ಸಣ್ಣ-ಪುಟ್ಟ ವಾಹನಗಳ ಸಂಚಾರ ಕಷ್ಟ
Team Udayavani, Jan 24, 2021, 4:06 PM IST
ಜೋಯಿಡಾ: ತಾಲೂಕಿನ ಜಗಲಬೇಟ -ಶಿಂಗರಗಾಂವ ರಸ್ತೆಯಲ್ಲಿ ಭಾರಿ ತೂಕವುಳ್ಳ ಸರಕನ್ನು ಹೊತ್ತ ವಾಹನಗಳು ನಿರಾತಂಕವಾಗಿ ಸಂಚರಿಸುತ್ತಿರುವುದರಿಂದ ಈ ರಸ್ತೆಯ ಮೇಲೆ ದೈನಂದಿನ ಓಡಾಡುವ ಸ್ಥಳೀಯ ಸಣ್ಣ-ಪುಟ್ಟವಾಹನಗಳ ಸಂಚಾರಕ್ಕೆ ಕಷ್ಟ ಹಾಗೂ ಭಯದ ವಾತಾವರಣ ಉಂಟಾಗಿದೆ.
ಜಗಲಬೇಟ ಶಿಂಗರಗಾಂವ ರಸ್ತೆ ಗ್ರಾಮೀಣ ಸಂಚಾರದ ರಸ್ತೆಯಾಗಿದ್ದು, ಸ್ಥಳೀಯ ವಾಹನ ಸಂಚಾರಕ್ಕೆ ಯೋಗ್ಯವಾಗಿದೆ. ಅಲ್ಲದೆ ಇದು ಭಾರೀ ವಾಹನ ಸಂಚಾರಕ್ಕೆ ನಿಷೇಧಿತ ರಸ್ತೆಯಾಗಿದ್ದು ಈ ಬಗ್ಗೆ ಲೋಕೋಪಯೋಗಿ ಇಲಾಖೆ ಫಲಕ ಅಳವಡಿಸಿ, ಜಗಲಬೇಟ ಬಳಿ ರಸ್ತೆ ಆರಂಭದಲ್ಲಿ ಹಾಗೂ ಶಿಂಗರಗಾಂವ ರಸ್ತೆ ಕೊನೆಯಲ್ಲಿ ಭಾರೀ ವಾಹನಗಳು ನುಸುಳದಂತೆ ಕಮಾನುಗಳನ್ನು ಅಳವಡಿಸಿ ನಿಷೇಧದ ಫಲಕ ಕೂಡಾ ಹಾಕಿತ್ತು. ಆದರೆ ಈ ಎರಡೂ ಕಡೆಯಿರುವ ಕಮಾನುಗಳನ್ನು ಚಾಲಕರೇ ಮುರಿದು ಹಾಕಿದ್ದಾರೆ.
ಇದನ್ನೂ ಓದಿ:ಸಿಆರ್ಸಿ ಕಟ್ಟಡಕ್ಕೆ ಹೊಸ ರೂಪ
ಜಗಲಬೇಟದಿಂದ ದಾಂಡೇಲಿ ತಾಲೂಕನ್ನು ಸಂಪರ್ಕಿಸುವ ರಸ್ತೆಯಾಗಿದ್ದರಿಂದ ದಾಂಡೇಲಿಗೆ ಹಾಗೂ ಬೆಳಗಾವಿಗೆ ಸರಕನ್ನು ಸಾಗಿಸುವ ಭಾರೀ ವಾಹನಗಳು ನುಸುಳುತ್ತಿದ್ದರಿಂದ ಈ ರಸ್ತೆ ಸಂಪೂರ್ಣ ಹಾಳಾಗಿದೆ. ಎಚ್ಚೆತ್ತುಕೊಳ್ಳದ ಇಲಾಖೆಯಿಂದಾಗಿ ಭಾರಿ ವಾಹನ ಮಾಲಿಕರು ರಾತ್ರಿ ಹಗಲೆನ್ನದೆ ಸಾಗುತ್ತಿದ್ದಾರೆ. ಇದಕ್ಕೆ ಕಡಿವಾಣ ಹಾಕಬೇನ್ನುವುದು ಸ್ಥಳಿಯರ ಆಗ್ರಹವಾಗಿದೆ.