್‌ ಐರ್ಲೆಂಡ್‌ ಲಿ., ವಾಟ್ಸ್‌ಆ್ಯಪ್‌ ಇಂಕ್‌, ವಾಟ್ಸ್‌ ಆ್ಯಪ್‌ ಐರ್ಲೆಂಡ್‌ ಲಿ. ಮತ್ತು ಕ್ರೌಡ್‌ಟ್ಯಾಂಗಲ್‌ನೊಂದಿಗೆ ಹಂಚಿಕೊಳ್ಳುವುದು.

ವಾಟ್ಸ್‌ ಆ್ಯಪ್‌ನ ಹೊಸ ನೀತಿ 2021ರ ಫೆ. 8ರಿಂದ ಜಾರಿಗೆ ಬರಲಿದೆ. ಅಲ್ಲಿಯ ವರೆಗೆ ಗ್ರಾಹಕರಿಗೆ ಅಪ್‌ಡೇಟ್‌ ನೀಡುವ ಮೂಲಕ ತನ್ನ ಹೊಸ ಷರತ್ತುಗಳಿಗೆ ಒಪ್ಪಿಗೆ ಪಡೆಯುವ ಕೆಲಸವನ್ನು ಕಂಪೆನಿ  ಮಾಡಲಿದೆ.